#في قبضه الخيلع
#البارت"48"
بقلمي: زيـنب عـلـي
معثوراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
حسبالي عدينه الوفة والعمر وتوافينه
حسبالي من شفت الفرح بعيونك تراضينه
ثاري اعله ساعة وترجع تبايعني
محيرني ساعات الصبح شو چنك تودعني
وساعات بغياب الشمس ملهوف ومضيعني
سكون-
حجيت الكلمه وصار شي عمري ماتوقعته يصير
بسرعه اتقدم عليه بعصبيه على بالي راح يضربني غمضت عيوني ماحسيته الا سحبني الحضنه گدامهم وهو يحجي بأذني همس
ساجر- ماتعوفيني لا لا مستحيل ماتسوينها هدوء
همست من بين دموعي
سكون- ساجر مو گدامهم
رفع راسي بأديناته يباوع الوجهي
ساجر- لا تحجين شي هسه لا تفكرين ابقى هنا شكد ماتردين ارتاحي وبعدين نحجي
سكون- قراري واحد مااتراجع عنه
صار يهز براسي بعصبيه ويحجي
ساجر- طلااااگ ماكككووو افتهمتي ماككووو
تقدم عمو منير سحبه گوه وهو يحجي
منير- تخبلتتت مو هيج التفاهم يعني حتى اذا تريد تتفاهم وياك بهالحاله متگدر
ساجر- منييررر كله من وراك انتتتت مأيدهاا
عاف عمو وراد يرجع عليه جنت واكفه ورا عمه ميسون وابجي ماخلو يوصلني مسح على شعره هوسه صار مخربط اول مره اشوفه بهاي الحاله يريد يوصلني ميقبلون تخبل دفر الطبله الگزاز برجله سواها طحين
التموا عليه يردون يلزمونه ميگدرون وهو بس يصيح
ساجر- طلاگ ماطلگ انسووو هاي السالفه
صاح بي عمو
منير- وانتتتتتت بهاي حالتك تطلگها وغصبا عليككك
تخبل زمجر بكل صوته صار اي واحد يوصل يمه يضربه بلا ميحس بنفسه وگوه علي لزمه وهو يحجي
علي- شنووو سالفه يابه متشوف حالته وكت حجي هسه
اباوع ام علاء موتت نفسها من البجي وتتوسل بيهم يلزمونه واني گلبي گلبي حسيته وگف انمردت مرد واني اشوفه بهاي الحاله كل شويه اريد اروحله وعمتي تلزمني ماتخليني اتقرب
أنت تقرأ
في قبضة الخيلع
Misterio / Suspensoقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
