#في قبضه الخيلع
#البارت"22"
بقلمي: زيـنب عـلـي
عثراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
خلينا غرب لا تسأل ولا ليش
مثل خفگه هوى بشباج
لا حرگت برده ولا دخلت تعيش
لا سيرت بيه
ولا گدرت انساك
ولا حبيتني ولا جاي حتى اهواك
سكون:-
مرت الايام واني بديت اقره فتره مراجعه قبل امتحانات البكلوريا وزهور امتحانات اخر السنه عدها هم تقره وياي
جنت اقره رياضيات واكو موضوع صعب عليه صرت انافخ
زهور- هاا تنافخين شبيج
سكون- مادري هذا الموضوع شكد ماريد افهمه مااكدر
باوعتلي وحجت ببتسامه خبيثه
زهور- ايي نزلي العمو ساجر يفهمج
باوعتلها بطرف عيني حجيت واني اگوم
سكون- ايي اروحله قابل شكو
وصلت يم الباب صاحت وراي تحجي وتعوج بحلگها تعيب عليه
زهور- ماوصيج هم صيحيله عااممووو
سكون- لعد شصيحله غير اكبر مني
حجت تستهزأ
زهور- ايدي اگصها اذا على نظراته هاي هو معترف بكلمه عمو
سكون- دروحي انتي تبالغين
عفتها وطلعت نزلت جوه شفتهم گاعدين بالاستقبال عصريه ديشربون چاي
حجيت
سكون- عمو اذا ماعندك شي تفهمني موضوع رياضيات
انتبه عليه وحجه
ساجر- شو بله تعالي اشوف
اتقدمت گعدت يمه باوعلي ورجع حجه
ساجر- سلامج وينه وراج گدامج
حجيت بملل
سكون- هسه ياعمو مو الضهر شفتك كل شويه السلام عليكم
ساجر- هم صايره ماتنگدرين
باوع العمه ميسون وحجه
ساجر- سمعتي بنت اخوج ميسون
ميسون- كبرت عيني وصار عدها شخصيتها المستقله
باوعلي وحجه بنبره هادئه
ساجر- صدك كبرتي
ام علاء- هسه اشوفلها عريس اريد ازوجها واطلعها عروس من بيتي شتكول ابو علاء
حجه ابو علاء بضحكه
ابو علاء- يابه شعدنا غير وردتنا الحلوه العاقله
نتر بيهم بعصبيه
ساجر- يعني بكل شي ودخلتو الصخام بالنص بعدها طفله تره
أنت تقرأ
في قبضة الخيلع
Misterio / Suspensoقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
