~ اليوم المشؤوم
~ الانستغرام : 00_rinin
~ بقلمي أنا : بنين الخزرجي . ♥️
__________________________.
شوازاني وبقيت انطر
وانه ادري بطيفكم سكران
ما يندل درب جفني
__________
- في النهاية لم يكن أحد يستحق شعورَك المستهلك ، أو وقتك الضائع ، أو عينيك الحزينة ، حتى إبتسامتك كانت كثيرةً عليهُم ولم تدرك ذلك في حينه .
_________________________.
مريم : وصلنة طبينة للمركز اني مچلبة بيد ريهان و نمشي ورة خالي شي غريب علية متوترة اول مرة ادخل مركزة شرطة
ريهان : قدم خالي الشكوى بعد م نطينة الجناسي و سمعناهم تسجيلات الصوت و شاف حالتنة شلونهة و وجهي الي بعدة احمر من الراشديات طلعنة من المركز و مريم اول مصعدت بالسيارة تمددت الي ورة و غفت بينة و بين بيت جدي تقريبا نص ساعة چنت دايرة وجهي و صافنة ع شوارع
محمد : ريهان
ريهان : ها خالو
محمد : اخذچن وياية ل بغداد ما ابقيچن هنا
ريهان : بقيت ساكتة أفكر و بعد محد حچة لحد موصلنة نزلت فتحت الباب الي ورا .. مريم گومي وصلنة مررريمم .. گرصتهة من رجليهة چان تگمز
مريم : اوووي عمة بعينچ شبيچ عبالك عگرب بس تگرصين
محمد : يلة خالوا امشن طبن اني اجيب الجنط
مريم : نزلت و اني افرك برجلي گرصتهة تأذي الحقيرة .. اني اعلمچ اصبريلي
ريهان : ديلة ماشي .. دگينة الجرس مرتين تلاثة يلة فتحوهة طلعت مرت خالي كاظم گالبة وجهة
محمد : السلام عليكم
فاطمة : و عليكم السلام
ريهان : ردت مبتسمة هية وسنونهة الصفر غلست منهة طبيت فتحت باب المطبخ گبل رحت ع غرفة بيبي كالعادة لابسة نظارتهة و گاعدة تقرة قرآن شوف المن تهدي شافتني رأسا تصدقت و گامت حضنتني و تبوس بوجهي طبت مريم وراية
هيلة ( بيبي ) : يمة حبيباتي بعد گلبي يا بيبي سودة بوجهي
محمد : گولي يا الله يمة خلي البنات يبدلن و ينامن يرتاحن عود باچر الله كريم
هيلة : سودة علية بدلن بيبي جوعانات اسويلچن اكل
مريم : اي والله بيبي ميتةة جوع اني
ريهان : صخم الله وجهچ فضحتنة .. ااحم لا بيبي شبعانة اني
هيلة : ماكو شبعانة شوفي نفسچ صايرة عودة من الضعف
أنت تقرأ
اليوم المشؤوم
Diversos( اليوم المشؤوم ) انا ريهان علي .. الفتاة التي فقدت والديها واخيها وكما يقال ان طمأنينة الفرد عائلتهُ هي فقدت تلك الطمأنينة اجبرتها الحياة أن تترك المرحلة العمرية التي هي بها وبرائتها وحلم طفولتها ل تستطيع مواجهة هذا العالم المقرف المليئ بالسذج والو...
