"امير": متقولي انتي ايه ..و اه انا مش هفضل قاعد في البحر كدة كتير معرفش انتي مش عايزة تطلعي من البحر ليه
"سيڤدا" بقلق:اصل انااا...
"امير":متخلصي انتي ايه
"سيڤدا":بلغتكوا يعني عروسة بحر
"امير":اه ..طب انتي تحبي اهلك يقعدوا يعيطوا عليكي؟
"سيڤدا"يووه هو انت كل حاجة عندك موت موت متفهم بقى انا عروسة بحر بجد
"امير":طب انا مش مصدق اثبتيلي
"سيڤدا":على فكرة أنا عروسة بحر اه بس عارفة عنك حجات كتير و اقدر احققلك كل امنياتك
"امير":شوفتي عشان انتي نصابة و كدابة عشان اصلا مفيش عروسة بحر خارقة و بتعرف تعمل الحجات دي و مفيش عروسة بحر اصلا حتى لو في هيا عادية زينا على فكرة
"سيڤدا":اه لا منا غيرهم بقى مش مصدقني؟؟
"امير":اه
"سيڤدا": طب انت اسمك امير و عندك 26 سنه و شغال مهندس معماري و خاطب واحدة اسمها "سيلين" و عندك صاحب اسمو رامي و ابوك و امك متوفيي.....
وقاطعها "امير" وقال: بس بس بس ايييه كل دة يخربيتك ..انتي عارفة كل دة ازاي انتي
"سيڤدا":مابقولك انا عندي قدرات و عروسة بحر و انت مش مصدق ..بص انا هطلع من الماية دلوقتي بس أهدى كدة و متتخضش
خرجت "سيڤدا"من البحر و كان نصفها الثاني مثل السمكة و كان لون نصفها الثاني لون البحر بدرجاته و بعد أن خرجت "سيڤدا" فتح "امير" عيناه من الصدمة
و قال بصدمة: لا لا اكيد متركبه مش حقيقيه في ناس على فكرة بتركب الحجات دي فكرك يعني هصدق لا لا
سيڤدا: مانت اهدا بس ..هيا حقيقة صدقني انا مش هكدب عليك لو اتعورت دلوقتي هطلع دم عادي مش هيبان رجل بني ادم
"امير": يعني انتي بجد عروسة بحر بس مش عارف اصدق اصل مش طبيعي دة مش بيحصل غير في الافلام و المسلسلات
"سيڤدا": دي الحقيقة منا مش عارفة اثبتلك ازاي ..بس انا مستعدة احقق كل حاجة تتمناها
"امير": طب تيجي معايا عشان هطولي و انا محتاج امنيات كتير الصراحة
"سيڤدا": ماشي بس خليك فاهم أن دة مش هيتعمل ببلاش انت كمان هتحققلي اللي عايزاه قولت ايه ؟
"امير": ااااه هيا كدة بقى لا ارجعي احسن و بعدين انا مش هعرف اعمل امنيات و حجات غريبة و بتاع
"سيڤدا": لا لا حجات سهلة على البني ادمين عادي
"امير":ماشي ..وبطلي تقولي بني ادمين دي عشان بحس انك عفريت أو جن
ضحكت "سيڤدا" وقالت: حاضر
"امير": نمشي بكرة بقى عشان انا مش قادر الصراحة امشي دلوقتي
"سيڤدا": طيب ماشي هروح انا بقى عالبحر لما تيجي تتحرك أو عايز حاجة قول "سيڤدا" بس هتلاقيني جيت
و في صباح اليوم التالي في الساعة الثامنه صباحا
"عادل" يستدعي "رامي"
ويقول للسكرتيره الخاصه بمكتبه: هاتيلي "رامي" هنا
السكرتيره: تمام يا فندم
"عادل" وهو يحدث "رامي" بغضب: اسمع بقى عشان الواضح أن صاحبك عمل اللي في دماغه و سافر و هو عارف ان في شغل كتير المفروض يتعمل..خود ورقة رفده اهي حطهاله على مكتبه عشان احنا مش جايين نهزر هنا
"رامي": تمام يا فندم
و بعد أن خرج"رامي" من مكتب "عادل" حاول العديد من المرات أن يتصل ب"امير" ولكنه لم يرود عليه ولا يهمه الامر
في الجزيرة و "امير" يحدث نفسه و ينظر الى هاتفه ويقول: يوووه بقى يا "رامي" ايييه يعني اللي هيحصل هترفدوني يعني مش للدرجة اكيد
"سيڤدا": ايه بتكلم نفسك ولا ايه
"امير": يابنتي بقى بتطلعي فجاه كدة ليه هو انا ناقص
"سيڤدا":طيب يا عم ماشي ..طب هنتحرك امتى
"امير": ايه زهقتي ولا ايه
"سيڤدا": لا هزهق من ايه اصل عايزة امنياتي تتحق بسرعة الصراحة محتاجه الامنيات دي
"امير": دة انتي غريبة جدا عموما ماشي هنتحرك اكل بس كدة من الاكل اللي جايبه دة و استمتع كدة شوية و نتحرك هنمشى قبل باليل متخافيش
"سيڤدا": ماشي
و تناول "امير" طعامه و شرابه حتى اكتفى وجلس ناظرا للبحر لمده حتى قال: البحر جميل اوي بيريح العين كدة
"سيڤدا": فعلا
"امير": ياستي عرفت والله انك عروسة بحر مش عفريت انتي كل شوية تطلعيلي من حته
"سيڤدا" بمرح: ماشي ياعم خلاص متتخضش كدة
"امير": ياستي ماشي بس بطلي تطلعي كدة من كل حته فجاه ..انتي بتطيري ولا ايه
"سيڤدا": لا عادي انا بس باجي و انت مش واخد بالك
"امير": ماشي ..يلا جهزي نفسك بقى عشان هنمشي
"سيڤدا": انا جاهزة اجهز انت
"امير": ماشي هلم بس حجاتي كدة و نتحرك
"سيڤدا": بس خلي بالك يا عسل أن انت هتشيلني عشان مش عارف اركب كدة
"امير": والله؟
"سيڤدا": اه امال انت فاكر ايه
"امير": ياستي ماشي هلم حاجتي طيب
سيفدا: ماشي
و تحرك "امير" و "سيڤدا" من هذه الجزيرة وهما على الطريق ليصلوا الى بيت "امير"
كدة البارت خلص ياريت تقولولي رايكوا☺️
أنت تقرأ
عروس البحر الجذابة
Short Story=ايها البشري وجد شيء ينادي عليه من بعيد و أنه قد كان في حالة استغراب ليتفت و لاكن عندما اقترب وجد اجمل حاجة على الاطلاق واكنه لم يشاهد هذا الجمال من قبل... من كتابه :Eman Ahmed
