#في قبضه الخيلع
#البارت"45"
بقلمي: زيـنب عـلـي
عثراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
المُشكلة ادمَنتك بعد ، مِثل الجگارة
اتنفسَك ارتاح وتأذيني .
زهور-
جمدت بمكاني كل شويه ادخل للصور اگلب بيهن فعلاً صوري اتصلت عليه بسرعه جاوب
سجاد- يهلا شفتي متجين الا بهذا الاسلوب
حجيت بحرگه
زهور- من وين جايب صوري سجاد وشنو تهددني بصور ماخذتهم بحفله هسه انزل احجي الاهلي كلشي انت بهاي تصرفاتك عميت على نفسك
ضحك وصوت ضحكته تنفز
سجاد- ايي يلا روحي گليلهم اكيف حتى اشوفهم محادثاتنه وانتي تدزيلي الصور وتوصفين جسمج الي
شهگت بصدمه ماگدر اعلي صوتي همست بحده
زهور- هيييي انت على اي محادثاتتتت داتحجييي مابينا محادثات
سجاد- تؤ تؤ تنكرين زهوري ليش هيج صبريلي خلي اذكرج
غلقه من عندي ماكو ثواني ودزلي مجموعه صور حسيت نفسي بعد ماگدر اخذ نفس واني اشوفهم هاي وين وشوكت هذا حسابي نفس الصوره نفس الاسم بالضبط وكلام بذيئ بمجرد مااقريته لعبت نفسي
تخبلت گمت الطم شلووونن شلووونن منين جابهم هذا مثل حسابي بس هاي موو انيي رجعت اتصلت عليه انطاني رفض وكتب
سجاد- " مشغوله حياتي بعدين نتفاهم "
صرت اغلط عليه بعصبيه وابجي تخبلت عقلي راد يوگف يموتوني اذا عرفوا والله يموتوني منو يصدگ بيه محد يرحمني رجع كتب
سجاد- " اذا جازفتي وحجيتي حتى السكون تعرفين شسوي المحادثات وصورج الحلوه تصير بكل مكان"
رجعت اتصلت عليه حتى ما اكدر اكتب ميجاوب ينطي رفض رجع كتب
سجاد- " كتلج مشغول لا تلحين بعدين نحجي "
ماعرفت شسوي متت من الخوف حتى بطني صارت توجعني واختنگت صرت ارجف اخذت تليفوني وبقيت اتصل عليه ماكو ميجاوب صرت افتر بالغرفه اريد ابجي مااگدر حتى دموعي شاطت بعدني على هاي الحاله انفتح الباب ودخلت سكون وهي تحجي
أنت تقرأ
في قبضة الخيلع
Mystère / Thrillerقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
