الجوهرة: خالد خالد فيه سمكة تعال شوف
خالد: يعيون خالدك الله تشوفين كيف صغيرة زيك!
الجوهرة: ايوه حلووه
خالد: يعبود تعال شوي عند الجوهرة بطلع اجهز العّدة
( خالد كان غواص وخّيال بنفس الوقت )
عبدالله: يالله جاي
خالد وهو رايح يجيب عدة الغوص ومعه عبدالرحمن الي كانو يعرفون يسبحون ب اماكن مره عميقة
عبدالرحمن: الللهه ياخلود زمان مادخلت البحر معك
خالد: اي والله زمان
عبدالرحمن: يالله امسك الاكسجين لاتنساه
خالد: ان شاءالله انت بس كمل اغراضك ماينخاف علي انا
عبدالرحمن: ههههههه يالله زين زين
خالد: يالله تعال ندخل من جهة اليمين
راحو دخلو البحر وكملوا يتأملون جمال البحر وكيف سبحان الله عالممم ثاااننييييي حرفياً
عند شادن وريم وميس وسارة، رن جوال شادن
شادن: اهليين عبير
عبير: لا والله؟ لامن حس ولا من خبر
شادن: ههههه والله موجوده تعالي متجمعين عند البحر والبنات موجودين
ريم: اي خليها تجي زمان ماشفتها
ميس: ايييي وينها؟
شادن: يالله تعالي البنات بعد يبونك
عبير: يلاا جايه بس اسألك كلهم موجودين ولابس البنات؟
شادن: لا يروحي كلنا
عبير: تمام يلا جايه
شادن: جايه بالطريق
ريم: كويس
سارة: يلا نلعب
ريم: لا استنو خلوها شوي الحين بنصور
شادن: اي اي قربو الموهيتو والقهوة والاشياء الثانيه
راحو يصورون ويسوون الترندات
عند الجد والعم عبدالعزيز وابو عبدالله وابو فارس
الجد وروحه مبسوطه بلمتّهم: اقولكم ياعيالي ماودكم تنقلون جنبي ونكون بحوش واحد
عبدالعزيز: الا والله يبوي ودناا بس شلون؟
ابوعبدالله: يبيلها صمله هاه تصملون؟
ابوفارس: معكم الله لايعوق بشر بس بشرط نكون بحوش واحد مع ابوي ومايكون كل واحد بروحه
ابوعبدالله وعبدالعزيز: تم مره
الجد مستانس: بإذن الله اجل ان شاءالله نرتب الامور ونشوف متى نبني
العيال: بإذن الله الله يتمم على خير
عند البنات،،،،،
عبير: اااهخ وحشتونييي صدق مره
ريم: وانتي بعد والله وينك مختفيه؟
عبير: موجوده بس تعرفين اشغال الدراسة وكذا
شادن: اايي لاتذكريني بعد يومين عندي اختبار وجالسه معكم ماذاكرت
سارة: هههههه عندي وعندك خير
عبير: اي ماعليه لاحقين خل نتونس الحين احنا خلقه مانتجمع الا وين مره
ريم دقتها بمزحه: قصدك انتي ماتجينا
عبير: لاشدعوه اجيكم
وهما يهرجون جاهم عبدالله معاه الجوهرة وهو يكلم سارة
عبدالله: ساااارة خلي عندك الجوهرة ودفيها بردانه
سارة: يقلبي البردانه تعالي جنبي
ودخل المغرب عليهم وباقي خالد وعبدالرحمن بالبحر ماطلعوا وبدت ريم تخاف عليه وتلتفت يمين ويسار لعل يطلع وتشوفه....
راحت ريم عند الحريم عايشه وشاديه
ريم: امي وين فارس والعيال بنطلبهم يجيبون دبه الغاز بنشب النار ونسوي شاهي؟
عايشه: يبنتي والله فارس تلاقينه مع عبدالله هنااك مسوين جلسة وجالسين
ريم: زين حبيبتي
راحت ريم لفارس بتسأله مو عشان الغاز عشان تتفقد خالد وتشوفه طلع ولالا وشافها عبدالله مقبله وهو يقول بداخله يااارب اقدر اتكلم واقولها الي بخاطري
فارس: هللاا ريم؟
ريم: اقولك وين دبه الغاز نبيها
فارس: هناك بالسياره روحي خذيها
عبدالله: لادقيقه الظاهر انها عندي بالجيب تعالي معي اجيبها
عبدالله بداخله جاتك الفرص يعبود لاتضيعها تكفى تشجع وتكلم
ريم: امم مايحتاج اجي جيبها لنا عند ميس
عبدالله: لالا تعالي بعد فيه اغراض خذيها حقت السوبر ماركت
ريم: ايييه صح نسيتها يلا زين
وصلو عند الجيب وفتح عبدالله الشنطه وكانو اهلهم بعيد شوي عن السيارة
عبدالله: ريم دقيقه قبل تشيلين الاغراض بقولك شيء
ريم خايفه يكون الي ببالها: اي هلا اسمعك؟
عبدالله: تعرفين ماقد سولفت بهالشيء ابد ولا عارف ايش اقولك بضبط لكن لازم تسمعيني
ريم: عبود لاتخوفني تكلم!!
عبدالله: لاخير خير ان شاءالله بس حابه اقولك عن مشاعري لك وابيك تسمعيني؟
ريم فز قلبها وطلع الي ببالها صح!! : اي لادقيقه عبود انا الي المفروض اقولك
عبدالله: زين تكلمي اسمعك
ريم: لاحظت تصرفاتك معاي وشكيت صراحه بالي بتقوله الحين! وكان من اول اقولك بس قلت لازم اتأكد قبل اتكلم بس الحين تأكدت
اسمع يعبدالله مابي ادخلك بدوامه مالها مخرج وتعيش هالشيء بروحك لاني انا احب خالد
عبدالله ملامحه تغيرت وبنبرة حزن: ليش يريم خالد مو انا؟؟
ريم: كيف ليش هذا قلبي الي يختار مو انا!
عبدالله زعل وتنكد وقال: مقدر اجبرك على شيء
خذت ريم الاغراض ومشيت بسرعه متجنبه ردة فعل عبدالله وزعلانه لانها كسرته لكن مو بيدها..........
رجع عبدالله لفارس ووجه متغير وزعلان وبقلبه حزن ملييااان
فارس: وشفيك تأخرت؟؟
عبدالله: لا بس جلست ادور الغاز وحصلته وخذوه
فارس: زين بس وشفيك احسك زعلان؟
عبدالله: لا مافيني شيء
فارس: زين
عبدالله: اسمع دق علي نبيل يبيني بالاسطبل انا رايح تبي شيء؟
فارس: بدرري يخوي
عبدالله: والله مستعجل يبيني
( نبيل الي يهتم بالخيول )
طلع عبدالله وراح للاسطبل وكان عذر هذا لانه يبي يجلس بروحه وخاطره ضايق
ريم رجعت للبنات وملامحها متغيره
شادن: شفيك تأخرتي؟
ريم: هذاني جيت
ميس: يلا شغلو النار وخلونا نجهز الشاي
سارة: يلا ونا بشب النار تحت عشان ادفي الجوهرة ومنها نجلس عندها
عبير: اي تمام يلا بساعدك
ريم شافت خالد طلع من البحر وجنبه عبدالرحمن وكان معهم اسماك صغيرة بشبك السمك
راحت الجوهرة تركض عندهم وسارة والبنات كلهم وفارس
خالد بمزح: هدو لاتخوفون السمك
سارة: ههههههه على اساس بيخافون؟ بعدين احنا لطيفين
خالد: اي مرا صراحه
ريم: الله شكلهممم يجنن مرا دقيقه بصورهم
خالد وهو مبتسم: وخرو خلو ريم تصور
فارس: خالد تعال شوي ابيك
خالد مستغرب: زين
راحو على جنب
فارس: وش فيه عبدالله راح من عندي ووجهه مبين انه زعلان من شيء
خالد: وشفيه ماشفته ووين راح؟
فارس: معرف شفيه قال نبيل يبيه
خالد: زين انا ادق عليه الحين
فارس: اي زين وطمني تمام؟
خالد: تمام
كلهم راحو يتعشون السمك المشوي الي العم عبدالعزيز وعبدالرحمن طبخوه بكُل لذاذه وطلع يشهيييي مره والكل كان متحمسين يجربونه
وبعد ماكلو وخلصو قام خالد بعيد بيتصل على عبدالله
خالد: الو عبود وينك؟
عبدالله وهو ماوده يتكلم معه بس ماله ذنب: هلا عند نبيل ليش؟
خالد: سمعت انك مشيت زعلان وشعندك؟
عبدالله: لا يبوي وين زعلان كنت مستعجل وبعدين من قالك فارس؟
خالد: اييهه مايقول شيء ماصار اعرفه لذلك ارجع بشوفك ولا بجيك انا!
عبدالله: ياخيي لاتجي ولا اجيك صدق خالد بقعد بروحي ومالي خلق احد
خالد: طيب طيب يلا بس
قفل من عنده وركب السيارة و رايح له لانه ما ارتاح لكلامه وحس بزعله! بس المشكله وش بيقوله عبدالله!!
ريم: شافته طلع وكان بتلحقه قبل يمشي بس راح
راحت لفارس تسأله وهي مستعجله وخايفه رايح لعبدالله ويقوله السالفه!!
ريم: فااارس فاارس
فارس: شفيك يخبله تهابدين بتطيرين؟؟
ريم: اقولك وين رايح خالد؟
فارس: ليش شتبين؟
ريم: خاله شاديه تبيه سريع
فارس: لعبدالله
ريم انصدمت وخافت يصير بينهم مشكله وراحت تركض تبي جوالها تكلم خالد يرجع عندهم
رن جوال خالد ورد
خالد: هلا عيني ريم؟
ريم: وينك خالد
خالد: رايح لعبدالله امري؟
ريم: زين مايمديك ترجع؟ بقولك سالفه
خالد: والله بروح لشيء ضروري وراجع اسمعك لصبااح
ريم: ااهخ مايمديك مراا؟؟
خالد: والله شيء مهم مقدر اكنسل
ريم: اامم تمام يلا باي
قفلت وهي خااايفه ويدها على قلبها
وصل خالد لعبدالله ودخل الاسطبل وشاف عبدالله جالس جنب وضحى ويناظر السماء
خالد: عبوود تعال تعال يعين اخوك
جاء عبدالله جلس جنب خالد وعيونه مليياانه خيبه ودموع وماسك البكّيه ولاحظ خالد وضمه بدون مقدمات وبدون مايتلفظ بحرف
حس ب امأن عبدالله وارتاح بس متشتت كيف يقوله ولايسكت!
خالد: ايوه وشفيك عبود؟
عبدالله: لا مافيني شيء بس زعلان من واحد من اخوياي وكذا
خالد: ايوه فضفض قولي شصاير ابي اسمعك طيب
عبدالله: ابد خلود قلتلك مافيني
خالد: طيب على راحتك تعال نمشي نشوف وضحى ونمشي معاها شرايك؟ وناخذ شاهي من نبيل محبوق بالدمااااغ شتبي احلا من كذا؟
عبدالله بداخله حس بغلاته عند خالد وكيف يحبه ويخافه
عبدالله: تمام يلا
خالد: يانبييييل جيب لنا شاهي على كيفك الله يعافيك
نبيل: ابشر الحين يجهز
راحو يمشون يتمشون ويشوفون الخيل ومع الجو كان قمراء والبراد وشاهي وخالد يحاول يفكك جوه ............
وكانت بالجهة الثانيه ريم تفكر وساااهيييه عن البنات وخايفه من الي بيصير مع خالد وعبدالله وخايفه يتهاوشون مع بعض بسببها !
يتبـــع البــــارت 5 :
