بعد انتهاء الحفله
انصرف الجميع
ليبقى فقط المقربون
الذين كانو فقط عاصم و عائلته
و ليث وزوجته و ابنته
و ليله و اولادها
لتهتف ليله بتسأل
ليله : اومال ولاد خالك مجوش ليه يا ليث
ليث : كل واحد و عنده مشغولياته بس احمد كلمنى وقالى أنه هيجى كمان يومين يسلم عليكى أما طه فمعرفش بقى اخر مره عرفت أنه سافر برا
ليله : ماشى يا حبيبي
لتلتفت للبحث عن أطفالها فمهما كبرو سيظلون اطفالها الصغار
لتجد تميم يضحك مع خطيبته و أخته
بينما اندمج تاج مع كارمن و يامن كالعادة
لتجد دموعها تهبط كم كبر صغارها
لتجد أخاها عاصم يربت على رأسها بحنان وهو يهتف
عاصم : ليه الدموع دى دلوقتى يا قلبي
ليله : الولاد كبرو يا عاصم
تميم و تاج بقيو رجاله يعتمد عليهم و تقوى بقت عروسه خلاص
ليربت على كتفها بحب و يهتف
عاصم: الصغير مسيره يكبر يا ليله مفيش حاجه بتفضل على حالها
يعنى انا مكنتش أتوقع أن ربنا يرزقني بأطفال بس الحمد لله ربنا عوض صبرى انا و نور خير و كانت المكافأة هى ولادى الاتنين كارمن و يامن
و اهم كبرو كارمن خلاص هتدخل أولى كليه
ليله : اه صحيح يا كارمن انتى دخلتى كلية ايه
كارمن بعد أن انتبهت للحديث
كارمن : كلية إدارة الأعمال يا عمتو زى تقوى
لتضحك لها تقوى و تهتف
تقوى : خلاص مش هروح الكليه لوحدى اخيرا ... الله يخليكى يا كارمن
لتبتسم لها كارمن
ليله : اشمعنى اخترتى اداره الاعمال مع انك كنتى حابه تدخلى كلية تجاره
كارمن : اصل بصراحه لما شوفت انهى مستقبلها احسن لقيت أن إدارة الأعمال افضل ليا
و بعدين عندى كذا شخص خلص كليه يعنى لو وقف معايا حاجه هيفهموها ليا زى تاج و تميم و اونكل مازن و عمو ليث و كمان تقوى
ليله : ربنا معاكى والله انا مش فاهمه سر تمسكم بإدارة الأعمال انا عن نفسي لا أفقه اى شئ فيها رغم أن ولادى التلاته و اخويا التوام فيها إلا انى لازلت مش فاهماها
ليضحك ليث
ليث : اكيد طبعا واحده علمى رياضة هتفهم حاجه من الادبى
ليله بتذمر : على فكره المهندسين اذكى ناس يا بتاع إدارة الأعمال
ليضحك يامن وهو يهتف
يامن : مش كده بردو يا عمتو كلو اتريق عليا لما دخلتها
ليله : تعالى يا ابن اخويا يا غلبان زى عمتك احنا زى بعض
ليبتسم عاصم لهم بينما هتفت نور
نور : انا محاميه بعيدا عن اى حاجه من دى و جوزى ظابط كابلز هايل
ليث : لا يختى انا و مراتى احلى كابلز احنا الاتنين نفس الكليه
ليضحك الجميع
بينما هتف تميم وهو ينظر لخطيبته
تميم : نحن نختلف عن الاخرون انا إدارة الأعمال و حبيبى طب مالهمش اى علاقه ببعض بس قريبا هيبقى ليهم مش كده يا ليلى
أنت تقرأ
نوفيلا اصبح ماضى
Romanceالمرأه كالجيتار لا تعطى ألحانها الا لمن يتقن العزف على اوتار قلبها وانت أتقنت العزف عليه ولكنك أثناء عزفك قطعت أوتارى فلم يعزف غيرك و لم انسى عزفك ولم انسى قطعك أوتارى
