اليوم المشؤوم

البارت (8)

~ اليوم المشؤوم
~ الانستغرام : 00_rinin
~ بقلمي أنا : بنين الخزرجي . ♥️
__________________________

صوتوا للبارت  يلة يلة بسرعة دوسوا ع ⭐🙂
__________________________

"‏مهما كان الشعور مُر، لا تُظهر ضعفك لأحد."

- مارك توين ।📔

_________________

انه المچتوف ماينفك ..

انه الينشاف چنه بخير ..

انا الچذاب من يضحك ..

انه الينشد
انه اليفگد
انه المتركد تركد .

_______________________

ريهان : طلعنة بالطرمة اخذت نفس وزفرتة باوعت علية .. اريد نروح ل بيتنة

مصطفى : يعني ذاك اليوم صدگ چان المفتاح عندچ مو

ريهان : اي لعد ان شاء الله تريدني انطي ل ابوك حتة يبيع البيت و ياخذ فلوسة

مصطفى : احترمي نفسچ ريهان ترة لدتحچين علية يصير ابوية

ريهان : گلبت عيوني بملل باوعتلة .. هسة تروح وياية لو اروح وحدي ترة

مصطفى : غير افتهم شكو شعندچ رايحة

ريهان : باوع مصطفى ابوك سوة مفتاح جديد قبل الاربعين و تتذكر من عالعشة جا ضربني

مصطفى : اي اتذكر

ريهان : اي ضربني لأن چان رايح ل بيتنة يدور عالسند ومن ملگا عرف عندي ف جا ضربني

مصطفى : يعني هسة السند يمچ

ريهان : هسة معليك بالسند اريد اطلب منك شي

مصطفى : دگولي عاد

ريهان : اني ادري بيك تحبني ورايدني ف اذا صدگ تحبني و تريدني اوافق عليك تجي وياية لبيتنة ----- اوكي

مصطفى : انتي خبلة ريهان شبيچ يا دم يا صخام

ريهان : مصطفى ماكو غير هذة الحل و اني هذة بيت ابوية لو تنطبگ السماء ما اخلي ينباع

مصطفى : لا ما اقبل اني تروح تصير مشكلة

ريهان : گوة ساكتة صارلي ساعة واكفة ويا على اعصابي لان مصلحتي يمة .. والله هو اني صوچي اجي اطلب منك شي صارلي ساعة احچي وياك شنو اتوسل بيك يعني روح خلص ماريد مساعدتك .. نداريت دارجع اطب چان يلحگني لزم ايدي ابتسمت بنصر درت وجهي علية و حچيت .. ها شكو .. احچي و مسوية نفسي عصبية بس اني صدگ ضايجة لان ماحب اطلب مساعدة من احد و انوب منين من مصطفى گوة صابرة