لم أفعل شي سوى مواساة الجميع وانا بداخلي فجوة تحتاج مئة عام من المواساة)؛
"جلمود"
اني اعرف شغل بابا حساس وجان خوفة وحرصة عليه مستمر ومينتهي خصوصا لان هوة بالأستخبارات ويقود فريق مال قوات الخاصة كلش جبير؛
بس دائما جان يكلي انو كلشي بشغله سري ولازم محد يدري بتفاصيله لهواي اسباب ومن ضمنهن علمود سلامتهم حتى اسمة الحقيقي لازم محد يعرفه ولا اي شي يخصه....
لعد شلون عرفوني اذا اكو احد ديخطط يخطفني؟ وبابا شلون عرف ؟
مجنت خايفة على نفسي اذا انخطف او انكتل اصلا الموت بذات نفسة ميخوفني لان اعرف شكد منريد نعيش بالاخير حنموت حالنا حال الطفل الصغير..
شكد ميريد يبقى صغير بالاخير يكبر!
الفكرة الي جانت مخوفتني مجنت اريد احد يهدد بابا بيه لان ادري بابا شكد ماهوه قوي وشجاع وميهاب احد بس من يوصل الموضوع يمي يضعف؛
مااريد اشوف الرجال الي عمري مشفتة يوم واحد ضعيف ومكسور ينكسر علمودي
لحد هاي اللحظة واني معجبة بشخصية ابوية وبكلشي بي كلمتة وحب الأبوة الي بي لحد هاي هاذ عمري وهوة يحاول يصيرلي أب وأم بس هوة حتى صديق صار الي
إلى درجة مااخجل احجيلة كلشي ماعدا الكوابيس الي اشوفها من وعيت ع هالدنيا...!
تركت افكاري والاسئلة الي بعقلي ودخلت للصالة؛
شفتة نهه الاتصال ردت اروح أسئلة بس مااعرف ليش مكدرت اخلي يدري اني سمعت كلامة
رفع راسة علية وسألني:
_ها بابا ليش بعدج كاعدة؟!
أشرت على جهازي الي صاير على ميز الكتب وكتلة:
_ اي دأنام بس نسيت جهازي اريد اضبط الوقت حتة اكعد
_خوش حبيبتي روحي ارتاحي واذا اني كاعد اكعدج
_انشالله
صعدت فوك واني اسأل نفسي ليش مسألتة على الي سمعتة؟
يمكن السبب لان ادري بي ميريد يخوفني وخفت أسألة ويضطر يجذب علية..
هاي العادة الي بيه، اذا حسيت احد يريد يضم علية شي مااسأله حتى لا يجذب؛
افضل ينضم علية ولا يجذب...!
رحت لفراشي حاولت اهدئ نفسي وانسى السمعتة وضليت أقنع نفسي يمكن مجرد تهديد اكيد بابا ميسمح لأحد يطبق تهديده عليه..
بقيت فترة واني صافنة وساعة اكلب بلفون النوم مدايجيني!
لحد مصارت الساعة بأاربعة ونص كمت اتوضيت وصليت شوية ارتاحيت بقيت كاعدة لحد مدك التلفون بلستة واني مفتحة عيوني جنت واكفة اباوع للسمة من الشباك
اشوف شروق الشمس المريح للنظر وبرودة الصبح وصوت العصافير وهدوء المكان
شوي دك الباب وأجاني صوت بابا وهوة يكول:
_بنيتي كاعدة
صحتلة_اي بابا اتفضل
باوعلي وهوة متفاجئ وكال:
_ليش عبالك من عيونج ليسهة منايمة؟
أنت تقرأ
جَلمُود الجَبل
Romanceصوت الطلق بدة يقترب اكثر مكدرت ابقى واكفة ضليت اركض بدون مااعرف وين مثل المتاهى حسيت نفسي ضايعة شلون حخلص نفسي من هلكابوس؟!! اركض بدون حس لحد موصلت لجبل عالي وكفت واني اباوع علية واتذكرت الكوابيس الي اشوفها نفسة الي اشوفة بكوابيسي هم عالي هيج ويخ...
