طفلتي_.... 2
اسفه على الأخطاء الإملائية...
جات بت سلمو عليها بتها مشيت دخلت اتونس مع مؤيد و هاك يا الونسه و هاك يا الضحك البنت جات و قالت لي بمياعه كدا قومي جيبي لي مويه مفلتره ولو سمحتي تكون في كبايه مغليه بمويه معدنية
انحرقت منها شديد جني و جن المياعه و حركات البنات دي مشيت المطبخ مؤيد لحقني قال لي حتعملي شنو مويه عااادييه شفت عشان المياعه دي هاك امسك قزازه مويه الصحه الفاضية و مليتها مويه عاديه و اديتها ليها فتحتها قبل م اديها عشان م تكشفني شربت زي المافي شي و تشيل و تحكي انا المويه العادية بتمرضني انا م بقدر اشربها بحسها فيها طعم معارفه زاتي مالي ( بمياااعه كدا مبالغه)و تشرررب وانا و مؤيد نتبسم سااي
لمار : خالتو البنت دي منو؟
ماما ريان :دي بتي ربنا يحفظها
اا ماشاء الله
دخلت جوه لقيت فهد
فهد انت م في النادي؟ فهد : لالا كذبت ساي البنت دي م بطيقها وتعالي هنا انتي لمار دي مالا معاك ، انا : منار منو مؤيد: البنت القاعده هناك دي
ااا يعني دي لمار بري م بعرفها متخلفه ساي
لمار بنت في 17 من عمرها دخلت الجامعه السنه دي ممكن نقول بتقرا مع فهد في نفس الجامعه و من زمان من قامو سوا هي مزه شديد ومهتمه بنفسها لكن مياعتها خارباها و زوله طبقات اجتماعيه و بتتحكحك فالرجال
مشيت غرفتي رقدت هناك باب غرفتي دقا فتحت لقيت شدن و سماح واقفين جايبين كتبهم قلت ليهم د شنو؟
قالو لي نسيتي بكره امتحاناتنا النهائيه
وبعلي نسيت مشيت جري صحيت مؤيد قعد الليل كلو يقرينا و مشينا كل يوم عالحالة دي خلصت
الامتحانات و الجو بقى هادئ شديد قررت أني اساعد ماما في شغل البيت و بقيت بساعدها طواالي سجى الجابك هنا شنو
عايزه اساعدك يا ماما لالا امشي العبي مع شدن و سماح
ماما شدن و سماح بلعب معاهم لكن م هسي
طيب تعالي اعلمك تعملي الملاح كيف و بقت تعلم فيني كبي كدا و كبي كدا للأخير طلع زايد ملح سكتت ساااي عملت رايحه و بقينا نضاير و كدا فالعصر كدا قعدو كلهم فالسفره ماما ريان : طبعا الليله الاكل عملته سجى مؤيد : اكيد ح يكون بايخ زي وشها دا ، عمو إبراهيم : يخس عليك البنت اجتهدت فيه شفتها بعيني
انا سجمي شفتني بخلقتي دي. ااي ومالك حلاتك عموووو وقعدو يضحكو
مؤيد : يلا بسملو. رائد : قصدك استشهدو
ياخي غياظين كيف
اول زول اكل فهد كلنا بنعاين ليه في وشه منتظرين الرياكشن فجأه كدا وشو اتكرفس و العيون عايزه تدمع خلاص رائد ماسك الضحكه بالعافيه فهد مالك؟
فهد : الشي دا عباره عن ملح انا فقدت حاسه التذوق خلاص
البيت كلو قعد يضحك خالتي مشت جابت بطاطس ختتها فيه الملح خف شويه و اكلنا اي زول بعاين للتاني في عيونه و يضحك غايتو متخلفين تخلف
طبعا عدت سنتين عالحالة دي
انا ممتحنه ثامن و شدن وسماح بيقرو فيني و طبعا فهد و مؤيد م مقصرين نهائي بقرونا درس اليوم باليوم ابدا م قصرو و ماما ريان و بابا إبراهيم كانو عون لي ف الفتره دي كانت كلها اكتئابات و قرايه و هم و غم سماح و شدن يوم قاعدين معاي جا فارس سلم علي عاين لي كدا و مشى شدن حسيت بيها م مرتاحه قلت ليها تعالي نطلع
سماح : على وين؟ نطلع نتفسح فالشارع و نرجع
مرقنا و فالشارع قاعدين فالمسطبه الجنب الباب و حالتنا حاله مبشتنين لكن حلوين
جو اولاد بقو يصفرو اووو شوف الشغل د يا مان
اببشررر ديل التقول شاردات من الجنه هييي يا مزه هاتي رقمك شدن قعدت تضحك ( م عندنا تلفونات زاتو با كافي البلا) قام واحد قرب مننا و اي واحد استلم وحده بقينا خايفين شديد انا جوني اتنين صرخت بأعلى صوتي مؤيد و رائد وفارس الثلاثه جو جارين مالكم في شنو؟ لقونا نبببكي و نتمتم الاوو الاوو الاولاد ديل.... طوالي فهمو الحاصل مسكوهم دقوهم دق العيش لكن عجبني ليهم يستاهلو دخلنا و شاكلونا اليوم كلو يهرجو فيني امتحاناتي قربت شدديد بقيت اليوم كلو اقرا م خليت معهد ولا ورقه عمل م حليتها مع صحباتي
في يوم اول جلسة امتحان
" *قد تأخذ منا الحياه من لا نتوقع رحيلهم و تعوضنا بمن هو كفيل بـ ان ينسينا هذا الجرح* "
رأيكم في لمار..؟
علاقة العائلة مع سجى..؟
يتبع......
أنت تقرأ
طفلتي...
Humorطفله تبلغ من العمر الثالثه عشره تتزوج غريبا لا تعلم عنه شيئا لتعيش مع عائلته بعد ان باعتها امها له وهي لا تدرك شيئا...
