Oh God! [ BXB ] ✓

Chapter 9

ALAS onse ng gabi, sa loob ng napakalaking bahay ngunit walang kabuhay-buhay maririnig ang malakas na tunog ng kuliglig. Ang mga maespasyong silid ay hindi makikitaan ng kahit anong dekorasyon na tila ba kinalimutang lagyan o sadyang ayaw lang talaga.

Sa isang simpleng kwarto ay makikita ang nag-iisang ginang, nagpupumilit na makipagsiksikan sa pinakasulok ng kwarto. Pahikbi-hikbi itong nakaupo at nakatingin sa nakabukas na bintana. Hawak-hawak ng ginang sa kaniyang kamay ay isang litrato.

Litrato ng isang lalaking may malaking ngiti sa mukha.

Hindi namalayan ng ginang na nabuksan pala ng kaniyang nag-iisang anak ang pintuan ng kaniyang kwarto, "Mom, are you crying again? Did someone hurt you again?"

Kaagad na tinago ng ginang ang litrato sa likod nito na para bang hindi pa iyon nakita ng kaniyang anak,"No, anak. Go back to sleep na. May ginagawa lang ako na trabaho."

Ilang araw na ba simula no'ng unang masaksihan ng batang si Jeth ang ganitong kalagayan ng kaniyang ina? Ilang araw na bang tinatanggi ng kaniyang Mom na wala itong dinaramdam?

Kahit sa murang edad pa lamang, hindi maipagkakaila ni Jeth na naaapektuhan na siya sa kinikilos ng kaniyang ina. Kung ipagpapatuloy nito ang pagtanggi at pagdadahilan, baka mapagod si Jeth sa pagtatanong rito.

At doon na nga, nang makabalik siya sa kaniyang kwarto. Sinimulang gayahin ni Jeth ang ginagawa ng kaniyang ina. Binuksan niya ang bintana at umupo sa sulok ng kwarto. Hindi siya umiyak bagkus ay nagpalamon nalang sa kaniyang imahinasyon.

Hanggang sa dumating na ang umaga...

Napabalikwas si Jeth sa kaniyang pagkakahiga at mabilis na napahabol sa kaniyang hininga. Kaya nga ayaw niyang matulog ay dahil pinuputakte siya ng nakaraan.

Naligo muna siya at nagbihis bago bumaba upang kumain ng agahan. Nang makita niya ang ginang ay pinatakan niya ito ng halik sa noo at umupo sa upuang gawa sa kahoy. "Good morning, Mom."

"Good morning, Jeth." Pabalik na bati nito sa kaniya habang abalang-abala sa paglalagay ng mga ulam sa malaking plato.

Lumibot sa kung saan-saang lugar ang tingin ni Jeth habang kumakain, "Nasaan si Tito Den? Himala at hindi siya umaaligid rito."

"Pinatigil ko na siya." Simpleng-saad ng ginang habang sinisimulan na rin ang pagkain.

Napatigil sa pagnguya si Jeth, "Pinatigil?"