جَلمُود الجَبل

part 4

- چا هَيچ الگلوب الحِلوة تتغير .

واحنه وسّط چفوَفنة موٰرد صُبر .

"أماني"

عيوني مشافت النوم للصبح اجتي امي تصيحني حتى اروح للمدرسة كتلها مراح أداوم وكوة خليتها تقتنع حتى مااداوم..

طول اليل واني التفكير موتني وكل مااتذكر الإنسان الاحبة واحلم يبادلني نفس الشعور يحب غيري ينمرد كلبي اكثر!!

ومو اي انسانة يحب
يحب أقرب شخص الية ويا بنية ماكو كلمة توصف حبي الها ولا اي شي

جلمود ياريتها بس صديقتي ياريت!!
علمود ميصير الكسر كسرين واني كلما اتذكر شلون جانت ترزلني حتى ماافكر بي وانسى حبة وهية تبقى  تكلي
ميفيدج وميحبج وعوفي وهاذ حبج من طرف واحد مستحيل ينجح

فكرت ان كل كلامها هاذ لان هية تحبة بس ضامة علية؛ للحظة فكرت انو جلمود مافكرت بية وهية تدري اني شنو مشاعري ومااضم علية ولا كلمة من الي يصير وياي؛ فكرت اني انخدعت منها وجانت مستغبيتني

ضجت من نفسي من حبيت هيج شخص بدال ميواسيني اجة كسرني بكلامة اكثر ويكلي بسببج جلمود رافضتني

حسيت نفسي بلا كرامة بسبب شي أسمى الحب
كرهت كل أمنياتي الي اتمنيتها اكون ويا
كرهت نفسي واني شكد جنت بانية أمال علمودة

وحسيت نفسي غبية لان انخدعت من اقرب شخص الية وهية صديقتي
الي ذكرياتي الحلوة متنعد وياها

التهيت ويا اهلي بشيلة البيت واخذت اجازة وبابا نقل أوراقي مال نقل علمود المدرسة؛ ويكون المركز الإمتحاني قريب علينا

صاحت علية ماما واني أصفط بملابسي واحطهن بكارتونة:

أم اماني: لج أماني وينجج تعالي شوفي اخوج شسوة بلكراتين

نزلت جوة لكيت رحمن موكع الكارتونة الي حاطة بيها الصور والكتب لفتت نظري لصورة الي جنت معلكتها بالغرفة

جانت بيها اني وجلمود من جنة بالابتدائية يمكن بصف ثالث  بوكتها
اني جنت لابسة حذائها وهية لابسة حذائي والطوق مال الشعر هم متبادلين بي والفرحة الي بعيونا شكد حلوة!

اخذتها واني اباوع على وكفتنا سوة وشلون لازمين ايدين بعض ونفس الطول هم عبالك من صدك اخوات؛ جانت نفس الصورة الي كتلها راح اعلكها بغرفتي الجديدة!

دمعت عيوني واني اباوع على شكلنا الحلو سوة ؛
اندك الجرس وراح رحمن يفتح الباب

دخل ودخلت ورا جلمود اجتي عيني بعينها وهية تباوعلي شلون جنت لازمة الصورة

محجيت شي رجعت احط  الصور والكتب بلكارتونة جان يحجي رحمن:

رحمن:  هاذ يا ابن حلال طكم بعين كلمرة من تلتقون الفرع كله يسمع صوت سلامكم ولا عبالك كل كم ساعة انتو سوة
هاي ماعدا التلفون الي ميطيح من اذاناتكم