مارتينو :- صح النوم يا فتكات كل ده نوم
يوستينا :- معلش خليها عليك عايز ايه علي الصبح ؟
مارتينو :- هاكون عايز ايه يعني عملت ايه انا يارب في حياتي علشان اصطبح بغبائك هاتنزلي الجامعة امتي ياما اتاخرنا
يوستينا :- لا مش هاروح انا النهاردة روح انت
مارتينو :- ليه الهانم وراها ايه انشاء الله؟
يوستينا :-الامتحانات من الاسبوع اللي جاي و المادة الاولي رخمة و الدكتور بتاعها ارخم فهاقعد اذاكر شوية
مارتينو :- تذاكري !!! الله و اكبر انتي سخنة يابنتي ؟؟
يوستينا :- بطل سخافة يا ظريف وروح شوف وراك ايه طيرت النوم من عيني سلام (وقفلت السكة )
(مارتينو بص للفون باستغراب ):- العبيطة دي قفلت السكة خيرا تعمل شرا تلقي صحيح ماشي يا يوستينا لما اشوفك
بعد اسبوع من غير اي تفاصيل مهمة علي ابطالنا يوم الامتحان الاول لمارتينو و يوستينا و اصحابهم مارتينو قابل يوستينا علشان يروحوا سوا الجامعة
مارتينو :- مالك عاملة زي اللي كبوا طبيخهم كدة ليه
يوستينا (بخنقة ) :- والنبي تسكت وسيبني في حالي
مارتينو :- انتي عبيطة يابت انتي حد جيه جنبك ولا كلمك
يوستينا :- مارتينو لو سمحت
مارتينو ( باستغراب من صوتها وطريقتها ولاحظ ان عيونها مدمعة ):- ايه ده مالك في ايه اللي حصل
يوستينا (فتحت في العياط ):- المادة صعبة ومهما ذاكرت فيها بنساها وحاسة اني مش فاكرة فيها اي حاجة و كل اللي ذاكرته راح
مارتينو :- اهدي اهدي كفاية عياط انتي ذاكرتي وعملتي اللي عليكي متقلقيش تعبك مش هايضيع علي الفاضي وبعدين انتي شاطرة وهاتنجحي وانا واثق فيكي انك قدها و هاتجيبي تقدير كمان ممكن تهدي
يوستينا ( بهزة من دماغها ) :- حاضر
مارتينو :- صدق اللي قال ان البنات نكدية صحيح ..نكدتي عليا وانا كائن فرفوش
يوستينا ضحكت من طريقته
مارتينو :- ايوة كدة اضحكي خلي الشمس تدخل ولا اقولك بلاش الجو حر مش ناقص
يوستينا ضحكت اكتر وهو فضل مركز معاها وهي بتضحك و خد باله لاول مرة ان وهي بتضحك عينها بتقفل و بيبقي شكلها حلو اوي ...يوستينا لاحظت انه مركز معاها فاتكسفت وسكتت
يوستينا :- احم احم مش يلا علشان منتاخرش
مارتينو ضحك علي كسوفها ومشيوا راحوا الامتحان
(في الامتحان عند مارتينو )
يوسف ( بهمس ):- مارتينو بقولك
مارتينو (بهمس ):- عايز ايه
