#طفلتي.. 6
لقينا عبد الرحمن واقف فالشارع و عيونه دي شرار لو تشوفها من بعيد بتحسبها جمر
سجى : عبد الرحمن عبدو مالك في شنو لاقيت رانيا؟
دفاني بكل قوته قربت اقع عبدو : زحي مني م تسأليني و بقى بصرخ : ااالليله يا منذر الا تطير ولو طرت بلحقك اقسم برب المصحف الليله لو ما متت في يدي م يبقى اسمي عبد الرحمن اتصل تلفون بقى بوصي في عدد من الناس يجيبو ليه منذر و يقفلو تفتيشات الخروج من السودان وطلع مشى ركب عربيته و اتحرك بسرعه فظيعه
انا بقيت سامعه صوت الصراخ انا و فهد بقينا جاريين جوا لقيت خالتي بتضرب فيها ومعاها ولدها
وقفت ليهم قدام رانيا في وشهم حاجزتها و فهد بقى بهدي في اخو رانيا و بمسك في الحزام رانيا بهناك جسمها كلو عباره عن دم و آثار الحزام
سجى ببكيه و بلهفه و بتحاول تلم رنو في حضنها : رنو رنو م تخافي حبيبتي م بهبشوك تاني ماف زول بدقك اوك م تبكي بقيت ضاماها و رانيا ولا كلمه م قالتها... فهد بهناك بهدي في اخوها طلع الشارع و جابو رايق
امها : زحي لي اقتلها زحي لي من الواطيه دي
خالتي والله م تهبشيها
زحي يا سجى عشان م ادقك معاها
خالتو لا حلفتك لا النبي خليها
انا م ربيتها كدا.... طلعت خالتي من الغرفه يا الله و فهد طبل رانيا جوا
فهد : خالتو اتصبري
اتصبر كيف يا ولدي بنتي ضاعت انا م ربيتها كويس انا قصرت معاها فشنو تعمل فيني كدا
اخوها بـ نظره احتقار : تفاهه منها بس
فهد : خالتي لا مؤاخذه الغلط غلطكم كلكم كنتي وين لما اختك بتعمل في الغلط؟ اليوم كلو بتكون براها انتي عارفه هي بتاكل ولا بتشرب؟ اختها م فاضيه ليها و عمرها م وعتها و اخوها اليوم كلو مع اصحابو وانتي فاشغل الحـ يفهمها ان كدا غلط منو؟ منو البوعيها؟ هي الحنان الفاقداه من جوه البيت لقتو عند الكلب د وهو استغلاها للاسف رنو اختي وانا مستحيل اسيبها
اختها :يعني بقت هي م غلطانه الغلط كلو مننا وااو
انا : هو ما قال كدا هي ااي غلطانه لكن هي مراهقه و السن د صعب وانتو عارفين مفروض عالاقل تفهموها
اخوها قام يضربها فهد مسكو..اقسم بالله البهبش البت دي ببلغ الشرطه عنو بقول ليهم ضربو بنت حامل !!
فتحت ليها الباب و ضميتها :روني م تخافي ماف زول ح يهبشك تمام م تخافي اوك بسها في راسها و طلعت
انا كل الطريق خايفه و أفكاري شارده
فهد : سجو مالك؟
زعلانه على روني و خايفه في نفس الوقت
والله تحنن خايفه من شنو؟
بقت خاته راسي فالقزاز حق العربيه و خايفه يحصل لي زيها فهد حس بي
اقول ليك حاجه يا سجى
امم قول
اءء بصراحه كدا اذا عرفتي في يوم انك متزوجه من لما كنتي طفله و زوجك اليوم كلو قصداك وانتي م عارفه بالموضوع ح تحسي ب شنو؟
ليه السؤال الغريب د؟
ماعارف رائد قال في بنت سألته السؤال د و بما انك بنت جيت اسألك
ااا من وجهه نظري ح اكون متوتره اتجاه الموضوع و بحاول اتقبل فالاول اذا لاحظت منه الحب و الثقه و الصداقه في آن واحد ح اقبل فيه و اكمل حياتي كلها معه
بجد
ياه وانت فرحت ليه م تكون متزوج من ورانا
يمكن
هههه
بعد يومين و عبد الرحمن و فهد م خلو زاويه فالخرطوم م فتشوها فجأه عبدو ضرب لفهد : الحق يا فهد لقيت الكلب دا (و سامعين صوته بقول اااه ااه شكلهم بضربو فيه) البس سريع و ارح
ريان :فهد سوقنا معاك ودينا ناس رنو
طيب ارح لما مشينا هناك لقينا منذر شويه و يموت من الدق جايبين مويه ملح و كل م يدقوه او ينجرح بكبو فيه مويه الملح دي و منذر يصرررخ ولا حياه لمن ينادي صوروه وهو ف الحاله دي و نشرو الصور
خلوه معلق في محلاتو ذي و عبد الرحمن جاب امه و ابوه و اتحركنا على بيت ناس رانيا
اول م دخلنا لقينا البيت كئيب و اهله ساكتين
سلمنا عليهم وعلى رانيا
عبد الرحمن :اءء خالتي عايز اكلمك بموضوع
اتفضل يا ولدي
انا عايز اعقد على رانيا و استرها
بجد؟ جادي انت؟
ااي فكرت بالموضوع رانيا صحبتي واختي من زمان بسترها و بشيلها على عيني و راسي سجى امشي كلميها
حاضر مشيت ليها يا رانيا عبد الرحمن قال عايز يعرسك موافقه؟
بصوت مكسور و مهزوز موافقه ( البنت اللي كانت م بتمسك الضحكه و قصة ورا قصه و بتتبرش في اي زول و بتعمل لنفسها جو بقت بالكأبه دي؟ )
عملو ل رانيا العقد و عبد الرحمن عقد عليها في نفس اللحظه كان بارد لا زغروده ولا زفه ولا اغنيه امها م قالت ليها مبروك ساي
ساقها الدكتور اداها مراهم للضرب الكان بحصل و ادويه و قعدها في بيته : اسمعي يا روني م تخجلي تمام اي شي عايزاه بديك ليه وما تتعبي نفسك تمام
عبد الرحمن فاللحظه دي اثبت اخلاصه و رجولته و ان قلبه عليها حرفيا ياريت لو كل الناس زيه
كانت لمار الايامات دي بتجي عندنا كثثييير انا ما فاهمه قصتها شنو بس بتلف في فهد بشكل بقيت بشك فيها يوم جاتنا و لما قعدت سألتها....
انتهي...... ا
رأيكم بالبارت حتى لو كان مش حلو اتقبل...
هل كان تصرف عائلتها كان صحيح؟
على من يقع اللوم؟
ولماذا غضب عبد الرحمن لهذه الدرجه؟
لكن هل فعل عبد الرحمن الصواب عندما تزوجها؟
يتبع....
أنت تقرأ
طفلتي...
Humorطفله تبلغ من العمر الثالثه عشره تتزوج غريبا لا تعلم عنه شيئا لتعيش مع عائلته بعد ان باعتها امها له وهي لا تدرك شيئا...
