~ اليوم المشؤوم
~ الانستغرام : 00_rinin
~ بقلمي أنا : بنين الخزرجي . ♥️
_________________________.
مَثل حيطان السَجن گلبي
انَترس هَم وذڪريات
وَين ما وَسد عَيوني اذڪَر الفات
وين ابات ؟!
لا ضَوة بَشباچ حَلمي ولا لگيت اليغفى عَني
_________________________.
طلعت اركض ومريم وراية نزلنة وشفت تابوتين مخليهن بنص غرفة الخطار وعماتي ملتمات عليهن عمتي الصغيرة گومي وشگي دشداشتچ وچانوا اكو زلم موجودين ركض عليهة ابن عمي ( اوس ) خزرهة وسد دشداشتهة وصاح ع عمتي تطببهة للغرفة مريم راحت تركض عليهم واني گوة امشي الخطوة خليت راسي على تابوت ابوية منزلت دموعي بقيت احچي ويا بصوت ناصي اعاتب بي بعدين گمت اعيط واضرب ع وجهي تهسترت جتي علية مريم ومرية حضنتني مريم واثنينة نبچي عاد شالوهم هاي الحچي مخلوا التوابيت تطول يمنة نص ساعة احنة شفنة دياخذوهم تخبلنة طلعنة نركض وراهم توسلنة بيهم نروح للدفنة مقبلوا عماتي يگولن موزين عليچن بعدچن شابات ميصلح صار الدنيا مغرب طبينة يلة طبينة جوة ..
مريم : عمة فدوة اتصلي ع مصطفى ييجي ياخذنة
جوري : شبيدي عليچن يعمة مدتشوفيهم ميقبلون ..
بقت النسوان والجوارين كلهة جوة يحضرن واحنة صعدنة فوگ بالليل من الدفنة وكلهم ناموا ومريم نامت ودمعتهة بخدهة اني مگدرت انام طلعت ع كيف نزلت گرايبنة كلهة فارشات ونايمات يشوخرن حافظين هاي الشكولات الي بالفواتح ناس علمود الاكل وناس علمود تلتقي بگرايبهة وتبقة تحش بالعالم والي يضحك فتت من يمهن طلعت من باب المطبخ رحت للحديقة بمكان مابي ضوة گعدت و خنگة بصدري گوة اجر النفس وين چنة البارحة او ليش البارحة الصبح وين چنة وهسة وين ساعات بس ونگلبت حياتنة 180 درجة .. بابا حبيبي امير دفنوكم يا ضوى عيوني دفنوكم بقيتوا وحدكم گمت ابچي شفت مريم جتي تركض مرعوبة شافتني رأسا حضنتني وترجف ..
مريم : گعدت لگيتچ ماكو گلبي راد يوگف شلون تعوفيني وحدي
ريهان : معايفتچ بس مخنوگة مدا اگدر انام طلعت اشتم شوية هوى
مريم : بعد من تطلعين گليلي حتة لو نايمة عادي گعديني
ريهان : تمام
مريم : ريهان اريد امي 💔
ريهان : اني هم اريدهة بس شنسوي قابل مسمعتي مصطفى گال شكم يوم ويجيبهة
مريم : شلون رح نگللهة ل امي وهية بس سمعت تصوبوا اغمى عليهة وانتي تدرين هية خاصة امير روحهة من الدنيا
ريهان : مادري مريم مادري گلبي ديوجعني والله رح اموت مختنگة
مريم : اي انتي هم موتي وعوفيني حتة گبل اكتل نفسي شعندي بعد باقية
أنت تقرأ
اليوم المشؤوم
Разное( اليوم المشؤوم ) انا ريهان علي .. الفتاة التي فقدت والديها واخيها وكما يقال ان طمأنينة الفرد عائلتهُ هي فقدت تلك الطمأنينة اجبرتها الحياة أن تترك المرحلة العمرية التي هي بها وبرائتها وحلم طفولتها ل تستطيع مواجهة هذا العالم المقرف المليئ بالسذج والو...
