طفلتي...

عائلتي الجديدة...

#طفلتي_1

بقلم سجى محمد سيف...... ~صديقتي~

الروايه باللغة السودانيه اي كلمه مو واضحة م قدرتوا تفهموها.... اكتبوا بالكومنت و بقول لكم معناها.....

سجى:كان عمري 13 سنه لما ابوي قال لي مبروك الله يهنيك و كان بدمع شديد وامي لفت فيني التوب 6 مرات و مشيت مع واحد كان في سن الـ18 مشينا ونحنا ماشين فالشارع كنت بتلفت يمين شمال م فاهمه حاجه و بقيت ماشه معاه كل شويه اسأله وصلنا؟ يقول لي لا وصلنا؟ لا ، في اخر مره حدر لي (كرهته حياته زهج مني زهج) وداني بيتهم لما وصلنا كان البيت فاضي سألته في شنو انا وين، انا عايزه ماما  قال لي دي امك الجديده هسي ح تجي، قلت ليه ماما تانيه؟ لا لا م عاوزه ماما تانيه، امه جات نازله من فوق بتقول وحلاتي وحلاتي اسمك منو يحلوه قلت ليها اسمي سجى قالت وانا خالتو ريان عاينت للتوب حق الجرتق و عاينت لولدها فهد في عيونه فهمت القصه قالت لي قولي لي ماما حاضر ،حاضر يا ماما، اقعدي هنا يبتي هسي بجي فهد تعال معاي شويه ساقته فوق بقيت حايمه في بيتهم و بكتشف فيه بيهم حلو شديد و امه بهناك بتهرج كيف تجيب شافعه كدا قتلت طفولتها حرام عليك يا واطي انت كيف تعرسها بدون علمي انت لسه برلوم جامعه تعرس طفله؟ جنيت يا فهد اصبر لابوك نشوف نهايه الفارغه دي

ستوب : اعرفكم انا سجى بنت وحده عند اهلي الباقين اخواني 3 كبار وانا اصغر وحده فيهم قمحيه قصيره شعري كيرلي مع رقبتي عيوني رمادية ما بشبه اهلي نهائي
امي دلال مره بتحب نفسها اكتر من اي شي و مهتمه بنفسها و ميكب و طلعات وابوي اكتر انسان بحبني مدلعني للنهايه
اسره فهد :
فهد شاب في بداية عمره بقرا طب و شاب وسيم لابعد الحدود لحد شعره ناعم بارد و علاقاته محدوده متسرع و عصبي شويه
اخوانه رائد و مؤيد
رائد اكبر منه اتخرج طب نفسي و امراض عقليه
ماما ريان مره مهتمه بنفسها شدييييد بتشوفها بتقول في سن العشرين ماشاء الله و طيبه شدديد
مؤيد لسه بيقرا بالثانوي اصغر واحد
ابوهم إبراهيم مدلع اولاده وهم خط احمر متشبب و ظاهر ف سن الثلاثين

يا امي انا عارف بعمل في شنو كيف يعني عارف الكلام دا كلو اها يا فهد هسي نعمل شنو فالمصيبة دي وهي شافعه صغيره يادوب في سادس
خليها علي يما بتصرف زاتها قدر بنت جيرانا شدن تمشي تلعب معاها وكدا
و ابوك؟ تقول ليه شنو والناس؟
ابوي عارف يا أمي  يما ابوي هو القال لي اعقد عليها قال م عافي لي لو ما عرستها
سجمي كيف يعني عارف وليه م وراني يحليلك يا ريان راجلك ضاع منك يحليييلك
امي الموضوع م كدا اها كيف؟
ابوي لما يجي بوريك هسي انا ماشي انوم
ريان :والشافعه دي؟امشي اشتري ليها حاجات و بعدين نوم .   جبت ليها شوكلاتات و هدايا و ملابس فالغرفه و شوفي ليها محل تعبت زاتي يومي كان طويل  ومرق نام
نرجع لـ سجى :
انا بقيت لافه فالبيت سمعت صوت خالتو ريان رجعت قعدت قلت ليها ماما
عيون ماما . برجع لماما التانيه بتين؟ اشتقت ليها
حسيت بيها لمن عيونها دمعت انا امك هسي تمام ولا م عايزه تقعدي معاي انا م عندي بنات تبقي بتي ؟
لالا عايزه اقعد معاك يا ماما و ما تقولي كدا انا بنتك ، شاطره يلا اطلعي الاوضه فوق جبت ليك حاجات كتييييره شوفيها
جريت جري عالغرفه لقيت الشوكلاتات و الهدايا عاد فرحت فرح قعدت بمزااااج اكلت دخلت استحميت و نمت صحيت اليوم التاني طلعت بفتش في ماما ريان و منكشه و حالتي بالبلا ماشه لاقيت راجلين واقفين قدامي خفت جريت منهم بقو بكوركو لي يا شافعه هيي تعالي م دايرين ناكلك نحنا  قمت رجعت بقو يسلمو علي قام مؤيد قال ليهم هي دي سجى يعني وانا قايلها لئيمه و قطيمه طلعت حلاتها  حدرت ليه

ااافاا وبتحدري كمان رائد قعد يضحك ياخي م تخوف البت  تعالي عرفني بيه و ب مؤيد بقو اصحابي بعاملوني احسن من اخواني زاتو شي هدايا و شي طلعات و مؤيد بقعد عدييل يقريني طبعا حبيتهم شديد
مع الايام اتعودت عليهم و على عمو إبراهيم و ماما ريان و مؤيد و رائد
بعد يومين صحيت الصباح عاينت بالبلكونه لقيت البنات ماشين المدرسه  هيي المدرسه نسيتها جريت لفهد و ببكي يا فهد رجعني بيتنا عندي مدرسه الليله  قال لي روقي روقي سجلت ليك في مدرسه كويسه شديد امشي البسي ملابسك عشان اوديك معاي  لبست سريييع سرييع ماما ريان مسكتني ماشه وين بشعرك المنكش دا عايزه يقولو عليك منكشه؟ لا ليه شعري مالو  خلي اللماضه و اقعدي اسرح ليك  نزلت المدرسه لاقيت بنت حلوه كانت مسرحه شعرتين بتبكي قلت ليها مالك بتبكي  قالت الاستاذه ح تدقها عشان فاكه شعرها لقيت روحي زاتي فاكه شعري قلت ليها يعني ح يدقوني انا زاتي؟  قالت لي اي قعدنا نبكي الاتنين جات بت قعدت جمبنا شعرها كيرلي زيي جذبتني طبعا ولا اكذب قعدت اتونست معاها اسمها سماح و ساكنه ف العماره القصادنا قالت اسمك منو قلت ليها سجى البنت ديك لسه بتبكي الاستاذه جات شافت عيوني مورمه و البنت بتبكي يا بنات مالكم؟ انتي ح ح حتدقينا (بتتمتم من الخوف) ليه ادقكم عملتو حاجة غلط؟ عشان م لابسين طرح بنات ثامن قالو بتدقينا  الاستاذه لا م بدقكم لكن تاني تعالو بطرح
حاضر اسمك منو انتي؟ اسمي شدن
امن اليوم داك بقينا اصحاب شديد و خصوصا انها ساكنه جمبنا بقينا اليوم كلو بنلعب و نتونس
و فهد م شغال بي شديد بتونس معاي مره مره كان مركز على قرايتو شديد بعد فتره جاتنا مره و معاها بنتها....

انتهى.....

سجى.. ؟

فهد..؟

هل صح ان تتزوج و هي قاصر..؟

موقف ام فهد..؟

رائد..؟

مؤيد.. ؟

يتبع.......