~ اليوم المشؤوم
~ الانستغرام : 00_rinin
~ بقلمي أنا : بنين الخزرجي . ♥️
____________________
ليش نحزن ليش نهتم
آخر محطات العمر
نومة گبر
و يهاجر إبنادم مراجيح العَذاب.
_________________
گاعدة استمع ل قصيدة باسم الكربلائي ( يالتراب ) الي من ماتوا اهلي لليوم صارت جزء من يومي دموعي حرگت عيوني مهلگد بچيت تنزل ب قهر واشتياق ل اهلي ولبيتنة الي وعيت للدنيا اني بي ل لمتنة كل يومية بالليل ل اكل امي الطيب الي لو شگد اكلت مرح احس اكو اطيب من عندة اشتاقيت حتة ل عركاتنة اني واخواني ع اتفه الاسباب رجعت بذاكرتي واني اتذكر اليوم المشؤوم ...
بيوم من الأيام چنة اني وامي گاعدات نلف دولمة
كملناهة سمعت صوت الآذان گلت بهمس الله أكبر يا صاحب الأكبر دائما اسمع امي تگولهة ف تعودت غسلت وتوضيت ورحت ل غرفة مريم فتحت الباب
ريهان : مريم اذن ذبي تليفونچ وگومي توضي وصلي
مريم : اي هسة گمت
ريهان : عفتهة ورحت ل غرفتي طبيت وسديت الباب غيرت ملابسي لأن ماحب اشتغل وبنفس الملابس اجي اصلي احس نفسي وصخة رحت ذبيتهن بالغسالة ورجعت للغرفة عندي سماعة صغيرة شغلت سورة البقرة ب صوت ميثم التمار كلش احب صوتة وبية طبيعة ما اعرف اصلي الا اشغل قصيدة او قرآن احس يصير عندي خشوع اكثر رحت لبست ازار الصلاة وتعطرت مادري هم بية هاي السولة احب اتعطر من اصلي وفرشت سجادتي وجبت القرآن خليتة عليهة .. كملت صلاة وگمت طفيت السماعة وگعدت سبحت واخذت القرآن بستة تعوذت من الشيطان وسميت بديت اقرة .. قريت تقريبا عشر صفحات وتصدقت رفعت ايدية للدعاء
( الهي الستر والعافية رزق الحلال وحسن الخاتمة يا الله ) مثل م عودتنة امي نطلب بالسرة الستر اهم من العافية والعافية اهم من الرزق وآخر شي والي كلنة نتمنى حسن الخاتمة ..
گمت رجعت القران ل مكانة وسفطت السجادة وخليتهة بمكانهة وخليت عليهة التربة بعد ما بستة وذبيت الازار رتبت شعري لان تخربط وطلعت رحت ع امي لگيتهة بالمطبخ دتحضر للغدة
ريهان : هلا ب ام اميررر هلا بالنادرة
ازهار : جتي الدوخة
ريهان : انعم الله عليچ مرح اجاوبچ اخلاقي متسمحلي
ازهار : هسة يلة دريت عندچ اخلاق
ريهان : تربيتچ بعد واني ارفع ب اكتافي
ازهار : اي والله معرفت اربيچ
أنت تقرأ
اليوم المشؤوم
Random( اليوم المشؤوم ) انا ريهان علي .. الفتاة التي فقدت والديها واخيها وكما يقال ان طمأنينة الفرد عائلتهُ هي فقدت تلك الطمأنينة اجبرتها الحياة أن تترك المرحلة العمرية التي هي بها وبرائتها وحلم طفولتها ل تستطيع مواجهة هذا العالم المقرف المليئ بالسذج والو...
