طفلتي _5
بعد يومين بقينا شله انا و فهد و رائد و مؤيد و سماح و شدن و رانيا و عبد الرحمن كلنا اليوم كلو مع بعض احساس الاخوه و الصحبه بينا كان حلو شديد كنا بنتعامل بعفويه بس منذر كان بجي بقعد معانا مرات بس ماف زول عارف انه مرتبط مع رانيا
(رانيا سبق وعرفنا عنها هي يتيمه الاب و عايشه مع امها و اختها واخوها وهم م شغالين بيها عشان كدا هي طايشه بالشكل د )
عبد الرحمن : رانيا بتعرفي الولد دا؟
اي
من وين بتعرفيه ؟
اءء كنت في كورس انجليزي وكان معاي
تمام تاني م تتكلمي معاه
كنت بحس بنظرات منذر لـ رانيا م كانت كويسه حتى سماح لاحظت : رانيا انتي منذر دا مالو بتصرف معاك كدا؟
"عملت فيها غبيه " كيف يعني مالو؟
ماعارفه نظراته غريبة عارفه انه حبيبك بس انتبهي
مالو عادي بتصرف معاي كدا عشان بحبني ( معاها ضحكه خفيفه )
عايني يا رنو ما اي حب بكون صادق م تثقي فيه شديد
منذر شاب في 23 من عمره شاب بس تفكيره تفكير مراهقين ارتبط مع الدنيا كلها م خلى بنت وما ربط معاها درس الجامعه في المانيا وجيه شديد وعلاقاته محدوده مستغل وجاهته دي بشكل خاطئ جنه بنات و كثير التنقل نوع الاولاد الكعبين ديلك بس بتمسكن للبنات
سجى يا سجو تعالي
اا نعم
تعالي نلعب
نلعب؟ فالوقت د؟ عارف الساعه كم
ااي ياخ مافيها حاجه انا عايز العب ورح صراحه تحدي ولا اونو ولا ليدو اختاري
الزمن اتآخر م وقت اللعب هسي لو زول شافنا ح يقول شنو؟
ما عندك شغله ب زول ارح انتي معاي م بجيك شي و ما قاعدين نعمل في شي غلط
خلاص طيب اممم ليدو
يلا انا زاتي عايز العب استعدي للخسارة
نشوف البخسر منو
بدينا نلعب هو كان لعاااااب قتلني زي خمسه مرات
وانا حظي حلو كل م اموت طوالي سته
انتي د شنو الحظ السمح دا حظ زي حلاوه المولد
خمسه وخميسه عينك الحاره دي اها شوف جاني يك يكوي جبهتك شاحده ربي
ارح ارح تمي انا حجيت ب اثنين وانتي ولا واحد
يا فهددد حرام عليك (بصوت الزعل داك)
خلاص يا شافعه
مام انت فزت علي م عايزه العب انت حجيت ب ثلاثه
كان تخليني احج ولو مره م تقتلهم لي كلهم
يعني زعلانه؟ تزعلي عشان لعبه خلاص نحج الأخيرة سوا
لا انت كدا حـ تفوز
امم عندي فكره شالني و بقى لافي بي فالبيت
يود نزلني د شنو
قلتي عايزه تحجي و اهو حجينا سوا مالك زعلانه هسي
كانت ماما ريان سامعانا انا و فهد بنتونس و نلعب كدا وكل م نقعد كدا بتمشي سريع وما بتتكلم معانا كنت بحس ان في حاجه غلط
فاليوم التاني
رانيا : لكن يا منذر ما بقدر اجيك
انتي م بتحبيني يا رنو؟
لا بحبك لكن ما بقدر
ليه م بتقدري قايله في زول شغال ليك من ناس البيت ماف زول بهتم لامرك غيري و كل البنات الكذابات بقولو كدا انتي م بتحبيني بس و زاتي انا مسافر و انسيني
لا يا منذر والله بحبك م تسيبني عارف انه ماعندي غيرك فالدنيا دي
طيب خلاص تعالي لي ف الشقه هسي
هسي؟ هسي م بقدر
تاني رجعنا يا رانيا؟انتي خايفة ليه ح اتزوجك يا بت انتي مرتي
خلاص جايه مسافه الطريق رانيا بقت حائره بين انها تحفظ نفسها و ان كدا غلط وبين حبيبها وانها تلبي رغباته الشهوانيه
استسلمت للامر الواقع و مشت ليه بدا يقرب منها حبه حبه و حدث م حدث
بقى يطلبها كل فترة تجي له فالشقه
بعديها منذر بدا يتغير على رانيا ( طبيعي يتغير اخد منها العايزه )
بعد اسبوعين بديت الاحظ لرانيا فالمدرسة م على طبيعتها ابدا اليوم كله دايخه و مهمومه
شدن : رانيا انتي مالك متغيره كدا حتى تفاصيل وشك اتغيرت حاصله عليك حاجه؟
لا لا بس حاسه ب إرهاق
سماح :ليك اسبوعين بالحاله دي ارح يعد المدرسه نغشى العياده الجمبنا دي نفحص ليك
لا لا ماف داعي انا كويسه
شدن : لأ في داعي انتي كويسه ولا شي
الجرس دقا يلا بلاقيكم بعدين
طيب
بعد اليوم شدن و سماح مشو الفحص
الدكتور : يا بنات صحبتكم دي متزوجه؟
شدن : لا
سماح :(قرصت شدن ) اي متزوجه يا دكتور
الدكتور : اا قولو ل راجلها الف مبروك مرتك حامل اتفضلي معاي اكتب ليها شويه ادويه
شدن و سماح وشوشهم بقت عامله كدا
رانيا جات طالعه من العياده و راسها لافي لقت سماح و شدن واقفين مخلوعين بنات مالكم؟ في شنو ساقوها برا سماح : عايني يا رانيا د منذر صح؟
(رانيا بصدمه) منذر مالو في شنو؟
ابو البيبي بيبي منو بتقولو في شنو انتو انا ما فاهمه
شدن مسكت رانيا من اكتافها و عاينت ليها في نص عيونها رانيا انتي حامل
رانيا : ااءء انا؟ حامل؟ اءء كيف؟
سماح :عدديل كدا عايني يا رانيا د منذر العمل فيك كدا صح؟
ااي دا منذر م تخافي بكلمو هسي و جرت مننا ب اتجاه شقه منذر
سماح : راااانيااااااا يا بت ارجعي الله يرضى عليك
شدن : رانيا اقيفي دقيقه نتفاهم
ورانيا م شغاله بيهم همها الوحيد المصيبه دي
دقت باب شقه منذر
منذر افتح الباب د يا منذر الحقننييييي و بقت تببكي
منذر : في شنو مالك و الجابك هنا شنو؟
نحنا في ورطة يا منذر
كيف يعني نحنا ؟ دي ورطتك انتي
منذر كيف يعني انت عارف اني م عندي زول غيرك
انا البضمن لي شنو ان دا ولدي؟ انتي عملتي كدا معاي بتعملي مع غيري ب اسم الحب كدا بتفرق البنت الرخيصة العـا*هـ*ره من البنت الشريفة يلا كشي من قدامي زاتي بكره مسافر برا السودان عايني شقتي فااضيه يلا تشاااو وقفل الباب في وشها
رانيا كانت ح تموت من الخوف
شالت التقرير الطبي و رمته في الدولاب و رقدت غطت في نوم عميق من الحسرة بقت ما قادره تفكر
صحت على امها بتكفت فيها وشايله التقرير في يدها
د شنو يا بنت الكلب دي شنو؟ وطيتي راسي الله يوطي راسك مسكتها دقتها دق لحد م البت اغمى عليها مرتين اخوها جا و ربطها فالكرسي و بقى يجلد فيها بالحزام كانت ح تموت من الألم يا تافهه م اتربيتي د منو الكلب العمل ليك كدا؟؟ رانيا: ااااا
بلا اا بلا زفت معاك قلت ليك منو الواطي دا احككيييي
قربو يقتلوها
وامها قاعده فالارض بتبكي انا قصرت معاك في شنو انا اليوم كلو شقيانه عشانك
اختها ضربت لي الحقي اختي يا سجى الحقي رنو رنو بتموت يا سجى حكت لي انهم لقوها حامل جريت جري لبست عبايتي فهد : ماشه وين؟
م وقته ارح سريع بحكي ليك فالطريق
حكيت ليه :حسبي الله ونعم الوكيل خرب حياه البنت هسي أهلها بتكون حالتهم كيف
ربي يستر بس وصلنا عندهم و.....
انتهى....
بتمنى تكون عجبكم البارت... 😭💗
اسفه على الأخطاء...... 💔
هل رانيا عملت الصح وقت وثقت فيه..؟
أهلها ح يعملوا ليها شنو.. ؟
ح يحصل شنو ل منذر..؟
هل ح يتزوجها..؟
يتبع....
أنت تقرأ
طفلتي...
Humorطفله تبلغ من العمر الثالثه عشره تتزوج غريبا لا تعلم عنه شيئا لتعيش مع عائلته بعد ان باعتها امها له وهي لا تدرك شيئا...
