جَلمُود الجَبل

part 20

-أنتِ المرأة ،
التي سأُخبرها كل قصص الكون التي تنتهي بعبارة..
" ورة كل هذا التعب لكيتج يعمي "

#جَلمُود الجَبل
للكاتبة/𝒇𝒂𝒕𝒊𝒎𝒂 𝒍𝒃𝒓𝒂𝒉𝒊𝒎
.

.

.

"جلمود"

لو اعرف منين اجتني هيج جملة حتى أعلنها كدامهم..!!
همة بقوا ساكتين من اثر الصدمة واني ادركت وين حطيت نفسي..

اريد اكول مو صح بس شلون بعد حجيت ومبين صدكوا حتى جبل حسيتة استغرب وبقت عينة عليه

باوع عمهم على جبل وحجة:
_ابو حسن: علي ليش ما حجيت انتة خاطب بت عمك؟ يعني صدك خاطبها..؟؟!

حسيت بجبل دخل بوضع الكلام بداخل عقلة دار وجهة على عمة وبعدين باوعلي وحجة:

_جبل: منو كلك جذب لعد!!
جنت ساكت ومنتظر تخلصون وهسة من رخصتكم اسمعوني شراح اكول..

اذا هية متريد تعترف باابوها ولا بااي احد مااظن هالشي مو من حقها !!
مثل متعرفون او عرفتوا منو اخوكم ميحتاج اشرح عليه

وثاني شغلة هية مو جبر حتى تسجلوها باسمكم ماطول عدها اب هوة تعب عليها ورباها؛
واني المسؤول الثاني من بعدة مااتوقع لازم تدخلون هنا وعلى طاري ابوها المقدم احمد يمكن سامعين بي وبااخلاقة تتوقعون منو احسن هوة لو اخوكم الزود..!!

_مؤيد: علي مو هيج الحجي حتى لو جاسر غلط يبقى عمك

_جبل: غلط؟ ليش هية غلطة طفل صغير وتكلي حتى لو غلط!!

عمي انتة مستوعب شنو يعني اخ يكتل اخو!! لو هية هايتة وعادي
مستوعب هوة خرب حيات عائلة كاملة وافلس اكبر شركة ومو اي شركة هم

هاذ جزء صغير من الي حجيتة الكم ملفة بين ايدي ومتروس جرائم تحبون تشوفونة لو خلي بعد ما ينعدم احسن

المهم جلمود محد آلة شغلة بيها واذا تكولون بنتة والناس تحجي اذا محد فتح حلكة مراح يسمع اي واحد وعود اذا حنيتوا على بنت اخوكم تندلون بيتي

لزم ايدي واخذني ورا واني اسمع صوت المرة الجبيرة شلون تنوح لان سمعت جاسر رح ينعدم  والحجي ورانا وهوة مثل الجبل من صدك جبل صامت

لازمني بقوة مثل الي ميريد يتيهني وطلعنا برا ركبنا ومحجيت شي
احس بااحراج بس مبين عليه عصبي لان من يعصب يبقى ساكت

مكدرت مااوضحلة موقفي درت وجهي عليه وكتلة: جبل

مجاوبني بقة انظارة على الطريق ويسوق رجعت حجيت:

_مجنت اريد احجي هيج بس مدري بعد ذبيت الجذبة وسكتت اسفة اذا حطيتك بموقف محرج

هم بقة ساكت اني كلش اتنرفز من احجي والطرف الثاني ميجاوب ضجت حيل وكتلة: