اليوم المشؤوم

البارت (5)

~ اليوم المشؤوم
~ الانستغرام : 00_rinin
~ بقلمي أنا : بنين الخزرجي . ♥️
__________________________.

- كل ما أفعله هو أنَّني أقاوم، أقاوم الوقوع، أقاوم نظرة عابرة استقرت في داخلي، أقاوم رغبتي في القول، أقاوم حتى لا أبدو بعد ذلك وكأنِّي خسرت .

___________________

يذاك انت
يطير الحب..
يماا احبك واحب تحط
على سطوحي..!

يـ بس انت وتظل وحدك
عزيز منين ميعجبك تطب روحي ..!!

• عبد الكريم القصاب
___________________

الدكتور : المريضة مضروبة جلطة هية تعدت مرحلة الخطر بس للاسف دخلت بغيبوية ..

مصطفى : زين شگد و تصحى ؟

الدكتور : ماكو مدة محددة بقت يم الله .. عن اذنكم .

ريهان : بعد شگد اتحمل صدمات يا ربي ما عندي حيل انطي اي ردة فعل عافنة الدكتور و راح بقيت حايرة شنو بعد محظرتلي الدنيا طبينة ع امي بس اني و مريم مصطفى بقى برة و منسمع بس صوت الاجهزة شفتهة بيضة و مبينة شگد تعبانة تقربت ع خدهة و بستهة من عمري على عمرچ بعد حيلي .. گعدي يمة تعبت و اني بالبداية چنت منتظرتچ تجين حتى نرجع ل بيتنة بس هم عفتينة ادري دتسمعيني يمة بروح امير مو تحبي اصحي ب اسرع وقت وگومي ويانة نرجع ل بيتنة سوة ماريدهم ماريد نرجع يمهم اخاف اني بدونكم و ماعرف شلون اتصرف گومي حبيبتي ماما 💔 ..

بقينة نحچي اني و مريم اشكال ع امل انو تصحى بس للأسف امي هم قررت انو تتركنة

مريم : امي صح داخلة ب غيبوبة بس شعور انو بعدهة عايشة يطمني .. هم عفناهة ودنروح للبيت مقبل مصطفى نبقة بس وعدنة انو كل يومية يجيبنة يمهة

ريهان : بالسيارة گتلة ل مصطفى .. ودينة ل بيتنة

مصطفى : شكو رايحة مو جبنة ملابسچن اني و امي

ريهان : گتلك اريد اروح عدنة شغلات غير الملابس محتاجاتهن

مريم : ما اعرف ريهان عن اي شغلات دتحچي لأن كلشي ممحتاجين ردت اسئلهة بس سكتت ..

ريهان : وصلنة ل بيتنة نزلت جتي مريم وگفت بصفي و مصطفى بعدة بالسيارة مدري شديسوي . حچت بهمس ..

مريم : ريهان يا شغلات لدتحچين عنهن

ريهان : دمشي هسة خلي نطب  جا مصطفى سكتي .. طبينة وگفت بالطرمة اباوع عالبيت سحبت نفس قوي و زفرتة تجمعت الدموع بعيني جا مصطفى فتح الباب مال المطبخ وبقة بالطرمة مطب يمكن يريد يخلينة ع راحتنة .. طبيت بقيت اباوع واتذكر آخر مرة شلون چنة نتعارك علمود جدر الدولمة و امي ترزل بينة .. تعاي يمة حتة لو تكتليني مو ترزليني والله 💔 .. صعدنة اني و مريم طبينة لغرفتي عندي جنطة سودة مال مدرسة كبيرة اخذتهة فرغت الكتب منهة و خليتهن بالكنتور و اخذت تليفوني و طلعنة رحنة ل غرفة امي و ابوية ..