#في قبضه الخيلع
#البارت"54"
بقلمي: زيـنب عـلـي
شارفت قصتنا على الانتهاء
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
الطير العاف عشه وهاجر بعيد
يرد تاليته بس هواي ندمان
سكون-
حجت بتردد
زهور- عمو ساجر رجع
الكل توجهت انظار البنات الي عيونهم كأنها تسألني شلون بيج جرحج رجع بقيت ساكته حجت مياسين بلا اهتمام
مياسين- ايي هلا بي همزين رجع من وكت حتى نخلص شغلنا ويا
حجت الكلمه بعدها باوعت عليه وردفت بنبره جديه
مياسين- مو هيج المفروض يصير
هزيت راسي بقبول اخذت ملابسي وطلعت من الغرفه دخلت للحمام سديته عليه انتبهت على نفسي بلا ما احس ساده ايدي حيل وهي ترجف واتنفس سريع وصوت نفسي مسموع باوعت الروحي بالمرايه وتوالت عليه الذكريات وحده ورا الثانيه تذكرت كل مواقفه البشعه حسيت على رجفه جسمي وكأني رجعت الهذاك اليوم الي عشته بالشقه
فتحت المي وگعدت جوه الدوش اني وملابسي بقيت صافنه وافكر شلون اذا صدفت وشفته ماريد اشوفه بقيت هواي على هالحاله الحد ما فزيت على صوت دگه الباب ومياسين تحجي
مياسين- سكون انتي زينه
مسحت وجهي وحجيت محاوله اتمالك نفسي
سكون- ايي هسه طالعه لا يبقى بالج
مياسين- منتظريج لا تبقين وحدج اطلعي
تنهدت بضيق سبحت وطلعت ماحجيت ويا اي شخص سويت نفسي ممهتمه اصلا تمددت على مكاني ونمت او تظاهرت بالنوم ماريد اشوف نظراتهم كابرت وتجاهلت نغزات گلبي ورجفته وحاربت حتى دموعي ماريدهم ينزلون للعصر واني على هالحاله
سمعت صوت عمو منير بالبيت بسرعه طلعت من الغرفه واسمعه يحجي ويا مياسين يگلها
منير- بس هو اليوم اجه انطينا مجال نفهم او على الاقل يعدي كم يوم
مياسين- عمو انت ماشفت حالتها اليوم من سمعت بي رجع وجها صار اصفر واديها ترعش شكد سولفتلي على الي عاشته بس اني اليوم يلا حسيت بأختي شكد هي مجروحه ومتأذيه لكن تكابر وتكتم
منير- قصدج كل ما استعجلنا احسن الها
مياسين- ايي اني اريد اليوم حتى يعرف احنا منتظرين رجوعه الاجل هاي اللحظه
أنت تقرأ
في قبضة الخيلع
Bí ẩn / Giật gânقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
