عند الجد وعّياله ....
الجد: يلا يعيال نمشي؟ ابطينا واحنا هينا وجت ساعة 12
العم عبدالعزيز: الي يريحك يابوي
الجد: اجل يالله ارفعو عفشكم خلونا نمشي
ابوعبدالله: يالله يبنات ياشاديه ازهمي على العيال يطلعون الاغراض بنمشي
شاديه: ابشر يبو عبدالله
قامو يرفعون عفشهم ماشين للاستراحه وكلن انشغل بنفسه
وصلو الاستراحه وتعبانييين وطافيين مرا وكل واحد راح غرفته بينام الا ريم الي راحت الاسطبل لانه كان جنب الاستراحه وقريب مرا، ومازال الخوف ملازمها
وصلت وشافتهم تاكين جنب بعض وسوالييف ولمحها خالد من بعيد
خالد: ريييم!
عبدالله: وش الي ريم؟ وينها
ريم وهي داخله عليهم: اامم رجعنا الاستراحه وماجاني نوم جيت اشوف الاسطبل واغير جو
خالد: معقوله؟
عبدالله: خذي راحتك انا ماشي الاستراحه بنام اصلاً
خالد: وين بدري؟
عبدالله: لا والله ماشي
خالد: طيب صافي يالبن؟
عبدالله: اايي يخوك ماعليك
خالد: زين اجل تصبح على خير
عبدالله: وانت من اهله
طلع عبدالله وباقي بقلبه حرقه ماوده يخليها مع خالد وباقي يحبها والا استوقفه خالد
خالد: اايييه عبود اي شيء تبيه ارفع السماعة بس
عبدالله: ابشر ماعليك يلا فمان الله
راح خالد يم ريم وهو مبسوط لانها جات وبنفس الوقت جاه فضول حول الموضوع الي كانت بتقوله له ......
خالد: تدرين وش يقول بدر بن عبدالمحسن؟
ريم بلهفه: وش يقول؟
وكان اعتراف خالد لها بهالقصيدة
خالد:
لاهوى قبلك ،
ولا أمل بعدك،
ولاسما إلا فِي عيونك،
ولاثرى إلا فِي وعدك..
إنتّ كل الناس وحدك..
مِن ملَك عتمة عيونك،
وابتسام الفجر فيها،
مابِقى بالدنيا ناس،
ولا بقى أرضٍ يبيها..
إنتي ياعمري الليالي،
كلها قربك وبُعدك،
إنتِ كل الناس وحدِك...
انا احبك والله شاهد،
روحي من غّيرك تضيع..
وإن حكى في حُبك واحد اتركيه،انتِ الجميع..
اظلمي قلبي بدلالك وانصفيه ...منهو يردك؟
انتِ كل الناس وحدك..
ريم وقفت وعيونها تلمع ومُ سايعتها الدنيا الي واقفه عليها وماكانت عارفه وش تقول وبدون ماتفكر ضمت خالد وخالد انبسط انها بادلت الشعُور وكانو اثنينهم مبسوطين ببعض
حست ريم ع نفسها ووخرت عنه
ريم: اسفه ماتمالكت نفسي وضميتك
خالد: ريم تعالي اجلسي هينا
جلسو جنب بعض وكان ماسك يدها
خالد: ريم والله ان الدنيا عندي بصوب وانتي بصوب محدٍ يجي مثلك وانتي بذات حبيتك وماعلى قلبي حيله وهالشيء مُ بيدي
ريم استوقفته وقالت: خالد انا احبك ومابي هالدنيا دامني وياكِ حتى انا حَبيتك ولكن هذاني بتخرج من الجامعة تعال لابوي وخذني بحلاله
خالد: اي والله ابيك بحلاله ولا ابي اضر شعره منكِ والله اني اخافك واخاف النسمه تجرحك فما بالك انا؟ بإذن الله ياريم وهذا وعد اني اخلص اموري واجييييك ولا اخيب ضنك وانتي بوجهي وبشنبي من صدود الايام والخيبات
ريم وهي مبسوطه ومطمنه انه بادلها المشاعر: ااهخ بإذن الله بإذن الله يخاالد يلا استأذنك بروح امي بتسأل عني الحين
خالد: زين يلا فمان الله ياقلب خالد
راحت ريم وهي متطمنة وقلبها مبسوط بس للحين تفكر بعبدالله وكيف بتكون ردة فعله وماودها يعرف عشان لا يسوي شيء بروحه
..........
اليوم الثاني الصباح
الجد: يلا يعيال قومو ورانا نشوف المقاولين عشان البني
عبدالعزيز: يالله يالله جايين يبوي
نزلو عيال الجد وراحو يختارون مقاول للبني ومشغولين ب اموره
عند البنات
شاديه: يابنااات يلا انزلو الفطور
ميس: جينا يا امي، رييم شاادن قومو يلا سارروه الجوهرة عبير ييلاا فطور اصحوا
ريم وهي نعسانه: خليني ميس مانمت بدري
ميس: اوف عوايدك عاد
عبير: يلا صحينا جايين
نزلو يفطرون ........
وبجهة ثانية عند العيال ،،،
فارس: عبود قمم اصبحنااا يالله
عبدالله: يالله فارس بنام خلنيي
فارس: مافيييه قوم
عبدالرحمن: يلا عبود بنطلع نفطر
عبدالله: طيب قومو الحين جايكم
طلعو السيارة ينتظرون عبدالله
عايشه: يالله يبنااات افطروا وعينو خير
ميس: تسلم يمناك خالتي
عبير: شرايكم بنات نروح الاسطبل بعد مانفطر؟
ريم: ليه احس افضل نجلس هينا ونسوي قهوة ونروق مع خالتي وامي
شادن وميس: اتفق
سارة: لادقيقه حتى انا خاطري اروح الاسطبل زمان ماشفت كّسار ووضحى ونبراس وحشوني
عبير: تمام اجل نروح انا وانتي
دخل عبدالله وفارس عليهم
شاديه: هاه عبود افطرتو؟
عبدالله: اي يمه حمدالله
فارس: سارة وين طالعين؟
سارة: لا بس انا وعبير بنطلع للاسطبل
عبير: ايييه نغير جو وودنا نركب بعد ونتدرب معكم للفروسية بس وين خالد ابيه يعلمنا!
ريم التفتت يوم سمعت اسمه من عبير
عبدالله: شوي جاي لاكان فاضي اقوله يجيكم
سارة: تمام
طالعين سارة وعبير ووقفتهم ريم
ريم: دقيقه غيرت رايي بطلع معكم
عبدالله عرف ليش رايحه وعارف انه بيكون خالد مع عبير وسارة بروحهم
عبير: يالله منك ريم كل شوي برايي
سارة: ماعليه يالله طلعنا
راحو مع خالد للاسطبل ......
عبدالرحمن: عبود فروس ماتبون نتكي بالمجلس ونشوف مباراة الهلال؟
عبدالله: يالله انا انتظرها
فارس: يلا اجلسوا رايح البقالة اجيب كم شيء وراجع
عبدالرحمن: تمام لاتطول ماباقي شيء وتبدأ
فارس: ماعليك خمس دقايق
عند الجد وابو عبدالله وعياله .....
الجد: هاه يعيال وشرايكم هذا زين!
عبدالعزيز: اي يبوي اشوف شغله مناسب والكروكي كويس والتصميم البيت مرتب
ابوفارس: مانختلف على شوركم انا اشوفه كويس مابنلقى شغل زي شغله
ابوعبدالله: اي صادق
الجد: اجل توكلوا على الله
اختارو الكروكي والمقاول وراحو يختارون التصميم حق البيت والجد مغمور بالفرحه ........
فِ الاسطبل
خالد: يالله تمسكي كويس ياعبير لاتطيحين
عبير: معرف ثبتني اخاف يسوي شيء
سارة: شدعوه عبير اثبتي بس لايخاف ويطيحك ولاتحسسينه انك ثقيله عليه
ريم وهيا تناظر بخالد كيف ماسك عبير عشان ماتطيح وماكانت عارفه نيه عبير انها تتقرب من خالد
خالد: يالله امشي شوي شوي وحاولي ماتضغطي برجلك عليه وخليك ماسكه اللجام كويس !
عبير: اللههه سارة شوفي مشيت فيه
سارة: ههههههههه يالله منك انتبهي بس
خالد: ريم يلا تعالي بتطلعين انتي بعد؟؟
ريم: لا بس بتفرج انا
عبير: خااالد بطيييح امسكني
خالد وقف الفرس ومسك يدها عشان ماتطيح وعبير زودتها وتمسكت فيه بكتوفه خالد التفت بسرعه لريم خايفه من ردة فعلها وشافها زعلت وطلعت من الاسطبل برا ونزل عبير وراح لها بسرعه
سارة: شفيك يخالد؟؟ بشويش البنت كانت بتطيح
عبير: لامعليك خلاص نزلت
خالد: رييم وين رايحه؟
ريم كانت تسمعه يناديها وطلعت بسرعه ماتبي تتكلم معه
ريم: شفيك خالد نعمم؟؟
خالد: انتي شفيك طالعه وماتردين لايكون زعلتي؟
ريم: وضنك الي سويته مايزعّل!
خالد: والله مو قصدي شيء بس هيا تمسكت فيني
ريم: على اساس ماشفتك ماسك يدها وبتنزلها!
خالد: ريم والله مو قصدي شيء مو عارفه هيا كيف تتصرف مع الفرس وساعدتها بس
ريم: عموماً انا رايحه اصلاً ميس تنتظرني
خالد: لاتروحين زعلانه طيب
ريم: لا مين قال زعلانه؟ يلا تبي شيء
خالد: اي لاتروحييين ابيك
ريم: سلام بروح
طلعت من الاسطبل وراجعه للاستراحه وهيا زعلانه وحست ان عبير تتقرب من خالد وبنفس الوقت ماكانت مصدقه خالد انه بيساعدها بس
ميس: وشفيكم رجعتو بدري؟
ريم: لا بس انا جيت
ميس: عسى ماشر؟
ريم: لامافيه شيء بس تعبت شوي وبريح
شادن: اعرفها ذي زعلانه من شيء
ميس: منجدك؟
شادن: معليك خليك هينا انا طالعه اشوف شعندها
طلعت شادن فوق عند ريم وهيا عارفه ان صاير شيء وريم مخبيه عنها
شادن: وشفيك بشويش على البيبان بتكسرينها!!
ريم: شادن الله يخليك انزلي مابي احد
شادن: لا مو على كيفك بفهم شصاير؟
ريم وهيا بتتكلم بكت
شادن: اوف لهدرجه الموضوع مزعلك؟؟ وشفيك يروحي
ريم: شادن انا تعبت بين طرفين والله صدق تعبت
شادن: وشفييك يريم لاتخوفيني تكلمي
ريم: شادن انتي عارفه اني احب خالد وبادلني الشعور بس امس صار شيء خوفني زياده انو عبدالله اعترف لي وطلع يحبني ياشادن تخييليي!! ولا مو هينا المصيبه ان خالد مايعرف شيء ولو عرف بتصير سالفه طول وعرض
شادن: اوف مو منجدك!! وكيف عبدالله يسوي كذا
ريم: ماكان يدري عن خالد وعني
شادن: يوهه زعلت الصدق طيب شسوات الحين وش بتسوين؟
ريم: ناويه اقول لخالد عشان ماتصير مصيبه
شادن: غبيه انتي؟؟ طبعاً لا بيتهاوشون عليك بعدين وتصير بينهم المشاكل
ريم: طيب شسوي يشادن تعبت انا ولا عبيروه زادتها قبل شوي تتقرب من خالد وقدام عيني بعد
شادن: هذي بسيط موضوعها ينحل دام خالد يدري عنك بس الحين انتي ابعدي عن نظر عبدالله تحاشيه عشان مايتعلق فيك زياده وخليك عاديه معاه وخالد لايدري عنه خلاص دامه هو يدري انه يحبك بيبعد عنك اكيد مابيزعل اخوه
ريم: تقولين يعني؟
شادن: اكيد يقلبي انتي يلا امسحي دموعك ولاتبكين
ريم: يحياتي انتي احبك والله
شادن: يعمري انا اكثر
شادن بتلطف الجو وقالت: حركات معرفتك يحيوانه اثنين يحبونك و
ريم ضحكت: ههههههه انتي الثانيه بعد اقول قومي بس نجيب مفرحات بخاطري اتابع فلم
شادن: عيوني لك يلا مشينا
ميس: هاه الزين راضي الحين؟
ريم ب ابتسامه: حياتي ميس مو زعلانه يلا قومي انتي بعد معانا بتابع فلم الليله
ميس: الله فيه جدول اليوم يلا يلا انا بختار الفلم بعد
طلعو يجهزون للفلم
عند اتصال عبدالله ومازن ( مازن صاحبهم من مسابقات الفروسية )
مازن: عبود وينك ياهو واحشنااا
عبدالله: ياقلب عبود انت والله اكثرر
مازن: الا اقولك كلم العيال وتعالو عندنا جاء المدرب بنتدرب للمسابقة
عبدالله: تم تم ان شاءالله على 8:00 جايك مع العيال
مازن: حبيبي تنورونا ب انتظارك
عبدالله: وافي يامازن يلا فمان الله
فارس: هذا مازن؟
عبدالله: ايوه يالله نتجهز ودق على خالد يجي بنروح عنده جاء المدرب يقول
فارس: يالله زين اسبقني بكلم خالد واجيك
عبدالله: يلا تمام
خالد: هلا فروس
فارس: تعال يخوي ننتظرك اتصل مازن يقول تعالو للتدريب
خالد: يالله يالله جاي بس اوصل سارة البيت واجيكم اسبقوني انتم
فارس: تمام يلا
طلعو لعند مازن ولاحقهم خالد وانشغلو بالتدريب وامور المسابقة
وعند البنات جهزو للفلم وحضرو كل شيء
ميس: هاه بنات شتبون نتابع اكشن ولا رعب
شادن: احس اكشن افضل
ريم: اي شيء
وهما يختارون دخلو عليهم عبير وسارة
سارة: ماشاءالله هذا كله ولا تنادوني بحق ذي والله!
شادن بصوت هادي تهمس لريم: ياربي جات ذي مو وقتها
ريم: اص لاتسمعك خل نكمل الفلم كأنها مو موجوده
ميس: اقعدي سارة وشتبين الفلم يكون يلا اختاري ع الاقل
سارة: يلا شغلي اكشن
ميس: تم اجل
عبير: شادن؟ شفيك ماتقولين شصار معك وكذا عندي سوالف
شادن: لان بنتابع الحين بعدين حكيني
عبير: اوكي
اختارو فلم واندمجوا ف المتابعة الا ريم كانت سرحانه ومو معاهم تفكر بخالد ليه ما جاء وراضاها ليه ماتفرق معه زعلي؟ وكثير تساؤلات تدور براسها
يتبــــع البــــارت 6 :
