لم يُرهقني شيء كما فعلت أفكاري.
"أماني"
من ورا الصدمة وكعت وكلت هاهية دعمتني السيارة ورحت بيها..
وخرت ايدي من عيوني؛ اشو مابية شي بعدني قطعة وحدة!
رفعت راسي للسيارة ضوها عالي وصاير بعيوني؛ والفرع شبه أظلم لان الدنيا ليل..
جان ينزل من السيارة رجال ضخم وطويل؛ العصبية واضحة علية
حسيتة من سرعتة رح يجي يضربنيأتقدم علية سريع وحجة بعصبية:
شهاب: صدكك جذب؟؟
لو شايفج طفلة جان كلت متفهم!! يعني واكفتلي بنص الفرع شسوووين؟؟!!اتعجبت من كلامة واني عبالي حيجي يعتذر كلش اتنرفزت كمت من الكاع وكتلة:
أماني: انتة صااحي؟؟
يعني اجيت اموت بسببك وجاي تذب اللوم علية؟؟!! هاي بدال متعتذر جاي ترزلني؟؟شهاب: والله اني ماكتلج امشي على كيفج لو عبري هلعبرة!!
بس الواضح انتي من هلنماذج الي يذبون نفسهم على سيارات العالمكلش عصبني اجيت افترسة من ورا كلامة
دار وجهة يريد يرجع للسيارة صحت بي:أماني: اذا اني من هلنماذج انتة من النماذج الي يبينون للناس عود شوفوني عندي سيارة اخر مووديل وتمشي بيها بااعلى سرعة
كاافي مفاخرة على الناس مو كومة بشر راحت بسببكم
افرض هسة طفل عبر الشارع جان مو بسبب سيارتك هاي العالية وسرعتك وتهورك راح الطفل؟!
منو المستفاد الطفل الي راح؟ لو ضميرك رح يرتاح هاي ااااذا جان عندك ضميرعفتة صافن علية وكبل رجعت للبيت فد غثني اموت من هيج نماذج يربي
_غيييثثرحت غسلت وبدلت وشوية واجتي ماما وهية سطرتني بهاي ام علي جيرانة
أم أماني: صدقة لله شلون مرة تخبل حتى لسانها يخلي الواحد كوة يحطها بكلبة
أماني: ايي ماما بشري كونتي صداقات ويا الجيران واحنا اسبوع مصارلنا كاعدين هنا
أم أماني: ايي وشكو بيها هية خوش مرة حتى كالت تعالونة دائما نسوي عصرونية
وصدك تحجين علية انتي مو صادقتي هاي بنتهم الي اسمها ملك كالت امها وياج بنفس المدرسة
أماني: يووو ذكرتيني بلمدرسة لازم عكبة اداوم شلون نسيت!
ثاني يوم جنت اتراسل ويا ملك وكالت نروح سوة لان اني مااندل هنا اتفق وياها
وصدك بيوم الدوام بدلت ودزيتلها رسالة وطلعت من البيت؛
لكيتها هية هم هستوها طلعتملك: يااايي متحمسة اول يوم نداوم سوة
أماني: هههه يلا هوة بس هاذ الشهر نداوم وبس؛ وبعدين نكعد حتى نراجع
يلا تعالي خل نروح!
أنت تقرأ
جَلمُود الجَبل
Romanceصوت الطلق بدة يقترب اكثر مكدرت ابقى واكفة ضليت اركض بدون مااعرف وين مثل المتاهى حسيت نفسي ضايعة شلون حخلص نفسي من هلكابوس؟!! اركض بدون حس لحد موصلت لجبل عالي وكفت واني اباوع علية واتذكرت الكوابيس الي اشوفها نفسة الي اشوفة بكوابيسي هم عالي هيج ويخ...