في قبضة الخيلع

القبضه الثانيه والثلاثون

#في قبضه الخيلع

#البارت"32"

بقلمي: زيـنب عـلـي

عثراتي لا تنسون متابعه الحساب+ التصويت+ كومنتات بين الفقرات

𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ

چا هو الگلب شيريد خاطر تِكتمل قصته
درب ما بي نهاية وسالفه وأنتَ..

مياسين-

فتحت عيوني باوعت حواليه شفت نفسي بالمستشفى عصرت عيوني حيل بمحاوله استرجاع ذاكرتي

تذكرت شنو صار واخر شي سمعته صوت دوي الانفجار بسرعه فزيت عطت متألمه ايدي مااگدر احركها شادينها الي اباوع الناس مخبوصه وصايره بالردها كلها مصابين ناس تبجي ناس تون باوعت حواليه ماشفته حجيت

مياسين- عزه العزانيي وينه ويينننهه يمه بس لا صار عليه شي اموت نفسي والله

باوعت حواليه كلشي مايمي لا جنطه ولا تليفون تحركت بصعوبه اريد اوخر المغذي حتى اگوم ماگدر ايدي تأذيني بس احركها حاولت بحلگي اسحبه شفت اجت الممرضه تركض عليه من بعيد

باوعتلها وحجيت
مياسين- اني وين فدوه شجابني هنا

- بالمشفى نقلوكي مع المصابين بالانفجار اليوم

عدلت نفسي ردت اوگف ماخلتني

- وين وين قايمه مافيكي تتطلعي هلا

حجيت بدموع
مياسين- فدوه لازم اطلع زوجي ماعرف وينه اريد اروح اشوفه وين

- كتير في جرحه وشهداء اذا كان بينن اكيد بنعرف

خليت ايدي على گلبي حسيته وجعني وهميت ردت اگوم ماتخليني اتحرك

مياسين- اريد اروح ادوره فدوه عوفيني

- مافيكي تقومي هلا عطيني الاسم ونحن بنتصرف

انطيتها الاسم وماخلتني اتحرك جبرتني گوه ارجع المكاني بقيت اللوب وادعي مصاير اله شي انوب اني شلون وين اروح اذا هو ماكو لا اندل عنوان ولا حافظه رقم تليفون ساعتين بقيت على نار

اباوع شي داخله وشي طالعه واني عيوني على الباب ودموعي مانشفت كل شويه اگول هسه يدخل من الباب ماكو شويه ورجعت اجتني الممرضه

باوعتلها وحجيت
مياسين- هاا فدوه ماعرفتي شي عن الاسم وينه

حجت بأسف
- اسمو مانو موجود بين المصابين ظلو الشهداء هلا بيدورو عليه ونشوف