كانت ريم سرحانه وتتساءل كيف هان زعلها على خالد ما اتصل ولاجاها ولا راضاها؟؟ وبالطرف الثاني خالد انشغل بالتدريب ولكن باله مشغول مع ريم ووده يرجع البيت لجل يراضيها
...............
عند العيال
مازن: ياهلا يعيال نورتو ادخلو الحين جاي المّدرب
خالد: الله يبقيك ياعيني
عبدالله: الله زمان مادخلنا مسابقات
فارس: صح يلا عقبال مانفوز فيها
خالد: اميينن
راحو يتدربون على الخيول ويكملون التدريبات
عند الجد وعياله وصلو البيت تعبانين
عايشه: هلا يعمي وشخبارك زين؟
الجد: بخير يبنتي ابي بس مويه وشغلو المكيف حق غرفتي بنام
عايشه: ابشر ماطلبت شيء
نام الجد وعياله تعبانين مرا وباقي البنات صاحين فوق وصارت ساعه 1 الصباح
ميس: هاه بنات كم تقيمكم للفلم؟
ريم: الصدق اعطيه 7/10 احس لو البطلة ماماتت بيصير افضل
شادن: صح زيك
سارة: والله يستاهل 10/10 قوي
عبير: 8/10 مو مرا بس يسلي
ميس: ايييهه حلو يلا كويس غير جونا امشو نتمشى بالحديقة شوي مابي انام
ريم: روحو انتوا انا امكن انام
شادن: شفيك امشي!!
ريم: لا روحو مابي
سارة: زين
( نزلو الحديقة يمشون برا وبحكم ان استراحة جدهم قريبة من البحر وجنب الاسطبل ) .......
حطت راسها ريم على فراشها وماكانت قادرة توقف تفكيرها بخالد وفتحت جوالها ودخلت على رقمه بترسل له ولكن متردده ترسل ولالا؟ والا فجاءة دخل خالد اون لاين وشافت انه موجود بس مسحت كلامها وما ارسلت ........
فارس: خلود شفيك سرحان وتهوجس؟
خالد: لا فارس مافيني شيء
فارس: طيب قوم بنرجع البيت خلصنا انا وعبود
خالد بـ اندفاع: صدق يلا
عبدالله: اي يالله مشينا
رجعو البيت وكانو بالحديقة البنات وخالد فز قلبه عباله ريم معاهم وصار يتلفت ولاشافها .......
عبدالله: سلاام
البنات: وعليكم السلام
لاحظت شادن نضرات خالد وهو يدور ريم وراحت بتكلمه
شادن: خالد دقيقه بكلمك
خالد: هلا شادن امري؟
شادن: مايأمر عليك عدو بس بقولك ترا ريم نامت وهيا زعلانه منك على الي صار العصر بالاسطبل ولا تكلمها اليوم بشيء بكرا لاصحت تفاهمو وتزين الامور ان شاءالله
خالد: ااااههخخخ يشادن من اليوم افكر فيها والله انشغلت بالتدريب عشان كذا ماكلمتها وراضيتها بس تبشر بكرا ان شاءالله
شادن: ان شاءالله لاتنسى والله شايله بخاطرها وترا يعلم الله تحبك مرا انتبه لقلبها يخالد امااانه تراها اعز ماعندي
خالد: والله انها عيوني وابشري مايجيها مني شيء يزعلها بعد اليوم
شادن: ماتقصر ادري والله
خالد: يلا استأذنك بروح انام
شادن: تصبح على خير
خالد: وانتي من اهله
راحو ينامون كلهم وصباح اليوم الثاني الفجر ساعة 6 تماماً كانت ريم وشاديه صاحين وجالسين مع بعض
شاديه: تعالي بنتي ريم هاتي الفطور معاي للحديقة اليوم الجو غيم ماشاءالله يشرح الصدر
ريم: اي مرا يهبببل يلا اجهز عنك السفره ارتاحي انتي
شاديه: حبيبتي ماتقصرين يروحي
ريم: ولو يعيوني وهذي السفرة جهزت ارتاحي انتي افطري ونا اصحيهم
راحت ريم تصحيهم وكان اول واحد جاته خالد
ريم: خالد قم يلا امك تحت مجهزه الفطور برا
خالد مو مصدق ان الي تصحيه ريم: لا مو مصدق
ريم: وش الي مو مصدق؟؟ اول مره نسوي فطور يعني قم بس
خالد: يغبيه اقصد مومصدق انتي تصحيني!!
ريم: اي داريه مو عاجبك بروح انا خلي ريم تصحيك
خالد: هههههههه يالله حتى عنادك احبه
خرجت ريم من غرفته وهيا مبتسمه بس تذكرت لازم تطول بالزعل لما يراضيها شوي> كبرياء انثى هههههههههههه
ريم: ميس ساروه قومو يلااا شادن يلا اصحيي
شادن: اهخ شفيك مصبحه علينا بدري يبنت
ريم: بيفوتكم فطورنا لو ماصحيتو
ميس: ودي اقوم عاد مره جوعانه بس مافيني حيل
سارة: ريم خذيهم واطلعي وخلوني اناام
ريم: اقول انا مبسوطه اليوم يلا قومو كلكم
شادن: عسى دوم حبيبي
ريم: اااهخخخ اميييين امييين يا احلاا شدو
شادن: يلا نزلي تحت انا الحين جايه ومعي ميس وعبير والجوهرة
ريم: يلا تمام
نزلت تحت وهيا مبسوطه بشوفته بالصباح واول من يصحى معه ريم وهو بعد مبسوط لانها جاته ونست الزعل
عايشه: صباح الخير
شاديه: صباح النور يامرحبا تعالي مجهزين الفطور انا وريم
ريم: ياهلااا ب احلا ام صباحي انتي
عايشه: يعيوني انتم
نزلو العيال والبنات وكلهم اجتمعوا على السفرة وجلسو يفطرون ومبسوطين من الجو الحلو واكتمل بنزول رحمّة ربي هَتاان وبراد يفتح النفس .........
خالد: يايمه انا طالع مع مازن اليوم المسابقة توصين شيء؟
شاديه: موفق ياعيون امك وجعل ربي يوفقكم
خالد: اللهُم امين ياعيوني انتي
عبدالله: يالله مشينا؟
فارس: يلا توكلنا على الله
ريم: فارس مايمدي نحضر بالمدرجات؟
فارس: الا يمدي تعالو ان ودكم
ريم: الله اجل انتظرو بنطلع معكم انا وميس وشادن
عبدالله: يلا لاتطولون ننتظركم بالسيارة
طلعو السيارة وراحو البنات يجهزون عشان يطلعون وشاديه وعايشه راحو يسيرون على الجيران والجد وعياله صحو يكملون امورهم
ميس: يلا بسم الله متحمسسهه
ريم: اي مثلك، تهقين مين الاول؟
شادن: احس الكسندر
( متسابق اجنبي معاهم بحكم ان المسابقة عالمية )
ريم: ايوه صح بس واثقه ب فارس وخالد وعبدالله
خالد ناظر فيها بحُب ودخل بقلبه الثقه وعبدالله الي ابتسم وفارس الي حب يدها وقالها
فارس: يعيوني انتي يارب يارب
ميس: اي ماعليكم ان شاءالله تفوزون اهم شيء خليكم واثقين من انفسكم ولاتتوترون
شادن: اي انتبهوا
عبدالله: اي ماعليكم
وصلو لـ اسطبل المسابقة وراحو البنات بالمدرجات ينتظرون تبدأ المسابقة .....
ميس: بنات اهخ يهبلون وهم فوق الخيل
ريم: منجد هيبة وفخامة وكل شيء حلو
عبدالله كان يأشر بيده لميس بيقولها ان المسابقة يتبدأ الحين وبدأت وقامو يتجهزون للقفز والسباق الخّيالين
خالد: عبود وفروس كيف اموركم جاهزين؟
عبدالله وفارس: اي جاهزين
عبدالله: اذكاركم يعيال تحصنو
بدأ السباق وكل واحد انطلق بحصانه وكانو واثقين بالفوز والمتقدم فيهم كان فارس وريم مو شايلتها الارض من الفرحة وتصفق له وتشجعه وتحمس خالد وسبق فارس صار الوصيف فارس والمتصدر خالد وثالثهم عبدالله وانتهت الجولة الاولى والمتصدر خالد وجاء وقت الاستراحة للجولة الثانية
فارس: ياوحش ياوحششش يخلود كفو ماخليت الساحة للاجنبي ذا
خالد: ههههههه ياحبيبي انت
عبدالله: كفو ايوالله يلا يعيال الهمة نبي الجولة الثانية والثالثة بعد
خالد: اي يعيال لو احد يفوز مننا يعُتبر الفوز لنا كلنا مانفرق عن بعض كلنا واحد
بدأت الجولة الثانية واستكملوا السباق والقفز فوق الاسوار وكان المتصدر هالمرة عبدالله والوصيف الكسندر وثالثهم فارس والبنات بالمدرجات يهتفون لعبدالله لايسبقه الكسندر ويفوز وعبدالله عيونه شالته من السباق وكان يناظر ريم وهي تهتف ب اسمه وطاح من وضحى وسبقه الكسندر وفاز بالجولة وراحو يركضون عند عبدالله
خالد: ولد عبود انت بخييرر ؟؟ شفيك
فارس: عبود شفيك !!
والبنات خافو عليه وميس بتنزل له ولكن ممنوع ومسكوها ريم وشادن يهدونها ......
قام عبدالله من الطيحه وكانت يده فيها جُروح
عبدالله: بخير بخير مافيني شيء بس وضحى الظاهر انها تعبت
خالد: طيب هات يدك قوم نضمدها لك وتستريح وضحى شوي ونكمل الجولة الثالثة
فارس: اي قوم بروح انا ادق على ريم تطمن ميس الامور طيبه ان شاءالله
ريم: فارس وش صار شفيه عبدالله!!
فارس: بخير بخير مافيه شيء الامور طيبه طمني ميس مافيه خلاف
ريم: الحمدالله زين
فارس: يلا
ريم: ميس اتصل فارس يقول مافيه شيء بخير وبسيطة
ميس: ااههخخ الحمدالله
راحو العيال داخل يضمدون يد عبدالله وكان زعلان لانه مافاز بالجولة رغم ان باقي شيء بسيط ويفوز
خالد: بسيطه ونا اخوك
عبدالله: حمدالله
فارس: خلاص انت استريح ووضحى بعد حنا بنكمل الجولة الاخيرة
عبدالله: لا والله معكم دخلنا سوا ونخرج سوا بالكاس
خالد: اقول اجلس هينا حنا بنجيب لك الكاس لحدك
عبدالله: اقولكم بجي معكم لحد يناقشني الحين ويالله بتبدا الجولة
ركب كل واحد على حصانه واستجمعوا قوتهم ودخلو الجولة الاخيرة بكل قوة وكان عبدالله يبي يفوز بهالجولة عشان مايطيح من عين ريم الي كانت تهتف ب اسمه من المدرجات .........
خالد: روح يعبود ماباااقييي شيء
فارس: كفو كمل
كان المتصدر عبدالله والوصيف الكسندر وكملو قفز وباقي اخر سور يقفزون فوقه وتنتهي الجولة وتقدم الكسندر على عبدالله ولكن كمل عبدالله بكل قواه وتصدر عليه وفاز بالجولة ونزل من حصانه مبسوط ونسى وجعه وهو يناظر المدرجات وشاف ريم مبسوطه وتضم ميس وشاادن من الفرحة ......
فارس: كفو انشهد انكم رجاااال
خالد: تستاهلون يعياال
عبدالله: والله انكم فخر تستاهلون يرجال
خالد: استنوا بتصل على دحوم وامي ابشرهم
عبدالرحمن: هلاا خلود
خالد: دحوم مبروك عليكم الفوز فزنا بالمسابقة
عبدالرحمن: الله يبشرك بالخير بالمبارك بالمبارك ونا اخوك
خالد: قول لا امي وبشرها
عبدالرحمن: ازهل
عبدالله كان متحمس وهو بيده الكاس يرجع السيارة ويشوف ردة فعل ريم ........
فارس: يلا مشينا يعيال
خالد: يلا
ميس: ااهههخ تعالو تعالووو بضمكم
خالد وعبدالله: بشويش يهبله هههههههه
ريم ضمت فارس وقالت
ريم: ممببرووككك ياقلبيييي انتممم مبروك
شادن: مبررروك تستاهلون ايوالله
فارس: الله يبارك فيكم يالله اركبو بنمشي
طلعو السيارة وكان يسوق فارس وجنبه خالد ووراء شادن وريم وميس وجنبها عبدالله وموقادر يوقف نضرات لريم وريم لاحظت نضراته وخافت ينتبه خالد وحاولت تشتته وقامت تسولف مع شادن
ريم: اي شدو ناويه تضلين عندنا بعد ولا بترجعين اليوم لبيتكم؟
شادن: اهخ ياليت بس والله راجعه
ميس: بتوحشيني مرا
شادن: يروحي وانتوا اكثر والله
فارس: بدري شادن ماطولتي عندنا؟
عبدالله: اييه منجد باقي ماجلستي معانا زين
شادن: لا والله استانست معكم وجلسنا وان شاءالله الجيات اكثر
ريم: حبيبي انتي امين
فارس: هذا هو بيتكم يلا استودعناك الله
شادن: فمان الله
نزلت شادن وصارت ميس بالنص وبينها عبدالله وريم وتوترت ريم اكثر بس خذتهم سوالف خالد ووصلو البيت وكانت شاديه وعايشه والجد وعياله ب انتظارهم عند الباب بالورد والاغاني ومبُسوطين بفوزهم.......
الجد: ياهلا بـ احفادي الفُرسان ياهلا يااحبانيييي
ابوعبدالله: عزالله انكم شرفتونا
ابوفارس: ايوالله انكم رفعتو روسنا
العم عبدالعزيز: عز يمال العز ايوالله
خالد وفارس وعبدالله مبسوطين بكلامهم ومشاعرهم وفرحتهم لهم
عبدالله: الله يبارك فيكم ياحبايبي انتم والله انكم تستاهلون الفوز
الجد: لا والله انتم الي تستاهلونه وعشان فوزكم الليلة عشاكم علي
عبدالعزيز: لاتتكلف يابوي خله علي والله ماتحط ريال
خالد: لاحد يتكلف يارجال والله مانبي غير فرحتكم
ابوفارس: فرحنا ونا عمك بس لازم نسويلكم شيء
ومع جّيت عبدالرحمن وهو داخل عليهم مبسوط وبلهفه نزل من سيارته وجاء ضمهم وبارك لهم وحلف عليهم مايعشيهم غيره وراحو معه وتعشو ورجعو البيت مبسوطين ومحد وده ينام من الفرحه ولكن النوم سلطان وخذاهم وكلهم راحو ناموا الا عبدالله الي كان تاكي بالصالة وخالد وفارس وريم وميس ومحد فيهم جاه النوم
فارس وخالد كانو برا يسولفون وميس بالمطبخ تجهز شاهي السهّرة وريم نزلت للصالة وحصلت عبدالله ......
ريم: اوه انت هينا باقي مانمت
عبدالله: لا والله مانمت حتى خالد وفارس برا جايين الحين
ريم: اي كويس
عبدالله: كويس! لهدرجه ياريم ماعاد تبين تجلسين معي لحالي مثل قبل ترا مستحيل اضرك بشيء وخلي هالكلام ببالك
ريم: لا مافكرت اصلاً بهالشيء بس قصدي كويس من سياق الكلام وبعد عشان مانمل ونجلس نلعب ولا نسولف مع بعض
عبدالله: اي زين لان ما ابيك تفكرين بهالشيء ولاتضني لانك حبيتي اخوي بسبب لكم مشكلة لا والله اتمنى لكم الخير والله يجعلكم دوم مع بعض حتى لو اني باقي احبك واتمناك لي
ريم ماعرفت شتقول واكتفت بالسكوت والا ميس انقذت الموقف ودخلت عليهم .......
ميس: وهذا الشاهي الكاااايف جاهز
عبدالله: اللهه اكتملت الجلسة تسلم يمناك خيتي
ميس: يسلمك يعيوني ولو لازم نسوي لخيالنا
ريم: صبي لي طيب الظاهر نسيتيني
ميس: افا! انساك انا هههههههه سمي يروحي
ريم: حبيبتي انتي، دقيقه ياخي بنادي فارس وخالد طولو برا
خالد: هلا ريم؟
فارس: شفيك
ريم: انتوا مو ناوين تجون للشاهي مسوين جلسة؟
خالد: يالله جايين
عبدالله: مابغيتو تجون
فارس: حبيبنا كيف يدك بس زينه الحين؟
عبدالله: ايه احسن حمدالله
خالد: حمدالله كويس
ميس: يلا دامنا تجمعنا خلونا نلعب
فارس: يالله العابكم النايمه
ميس: اقول حدك بس واصلاً لو مو ريم ما لعبتك!
ريم: هههههههه لا اخوي حليل بس يمل بسرعه حركاته
عبدالله: يلا طيب وشو لعبتكم؟
ميس: بنسأل بعض اي سؤال يخطر ببال الثاني ولازم الثاني يجاوب بكل صراحه والي مايجّاوب نحكم عليه والجلسة بساط احمدي
خالد وهو يناظر لريم ويضحك: حلو حلو يلا نبدا
ريم: ايه يلا اجل نبدأ من عندك ميس
ميس: يلا بسأل فارس
فارس: اسلمي؟
ميس: انخذل مره من احد؟
فارس: ايه طبيعي الانسان ينخذل الاشخاص الي مو كويسين واجد
ميس: صح يلا عندك خلود
بحكم ان عبدالله اعز خوي لفارس واخوه بالاصح كان يناظر فيه بذهول كيف مايدري عن هالشيء وليه ماحكى له؟ ..........
خالد: يلا بسأل عبدالله
عبدالله: هات
خالد: بكل صراحه الفتره الاخيره ايش اكثر شيء مضايقك؟
عبدالله توتر من سؤاله ولكن جاوب!....
عبدالله: شخص صارحته بمشاعري وما اهتم لي وطلع يحب شخص ثاني
ريم انصدمت من جوابه ويدها وقلبها ارتجفوا وقامت من الجلسة بدون مقدمات ....
خالد: وين رايحه ريم؟
ريم: جايه بغسل وجهي حسيت بنوم للحظه
ميس: تمام لاتتأخرين يلا كملوا ع بال ماتجي
خالد: يلا عندك السؤال فارس
فارس: يلا بسأل ميس
ميس: هههه يلا هات سؤالك النايم
خالد: ثواني يعيال جاي الحين
راح يشوف ريم شفيها وعبدالله كان يتلفت ب الاطراف لانه قام وراها.......
فارس: وش اغنيتك المفضلة؟
ميس: اكيد اغُنية ماجد ( روحي بلقاك )
فارس: طلعتي ذويقه والله
ميس: ماشفت شيء باقي
بالجهة الثانيه بين خالد وريم ......
ريم: شفيك جيت؟
خالد: اكيد بجي اشوفك شفيك قمتي فجاءة كذا؟ قلبي م ارتاح
ريم: مافيني شيء والله بس اطير النوم عني
خالد: مدري يخي قلبي نغزني عليك
ريم: لا عيني ولاشيء فيني
خالد: اي كويس طيب تبين شيء!
ريم: لا كويسه وصحصت شوي يلا امشي خلنا نكمل اللعبة
خالد: يلا تمام
ميس: هلا بعصافير الكناري
ريم استحت وكانت بتهفها بالمخده وخالد ابتسم لكن فارس عطاه نظره > الي وشفيك انت مزودها حبتين ههههههههه
ريم: وش عصافيره انتي بعد صبي شاهي بس
ميس: من عيونييي يحياتي الي مستحي
خالد: ميس شهالحكي وين وقف الدور ؟
فارس: خلاص خلصنا بنجلس نسولف ونشرب شاهي
عبدالله: تبون نلعب فيفا؟
ميس: لا مو جوي
عبدالله: اكيد مو جوك اقصد فارس وخلود انا
ميس: لايشيخ؟؟؟
ريم: تعالي ميس معي بطلع فوق
ميس: تمام يلا جايه
يتبــــــع البــــارت 7 :
