💚💙𝙐𝙣𝙠𝙣𝙤𝙬𝙣 𝙏𝙒𝙄𝙉𝙎💙💚 ◇◇ 𝙅𝙃𝙊𝙋𝙀◇◇ ✅✅

💙chapter 💙02

කොලේජ් ඉවර වුන ගමන්ම ඉක්මනින් ම දුවගෙන ඇවිත් යුනිෆෝම් එක දාගත්ත මෝනා කැෆේ එක පුරා ඇස් අරගෙන ගියේ අලුතින් උපු කස්ටමර් කෙනෙක් ඉන්නවද කියලා බලන්න....

නගරේ තිබුන සුපිරිම පන්තියේ කැෆේ එකක පාට් ටයිම් ජොබ් එකක් අරගන්න එක මෝනාට ලේසි වැඩක් වුනේ නෑ.... ඒත් කැෆේ එකේ වැඩ කරපු මෝනා ගේ යාලුවාට සතියක නිවාඩුවක් ඕන වුන නිසා ඒ වෙනුවට මෝනාට අවස්ථාව ලැබුනා සතියකට සුපිරි පන්තියේ අවන්හලක සහයිකාවක් වෙන්න....

ඇත්තටම මෝනා හිතුවේ ජොබ් එකේ තත්වෙටත් වඩා අතට ලැබෙන ලොකු මුදල ගැන, සාමාන්‍ය අවන්හලක දවස් හතරක් වැඩ කරලා ලැබෙන මුදල මෝනාට මෙතනදි එක දවසකදි ලැබුන,  අලුත් වාරේට කොලේජ් එකේ ගාස්තු ගෙවන්න නම් තමන් තව ටිකක් මහන්සි වෙලා වැඩ කරන්න ඕන කියලා මෝනා දැනගෙන හිටියා,  ඒ නිසාම මේ ලැබුන අවස්ථාව මෝනාට ගොඩක් වැදගත් වුනා....

"හේයි මෝනා!! උඩ බලාගෙන ඉදලා හරි යන්නේ නෑ අර ටේබල් එකට කපල් එකක් ඇවිත් ඉක්මනින් ඕඩර් එක අරන් එන්න !!!"

කැෆේ එකේ මෝනා එක්ක හිතවත් වුන ලයිලා කියන කොට කල්පනාව අතර මග නවත්තපු මොනා ඉක්මන් අඩි තියලා ටේබල් එක ලගට ඇවිදගෙන ගියා....

"Excuse  me sir මේ....ඔහ්  ම් ම්වෝ...."

ටේබල් එකට වාඩි වෙලා හිටපු කපල් එක ලගට ගිහින් excuse කරලා ඕඩර් එක ගන්න ගිය මෝනාගේ ඇස් ලොකු වෙලා කට ඇරුනේ තමන්ගේ ඉස්සරහ වාඩි වෙලා හිටපු හොබී ව දැක්කම....

ඕවර් සයිස් ටීෂර්ට් එකක් ඇදලා බාච්චු කලිසමක් ඇදගෙන ඔලුවට බකට් හැට් එකක් දාන්න පුරුදු වෙලා හිටපු හොබී වෙනුවට මෝනා ඉස්සරහ හිටියේ වෙනස්ම හෝබී කෙනෙක්.....

ලස්සනට ජෙල් කරලා අල්ල පේන්න  උඩට හදලා තිබුන කොන්ඩේ,  dark blue colour full suit එක, මූන පේන තරමට පොලිෂ් කරලා තිබුන සපත්තු දෙක,  අලුත්ම විලාසිතාවේ මිල අධික රොලෙක්ස් වොච් එක,  වොලට් එකත් එක්කම පැත්තක තියලා තිබුන branded shades... මෝනාට පුදුම වෙන්න කාරනා ඕනවටත් වඩා ගෙනත් තිබුනා.....

ඒත් ඒ හැමදේටමත් වඩා මෝනා පුදුම වුනේ හොබී ගේ එහා පැත්තෙන් වාඩි වෙලා හිටපු ගෑනු ලමයා දැක්කම,  බැලූ බැල්මටම උසස් පන්තියක කියලා පෙනුන ගෑනූ ලමයා යටහත් පහත් විදියට හොබී දිහාවට නැමිලා කථා කරන කොට මෝනා ගේ ඇස් දෙක තව ටිකක් ලොකු වුනා.....