و سار "امير" الى غرفته و اغلق الباب، و استلقى على سريره راميا رأسه على وسادته مثلما فعل في الليلة البارحة
و في صباح يوم الجمعة الساعة الثامنه، استيقظ "امير" و خرج من غرفته
ثم قال: ايه ده انتِ صاحية ..صباح الخير
"سيڤدا": صباح الخير ايه يابني انت نايم و زمانك اكيد اتاخرت على شغلك روح البس و انزل بسرعة
ثم ضحك "امير" و قال لها: اهدي بس مفيش شغل انهاردة انا إجازة يوم الجمعة
"سيڤدا": اااه طيب ماشي
و قالت "سيڤدا" مجددا: بقالي كتير مشوفتكش
ضحك "امير" وقال: انا قاعد معاكي في نفس البيت انتِ بتقولي ايه
"سيڤدا": اصل انت بتصحى الصبح تقولي صباح الخير تنزل و ترجح تقولي تصبحي على خير
"امير": معلش يا "سيڤدا" الشغل بقى و كدة
"سيڤدا": ماشي ياسيدي
"امير": هروح اغسل و شي و افوق كدة و اصلي و اعمل لينا فطار و كوباية الشاي اللي انتِ بتحبيها دي
"سيڤدا": ماشي مش عايزني اساعدك طيب وانا قاعدة
"امير": لو احتاجت مساعدة هقولك تقشري لي بطاطس تقطعيلي طماطم كدة يعني
"سيڤدا": ماشي
و اغتسل "امير" وجهه و قام بصلاته
و قام بتحضير محتويات الفطور و قام بتجهيزها
"امير": خُدي يا "سيڤدا" كده قشري لي البطاطس دي و قطعي لي الطامطم تقطيع متوسط كده
"سيڤدا": ماشي
"امير": بتعرفي اصلا
"سيڤدا": طبعا يا حبيبي امال انت فاكر ايه
"امير": ماشي
"سيڤدا": الا انت يا "امير" بقالك كام فتره مش عاجبني كده ..مالك
"امير": مضايق شويه
"سيڤدا": قولي و احنا بنعمل الاكل كده نتسلى
"امير": لا عادي موضوع مش مستاهل
"سيڤدا": مش مستاهل ايه بس قول قول
"امير": لا لا بلاش
"سيڤدا": "امير" اخلص يا "أمير" خلقي يا "أمير" مش كده
"امير": طيب..اصل كنت مع "سيلين" من يومين و بقول لها أنتِ مختفيه كده و مبتكلمنيش من ساعت ما حكيت لك على "سيڤدا"... قالت لي ليه هو انا هكلم واحد مجنون و اتجنن انا كمان ولا ايه
"سيڤدا": يابنت ال.....
و قاطعها "امير" وقال: بنت ال ايه بنت ال ايه يا ماما
"سيڤدا": الحلوه !!!!
"سيڤدا": هي دي شتيمه عندكوا؟!!!
"امير": والله
أنت تقرأ
عروس البحر الجذابة
Short Story=ايها البشري وجد شيء ينادي عليه من بعيد و أنه قد كان في حالة استغراب ليتفت و لاكن عندما اقترب وجد اجمل حاجة على الاطلاق واكنه لم يشاهد هذا الجمال من قبل... من كتابه :Eman Ahmed
