بعد اسبوع من وفاة خالد ومن النقلة الروحيه الي الكل حس فيها وكانت اول صدمة لهم رجعت الحياة لمجاريها وكان الكل يحاول يتخطى ويتأقلم للدنيا بدون خالد كانت الفكرة صعبه عليهم وخصوصاً ريم الي دخلت بمرحلة اكتئاب لمدة اسبوع وكان بعد هالاسبوع ترجع لحالتها الطبيعية تدريجياً ولكن الكل عارف ان مستحيل احد ينساه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
في بيت الجد صباح اول يوم ببداية الاسبوع كان الكل متجمع بصالة البيت والجو هدوء وسوالف عادية بين الجد والجدة وابوعبدالله
الجد: ايوه يحباني كيف الاخبار والنفسيه عساكم طيبين
شادية: الحمدالله طيبين ولله الحمد
الجد: عساكم دايمين على الخير
ابو عبدالله: اقولكم ناوين نطلع للمزرعة؟
عبدالله: تم مشينا كنا ناوين انا وفارس نمشي
فارس: اي والله
ابو عبدالله: خلاص زين يالله
ميس: ونا وريم نبي نروح معكم طفشانين حيل بعد الاسبوع الي طاف
ريم: اذا ماعندكم شغله
ابوعبدالله: ابد ياعيوني يالله تجهزو واحتريكم بالسيارة كلكم
راحو يجهزون وشالو قهوه وشاهي وحلا ريم كانت مسويته حق جلسة الصباح بدري
بالسيارة كانو مروقين ويسولفون ونفوسهم زانت عن قبل
وصلو المزرعة ونزلو ريم وميس يرتبون الجلسة وابو عبدالله وفارس وعبدالله راحو لم الاسطبل لانهم من بعد وفاة خالد ماجو الاسطبل ابداً وهذي كانت اول جيه لهم بدونه
عبدالله: فارس تحس الي احسه؟
فارس: اي بالله يمااال الجنة الباااارده
ابو عبدالله: الله يرحمه
شافو خيله خالد وضحى وتذكرو خالد كيف كان يحبها حييييل ولايشوف مثلها
عند ريم وميس الي جلسو وكانو يتقهوون
ريم: اقولك شيء ياميس؟
ميس: قولي ياروح ميس
ريم: مثل هالوقت بس بالفجر انا وخالد كنا جالسين هينا وكان يقول فيني قصيد ويشابهني بالقمرا اهخ ياميس ماني متعوده على الحياة بدونه
ميس: ريم يحبيبي صح انه اخوي وانتي تحبينه بس والله انه بمكان احسن من الي احنا فيه ولاتزعلين على القدر
ريم: لا والله بالعكس مبسوطه انه شهيد
ميس: اي الحمدالله اذكري ربك وقومي خلينا نمشي ونشوف الاسطبل
ريم: يلا اجل
راحو داخل الاسطبل ويمشون ويشوفون الخيول وطاحت عين ريم ب وضحى وراحت عندها بكل هدوء تتأملها وتمسح عليها وابداً ماتخطت الي صار
ابو عبدالله: يبنات تعالو عندي
ميس: هلا ابوي
ريم: حي الله عمي والله اني واحشتني ذا الابتسامه
ابوعبدالله: الله يحيك يمال العافيه ياريم
ريم: العافيه والله مجلاسك يابعد روحي
عبدالله وفارس كانو قريب منهم بس يتمشون مع بعضهم وعبدالله شايف ريم من بعيد وكل مالمحّها يتنهد ويقول بخاطره وشلون بقوى احبها؟ وهي تحبه والله انه مايطاوعني قلبي اصارحها وماهو وقته وتوه جرحها ماطاب وتهقى ياعبود يطيب وتنسى؟
عبدالله كان يهوجس واجد وسارح بعيد وكثرت اسألته ،،،،،،،،،،
فارس: عببببود
عبدالله: معك فروس
فارس: والله انك ساري بس عساه خير
عبدالله: خييير يابعدي
ابوعبدالله: ايوه يبنات عسى غيرتو جو وانبسطتو؟
ميس: حمدالله استانسنا
ريم: اي والله الله يعطيك العافيه ع ذا الطلعه الخفيفه
ابوعبدالله: مابيننا ياحباني اي وقت تبون نطلع ثاني انا موجود
ميس: الله يخليك لنا ولايحرمنا
ريم: اميييييين يارب
ابوعبدالله: يالله نرجع اجل بتفقدنا الحين جدتكم يالله يعيال
كلهم تحركو راجعين للبيت بعد طلعه خفيفه صباحيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند بيت الجد
بقدوم عبدالرحمن الي كان بشغله ورجع للمدينه وبيت جده
شاديه: يامرحبا بحبيبي نورت الدار والديره
عبدالرحمن: منوره ب اهلها يابعد روحي
شاديه: استريح يمه احط لك فطور وتعين خير وتتقهوى معاي
عبدالرحمن: اي بالله مبطي عن فطور من يديك الحلوه
شاديه: ابشر يمه الحين اجهزه لك
وصل ابوعبدالله والعيال
عبدالله: هذي مو سيارة دحوم؟؟
فارس: اي والله صادق دحوم جااء
عبدالله: ارححححببب يالشيييخ
عبدالرحمن بفرحه: البقى يااحبيبي
فارس: قسم انك واحشننننااا
عبدالرحمن: والله انتم اكثر يابعد الدنياااا
ابوعبدالله: حمدالله على السلامة يادحوم
عبدالرحمن راح يحب راسه: الله يسلمك يبه شخبارك طيب؟
ابوعبدالله: والله بخير دامكم بخير
عبدالرحمن: الله يجعله دايم طيبين وب افضل حال
شاديه جات وحطت الفطور لدحوم: سم يمه افطر وجعله هناء وعافيه
عبدالرحمن: الله يعافيك يحبيبتي وتسلم الايادي والله
فارس: اي والله يبو داحم وشلون الشغل وكيف امورك؟
عبدالرحمن: والله زينه ابشرك واخذت اجازه اسبوع وراجع بإذن الله
عبدالله: يعني الحين بتصير تطلع معانا الصبح والمساء ونروح الاسطبل سوا
عبدالرحمن بضحكه: اي ياعيني
عبدالله: اخخخخييييراً يارب وريتنا الايام الي دحوم يجلس فيها معانا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند ريم وميس وسارة والجوهرة
ميس: يلا بدلو بسرعه بننزل نسلم على دحوم واحششننييييي
ريم: يلا هذاني خلصت
ساره: يلا ننزل
نزلو البنات بعد وماترتبو وتكشخو وطالعين يهبلون راحت سارة والجوهرة يركضون لحضن دحوم ويضمونه
ميس: حي الله العضيد الواحشني
عبدالرحمن: الله يحيك ياميس شلونكم يبنات عساكم بخير؟
البنات مع بعض: بخير الحمدالله
عبدالرحمن: الحمدالله والله وحشتوني
الجوهره: بس اكيد انا اكثر صح؟
عبدالرحمن: اي طبعاً من غير جوجو اشتاق له؟ ههههههههههه
سارة: وش يعني انا لا؟
ابوعبدالله: الله يعينك يادحوم بيستلمونك ههههههههه
عبدالله: حمدالله كل يوم ناشب لهم ومحد يشتاق لي
الكل: هههههههههههههههههههههههههه
كلهم كانو ملاحظين صمت ريم وهدوئها الي غير عن العاده بس عبدالله كان عارف وش سر الصمت والحزن الي مالي عيونها وكل ما سألها احد من العايله تدخل وصرف لهم عذر وريم م لاحظت عبدالله كيف يجاوب عنها كانت كل الوقت سرحانه وبالها بعيد عنهم
بعد ماغابت الشمس وجاء المساء وقرر ابوعبدالله يكون العشاء بالحوش مشاوي بحكم ان الجو حلو
ابوعبدالله: يالله يعيال ضبطو المكان وجهزو الاشياء ويبنات افتحو بيت الشعر وبخروه لاني بدق على عمكم عبدالعزيز وابوفارس يجون
ميس: ابشر يبه
ريم: ميس كلمي شادن وعبير يجون
ميس: اي كنت ناويه اصلا
سارة: ونا بروح ارتب وابخر
الجوهرة: وانااا وانا معاك
سارة: تعالي ياروحي
ميس: الو عبير
عبير: هلا ميس
ميس: تعالو ببيتنا متجمعين اتصلي على شادن وجيبيها معك
عبير: والله انا اعتذر ما اقدر اجي عندي شغله لازم اخلصها
ميس: خلاص تمام يقلبي بكلم شادن
عبير: موفقين
ريم: وش تقول بتجي؟
ميس: لا مشغوله
ريم: شوفي شادن طيب
ميس: يلا بدق عليها
شادن: اهخ ياميس كذا تقطعيني؟
ميس: ياروحي انتي حشى لا والله تعالي يلا متجمعين ونحتريك
شادن: تمام يروحي
ميس: وهذي شادن جايه تقول
ريم: يلا زين بمشي شوي لين يجون
ميس: ريم فيك شيء؟
ريم: لا يقلبي
ميس: تمام
راحت ريم بعيد عن الازعاج وعنهم تمشي بروحها وحاطه شال على كتفها وتفكر بكل شيء صار فجاءة وبدون مقدمات وباقي مو مستوعبة شافها عبدالله لحالها وكان معه الحطب وحطه على جنب وقال لسارة كملي الباقي وراح عند ريم
عبدالله: ريم
ريم بخوف: هلا اسفه خفت ما انتبهت لك
عبدالله: لاعادي وشلونك؟
ريم: لو بقول بخير بيبين علي؟
عبدالله: عيونك تقول عكس الي تقولينه
ريم حست انها شفافه وعبدالله ملاحظ كل الي فيها: انت شلونك عبدالله!
عبدالله حس السؤال جاه بالصميم ولاهو قادر يشرح لها الحزن الي بداخله وده لو يضمها وينتهي كل الي فيه وفيها ومو قادر يشوف الي يحبها ويتركها حزينه
عبدالله: والله ياريم ماني طيب لو تبين الصدق لايغرك ابتسامه مجامله ولكن والله قلبي ماهو طيب
ريم: وهذا الي فيني
عبدالله: طيب تكلمي ابي اسمعك لاتكتمين بقلبك
قامو يمشون وريم الي تتنهد ومو عارفه من وين تبدا
ريم: عبدالله ماني قادره استوعب انو خالد ماعاده موجود ولا اقدر اتخيل حتى احسه كذب
عبدالله: والله كلنا ياريم لكن هذا مكتوب ولازم تصبرين وماتزعلين على قضاء ربنا
ريم: مو زعلانه على القدر على كثر ماني زعلانه لان توني حبيته وراح من يديني
عبدالله: ادري وماتنلامين
ريم بنبره حزن: عبدالله انا فال شر عليه؟
عبدالله: اذكري الله ولاتقولين هالكلام
ريم ما استحملت وبكت وعبدالله الي ماتحمل يشوف دموعها وحزنها الواجد على اخوه وضمها والغريب انو ريم ماردته وضمته وهي تبكي على كتفه
عبدالله: خلاص ياعيون عبدالله قطعتي معاليقي وانتي تبكين لاعاد تبكين
ريم بدموع: شسوي ياعبدالله لي كم وانا اسوي اني بخير وانا اصلا منهاره
عبدالله: ادري والله وبكون كذاب لو بقول مو ملاحظك ادري بكل شيء فيك
ريم فزت وبعدت بهدوء: عبدالله ادري انك تحبني للحين ولكن قلبي مانسى خالد
عبدالله الي جاه الكلام وكأنه سهام بقلبه: ادري ومايخالف انك ماتحبيني الحين ولكن ماتدرين مع الايام امكن تحبيني
ريم: اااهخخخ والله ماني قادره افكر بغير خالد وشلون بنساه موعارفه ولاقلبي بيحب غيره
عبدالله: مو سهل القلب يكره بيومين ف عشان كذا لاتلومين نفسك
ريم: عبدالله والله كل ما اتذكره احس الدنيا كلها فوق قلبي
عبدالله مسك يدها: اسمعي ياعيوني حاولي تشغلين نفسك عن التفكير لانه والله مابيرجع خالد ولابيغير المكتوب صار هشيء وانتهى لازم هالفكره تتقبلينها عشان قلبك لايتعب واسف اذا كلامي فيه حده بس كله عشان ماياخذ الحزن بعيد
ريم: بحاول والله بحاول بس ادري بطول وباخذ وقت طوييل عشان استوعب
عبدالله: كلنا ماراح ننساه ونا اخوه وادرى ب ذا الشعور لكن بنتجاوز الحزن ونصير ندعي له
ريم: ان شاءالله يارب
عبدالله: يالله امسحي دموعك واذكري الله ومشينا نرجع قبل يفقدونا
ريم مسحت دموعها وابتسمت: يلا تمام
رجعو للبيت ودخلو مع بعض وشافتهم ميس وحسيت فيه شيء ولكن ما اهتمت
شادن: رييم اشتقت لك وربي
ريم: ونا بعد ياعيوني
شادن: شلونك بخير؟
ريم: بخير ياروحييي
وكانت ريم تبتسم ومبسوطه مع البنات احسن من قبل وتساعدهم بالترتيبات وماشال عينه عبدالله عنها ومبسوط لانه قدر يخليها تبتسم زي قبل وتنهد من كل قلبه وتمنى لو انه ماقال لها نرجع وظل مقابل وجها السمَح
يتبع :
