و ما كنتِ الا رذاذً على قلب غيــث

10

-عند رّذاذ -
دخلت الغرفة تدور مالقته قامت راحت نزلت الكعب ولبست صندل البيت وجددت روجها ودورت الشاحن ما لقته قامت خذت اللاسلكي حقها وطلعت مرت المطبخ تقول لمريم تجهز المعجنات وراحت المجلس
رّذاذ : الله يهديك يا غيث وين وديت شاحنك ليه ساعة ادوره
غيث : ما اعرف والله بعدين مريم تشوفه
رّذاذ : خذ اشحن بذا -ولفت لابوها - يبه تبغا قهوة
نـايـف : ايه فنجان
رّذاذ : حران؟
نـايـف : شوي
رّذاذ شغلت المكيف وطلعت
راحت المطبخ تشوف العشاء اللي جهزته وكانت منهمكة بالشغل حست بغثيان ووقفت أخذت نفس
رفعت راسها : مريم عطيني مويا
مدت لها مريم كاس شربت وحست بتعب
مريم ناظرتها : تعبانة؟
رّذاذ ابتسمت : لا بس عشان مانمت زين يلا سوي انتِ وانا معك
مريم ناظرتها بحنيّة : خلاص انا حط هذا في فرن وسوي هذا على نار انتِ روحي
رّذاذ ابتسمت : تمام
وطلعت جلست معاهم
غيث ناظرها : شسويتي لنا
رّذاذ ابتسمت : كل خير
نـايـف : اكيد دلعتني
رّذاذ : ايه اكيد سويت لك زي ماتحب وبدون زيت
نـايـف ابتسم : ياحظي والله
غيث : يلا نصلي؟
نـايـف : ايه قوم
وطلعوا يصلون ورّذاذ مسكت راسها وتحاول تريح ، ما حـسـت بنفسها إلا وهـي نايمة
دخـلو ابوها وغيث وشافها وابتسم
نـايـف: شكلها تعبانة ولا ما بتنام كذا
غيث ابتسم : ايه امس كله ما نامت الا بأبره
نـايـف : اوف!
غيث : ايه بس تكابر
نـايـف : الله يهديها
غيث ابتسم وقومها : رّذاذ ، رّذاذي
فتحت عيونها وابتسمت
غيث : قومي شفيك
رّذاذ : قلت بريح لحد ماتخلصون صلاة
غيث : تمام قومي خلصنا
رّذاذ : شوفوا حطيت لكم شاي بروح أجهز العشاء
نـايـف : خلاص رّذاذ لا تسوين شيء جديد ادري فيك تعبانة اللي سوتيه يكفي
رّذاذ : ماعليك
وطلعت وهم جلسوا وصاروا يتكلمون عن الشغل ~
دخلت المـطبـخ وشافت مريم تحـضـر
رّذاذ ابتسمت : ياقلبي مريم الله يسعدك
مريم : خلاص خلصت كله وحطيت في طاولة بس بقي طبق رئيسي ربع ساعة يجهز 
رّذاذ : ياقلبي يعطيك العافية
مريم : الله يعافيكِ
ابتسمت رّذاذ وقامت مريم تقدم الأطباق
غيـث جاء : هاه خلصتِ؟
رّذاذ : ايه خلاص
غيـث : زين
ودخل المجلس : يلا عمي حياك
نـايـف : الله يحيك ويبقيك يا ابوك
غيث ؛ والله توه يتبارك بيتنا بوجودك
نـايـف دخل وقام يذكر الله : ماشاءالله تبارك الله ماشاءالله بيتكم يفتح النفس الله يبارك لكم فيه يارب
رّذاذ ابتسمت : آمين يارب يلا اجلس يبه
نـايـف : ما تقصريت ياقلبي
وجلس وغيث جنبه
غيـث : عاد ان شاءالله كم يوم ونعزم الكل عندنا ماقد عزمنا جدي عندنا
نـايـف : وانتم بخير يارب عاد لازم بس ارتاحوا الحين ولاحقين ان شاءالله
غيـث : ماعليك
حطت لهم رّذاذ بصحونهم ابتسم نـايـف : ماشاءالله بنتي تعرف وش ابوها يحب
رّذاذ ابتسمت : بالعافية يارب
وجلسوا ياكلون
غيـث ناظرها : رّذاذ شفيك كلي
رّذاذ : مالي نفس شبعت
غيـث : ما اكلتِ
رّذاذ : أكلت أول
نـايـف ابتسم : الحمدلله
رّذاذ : كل يبه ما اكلت
نـايـف : تعرفين ما أحب اكثر
رّذاذ ابتسمت : بالعافية يارب
نـايـف : الله يعافيكم وجعلها سفرة دايمة والله يفرحكم بما يسركم
غيث : آمين يا عمي
نـايـف : ترا بمشي أنا
رّذاذ : انت تسوق؟
نـايـف : لا جابني السواق
رّذاذ : كويس
نـايـف : يلا استودعتكم الله
رّذاذ قامت : طب اجلس اسوي لك شاي أخضر وترتاح هنا
نـايـف : لا اشتقت لاخوانك وامك برجع البيت طولت مرة
رّذاذ ابتسمت : الله يحفظك يارب
غيـث : يلا فمان الله
نـايـف : استودعتكم الله انتبهوا لنفسكم
غيـث : ابشر ماعليك
وطلع معه غيث ورذاذ وجلست رّذاذ بتعي
رّذاذ : مريم
مريم : أيوه مدام
رّذاذ : جيبي بندول الله يسعدك ومويا
مريم : اوك
عند الباب .
نـايـف : يلا غيث شوف الموضوع ورد لي طيب؟
غيـث : ابشر ماعليك
نـايـف : يلا استودعتك الله
غيث : درب السلامة
اسر له نايف وطلع السيارة وحركوا
دخل غيـث وشاف مريم تمد لرّذاذ الحبوب والمويا
غيـث : رذاذ اشبك
رّذاذ : تعبانة مرة والحين صدعت
غيـث ناظرها : من متى وانتِ كذا ؟
رّذاذ : اسبوعين تقريبًا
غيـث : طيب لا تاخذين حبوب بوديك المستشفى
رّذاذ : لا بليز غيث تعبانة والله بنام
غيـث : ما نتأخر بس تحاليل
رّذاذ : بكرة اليوم بنام
غيـث : رّذاذ !
رّذاذ : الله يخليك لو تحبني باخذ بندول وانام
غيـث ناظرها بقل حيلة : طيب قومي
وقامت ومسكها عشان ماتطيح وعطول دخلت الغرفة بدلت بجامة ورفعت شعرها وانسدحت
غيث : عطول حطيتِ راسك
رّذاذ ابتسمت وهي مغمضة : تعبانة مرة
غيث : امزح معك نامي
رّذاذ فتحت يدها تأشر له : تعال هنا
غيث : بجي شوي بس
رّذاذ همست : اوك
وحطت راسها وعطول نامت
| بيت نـايـف✨|
وصل وعطول طلع غرفته بدل لبسه وجلس على السرير
سوسن دخلت وعطته شاي : تفضل
نـايـف : شكرًا حبيبتي
سوسن : كيف رّذاذ؟
نـايـف ابتسم : شكلها حامل
سوسن ناظرته وعلى وجها ملامح تعجب : شعرفك!
نـايـف : ذكرتني بيوم حملك الأول
سوسن ابتسمت : كيف؟
نـايـف : لما كنتِ تنامين فجأة بأي مكان ، ولما كنتِ خموللل وما تاكلين وبس غثيانه نفس بداية حملك الأول
سوسن ابتسمت وحطت يدها على فمها : يالله يعني بصير جدة !
نـايـف ضحك : ايه نعم أجمل جدة
سوسن : يالله والله كبرنا
نـايـف : ايه والله
سوسن : اص لا تحمسني
نـايـف : قلت لغيث يوديها يكشف عليها
سوسن : كويسس
نـايـف ابتسم ؛ الله يبشرنا بس احساسي ما يخيب ترا
سوسن : نشوف
نـايـف ابتسم : يارب تجيب بنت
سوسن : لا نبغا ولد
نـايـف : ليه بنت أحسن
سوسن : ابي ولد أول حفيد
نـايـف : يالله سوسن أدعي ربي يسخرهم لبعض
سوسن : والله اني ادعي لهم وبالي مشغول على بنتي مرة ماراح انطمن لحد ما اشوفها بعيوني
نـايـف : بتشوفينها ان شاءالله
سوسن : ان شاءالله
| بيت محسن✨|
عـنـد ضُحى كانت جالسة بغرفتها واتصل عليها سلمان
ضُحى : يا هلا
سلمان : هلا فيك يا حبيبة القلب
ضُحى ابتسمت : وش مصحيك هالوقت مو عندك دوام !
سلمان : لازم اسمع صوتك ثم انام
ضُحى : ياعيني عالدلع من الآن
سلمان : للأسف هذا الصدق
ضُحى : سلمان
سلمان : عيونه
ضُحى : تحبني؟
سلمان : قد السماء وقد البحر اللي ماله حدود
ضُحى ابتسمت : احبك
سلمان : وشو ماسمعت
ضحى : وشو
سلمان : عيدي ماسمعت
ضحى : يالله سلمان استحي خلاص
ابتسم سلمان : زين أمزح معك يلا نامي
ضحى : ايه شوي بس بجهز ملابسي
سلمان : دوامك متى!
ضحى : بكرة عندي مناوبة
سلمان : الله ييسرلك يارب
ضحى : آمين ياعيوني
سلمان : يلا استودعتك الله
ضحى : الله يحفظك
وقفلت وقامت تجهز ملابسها ~
في الصالة كـانوا جالسين تركي وطيف يشوفون فيلم
طيف : ياربي تركي بلا استهبال
تركي : خير اشبك
طيف : عورتني
تركي : ماسويت شيء والله
طيف : ياليل منك لا تقعد تخوفني وربي اصرخ
تركي : تتوهمين بس انطقي ماحد درى عنك
طيف : زين خل اشوف بقي تقرب
جت سراب : وش تشوفون
طيف : اجلسي يجنن
سراب خذت الشبس وجلست في الأرض : اوهه شصارر
تركي وطيف : اسكتتتتي
سراب : حسبي الله
وصارت تتفرج معهم وكل شوي تقول واههه ، اوهه
تركي : ياليل سراببب اسكتتي
سراب : انن اص خل اعبر
جات ضحى وشافتهم : شفيكممم نقصوا اصواتكم
طيف : امانة عالية
ضحى : شوي بس اص اهجدوا
تركي : لا اقوم لك اقعدي
ضحى مدت يدها لبوب كورن : لا والله يعنني منسجم انت ووجهك
تركي ضحك : اقعدي وانتِ ساكتة
وجلست معاهم وكملوا الفيلم مع بعض
ضحى : حسبي الله ضيعتوا ساعة نومي عندي دوام
طيف : والله ما احد ضربك على ايدك وقالك اقعدي شوفي معنا
تركي : وبعدين يا بنات الله يهديكم ليه انتو مزعجين
ضحى : ياي ياي مسوي طالع منها مين قبل شوي يصارخ
تركي : صدق انتوا يالبنات سامجات
طيف : ياليل تركي قم توكل
تركي : ايه والله بروح انام قوموا يلا وعطوا سراب غطا ولا انقلوها غرفتها
طيف : تمام
ضحى : يلا انا بنام بعد
طيف : تصبحين على خير ياقلبي
ضحى : وانتِ من اهل الخير يا عيوني
تفرقوا كلهم لغرفهم
|فِـي الصـبـاح✨|
بـالتـحديـد بيت غيـث قام يصلي الفجر وشاف رّذاذ بقي نايمة طلع وقفل الباب ، أول ما قفل الباب حست عليه وقامت توضت وصلت ورتبت شعرها وجلست تقول أذكارها ، حست بتعب ورجعت انسدحت على سريرها ، مسكت الجوال وشافت رسالة من غيث ( إذا صحيتِ علميني أخذت لك موعد ) تنهدت : ياربي يا غيث
وقامت ونزلت عنده
رّذاذ : صباح الخير
غيث : ياهلا صباح النور
رّذاذ : الساعة كم الموعد؟
غيث : ٧:٣٠
رّذاذ : ياويلي غيث حتى المختبر مايفتح هالوقت
غيث ابتسم : يفتح لعيونك
رّذاذ : اخ بس يلا رايحة البس
ابتسم غيث وهو قاصد يخليه بالوقت ذا عشان مايكون فيه زحمة ويسألون رّذاذ وش نوع تحليلها ، اتصل على صاحبه وبلغه انه جاي وقام يلبس .. تقريبًا ربع ساعة وطلعو من البيت .
غيث : تخافين من الأبرة؟
رّذاذ : لا
غيث : شفيك صاحية بالمقلوب؟
رّذاذ : ما احب المستشفيات ومالي خلق الصدق
غيث ابتسم : زين زين ماراح نطول
رّذاذ : ياليت
وغمضت عيونها وهي تحاول ترتاح مد لها المقعدة وهو مع الطريق~
| بيت مـحسن✨|
كـانوا يفطرون محسن وضحى الكبيرة والباقين نايمين
جت ضُحى : صباح الخيرر
ام تركي : صباح النورر
محسن : يا هلا بالدكتورة والعروسة صباح الرضا
ضُحى ابتسمت : يارب الله يرضا عنا وعنكم
محسن : آمين وش الجدول اليوم؟
ضُحى : أبد بفطر وبطلع عندي شغل مرة مكثف وعندي مناوبة بالليل برجع انام ساعتين واروح زي دايم
محسن بتساؤل : سلمان ما قال شيء عن المستشفى؟
ضُحى : لا وش ممكن يقول ؟
محسن : مدري قلت ممكن يعترض على شيء ولا
ضُحى : لا يبه أكيد مانوصل للمرحلة ذي وهو متفهم وبالنهاية هذي وظيفتي
محسن ابتسم : كويس الحمدلله
ام تركي : ضحى شاي ؟
ضحى : لا ياقلبي بشرب برتقال
محسن ابتسم : لا يغرك تشرب شاي ترا نظامها صحي نادرًا تخربه
ام تركي ابتسمت : أفضل شيء
محسن : من يوم صارت كبيرة وعمرها ١٨ كانت ماتخلينا نحط شاي عالفطور تحط عصير برتقال وكانت تحط لي كوب بس شاي وكوب قهوة في اليوم بعدين كبرت وصارت تشرب بس باتزان
ضحى ابتسمت : عاد فعلًا مو صحي والمنبهات تأثر لكن أحيانًا اضطر أشرب قهوة
ام تركي : كويس برافو عليك
محسن ابتسم : بتروحي لحالك؟
ضحى : ايه
محسن : تمام انتبهي لنفسك
ضحى : ماعليك
| عند رّذاذ وغيث ✨|
وصلو المـستشفى وما طـولت شوي ونادوها
الممرضة : هلو مدام
رّذاذ ابتسمت لها
غيـث ناظرها : خايفة
رّذاذ : لا
غيـث : أنا معك
رّذاذ رفعت العباية وقامت تدور الوريد
الممرضة : اوهه موجود يلا
رّذاذ : يلا
ويوم جات بتضربها غمضت عيونها
الممرضة ضحكت : هو مدام ريلاكس ريلاكس
رّذاذ ابتسمت : تمام
مدت يدها وقرب غيث وضم راسها وهو واقف جنبها وصارت دافنه وجها في بطنه
الممرضة ناظرت بغيث وبتساؤل : your wife؟
غيث ابتسم : yes
الممرضة ضحكتت : oh so cute
غيث ناظر في رذاذ وهي ناظرت فيه وضحكت
الممرضة ابتسمت : اوكاي دنن
رّذاذ ابتسمت : ثانكيو
الممرضة : you welcome
غيث مسكها : يلا تقدرين توقفين ولا دايخة !
رّذاذ : لا عادي
غيث : طيب شوي بس ابغا اكلم الممرضة واجيك
رّذاذ : اوك
غيث دخل للدكتور : السلام عليكم
الدكتور : هلا هلا غيث
غيث : كيفك ؟
الدكتور : الحمدلله بخير جبت العينات
غيث : ايه شوف اللي بالكيس الاب واللي بالمنديل البنت
الدكتور : تمام والدم ؟
غيث : الدم طلع لي برنت كامل بعرف شفيها
الدكتور : تمام ابشر
غيث : متى تطلع ؟
الدكتور : ان شاءالله اتصل عليك بكرة الصباح
غيث : اوك يعطيك العافية
الدكتور : ولو الله يعافيك
وطلع رّذاذ جالسة عند الممرضة
غيث : شفيك !
رّذاذ : ماقدرت
غيث : تعالي يا قلبي الحين اخذ لك أحلى عصير برتقال
رّذاذ : تمام
مسكها وطلعوا من المستشفى
غيث : وش تبين تفطرين ؟
رّذاذ : اي شيء
غيث : ودك اجيب لك ساندوتش ولا؟
رّذاذ : جيب لنا ساندوتشات مشكلة جيب اربعة بيض بجبن وثلاثة تونا
غيث : تمام
رّذاذ : شوف مريم واحد والسواق واحد والحارس واحد انا قلت من راسي وش اجيب انا تعرف وش يحبون
غيث ابتسم : ماقد جبت لهم معي على فكرة دايم اعطيهم فلوس وهم يجيبون لنفسهم
رّذاذ : ماعليه ينبسطون
غيث : يازينك ابشري
وقف ونزل ورّذاذ طلعت جوالها وبدأت تقلب في البرامج ، وشوي رن وامها تتصل
سوسن : الو السلام
رّذاذ : هلا يمه وعليكم السلام ورحمة الله
سوسن : كيفك ؟
رّذاذ : نحمد الله وانتي؟
سوسن : الحمدلله بخير ماعلينا
رّذاذ : الله يحفظك
سوسن : اقول شرايك تجون عندنا مرة أشتقت لك ومنها تغيرين جو مع اخوانك وكذا وخلي غيث يجي معك
رّذاذ : تمام بشوف غيث وارد لك
سوسن : تمام ياعمري
رّذاذ : يلا عاد ما اطول عليك
سوسن : تمام يا روحي انتبهي لنفسك
رّذاذ : استودعتك الله
وقفلت ، شوي وجاء غيث
رّذاذ : ماشاءالله بسرعة
غيث : طلبت من الجوال استلمته بس
رّذاذ : كويس ماشاءالله
غيث ابتسم وهو يحرك ويدندن : كل من شافك يحبك ، ومين مينن ما يهوى الجمال!
رّذاذ : يا حبيبي انت
غيث ابتسم : شفيك متضايقة ابتسمي روقي
رّذاذ ابتسمت : أحبك يا غيث
غيث : وأنا أحبك يا رّذاذ ياقلبي وروحي انتِ
رّذاذ تنهدت : آهه كم أهواك!
غيث ابتسم : إنني أهواكِ وانتِ بجانبي فما بالكِ ببعدك!
رّذاذ ابتسمت ومسكت يده .
بـعـد مرور الوقت وصلو بيتهم
وجلسوا يفطرون
رّذاذ : غيث
غيث : هلا
رّذاذ : امي تقول نجي عندهم اليوم قلت لها اشوفك
غيث : عادي ماعندي مانع لو ودك نروح
رّذاذ : يوه غيث قول لا طيب
غيث ضحك : ليه اقول لا تبين تم
رّذاذ ضحكت : ماتقول لا أبدًا
غيث ابتسم : امكن مستقبلًا اقولها لعيالي بس انتِ ما اقولك لا
رّذاذ : ياربي احبك
غيث : دقي قولي لها تم
رّذاذ : زين برسلها رسالة
غيث : اللي يريحك
رّذاذ ابتسمت : تصدق
غيث : وش ؟
رّذاذ : ودي نسافر استجمام احس ودي ارتاح صدق
غيث : ان شاءالله اخلص اشغالي واشوف الرحلات وتبشرين
رّذاذ : يازينك يا غيث
غيث ابتسم : ياحلوك يا رّذاذ
رّذاذ : يلا طلعني فوق بنام
غيث : وي توك
رّذاذ : قلت لك بنام ما خليتنا بسرعة بنام
غيث ضحك : كيس نوم يلا تعالي
رّذاذ : تشيلني ولا امشي؟
غيث ضحك : لذي الدرجة مافيك حيل ؟
رّذاذ : ايه والله مرة
غيث : تعالي تعالي مابخليها في خاطرك
وجاء بيشيلها رّذاذ صرخت وهي تضحك : لا لا امزح
غيث : خوافه ما بطيحك تعالي
رّذاذ : طيب بغمض عيوني وشيلني عطول
غيث ضحك : طب قرببي
رّذاذ قربت وغمضت عيونها شالها وباستهبال : هوباااا
رّذاذ ضحكت وهي تتعلق برقبته : ياربي منك وش بقي ما سويته
غيث : ما لفيت فيك العالم
رّذاذ ابتسمت : انت العالم كله
غيث : ياحبني لك
وصل وحطها عالسرير
رّذاذ : وش هالمندوب الرهيبب والحلو
غيث ضحك : والله!
رّذاذ : ايهه والله ماتبي تنام مع زوجتك الحلوة!
غيث ابتسم : ودي لكن عندي شغل
رّذاذ : الله يقويك ياقلبي
غيث : اقعد عندك؟
رّذاذ : اللي يريحك اشتغل في المكتب عشان تنجز وانا بنام
غيث ابتسم : تمام ياقلبي نوم العافية
رّذاذ : الله يعافيك
وطلع وقفل الباب وهي تدفت وعدلت جوالها وحطت راسها ~
| فـي المـستشفى✨|
كـانـت جالسة بعد ما خلصت المراجعين مع الدكتورة حنان زوجة سامي -للتذكير-(اصحابها بالمستشفى) قاعدين يشربون قهوة وسوالف
ضُحى ابتسمت : وعاد والله ما كنت أعرف انها ملكة ابددد عبالي خطبة وكذا عائلية بس فجأة بابا قال جبت الشيخ
حنان : ياعمري ان شاءالله نفرح فيك بزواجك
ضُحى : آمين ياعمري غريب ماشفت سامي اليوم يحارشني
حنان : زعلانة منه عشان
ضحى : وي ليهه
حنان ابتسمت : دلع بس
ضحى : الله عالدلع الحلو يلا شوي ويجيب لك ورد ويدلعك
حنان : لا موب حركات سامي ما يحب يفاجئني في المستشفى
ضُحى : حلو مكان عمل بعد
حنان : ايه طبعًا
دق الباب ردت ضحى : تفضلل
دخلت موظفة الاستقبال ومعها ورد ضحى ابتسمت واشرت لحنان
الموظفة : دكتورة ضحى هذا وصلك
ضحى : لي؟
الموظفة : ما اعرف مافي اسم قالو رقم مكتبك بس
ضُحى : تمام قلبي حطيه شكرًا لك
الموظفة : ولو العفو
وطلعت ، حنان قامت تدور : مافي كرت
ضحى : ما اعرف دوري
حنان ابتسمت بنصر : لقيتهه افتح؟
ضحى : ايه عادي اتوقع لك
حنان : ياي العروس اللي تكابر ما يليق ابدد
ضحى : افتحي بس
حنان تقرأ وهي مبتسمة : " رسمتك ضحوك الفجر .. يا فرحة الأعياد والأيام ".
وتحت حاط توقيع بحرف S
ضحى جت بتتكلم وصلت عجوالها رسالة فتحتها وكانت من سلمان : " صباح الخير يا بسمة الفجر  كنت أرجو توصل بدري لكن لا بأس أن تصل متأخرة خيرًا من أن لا تصل ، كل يوم أحبك اكثر❤️".
ابتسمت بحب : حبيبي
حنان صفقت وهي تصرخ : الله الله انا سعععيدة واخيرًا شفتك تحبين وتنحبين - وتنهدت بحب- آهه حتى يبلغ الآه منتهاه
ضحكت ضحى : ياويلي حنون مبسوطة اكثر مني
حنان : شسوي امنية تحققت
ضحى ابتسمت : حبيبتي الله يفرح قلبك ويحقق مناك
حنان : تستاهلين كل خير يا ضحى أحبك يا أجمل اخت
ضحى : وانا احبك اكثر ياحبيبة القلبب
وقامت خذت الكرت وحطته بشنطتها وابتسمت وهي تناظر بالورد
حنان : يلا انا بروح اشوف حبيبي غرت
ضحى : كويس اسهمنا في المصالحة
حنان : ايه بتخربون هيبتي
ضُحى : شدعوة صالحيه
حنان : ابشري
ضحى ابتسمت وحنان طلعت وهي تأشرلها بباي
مسكت ضحى جوالها واتصلت على سلمان
سلمان : أهلًا
ضُحى ابتسمت وبهدوء : شؤونٌ صغيرة ، تمر بها أنت دون إلتفات ، تساوي لديﱠ حياتي جميع حياتي
سلمان ابتسم : أحبك يا ضُحى
ضُحى : وأنا أحبك يا حبيبي
سلمان : ماعندك شغل؟
ضُحى : خلصت المراجعات الحمدلله كنت في استراحة القهوة لكنها أصبحت مليئة بالحُبِّ والوردِ
سلمان : من حسن حظي والله
ضُحى : انت وينك؟
سلمان : في الشركة
ضُحى : ياعمري انتِ الله يقويك وييسرلك
سلمان : آمين حبيبتي وياك
ضُحى : يلا ما اطول عليك لا يجوز مُمارسة الحب في مكان العمل
سلمان : ملتزمة بقوانين العمل الدكتورة
ضُحى ضحكت : ايه نعم يا سيدي
سلمان : الله يحفظك ياقلبي
ضُحى : في ودائع الله ياحبيبي
سلمان ابتسم وقفل وهو مبسوط منها وهي كذلك طول ما كانت تكلمه وهي مبتسمة وقفلت وهي تردد بكل حُب قصيدة القباني :
حوادثٌ قد لا تثير إهتمامك أعمر منها قصور ، وأحيا عليها شهر
وأغزل منها حكايا كثيرة
وألف سماء وألف جزيرة
شؤونٌ صغيرة
| بيت نـايـف✨|
الظهر كـانوا البنات مع امهم في المطبخ يحضرون
ونايف وليث في الصالة ~
بنان جات : بابا شرايك نطلع بر!
نايف : بر بالوقت ذا الدنيا حررر
بنان : بليززز
نايف : خلاص اطلعكم بس مو بر
بنان : يالبيهه اجمل بابا
نايف مد خده : بوسة بابا وين
بنان قربت وباست خدوده الثنين : خذ مليون بوسة
ليث : والله يبه دلع دلع
نايف : تبي اقولك بوسة بابا وين !
ليث : لا طبعًا
نايف ضحك : اجل خلاص اهجد وخل الدلع لاهله
ليث صرخ : يمه تعالي حبيني
بنان : اصلًا ماكا ماتسمعك وبابا يحب البنات بس
نايف ناظرها : لا من قاله؟
بنان حطت يدها على فمها بصدمة : ماتحبنا!
نايف ؛ الا بس هذا ولدي الوحيد مكانته غير عن الكل
بنان : افااا
نايف : ايه
ليث ضحك : ياحراممم
نايف ضحك : اص نمزح معك يازعولك كلكم عيالي وكلكم احبكم
بنات : ا.. -قاطعها دق الجرس -
نايف : يلا طيري افتحي
ليث : لا اجلسي عيب غيث انا استقبله
نايف : عادي خواته
ليث : ايه بس خل استقبله
نايف : زين
وقام وفتح الباب ليث : يا هلا بالعرسان نورتونا
غيث : هلا فيكك يا ليث
رّذاذ سلمت عليه : هلا فيك ياعمري
ليث : حياك حياك تفضل
غيث : الله يحيك يارب
ودخلو للصالة رّذاذ عطول نزلت عباتها عند الباب وعلقتها وغيث وليث دخلو ..
نايف : هلا هلا بولدي تو مانور البيت
غيث : هلا فيك عمي كيفك
نايف : الحمدلله بخير وين رّذاذي ؟
ليث : تنزل عبايتها
رّذاذ ابتسمت : هذا أنا جيت
نايف قام وحضنها : يا هلا تو مانور بيتك
رّذاذ : منور بأهلي
نايف : كيفك اليوم؟
رّذاذ : الحمدلله بخير وانت كيفك؟
نايف : الحمدلله بخير
شوي دخلت سوسن : يا هلا يا هلا انورت واسفرت بنور عيني
رّذاذ : هلا فيك يمه
وسلمت على غيث : هلا بولدي والله نورت بيتك يمه
غيث : الله يسلمك نورك يا عمه
سوسن سلمت على رذاذ وهي تشوفها : وهه شفيك ذبلانه يابنت
رّذاذ : مافيني الا العافية يمه وين البنات ؟
سوسن : يحضرون الغداء
رّذاذ : بروح أشوفهم
سوسن : يلا بجي معك
وراحوا
رّذاذ : يه يه ماعرفتكم سنعاتتت
لبنى : هلا هلا وحشتينييي
رّذاذ : قلبي وانتِ كمان تعالي حضن
لبنى : لا ابدل ملابس واحضنك
رّذاذ : عادي تعالي
لبنى : نوو
بنان : انا بحضنككك وحشتينيييي
رّذاذ : وهه يناس اختي الصغيرة
بنان : قلت لبابا يطلعنا وانتِ معانا
رّذاذ : لا بيبو بليز مررة مالي نفس
لبنى : يمهه شفيك
رّذاذ : تعبانة مرة والله تخيلوا امس بابا قلك جاء عندنا نمت بدون ما احس في المجلس
لبنى ضحكت : واهه فشلة
رّذاذ : مرة والله واليوم بس نوم لي فترة ميتة نوووم
سوسن ابتسمت : فترة وتعدي من الارهاق من يوم رجعتي من السفر ما ارتحتي زين
رّذاذ : ان شاءالله برتاح
سوسن : يلا بنات حضروا الطاولة
لبنى : فاطمة -الشغالة- تحضر انا بطلع ابدل
سوسن : زين
وصاروا يحضرون مع بعض .
بنان : ماما انا ولبنى بناكل هنا عشان غيث وكذا
سوسن : تمام ياعمري
وطلعوا ياكلون
نـايـف : يلا تفضلوا بالعافية
غيث : الله يعافيك
نـايـف : بعد الغداء نلعب بلوت
غيث ابتسم : بطلع العصر ولا ما تتطوف اللعبة
نـايـف : وين يا ابوك اجلس
غيث : بروح أسلم على جدي وبقابل عزام
نـايـف : والعشاء عندنا ان شاءالله؟
غيث : لا العشاء عند اهلي وبعدين بمر لرّذاذ
رّذاذ ابتسمت : زين ان شاءالله
سوسن : غيث أحط لك من هذا
غيث : لا عمه تسلمين يكفي
سوسن : رّذاذ كلي شفيك
رّذاذ : قاعدة أكل
سوسن : بالعافية ياقلبي
ليث : هاه ما بتجيبون نونو يلا نبي أول حفيد للعائلة!
نـايـف : يلا شد حيلك وتزوج
غيث ضحك : ان شاءالله لو ربي كتب بيرزقنا
سوسن : ان شاءالله ياربّ
| بيت محسن ✨|
كـانوا يتغدون
تركي : وين ضُحى؟
ام تركي : في المستشفى
تركي : ياعمري
طيف : عندها مناوبة اليوم
تركي : الله يعينها ويكتب أجرها يارب
سراب : انا بعد بدرس طب
محسن : تم ابشري
ام تركي : وش ؟
محسن : ندرسها بأحسن جامعة بس شدي حيلك سراب ترا ضُحى من الثانوي وانا اجيب لها خصوصي وكانت بس تذاكر ماشاءالله ونفس الشيء الجامعة
تركي ابتسم : الله يحفظك عمي ماتقصر
محسن ابتسم : لتركي آمين ويحفظك يا ولدي
ام تركي ابتسمت عليهم : خلاص نكمل سوالف بعد الاكل عالشاي
محسن : حاضر
وسكتو كلهم ورجعوا ياكلون
| بيت أبو غيث✨|
كـانوا متجمعين بعد ما خلصوا الغداء
ويشربون شاي
سحاب : اليوم غيث بيجينا
أبو غيث : ايوه ان شاءالله على العشاء
ام غيث ابتسمت : الله يحيه اشتقت له
سحاب ابتسمت وقامت ضمت امها : ياعمري انتِ الله يفرح قلبك وتشوفين حفيدك يارب
أبو غيث ابتسم بحنيّته المعتادة : الله يبلغنا فيكم كلكم يا حبيبتي
سما : آمين يارب ويمدكم بطولة العمر
سحاب : يمه تعبانة؟
ام غيث : لا الحمدلله بخير
أبو غيث : بخير بتول توها ست البنات
أم غيث ابتسمت : الله يسلمك
|بيت نـايـف✨|
راحوا الرجال المجلس والبنات جلسوا بالصالة
عِـنـد الرجـال ..
كانوا يتناقشون بالشغل والأسهم
نـايـف : لا يا غيث بالعكس مو شرط يكون نص السهم ممكن كله ترا!
غـيـث : ايه عمي بس ترا يعني كسوق وكذا لا تساهم بكل مالك حط لك على جنب لأن انت تعرف انه الاسهم مش دايم عالية وفيها ربح وخسارة
نـايـف : ايه صدقت وانا ابوك بس الحمدلله ماقد خسرت
ليث ابتسم : انت تعرف انه ابوي يتصيد الشركات وماقد خسر ماشاءالله !
غـيـث ضحك : ايه الله يحفظه صياد الأسهم بس أنا اشوف كيف الأسهم برا ولازم نتعامل مع الموضوع بتشدد لأن السوق مو مضمون
ضحك نـايـف : كبر السن يفرق يا ولد انت نظرتك مطورة وحنا من الجيل القديم انتم تشوفون التطور في الطب والتجارة والمال وحنا حقون زمان باقين على ما حنا عليه
غـيـث : ولو ياعمي لكم نظرتكم وتهمنا والله
ليث ابتسم : ايه والله
عـنـد البنات..
لبنى : رّذاذ مصفرررة شفيك بسم الله!
رّذاذ : اخخ مافيني الا العافية
بنان : والله تو مانور بيتنا وحشتيني مرررة البيت بدونك مو حلو
لبنى : على اساس انك صاحية انتِ ووجهك
بنان ضحكت : اص بس
رّذاذ ضحكت : فضحتك تكذبين هاه
سوسن ابتسمت : الله يحفظكم لبعض يارب ولا يحرمني شوفتكم حواليني
لبنى ابتسمت : آمين والله يحفظك يارب
شوي دخل نـايـف..
سوسن : هلا نايف
نـايـف : هلا فيك انا ببدل بنروح نصلي
سوسن : تمام
نـايـف : رّذاذ : زوجك يبيك
رّذاذ : وينه في المجلس؟
نـايـف : ايه ينتظرك
رّذاذ : طيب
ناظرت بلبنى : عطيني عطري بالله
لبنى : وينه
رّذاذ : في الشنطة وراك
لبنى : طيب
خذته ومدته لها : خذي
رّذاذ قامت تعطرت ورتبت نفسها وطلعت للمجلس
كان جالس على جواله ورفع راسه يوم حس بدخلتها
رّذاذ : ماتخليني اجيك مُباغته!
غيث ابتسم : حركاتي ذي بس بعدين أشم عطرك قبلك
رّذاذ ابتسمت : الله امكن عطر امي!
غيث : لا ريحة زوجتي مميزة
رّذاذ : ياعيوني انت
غيث : كيفك الحين؟
رّذاذ : الحمدلله وانت انبسطت؟
غيث : ايه الحمدلله وسولفنا انا وامي الأمور تمام
رّذاذ : متى بتروح؟
غيث : الحين نصلي وبروح
رّذاذ : تمام انتبه لنفسك عاد
غيث : عيوني بس انتِ انتبهي ولو تعبتِ عطول اتصلي علي نرجع
رّذاذ : تمام حبيبي سلّم لي على أهلك وتعذر من عمتي لا تزعل علي
غيث مد ايده وهو يشيل شعرها ويحطه وراء أذنها : لا ما تشره ليه تشره ماتدرين انا فجأة قررت ان شاءالله بعد ما ترتاحين نزورهم او نعزم الكل عندنا ونرتاح
رّذاذ ابتسمت : تمام ياحبيبي
غيث : عاد ..
ما كمل كلامه ودخل نـايـف : يلا يا شباب صلاة المسجد
رّذاذ ابتسمت وقامت : يلا الله يحفظكم
غيث ابتسم : استودعتك الله
وطلعوا وهي دخلت عند أمها ..
بعد مرور الوقت وصـل غيث لجده وجدته
وكان يتقهوا معهم..
الجّد مانع : وحشتونا يا غيث!
غيث : والله حتى انتم
الجّدة تماضر : ليه ماجبت رّذاذ
غيث : والله يمه ما شافت اهلها من مدة راحت عندهم
الجّدة تماضر : ياحبيبتي الله يجمعنا على خير
غيث : آمين يارب
الجّد مانع ناظره بتفحص : غيـث ، اشوف عندك كلام قوله
غيث ابتسم : والله يبه بقوله بس اسمعني
الجّد مانع : ايه سم
غيث : سم الله عدوك بقولك بخصوص رّذاذ
الجّد مانع عقد حواجبه : ايه!
غيث : شسالفة انها مو بنت نايف يعني وش اصل القصة!
الجّد مانع : والله يا أبوك هالموضوع مايعرفون عنه الا الكبار
غيث : ابي اعرف يبه
الجّدة تماضر : علمه هو أحق انه يعرف
الجّد مانع ناظره : ما يطـلع من هالمجلس !
غيث : افا يبه تتوقع مني!
الجّد مانع : لا والله انت ولدي وأعرف أصلك بس أنبهك
غيث : اسلم
الجّد مانع بدأ يحكي القِّصة اللي راح تكشف كل أسرار آل مانع : : والله يا أبوك القصة بدأت من قِـبل قِـبل يوم كنت ماسك الإمارة كان فيه ناس يبون أمشي لهم شيء وأنا كنت أرفض فصاروا يترصدون لي وآخر مرة كانت ذي وأشياء كثير حتى عمتك ضُحى والمشاكل اللي سواها زوجها وكله منهم ، طبعًا ام رذاذ من زمان وهي بالمرصاد كانت ابوها صقر الله يرحمه كان يمشي لهم وآخر مرة أنا رفضت ومنـعـت أبو سوسن يوافـق وكلنا رفـضنا حـاولوا مع نـايـف أيام ما كان النائب لكن هو بعد رفض قبل لا نفتح شغلنا الخاص هذا ، وبـعـدها صـاروا يهددون وحنا متعودين ما تـخـوفنا ولا ترددنا منهم ! لكن الـصـدمة حـلت عليـنا يـوم كان عمك بشغله مستلم وما كان فيه أحد بالبـيـت مع سوسـن بداية زواجهم ، وحنا يعني نعرفه الـعدو كان صديق عشـان كذا يا أبـوك دايم نقول أحـذر عدوك مرة ، وأحـذر صديقـك ألف مرة ! ، يعني هو صديق ويعرف وش نـقـاط ضعفك واش قوته ويـعـرف انه الشرف عند آل مـانع خط أحمر.. كـادوا لبيت نايف لكن هم يكيدون لك وربك يكـيد لهم كيدًا عـظيم .. أعظم من كيدهم لك .
دخلو وما أدري وش سو في سوسن هـل نوموها وشققوا اللي عليها ، وخربوا البيت عشـان يصير بنا وهـم وتـوصلنا رسالتهم !
أو فـعلًا يومتها هم سـو فيها شيء .. المهم يا أبوك جاء نايف دورها وانصدم من البيت والتكسير وشافها باللي هي فيه سألها وش صـار ! اش سوو فيك ! البنت ما تذكر وعمك يحبها يحبها مايصدق الشينة فيها وهي تحبه وبنت حلال وكـانت قوية وقتها .. بعدها بدأت تظهر عليها آثـار الحمل ولما كشفت طلعت حـامل .. طبعًا حنا تسترنا على اللي صار لا بـلاغ ولا شيء .. وذيـك الفترة سكنو عندنا لحد ماتخطت سوسن الأزمة وجـات رّذاذ وقتها كان شغلي تعبان وحالتي حالة وكنـا متأزمين -ابتسم الجّد مانع بحُبّ - لـكنها ما جات زي أيّ مولود ! -وبعدها كمل بضحكة وهو يتخيلها - جات بلسم ورّذاذ المطر في ليـالـي بائسة بنفس الوقت اللي شلتها أكـبـر في أذنها قال سلمان بالشارع رّذاذ يمطر رّذاذ يبه - واشر بيده وهو يوصف سلمان في حينها - كان صغير توه وبعده قلت في أذنها جيتِ مثل رّذاذ المطر .. ومن وقتها وربي فـاتح علينا فتوح ما تتوقعه يا غيث والله أن كل ما أشوفها تبتهج روحي وأسعد سعادة مابعدها وأنا ما تجرأت على التحاليل ولا تجرأ نـايـف ولو في حقيقة تقول انه رّذاذ ماهي بنتنا حنا مانبيها ! رّذاذ القلبّ والرُّوح يا غيث !
غيـث ابتسم : الله يبشرنا بالـخـير يارب
الجّــد مانع : وش سويت؟
غـيـث : سوينا تحاليل وننتظر النتيجة
الجّــد مانع : رّذاذ تعرف؟
غـيـث : لا سويت تحليل بدون علم أحد وان شاءالله لو طلعت ايجابية بنعلم الكل
الجّــدة تماضر ابتسمت : الله يبشركم بالخير يارب
غـيـث : آمين يارب يلا يبه انا طالع مع عزام
الجّــد مانع : زين الله يحفظك انتبه لنفسك
غـيـث : أبشر دعواتكم بس
الجّــدة تماضر : دعواتي دايم تضمكم يا يمه الله يكتب لكم الخير ويحفظكم ويرزقكم الذرية الصالحة يارب
غـيـث : آمين يارب يلا استودعتكم الله انتبهوا لبعض
الجّــد مانع ضحك : الله يحفظك انت انتبه لنفسك وكثر الله خيرك
غـيـث ابتسم : فمان الله
وطلع وقفل الباب ..
الجّــدة تمّاضر : شفت كيف حسن التصرف يوم يمسك الموضوع واحد عاقل!
الجّــد مانع : الله أكبر وحنا مجنن!
الجّــدة تماضر : حشى بس غيث غير
الجّــد مانع : يارب خير
الجّدة : آمين يارب
| المـغـرب✨|
نروح أولًا بيت نـايـف كان بغرفته نايم وصحي صلّى المغرب وجاته سوسـن ..
سوسن : نـايـف ليه تتحاشى رّذاذ؟
نـايـف : مالي وجه
سوسن : ليه؟
كـانوا البنات بغرفة لبنى يسولفون
لبنى : امي وين؟
بنان : مدري اكيد عند ابوي
رّذاذ : نادوها
لبنى : روحي انت مو تحبين تقعدين بغرفتهك
رّذاذ ضحكت : اول ذا خلاص كبرت الحين دوركم للدلع
لبنى : اقول روحي بس
رّذاذ : ياليل زين
وطلعت بتنادي أمها ~
نـرجع للغرفة كانوا يتكلمون وقالها انه رّذاذ عرفت.
نـايـف : صعب يا سـوسـن سمعت كلامي أنا وأبوي ولا أعرف وش سمعـت بس ليتها سمعت مني أنا ما سمـعت كلامي من وراهـا ..
-كانت واقفة عند الباب وسمعته صلبت وهي تسمع وعيونها تجمعو فيهم الدموع -
سوسن : يالله يا نايف يالله وأنا أقول شفيها بنتي! الله يهدي عمي يتكلم بأي مكان
نـايـف تكلم بضيق : المسألة مو مسألة انه تكلم بأي مكان يا سوسن اللي يهمني بنتي وبس ما يهمني الناس ولا المكان يهمني رّذاذ وش تفكر ، واش تعيش..
باللّحظة ذي فتحـت البـاب ودموعها تنزل وهي تناظر بأبـوها ما تناظر أمها رفعوا نظرهم لها
وعطول رّذاذ تكلمت وهي تبكي وتعابير وجها تتكلم : يـهـمك تعرف شعوري !
نايف قام وهو يشوفها وعيونه مصدومة من إنها جات من إنها تكلمت ما توقع تواجه ما توقع تقوله انه انت مو ابوي ماتوقع تفتح الموضوع وهي تعرف كـيـف ضعفه تجاهها .
| عند غيث✨|
كـان مع عزام
عـزام : والله إني اشتقت لك!
غيـث : يا بعدهم حتى أنت لك فقدة
عـزام : لا خلاص أنا غرت منك بعرس قريب
غيـث ابتسم : تطورنا والله وأخيرًا بتعرس
عـزام : ايه خلاص
غيث ابتسم : الله يبشرنا فيك هاه في بالك وحدة؟
عـزام : نقول ان شاءالله
غيـث : يارب الله يبشرنا فيك
عـزام :  آمين يارب هاه بشرني عنك مافي ولد يقولي عمو عـدام !
غيـث ضحك : عـدام مرة وحدة!
عـزام : ايه الأطفال ينادوني عدام ماتدري
غيـث بضحكة : طيب يا عـدام عطني الملف خل نشتغل
عـزام مد له الملف : خذ يا عيث
غيـث : عـدام عن العيارة ركز بالشغل
عـزام ضحك : زين زين يلا شوف الملف
غيـث : هذا سجل الإيردات الأخيرة صح؟
عـزام : ايه وكله عندك بالتفصيل .
غيث هز راسه وصار يتفحص التفاصيل
| بيـت نـايـف✨|
نرجع لمـكان مـا وقفـنا .. تكلمت رّذاذ ودموعها تنزل ووجها باكي وتعابير وجها كانت سيدة الموقف : يـهـمك تعرف شعوري !
نايف قام وهو يشوفها وعيونه مصدومة من إنها جات من إنها تكلمت ما توقع تواجه ما توقع تقوله انه انت مو ابوي ماتوقع تفتح الموضوع وهي تعرف كـيـف ضعفه تجاهها .
رّذاذ ناظرته وهمـسـت : جـاوبني !
نـايـف ناظرها وعيونه بدأت تـحـمِـر وتكلم وصوته مبـحوح يُنذر بأنه هناك بُـكاء في داخـله ، عالقٌ في حلقه : أكـيـد يـهـمني يا رّذاذ !
رّذاذ ناظرته وبصوت مليان عتب : طيب ليه ما علمتـنِـي ليه خبيت عني ، ليه ما أعرف إني مجهولة الأب !
نـايـف ما تحمل كلمتها ونزلت دمعه من عينه وتكلم بحرقه وتعجب : مجـهولة الأب يا رّذاذ ! عمرك بيوم حسيتِ إني مو أبـوك ؟ عمرك بيوم حسيتِ انك غريبة ؟
رّذاذ نزلت دموعها وهي تناظر أمها
نـايـف صرخ : نـاظـريني لـمـا أكلمك عمرك حسيتِ بأنك مو بنـتـي يا بنتي!
رّذاذ انهارات وصارت تبكي بصوت لحد ما جلست على ركبها عند رجوله : مـ...ـا قـلت
نـايـف بكى معاها ونزل عندها وهو يـحـضنها : انتِ بنتي ورُوحي وقلبي مافي أي شخص قادر يغير هالحقيقة لا تحليل ولا ناس -وبحنيّة أكثر وهو يمـسـح على شعرها وهي ترجف بين أحضانه - أنتِ رّذاذي انتِ قـرة عيني الأولى يا رّذاذي ، -وهمس- انتِ مني وفيني يا بـابـا!
رّذاذ بكـت : طيب ليه مـاعرفـت ليه ما قلت لي!
نـايـف : ٢٥ سنة يا رّذاذ خمسة وعشررين سنة وأنا عايش في تفاصيلك بنتي ونور عيني يا رّذاذ ما فكرت ولا شفتك مو بنتي يا رّذاذ انتِ رّذاذي !
رّذاذ قامت وبصراخ : كذبتو عليّ ! عيشتوني بوهم !
خمسة وعشرين سنة وأنا الحـفيدة الأولى خمسة وعشرين سنة وأنا عايشة في كذبة ليهه يبه ليهه - وشهقت وهي تناظره -  أنا طفلة بقي طفلة ما كبرت والله بقي ليه ما عرفـت ليه تركتوني بوهم ليه !
سوسن كانت بمكانها تبكي وتشـهق بدون ما تتحرك ويدها على فمها تكتم شهقاتها ، والبنات واقفين عند الباب متعجبين من اللي يشوفونه جو على صراخ نايف~
نـايـف مد ايده وهو يحاول يهديها بس دفت أيده تكلم وهو رافع يدينه : رّذاذ بابا انتِ طفلتي وبنت مافي شيء يغير هالحقيقة و.. رّذاذذذذ
-مـا كـمـل كلامه إلا ورّذاذ بتطيح بس عطول مسكها وكلهم صـرخـوا -
سـوسـن كـانـت واقفة ولـما شافت الكل صرخ طاحت عالأرض .
نـايـف صار يحاول يصحيها : رّذاذ بابا -ناظر في بنان- جيبو مويا بسرعهه
ورفعها وحطها عالسرير
وكلهم طلعوا بـرا بقي بس هو عند راسـهـا .
عِـند البنات برا
كـانوا يهدون امهم
لبنى ناظرت امها : يمه شصار !
سوسن مسحت وجها : ما صار شيء
لبنى : كله هذا وما صار شيء كيف لو صار يمه !
سوسن : لبنى لا تكثرين كلام خلاص
لبنى : يمهه
سوسن صرخت : انتهى -وحاولت تهدي نفسها- لبنى بالوقت المناسب بتعرفين
وطلعت من عندهم
|بيـت أبـو غيث✨|
كـانـوا متجمعين وغـيـث وصل
أبو غيث : وينك ماعد نشوفك
غـيـث : والله يبه ما مدانا عزيمة جدي وبعدها يوم ما لحقنا نرتاح وملكة عمي حتى رّذاذ تعبااانه
سحاب : غريبة ليه حتى يوم الملكة اختفت فجأة
غـيـث : ايه رجعنا بدري ما نمنا كويس
أم غـيث : الله يعين بس والحين عند اهلها؟
غـيـث : ايه والله نزلتها عندهم والحين بتعشى عندكم وبروح اخذها وللبيت
أبو غيث : الله يصلح بينكم يارب ويسعدكم
غـيـث : آمين يارب
أم غيث : شسالفة العزيمة اللي تقول عنها؟
غـيـث ابتسم : ان شاءالله كم يوم ونسوي عزيمة في بيتنا عشان جدي وجدتي وكلنا نتجمع
أم غيث ابتسمت له : زين ان شاءالله
سما : عاد والله يا غيث امي اليوم مجهزة لك عشاء جااامد وكل شوي تقول غيث يحب ذا وذا وتسوي
غـيـث : الله لا يحرمني منها
أم غيث : اكيد اشتقت لاكلي شوي ان شاءالله ونحضر العشاء
غـيـث ابتسم : اكيد طبعًا
أبو غيث : اقول غيث كيف حال عزام؟
غـيـث : الحمدلله بخير كنت معه قبل اجيكم
أبو غيث : اشتقت له والله ودي اقابله عندي له سوالفف
غـيـث ابتسم : قابله بينبسط مرة بكرة عنده شغل الصباح بعده أعتقد فاضي
أبو غيث : ان شاءالله عاد رهيببب بالتسويق يبي لي قعدة معهه
غـيـث : ايه دارس دراسة
أبو غيث ؛ ماشاءالله عليه
أم غيث جت : يلا العشاء
ابو غيث : يلا بسم الله جينا
وطلعوا ياكلون
| بيت نـايـف✨| عـند نايف ورّذاذ كان عندها يتأملها وشوي بدأت تهمس : بابا
نـايـف ابتسم وهو يمد ايده ليدها .. فتحت عيونها وناظرتها ناظرها وعيونه مدمعة : رّذاذي
رّذاذ ناظرته : ابغا مويا
نـايـف مد لها الكاس يشربها
رّذاذ شربت ولفت للجهة الثانية مالها وجهة تشوفه
نـايـف ابتسم وتـكـلم بحنِيّة : رّذاذ .. حـتـى لو مالك رغبة تشوفيني ترا أنا لـي رغبة أشوفك .. -سكت شوي وكمل - حـتـى لـو طلـعت التحاليل سلبية أنـا مـاراح اتخلى عنك يا رّذاذ .. تسمعيني ! انتِ بنتي الأولى وحبيبتي بقي انتظر احفادي منك أنا ..
حـتـى امكن اللهفة اللي بقلبي لك غير عن اللهفة لعيالي صدق .. لا تتعبين قلبي بصدّك ترا أنا أبوك وحق عليك تبرين فيني
رّذاذ كـانـت دموعها تنزل وهي تسمع كلماتها وتردّ عليها بداخلها : لـي رغبة مين قال مـا لي .. ورغبة عـارمة بعد إني أشوفك واتأمل تفاصيلك اللي أحبها .. حــتـى لو طلـعت سلبية انت أبـوي حبيبي الأول وعيوني ولا أنا راح أتخلى عنك .. اسمعك ياحبيب الرُوح اسمعك .. وأنا اللهفة اللي بقلبي لحضنك ما يضاهيها شيّء يبه .. وتكلمت بصوت تردّ عليه : ولا أنا قـلبي يقوى للصدّ عنك ياحبيب الُروح
نـايـف ابتسم يوم سمعها وعطول فتح أحضانه وهي عطول ضمته بكل حُب وهو شد عليها كأنه بيخبيها داخله ..
| بيت أبو غيث✨|
الساعة ١١
غـيـث : يلا عاد انا بمشي
ام غيث : اجلس ل١٢
غـيـث : لا يمه برجع والله تعبان من الصباح
أبو غيث : الله يحفظك يا ابوك انتبه للخط
غـيـث ابتسم : آمين يبه على استودعتكم الله
أم غيث ؛ الله يحفظك يمه
وطلـع غيث متجه لبيت عمه نايف💘.
| بيـت نـايـف✨|
قامت رّذاذ وكانوا بالصالة تعشوا وجالسين
لبنى : رّذاذ بتنامي هنا؟
رّذاذ : لا غيث جاي
لبنى : تمام انتبهي لنفسك
رّذاذ : ابشري يا عيوني
ليث : شصار ما قلتو لي !
نـايـف : خلاص ليث بابا
ليث ابتسم : تمام رّذاذ اطلع معك لبرا
رّذاذ : ايه يلا بس البس عبايتي
ليث : يلا انا انتظرك برا
وطلـع شوي وطلعت
لـيث : مسرع
رّذاذ : دايم انا سريعة شفيك نسيت !
لـيث ابتسم : لا طبعًا ما نسيت
رّذاذ : شفيك ما طلبت نطلع برا الا وعندك سالفة
لـيـث : شوفي وّذاذ انتِ اختي الكبيرة وانا احبك وأبوي يحبك وامي وكلنا يا رّذاذ وكلامي اللي بقوله بقوله بناءً عالكلام اللي سمعته من لُبنى
رّذاذ : اسمعك بس وش عرفك بالتفاصيل
لـيـث : تكلمت مع خالي وعلمني
رّذاذ : طيب؟
لـيـث كمل : مهما صار ومهما تغيرت النتائج ترا أبوي وأمي يحبونك وحنا بعد انتِ اختنا وبعد الحادثة اللي صارت ترا انتِ بنـتهم يا رّذاذ يعني عاللي سمعته وعرفته أنا واثق ومتأكد إنك اختنا وانك بنتهم كل اللي صار كان درس لعائـلة آل مـانـع وأعتقد كان هدفهم انه جدي وابوي وعمي وما ينسـون هـالعمل وهذا اللي صار خـلو أبوي وأمي عايشين بخوف ٢٥ سنة وخلو جدي عايش بعذاب ضمير ٣٠ سنة من يـوم بدأت الحادثة وعمتي ضُـحى ومحسن والكل ما تركـوا أحد يا رّذاذ وبصمتهم عـالقـة بحيـاتهم
رّذاذ : ليه وكيف ومين!
لـيـث : ما أقدر أقول بس كل اللي ابيك تعرفينه انه مهما صار خلك مع امي وابوي سواءً بنتهم بالدم أو بالروح تسمعين!
رّذاذ : زين بس..
قاطعها لـيـث : بدون بس ، ترا رّذاذ أمي تعبت تعبت كثيررر وأعتقد صار الوقت اللي تردين لها تعبها بدون ماتجرحينها هي مو محتاجة أزمة نفسية ثانية وكسر ثاني
وباللحظة ذي دخل غيث
لـيـث ابتسم : ياهـلا
غيـث : هلا فيك تأخرت؟
لـيـث ابتسم : لا بالعكس كنا نسولف وجيت قطعت علينا
غيـث ضحك : أروح يعني ولا ايش؟
لـيـث : لا خذ زوجتك
غيـث : باخذها اكيد
ولف يناظرها كانت تناظر بالباب وتفكر بكلام لـيـث
غـيـث : رّذاذي
رّذاذ مدت ايدها له وساعدها تقوم : يلا باي ليث
لـيـث : درب السلامة انتبهوا لبعض
غيث : مع السلامة
وطلعوا وقفل الباب وجلس ليث عالدرج وهو يتنـهد شوي جات لبنى وجلست
لـيث : هلا
لُبنى : هلا فيك
لـيـث : شكل بقلبك كلام
لُبنى : حيللل
لـيـث : كلي أذانٌ صاغية
لُبنى تنهدت : أعـتـقد انه الحياة بتاخذ من ماما وبابا كثيرررر -سكتت شوي وكملت- يـعـني كم مرة لازم يـعـانون عشان الحـياة تنصفهم ! كـم شخص لازم يفـقـدُون عشان يعيشوا في سـلام دائـم يا لـيـث؟
لـيـث ابتسم : ليه ما تشوفين الموضوع بإيجابية وتذكرين أنه المؤمن مُبتلى وانه ربي إذا حب عبد ابـتلاه يا لُبنى ! والبلاء في يكون أنواع في الـمـال والأبـناء
لُبنى : اتمنى ربي يسعدهم ! أتمنى السعادة تكون مالية حياتهم بالأيـام القادمة يا لـيـث احس امي ما عد تتحمل ولا ابوي يقوى!
لـيـث : إن شاءالله الأيام القـادمة جميلة للكل
تنهدت لبنى وأردفت بـ : آمـيـن يارببب
| بـيـت غـيـث✨|
وصـلو بدل ملابسه وعطول عالسرير ورّذاذ دخلت الحمام وانتم بكرامة غسلت وجها وهي تحاول تستعيد وعيها ولبست بجامتها وطلعت
راحت للتسريحة تعطرت وحطت كريم لوجها ومرطب وفتحت شعرها وراحت جنب غيث
غيـث ابتسم : تعالي
رّذاذ ابتسمت له بتعب : اكيد بجيك
غـيـث فتح لها أحضانه : أهلًا وسهلًا
رّذاذ تنهدت : مُستراحي وملجأي
غـيـث دفن وجهة بشعرها وهو يشم ريحته وتنهد : أحب ريحة شعرك أعتقد انه الوسيلة الوحيدة للصفاء الذهني هي وجودك بجنبي عشان استنشق ريحتك
رّذاذ : الحمدلله طلع مني فايدة
غـيث ابتسم : أكيد منك فايدة وش هالكلام !
رّذاذ تنهدت بضيق : تدري غيث اليوم صرخت على بابا لأول مرة بحياتي طول عمري من يوم أنا صغيرة مارفعت صوتي اليـوم بكيت وصرخت
غـيـث عقد حواجبه : عرفو انكِ عرفتِ؟
رّذاذ : أيـوه مـا قدرت اكتم أكثر وشكلي جرحتهم حيللل ، لا مو شكلي جرحتهم صدق .
غـيـث : رّذاذ قلبي بكرة النتائج تطلع وكل شيء يبين هدي أعصابك ويلا ننام
رّذاذ : تمام -حطت راسها وصـارت تفكر -
غـمضت عيونها وهي تدعي : يارب لا تصدمني يارب بشرني بما يسرني يارب
وشوي فتحت عيونها : غيثثث
غــيـث : هلا
رّذاذ : ما بغا انام
غــيـث : رّذاذ بلا دلع تراك تعبانة نامي
رّذاذ : ما جاء
غــيـث : وش ذا زي الأطفال نوم يلا
رّذاذ ضحكت : حرام عليك انا طفلة
غــيـث : ايه نعم يلا بحكي لك قصة
رّذاذ : بلا استهبال
غــيـث : يلا نامي بدون أجل -حطت راسها- وصارت تستغفر لحد ما نامت بدون ماتحس ..
|فــي المـستشفى عند ضُحى |
كانت مناوبـة السـاعة وحدة خلصت شغلها وجلست بغرفتها
كانت طفشانة وجالسة تنتظر الوقت ينتهي
شوي دق الباب ردت : تفضل
دخل : صباح الخير
ضُحى ابتسمت : سلـمـان !
سلـمـان ابتسم وهو يمد لها القهوة : تفضلي
ضُحى : وش جايبك هالوقت!
سـلـمـان ابتسم : جيت اشوفك
ضُحى : أرحب حـيـاك
سـلـمـان : خلصتِ شغلك
ضُحى : ايه خلصت وكنت طفشانه
سـلـمـان : الحمدلله جيت على كذا
ضُحى : ايه والله
سـلـمـان : كيف الشغل ؟
ضُحى: كويس الحمدلله ماشي
سـلـمـان : الحمدلله
ضحى : مو منجدك ترا بتزعلني كذا!
سـلـمـان : الله ليه!
ضُحى : تداهمني بداية الدوام ونهايته بتخليني أتعود عالدلع الحين!
سـلـمـان ضحك : زين عبالي فيه مصيبة لا ماعليك بدلعك لآخر عمري
ضُحى ابتسمت : ما بتطفش!
سـلـمـان : لا طبعًا بكل حب
ضُحى : ياحظي
سـلـمـان : متى تبين زواجنا ؟
ضُحى : بدري سلمان مرة مرة
سـلـمـان : عادي ماتفرق
ضُحى : وش تفكر فيه انت؟
سـلـمـان : الشهر الجاي
ضُحى : يوهه سلمان مرة مابقي شيء وش اسوي ما يمدي أجهز شيء!
سـلـمـان : خلاص شهرين
ضُحى : تمام ممكن شوف اتفق مع أبوي اكيد بيسوي زواج كبير معارفه كثير مرة
سـلـمـان : تمام ان شاءالله اشوفه
ضُحى : تمام عيوني الحين روح ارتاح
سـلـمـان : تصريفة ذي؟
ضُحى ابتسمت بخجل : مكانك فوق راسي ، وحاشاك ما أقصد كذا بس هذا مكان عمل وما أحب صراحة يجيني كلام ،  أحب التزم بالأنظمة صعبة يقولون انخطبت وخطيبها كل يوم جاي و..
سـلـمـان ابتسم وهو يقاطعها : امزح معك عارف ومقدر
ضُحى : وللمعلومية ترا بابا عمره ما جاء المستشفى لي خصوصي ولا يعرفونه إلا مرة كان فيه حفل وهو الراعي وكان لازم يحضر ووقتها المدير رحب فيه بس للآن مايعرفون انه ابوي أو لي علاقة فيه
سـلـمـان : تبشرين انتِ
ضُحى : الله يبشرك بجنته يلا استودعتك الله
سـلـمـان : الله يحفظك
وطلع وضُحى خذت نفس وجلست مكانها وهي تناظر بالقهوة اللي جابها لها ، أحيـانًا يكون شخص مصدر سـعـادتك ، وترتبط فيه بشكل كُلي .
مـا يحتـاج تكلف ابتسامة وكوب قهوة تكفيك بالدنيا معه -همست- بالحمدلله وقامت تشوف الملفات
| الـصـبـاح✨|
بـالـتحديد عِـند غيث قام الصبح تجهز وطلع صلى الفجر في المسجد وجلس للشروق ، صلي وكان يدعي من كل قلـبه انه ربـنـا يبشره بكل خير
طـلـع من المسجد وشاف مكالمات عـزام اتصل عليه
عـزام : يا صباح الخير
غيـث : صباح النور والسرور
عـزام : وينك فيه؟
غيـث : توي طلعت من المسجد انت وينك وبجي لمك
عـزام : زين رحت المطعم اللي دايم نفطر فيه
غيـث : تمام ربع ساعة وانا عندك
عـزام : درب السلامة
غيـث : في أمان الله
وقفل منه وطلع سيارته
| بـيـت نـايـف✨.|
كـانـوا يفطرون هو وسوسن والعيال بقي نايمين
كانت تاكل وساكتة من أمـس ، مد أيده لايدها
وبحنيّة قال : النتائج اليوم لا تشيلين هم
سوسن ناظرته وابتسمت
نـايـف : سوسن لا تضعفين أرجـوك انت الأقـوى
سوسن : مـا راح أضـعـف الله يبشرنا بالخير
نــايف : آمين يارب العالمين
سوسن رجعت تاكل بهدوء وهو تنهد ورجع يفطر
| بـيـت الجّد مانع✨ |
كـانوا في الحوش يفطرون وجدًا مبسوطين عالجو ، ونزل سلمان معاهم
الجّدة تماضر ابتسمت : يازين الجو ينقص العيال بس
الجّد مانع : ايه والله ما تسوى الجلسة بدونهم
سلمان : قلت لكم بتجي ضحى وتغير جو البيت ان شاءالله
الجّدة تماضر ابتسمت : ان شاءالله بس أنت على أي اساس قلت بتسكن عندنا امكن ماتوافق !
سلمان : والله مدري نشوف من الـحـين لوقتها صح يبه
الجّد مانع : اسلم
سلمان : ابي زواجي بعد شهرين كلمت ضحى ووافقت ابيك تتفق مع محسن انت
الجّد مانع ناظره : أولًا ما اسمه محسن اسمه عمي محسن ، ثانيًا انت اتفق مع عمك وهو يكلمني بقراره
سلمان : وين عمي وهو ماخذ اختي
الجّد مانع : ما يصلح لازم تقوله عم احترام الكبير واجب حتى هو يقولي عمي
سلمان : حاضر ابشر
ابتسمت تمّاضر وهي تشوف الجوال : ابو غيث يقول افتحوا الباب قوم سلمان افتح
سلمان : تم
وقام فتح الباب : ياهلااا نورتتت الدار
أبو غيث : منوره الديّار بأهلها
الجّدة تماضر : الله يسلمك ويحفظك انت صاحب الدار تعال يمه اشتقت لك
أبو غيث سلم عليهم : ياحبيبتي يمه وانا بعد اشتقت لك ولسوالفك
ابتسمت تماضر  وهي تمد له كاس شاي : كيفك وكيف عيالك عطني علومك عساك بخير يمه؟
أبو غيث : الحمدلله بـخير كـ ..-وصار يتكلم ويسولف على أمه وهي مبتسمة -
| بيت غــيــث✨|
صـحت رّذاذ وشـافـت مكان غيث فاضي
قامت توضت وصلت وبعدها دخلت خذت شوار ولبست وتعطرت وسوت شعرها ونزلت للصاله
مريـم : صباح الخير مدام
رّذاذ ابتسمت : صباح النور
مريـم راحت للمطبخ وحضرت لها الأشياء اللي تاخذها الصباح عسل وتمر ومويا
رّذاذ ابتسمت وهي تشوفها جاية : شكرررًا مريم
مريـم ابتسمت : مستر غيث هذا
رّذاذ ابتسمت لها وراحت للمطبخ تغصبت رّذاذ باللي تاكله عشان ما تتعب وهي تعرف انها مـاراح تفطر لـحـد ما تعرف النتائج ~
خـلصت وطلعت الغرفة اللي فوق وكان فيها بلكونة تحبها عشان مافي حولها عماير وتقدر تاخذ راحتها تنفست وهي تناظر أشعة الشمس اللي دخلت الغرفة ، ووقفـت عند الستارة وهي تتأمل الشارع وكل دعواتها انه ربي يبشرها بخبر سعيد وما يصدمها ..
وقـفـت بتعب وآخر جلست عالـكرسي وتدفت بشالها وهي تتأمل المنظر وتفكر نامت بدون ماتحس~
| عـِند غيث✨|
كـان مع عـزام بعد ما خلصوا فطـور اخذتهم السوالف كالـعادة.
عـزام : وين رايح؟
غيـث : المستشفى دعواتك
عـزام : الله يبشرك بالخير يا أخوك
غيـث : آمين يارب انت ماقلت لي من وين تبي تعرس من عندنا ولا من برا؟
عـزام : والله إلى الآن مـا حددت
غيـث : بـلا كذب تراني عارف
عـزام : وش عارف؟
غـيـث ابتسم وهو يغمز : أعرف مين تبي.
عـزام : زين احتفظ فيها لنفسك
غـيـث : يلا اصلًا انا ماشي مافي وقت
عـزام ؛ تمام انا بتقهوا واطلع
غـيـث : استودعتك الله
وقام طلع من المطعم ~
حـرك سيارته متجـه للمـستشفى ..
وكـل دعـواته انه يكون خبر خير يفرح الكل ~
وصـل واتصل على الدكتور قبل ينزل وبلغـه انه التحاليل جاهزة ~
دخـل غيث للدكـتور
غـيـث : السلام عليكم
الدكتور : هلا وعليكم السلام تفضل
غـيـث : هاه بشر؟
الدكتور ؛ والله أفضل تشوف بنفسك
غـيـث عقد حواجبه وخذا الورق وهو يفتحهم ، همس يارب خـير مـد أيده وهو يفتحها وبـدأ يـقرأ النتائج ناظر بالدكتور : ذي نتائج تحليل الأبوة ؟
الدكتورة : ايه والثاني تحليل عن تفاصيل زوجتك سكر وضغط وكله بالتفصيل
غـيـث عقد حـواجـبة
| عـِند رّذاذ✨|
وهي منهـمـكة بالـطـبخ سمعت صوت غيث طلعت وهي تشوفه ، نـاظرته وجهه مقلوب ناظرته بتفحص رّذاذ : غيث شصار بشرني؟
غـيث ناظرها : رّذاذ ما ادري وش اقولك
رّذاذ شهقت وهي تشوف وجه غيث وبكت : غيث لاااا لااا اموت ولا اعيش هالحقيقة
حضنها غيث وصار يـهديها وهي تصرخ لحد ما طاحت مغمي عليها ، فـزت من نومتها بتعب واستوعبت المكان اللي هي فيه ناظرت الساعة وعطول طرأ براسها غيث تنفست وهمست : ياربّ أخبار سارة تبهج هالرّوح يارب لا تحرمني الفرحة يارب لا تعور قلبي يارببب
رفـعت جوالها تتصل على غيث وعطاها مشغول ~
نـزلت الجوال وصارت تستغـفر وتنتظر البُشرى ..
| بيت نـايـف✨|
نـايـف : سوسـن وش تسوين!
سوسن ناظرته ما اسوي شيء اتصل على غيث بشرني وش النتايج
نـايـف : كل خير ان شاءالله لا تفكرين
سوسن ناظرته : نـايـف لا يكون عمي بيزور التحاليل
نـايـف : لا وين ماحد منا يعرف المستشفى غيث وداها وما علم أحد وكلنا ننتظر النتايج
سوسن تنهدت : الحمدلله انه غيث موجود الله يحفظه يارب
نـايف : آمين يارب شفيك علينا
سـوسـن : مو قليل اللي شفته يا نـايـف ولا أحد فيكم أخذ حقي حتى أخوي وابوي ماحد تجرأ ودافع عني كل يوم أدعي انه ربي يرزق بناتي باللي ياخذ حقهم وما يخلي عيونهم تبكي قهـر والحمدلله ربي رزق رّذاذ بغيث والله يرزق الباقيات بالمثل
نـايـف : يعني انا مقصر
سـوسـن : انت زوجي وحبيبي ولا أقول في حقك شيء يا نـايـف لكن وقت السالفة كلكم تكتمتوا عالموضوع عشان الناس وعشان العدو .. وانت اللي كنت اموت باليىم مليون مرة ما دريتوا عني
نـايـف : مين قال ما دريـت عنك انا كنت اموت باليوم مليون مرة معك انتِ تعرفين شعور انه شخص يعتدي على حقك على قلبك على شيء لك يا سـوسـن انتِ لي !
سـوسـن ناظرته : خلاص نايف قفل الموضوع
وقـامت طلعت للبرا تشم هواء~
| عـِند غـيـث✨|
ابتسم وهو يناظر في الدكتور : اهم شيء صح التحاليل
الدكتور ناظره : افا عليك يا غيث
غـيـث ابتسم : طيب وتحليل رّذاذ شفيه؟
الدكتور ابتسم : المدام حـامل غيث مبروك
غـيـث ابتسم بفرحة : صدق!
الدكتور : ايه نعم ربي يفرحك بما يسرك
غـيـث ابتسم : الله يسعدك يا دكتور ويبشرك بالجنة
الدكتور : وترا الحمل من مكمّل ثـلاثة أسابيع بتدخل في الأسبوع الرابع وعشان الصحة خلي المدام تجي هنا ويكشفون عليها والله يفرحك يارب
غـيـث ابتسم : يالله ما تتخيل انت عطيتني الدنيا بالخبر ذا
الدكتور ابتسم : الله يحفظك بشر اهلك
غـيـث : فمان الله
وأخـذ الأوراق وطلع من عند الدكتور وهـو طـاير من الفرحة ، عـطـول مر الصـيدلـية خذا جهاز تحليل  الحمل واتجـه للبيت , وكـان مو بس طـاير من الفرحة كان طاير بالخط بعد ..
| عـِند رّذاذ✨|
قامت رفعت شعرها ودخـلـت المطبخ
مريم دخلت وشافتها تقطع السلطة : مدام رذاذ وش تسوي!
رّذاذ ابتسمت : اجها غداء
مريم : نو بليز انا اسوي ارتاحي
رّذاذ ابتسمت : حبيبتي مريم والله اني احبك بس اليوم انا بطبخ للكل
مريم ابتسمت : اوك اساعدك؟
رّذاذ : انا بقولك
وصـارت تقولها وش بتطبخ وتـسـولف عليها عشان تضيع الوقت ويختفي توترها ~
وهي منهـمـكة بالـطـبخ سمعت صوت غيث من قبل لا يدخل وهو ينادي ويصوت
بصراخ غيـث : رّذاذي
رّذاذ نشفت يدها وطلعت : نـعـم غيث ليه تـصـارخ!
ونـاظرته كانت ملامحه غير وعيونه تلمع ابتسمت ابتسامة خفيفة عشان ماتخرب عصبيتها على صراخه ~
رّذاذ : ليه تصارخ شصاير ؟
غيـث ابتسم وهو يمسك يدها : تعالي
رّذاذ : شفيك غيث فهمني
غـيـث ناظرها : لحظة
ومد ايده فتح لها المريلة ورماها على الكنب وعطول مسك يدها بيطلعها الغرفة مشت معه وهي مبتسمة ومستغربة ، غـيـث ابتسم طلع كيس الصيدلية ومد لها الجهاز
رّذاذ ضحكت : وش هذا !
غـيـث بابتسامة : وش وش هذا ! روحي شوفي بسرعه
رّذاذ : وشوو غيث وش عرفك!
غـيـث : كلهم يقولون عليك أعراض بسرعة روحي
رّذاذ : تماممم
ودخلت دورات المـياة بعد ما خلصت رفعت الجـهـاز ناظرت فيه وأول ما شـافت الخطين عطول مـاتحملت ودموعها نزلت يالله يعني بتصير أم الحين !
غـيـث دق الباب : رّذاذذذ!
رّذاذ فتحت الباب ووجها باكي
غـيـث عقد حواجبه : اشبك ؟
رّذاذ ناظرته ودموعها تنزل ورفعة الجهاز بوجهه ، وأول مـاشافه صرخ وضمها ورّذاذ صارت تبكي
غـيث ابتسم : اشبكك المفروض تفرحي ليه تبكي
رّذاذ تحاول توقف بقي وتتكلم و غـيـث مبتسم ضمها عطول : أنـا أسـعـد شخص في العالم اليوم !
رّذاذ بترددّ : وأبوي؟
غـيـث ابتسم وهو يعطيها الأوراق : شوفي
رّذاذ فتحته وكانت تقـرأ وبعده شهقت وصارت تبكي وهي تشهق بقوة لحـد ما جلست عالأرض وهي تسجـد وتبكي ، مـا كـانـت فـرحتـها فرحة عادية ، كانـت فرحتها فرحة شكر لله ودموعها دُموع شكر .. باللحظة ذي رفعت راسها وناظرت بغيث وهو ناظر فيها وباسها بحب .. قرب ايده ومسح وجها
غـيـث : ليه البكاء ليه!
رّذاذ غمضت عيونها ودموعها مستمرة تنزل همست : أحبك
غـيـث ابتسم وهو يبوس خدودها : وأنا احبك وأحب اشوف فرحتك يا أجمل أم بعيوني وأجمل زوجة وبنت
رّذاذ ابتسمت وضمته وهو شد عليها بكل حُب عشان يعلمها انه هو أمانها ودايم معـاها
| بيت نـايـف✨|
كـانـت تتأمل الخضار وتحاول تاخذ هواء ما تنتبه للباب ، مـاحست إلا وهـو يحضنها من الخِلف
ابتسم وهمس : أيـا رفـيقةَ دربـي!.. لو لديّ سوى
عـمري.. لقلتُ: فدى عينيكِ أعماري
-اطلعوا فوق وشغلوا الفديو اسمعو القصيدة وانبسطوا وتخيلوا نـايـف يقولها لـسوسن♥️-
سـوسـن دمعت وهي تسمعه ولفت له
ابتسم وهو يشوفها مسح دموعها : انتِ أرق من النسمة !
سـوسـن : وانت مثل برد الصيف ، أحد من السيف!
نـايـف ابتسم : أحـبـك
سـوسـن : وانا بعد
نـايـف مسك يدها : يلا تعالي نتصل على غيث
سـوسـن : بلا اتصل
اتصل وينتظره يرد ..
نـايـف : أيوه هلا
غـيـث : هلا عمي
نـايـف : هاه بشر يا ابوك من اليوم ننتظرك
غـيـث ابتسم : وش بتعطيني بس؟
نـايـف : اللي تبي
غـيـث ضحك : تسلم ماتقصر ، عمتي حولك ؟
نـايـف : ايه جنبي
غـيـث : حطه سبيكر
نـايـف ناظر بسوسن وحطه سبيكر وهو للحين مو فاهم : يلا قول
غـيـث ابتسم : كان تسألون عن الأم فهي منكم وفيكم وأما البنت فهي منا وفينا
نـايـف وسوسن ناظروا بعض وهم يضحكون وسوسن حطت يدها على فمها بفرحة وهي تضحك
نـايـف : غيث وش تقول شقصدك!
غـيـث صرخ بفرحه : ياعمي ايجابية رذاذ بنتك بنتك وبنتك حااامللل ياعمي بتصير جد
طاح الجوال من يد نايف من يوم سمع بنتك وصرخ بفرحة وهو يـجـهش بالبـكـاء ويرددّ بصوت عالي وفرحة : الله أكبر الله أكبر  الله أكبر
الله إذا أعـطـى أدهش وجلس عالأرض وسجد ورفع من سجوده وهو يـبـكي و سـوسـن ما تحملت ردت فعله وبكت معه وهي بعد تجهش -وأنا بعد أجهش بالبكاء😭- كـان ينـاظر فيها وابتسم بين بكاءُه وهي ابتسمت وضمته وشد عليها وبـكـى وزاد في دموعه وجو عيالهم يناظرونهم وهو حـاول يجمع نفسه ويوقف بـكـاء مسح دموعه وقام
‎وضم لُبنى أول وحدة ويوم ضمها رجع يـجـهش ويردد : الحمدلله والشكر لله
‎وفـي الجهة الثانية عالجوال رّذاذ قطعت نفسها بكي وغـيث ضمها وهو يحاول يهديها سمعت بكاء ابوها سمعت فرحته كيف ممكن يكون لها أب غير هذا الأب الـعـظيم !
‎نِـرجع لـنـايـف ضم ليث وبكى وليث شد عليه وهو سند أبوه دايم حضن الرجل للرجل أساس الصلابة والقوة✨.
‎ليث : الحمدلله يبه
‎نـايـف فتح عيونه وهو يحاول يشوف من الدموع : خذني لجدك
‎ليث : ابشر
‎وطـلعوا للسيارة عطول ..
‎نـايـف طـلـع بدون جـوالـه ، بدون ما يـبـدل ..
‎طـلـع بـدمُـوعـه وفـرحـته ، فـرجت عند نـايـف !
‎خـمـسة وعشرين سنة وهو ما بين خوف لفقد بنته وما بين خوف تطلع مو بنته ، خـاف تكرهه وتبعد عنه ، خـاف يفقدها وهي عيونه اللي يشوف فيها ..
‎طول الطريق كان يكرر الحمدلله وكل ما دموعه توقف ترجع تنزل ، وصـل بيت الجد مانع كانوا بالصالة الجد مانع و محمد وسلمان والجدة تماضر
‎دخـل وهو يـركض وليث كان يناظره وعيونه تلمع بالدموع وهو يشوف ابوه كأنه طفل الفرحة مو سايعته ، صرخ قبل يوصل : يممه يبههه
‎طلعوا كلهم للباب
‎نـايف ناظر سلمان أول واحد بوجهه : رّذاذ بنتي ، رّذاذ بنت نـايـف آل مانع ، رّذاذ رّذاذنا يا سلمان - لف على ابوه - رّذاذ رّذاذي يبههه
‎الجد مانع فتح أحضانه يستقبل نـايـف والكل دمعة عيونهم يوم سمعوا شهقة نـايـف وهو يبكي كأنه طفل بحضن ابوه بعد عن ابوه وهو يرجف : يبه بنتي يبه وضم امه وابو غيث
‎قـام سلمان عطاه مويا وكان يحاول يهدى
‎مـا كـانت ليلة عادية على آل مـانـع كان يوم من ايام السعد بالنسبة لهم ~
‎الـمـغرب ..
‎| عـند غيث ورّذاذ✨|
‎كـانـوا في غرفتهم رّذاذ منسدحة وغيث عالكنبة يشوف شغلة
‎رّذاذ : خلصت
‎غيـث : ايه باقي حاجات بسيطة
‎رّذاذ : الله يقويك يارب
‎غيـث ابتسم : وش تتوقعين بنت ولا ولد
‎رّذاذ ابتسمت : العلم عند الله
‎غيـث : الدكتور قال هذا الأسبوع تكملين شهر
‎رّذاذ : ماشاءالله
‎غيـث ضحك : اللي مستغرب منه كيف ما لاحظتِ
‎رّذاذ : ما ادري توقعت أعراض عادية مافكرت حمل
‎غيـث : من يوم كنا برا بدأت عليك
‎رّذاذ : يعنني تعرف
‎غيـث : طيب قومي جهزي لنا أكل ونشوف فيلم
‎رّذاذ قامت : وه وه حبيبي -وهي تمسك خدوده- الاب الحنون اللي يبي فيلم
‎غيـث ضحك : ايه بسرعة
‎رّذاذ : تم ابشر
‎غيـث صرخ وهي رايحة : صحح تذكرت انتِ لازم ترتاحي
‎رّذاذ ضحكت : يمه منك توك تفتكر
‎غـيث : شسوي عطيني مدة اتعود
‎رّذاذ : ماعليك سامحتك بس بقول لمريم
‎غـيـث : تمام انتظرك
‎طلعت وقفلت الباب
ونزلت للمطبخ ما شافت مريم قامت طلعت الشبسات وبدأت تسوي بوب كورن ~
‎شوي نزل غيث وشافها
‎غـيـث : مو قلت لا تسوين!
‎رّذاذ ابتسمت : مو قلت خاطرك فيه؟
‎غـيـث : ايه بس بعد لا تعبين نفسك
‎رّذاذ : تعبك راحة
‎غـيـث : ياعيوني
|بـيـت نـايـف✨|
‎كـان البيت هـادي كُل واحد بغرفته ، بنان ولُبنى يشوفون فيلم ، ولـيث بغرفته نايم ، وسـوسـن ونـايـف في غرفتهم ، نروح لـهـم
‎ابتـسـمت سـوسـن وهي تشوف نـايـف عيونه ماتبي تنام ماسك روايـه بيده ويقرأ ابتسمت وقالت : ماراح توقف
‎نـايـف ابتسم : لدي رغبة عارمة في قراءة كل كتبي و عمل كل مهامي وحُب الجميع
‎سـوسـن : الله الله وأنا مالي شيء من الحب هذا كله
‎نـايـف : انتِ قلبي!
‎سـوسـن ابتسمت : خلاص طيب قفل كتابك وتعال جنبي اشتقت لك
‎نـايـف ابتسم : الله الله وصرنا نشتاق!
‎سـوسـن : ايه نشتااق
‎| بيت غيـث✨|
‎كـانوا يتفرجون وبعد ربع ساعة من بداية الفيلم
‎ناظر غيث رّذاذ شافها نايمة ضحك بهدوء
‎وقام سحب المخدة وعدل راسها
‎رّذاذ فتحت عيونها : هـا..
‎غيـث : اشش نامي
‎رّذاذ ابتسمت وكملت نومها وهو جلس يشوف الفيلم بنص الوقت حس بملل وقام يقوم رّذاذ للسرير ونام جنبها      
-بيـوم جديد الصباح-
‎|بيت محسن✨|
‎رفعت شعرها بتعب وهي تناظر في الساعة
‎مالحقت تشبع نوم قامت عطول رفعت شعرها
‎ودخلت للحمام وانتوا بكرامة خذت شوآر وطلعت لبست وصلت ونزلت للصالة شافتهم كلهم متجمعين يفطرون
‎ام تركي ناظرتها : اشبك
‎طيف : ولا شيء ما نمت زين
‎تركي : تستاهلين خلي الافلام تفيدك الحين
‎طيف : اسكت خلاص
‎خذت شاي ومشت راجعة غرفتها
‎محسن قام : انا شبعت بالعافية عليكم
‎ام تركي : رايحة الشغل؟
‎محسن : لا انتظرك
‎ام تركي : تمام
‎تركي : يلا يمه انا طالع
‎ام تركي : تمام قلبي انتبه لنفسك
‎تركي : استودعتكم الله
‎وطلع وام تركي قامت عند محسن
‎وشافته جالس يتصفح مجلة
‎ام تركي : خير محسن؟
‎محسن : خير خير ارتاحي
‎ام تركي جلست : ايوه
‎محسن ابتسم : فيه واحد متقدم لطيف
‎ام تركي عقدت حواجبها : مين؟
‎محسن ؛ منا وفينا
‎ام تركي : من هو ؟
‎محسن : عـزام صديق غيـث
‎ام تركي ابتسمت : يوهه عزامم
‎محسن : ايه
‎ام تركي : قلت لتركي؟
‎محسن : ايه
‎ام تركي : وش قال ؟
‎محسن : الشور شور امي وبنتها
‎ام تركي ضحكت : اروح اقولها وهي كذا بترفضه عطول
‎محسن ضحك : ماعليه انتِ وبنتك تفاهمو -وقام- خبريها انا طالع لشركة وخذوا راحتكم
‎ام تركي : متى يبي الرد ؟
‎محسن : ما قال
‎
‎ام تركي قامت معاه : تمام استودعتك الله وانتبه للطريق و..
‎ما كملت الا قاطعها وهو يلف عليها ومسك كتوفها : خلاص يا ضي عيوني انتِ راح انتبه
‎ام تركي ابتسمت : اقولك بس
‎محسن ابتسم وباس جبينها : الله لا يحرمني هالحب
‎ام تركي : آمين ولا يحرمني منك
‎وطلع وقفلت الباب ودخلت شافت سراب نايمة
‎ودخلت غرفة طيف شافتها تشرب شاي ومنسدحة
‎ام تركي : اشبك؟
‎طيف : جاتني
‎ام تركي ابتسمت : ياعمري
‎طيف : جيبي لي قرفة بعد ذا مرة مافيني اتحرك
‎ام تركي : تمام شوي وبرسلك كمادات وبابونج
‎طيف : لا بليز قرفة تكفي
‎ام تركي : اسمعي الكلام
‎طيف تنهدت وهي ساكتة تعرف كلامها ماراح يتنفذ حطت راسها بتعب وامها هزت راسها وهي مبتسمة وطلعت وقفلت الباب
‎| بيت غيـث✨|
‎كـانـوا يفطرون
‎رّذاذ ناظرته : غيث مابنسافر؟
‎غيـث : من قال؟
‎رّذاذ : مدري
‎غيـث : إلا بنسافر ان شاءالله بعد يومين
‎رّذاذ : من جدك؟
‎غـيـث : ايه نعم
‎رّذاذ : طب خلاص بكرة نسوي عزيمة ببيتنا ونرتاح
‎غـيـث : للأسف ماتقدرين
‎رّذاذ : ليه؟
‎غـيــث : جدي مسوي عزيمة لإعلان حفيدة الاول
‎رّذاذ : يارربي غيث مابغا
‎غـيـث ضحك : وش ماتبين!
‎رّذاذ : مالي خلق والله تعبت عزايم عزايم عزايم
‎غـيـث : طيب وش الحل ؟
‎رّذاذ : خلاص طب اسمع نسافر بكرة
‎غـيـث ضحك : منجد عيب بيزعلون منا
‎رّذاذ : زين
‎غـيـث ابتسم : جهزي شنتطك بس
‎رّذاذ : دولة باردة ولا ؟
‎غـيـث : لا حلوة
‎رّذاذ : استجمام؟
‎غـيـث : ايه بالضبط
‎رّذاذ : زين
‎وقامت وطلعت لغرفتها وقام غيث واتصل على جده
‎غيـث : السلام عليكم
‎الجّد مانع : وعليكم السلام ورحمة الله وبركاته هلا يبه
‎غـيـث : كيفك؟
‎الجّد مانع : الحمدلله بخير ونعمة كيفك انت ؟
‎غـيـث : بخير الحمدلله
‎الجّد مانع : كيف رذاذ؟
‎غـيـث : طيبه ماعليها
‎الجّد مانع : امر وش بغيت
‎غـيـث : اقول وش رايك تأجل العزيمة؟
‎الجّد مانع : افا ليه؟
‎غـيـث : أنا ورّذاذ مسافرين اسبوع ونرجع
‎الجّد مانع : وين بدل ماترتاح
‎غـيـث : ايه بنرتاح ونغير
‎الجّد مانع : تم ان شاءالله
‎غـيـث : الله يسلمك يبه
‎الجّد مانع : الله يحفظكم
‎غـيـث : يلا مع السلامة
‎وقفل وقام طلع للغرفة وشافها ترتب ملابسها
‎غـيـث : يلا استعجلي
‎رّذاذ ابتسمت : خير
‎غـيـث : الخير بوجهك
‎رّذاذ : شفيك؟
‎غـيـث : كلمت جدي وأجل العزيمة واقولك استعدي
‎رّذاذ : زين -وبعد ما استوعبت صرخت- منجددد!
‎غـيـث ضحك : اكيد
‎رّذاذ ابتسمت وحضنته : الله لا يحرمني وجودك
‎غـيـث : ولا منك يا قلبي..
‏‎رّذاذ : يلا بخلص بسرعة واذا خلصت بتجهز ونروح لامي وامك
‎بعد مرور الوقت طلعوا وهم رايحين المطار
‎مروا بيت أم غيث وبعدها راحو لأهل رّذاذ
‎سوسن : الله يهديكم مرة مو وقته
‎غيث ابتسم : والله عاد رّذاذ ودها وما نقول لا
‎سوسن ابتسمت : الله يخليكم لبعض
‎رّذاذ ابتسمت : آمين يمه
‎غيث : يلا رّذاذ ؟
‎رّذاذ : ايه يلا
‎وطلعوا ، دخلت سوسن وشافت البنات جالسين
‎لبنى ابتسمت : يازينهم
‎سوسن : ايه والله الله يسعدهم حبايبي
‎لبنى : آممين يارب
‎بنان : احسهم خيال مدري ليه
‎سوسن ضحكت : ليه؟
‎بنان : مدري لما اشوف غيث وكيف مرة ماشاءالله يحب رّذاذ احسه خيال
‎لبنى ضحكت : استغفرالله اذكري الله
‎بنان : قلنا ماشاءالله
‎سوسن : الله يصلحكم بس
  | بيت محسن✨|
‎المغرب كـانوا جالسين بالصالة
‎ودخلت طيف
‎ام تركي : بنت كيفك؟
‎طيف : الحمدلله احسن
‎ام تركي : كويس الحمدلله
‎طيف : وين الناس غريبة لحالك؟
‎ام تركي : محسن توه طلع يبغا يريح للعشاء وتركي مع ليث أتوقع وسراب في غرفتها
‎طيف ؛ ماشاءالله وضحى؟
‎ام تركي : في دوامها
‎طيف : ياعمري الله يعينها
‎ام تركي : اقول
‎طيف : هلا
‎ام تركي : لو أحد تقدم لك توافقين
‎طيف : على حسب الأحد
‎ام تركي ابتسمت : واذا قلت فيه احد
‎طيف ؛ مين؟
‎ام تركي : عـزام
‎طيف : عزام صديق غيث؟
‎ام تركي : ايه
‎طيف : مدري
‎ام تركي ابتسمت : ليه مدري ماتبين؟
‎طيف : مدري والله احترت شرايك؟
‎ام تركي ضحكت : مو انا باخذه انتِ استخيري وفكري وعلميني برايك والولد ابن حلال وينشرأ
‎طيف : زين ان شاءالله تعرفين ماقدر استخير الحين
‎ام تركي : الله يسخرلك
‎طيف : آمين يارب
‎شوي دخلت ضحى : السلام عليكم
‎ردوا عليها
‎طيف : تو مانور البيت صدق ماعد نشوفك
‎ضحى : والله انا ماعد اشوف نفسي ضغط مرة
‎طيف : ياعمري الله يعينكم يارب
‎ضحى : وش الاخبار؟
‎طيف : تمام وانتِ ؟
‎ضحى : تعبب بطلع أخذ شوار واجيكم
‎ام تركي : تمام ننتظرك عالشاي
‎ضحى ابتسمت : تمام ياقلبي
‎وطلعت غرفتها نزلت العباية وطلعت لها بجامة شوي وجوالها رن ~
‎ضحى : الو
‎سلمان : هلا
‎ضحى : هلا فيك
‎سلمان : كيفك؟
‎ضحى : تمام الحمدلله وانت؟
‎سلمان : بخير دامك بخير
‎ضحى : وينك؟
‎سلمان : ابد طالع من الشباب
‎ضحى ابتسمت : اها كويس
‎سلمان : خلص دوامك ؟
‎ضحى : ايه الحمدلله الحين في البيت
‎سلمان : الله يكتب أجرك ياقلبي
‎ضحى : آمين ياحبيبي اسمع سلمان
‎سلمان : هلا
‎ضحى : بقفل طيب بعديت اكلمك
‎سلمان : تمام ياعيوني
‎ضحى : يلا باي
‎وقفلت.
‎عند رّذاذ وغيث✨| كـانوا في الطيارة |
‎غيث ناظرها : فيك نوم؟
‎رّذاذ : شوي
‎غيث : نامي طيب مطولين بقي تونا
رّذاذ ابتسمت : شوي
‎غيث : نفسي مرة اقولك شيء تسمعين الكلام وبعدين معك
‎رّذاذ : مافيني نوم وش اسوي !
‎غيث : لازم ترتاحين مايصير
‎رّذاذ : مرتاحة وانت جنبي
‎غيث ابتسم : مانبي كلام حلو نبي أفعال
‎رّذاذ : تم تبشر
‎| بيـت محسن✨|
‎كـانوا جالسين ضُحى وطيف
‎طيف : اشبك
‎ضُحى : ولا شيء انتِ شفيك
‎طيف ضحكت : اجلسي طب
‎ضُحى : ايه هات العلم
‎طيف : انخطبت
‎ضُحى ضحكت : امانة؟
‎طيف : ايه والله
‎ضُحى : مين ؟
‎طيف : عزام صديق غيث
‎ضُحى ابتسمت : ايه عرفته كيوتت لايقين على بعض مرة
‎طيف : ياشيخة اهجدي
‎ضُحى ابتسمت : والله يا ناس عزام مرة طيب وانتِ كمان احس لايقين على بعض عرفتِ!
‎طيف ابتسمت : ماودي اصدمك بس قد تصادفنا
‎ضُحى : اوهه كلام كبيررر
‎طيف ضحكت : ومحتارة صراحة
‎ضُحى : شوفي انتِ وش خاطرك به!
‎طيف ؛ اكله هو!
‎ضُحى : لا ماقصدي كذا قصدي يعني وش تبين وهل انتِ قد المسؤولية وكذا وتراه ولده حلال ولو وافقتي نسوي زواجنا سوا
‎طيف ابتسمت : اهم شيء
‎ضُحى : استخيري
‎طيف : ماعلي صلاة يابنتي
‎ضُحى : ايه قولي الدعاء
‎طيف : بقي بستشير رّذاذ
‎ضحى : ياعمري لازم يعني؟
‎طيف : ايه دايم اشاور رذاذ امي الثانية
‎ضحى ضحكت : الله يحفظكم حق بعض
‎طيف : آممين ويحفظك ياقلبي
‎ابتسمت ضحى وقامت وهي ترد على سلمان ، ابتسمت طيف وهي تناظرها وصارت تدور فيلم تشوفه ~
‎| بيت عـزام ✨|
‎ابو عـزام : اش صار معك؟
‎عـزام : كلمت عمي وانتظر ردهم إذا تم نخطب رسمي
‎ابو عـزام : واذا مو تم؟
‎عـزام : عادي نصبر لين ربي يرزقنا
‎ابو عـزام : ليه انت تبيها الا هي وهي
‎عـزام : لا يبه بس قلت ابيها لو ما وافقت فترة واخطب غيرها بس ان شاءالله توافق نعرفهم ونعرف الجماعة
‎ابو عـزام : ايه والله انك صادق الله يرزقك ببنت الحلال يارب
‎عـزام : آمين يارب
| بيت ابو غيث ✨|
‎كـان بغرفته هو وأم غيث ..
‎أبو غيث ناظرها بحنيّة : كيفك الحين تحسين بتعب؟
‎أم غيث ابتسمت : الحمدلله بخير
‎أبو غيث : لازم نقول لعيالك
‎أم غيث : لا
‎أبو غيث : يابتول!
‎أم غيث ناظرته : لا محمد الله يرضا عليك
‎ابو غيث : اللي يريحك بس انتبهي لدواك
‎ام غيث : ابشر
‎ابو غيث ناظرها : بس لازم أحد يعرف عشان ينتبهون لو تخليني اعلم سحاب أقل شيء
‎ام غيث : محمد لو تحبني اسمع كلامي
‎ابو غيث : حاضر يا عيوني
‎ام غيث قامت وفتحت الشباك ووقفت عنده وهو..
‎بغرفة سلمان |كان يكلم ضُحى وبعد ماخلص قفل ، شوي ودق الباب ودخلت |
‎سلمان ابتسم : هلا يمه
‎الـجّـدة تمـاضر ابتسمت : هلا فيك
‎سلمان : نورت الدار
‎الـجّـدة تمـاضر : منورة بأهلها
‎سلمان ابتسم لها : انتِ اهلها والله
‎الـجّـدة تمـاضر : كيفك
‎سلمان : بخير دامك بخير
‎الـجّـدة تمـاضر : والله اني شايلة همك وما ودي ازوجك
‎سلمان ضحك : افاا ماتبين تشوفين عيالي
‎الـجّـدة تمـاضر : إلا أكيد لكن ولدي
‎سلمان : ماعليك ولدك عندك
‎الـجّـدة تمـاضر ابتسمت : الله يحفظك ويسخرلك يمه وتراكم قطعة مني حتى لو اعرستم تظلون بعيوني صغار
‎سلمان : يابعد الدنيا الله يحفظك لي
‎الـجّـدة تمـاضر : آمين ويحفظكم لي
| بيـت نـايـف✨|
‎كـانـوا بغرفتهم نايف وسوسن
‎نـايـف : الله يستر عليهم بس طايرين
‎سوسن : ايه والله الله يهديهم بس رّذاذ متضايقة بعد وهو بيغير جوها اكيد
‎نـايـف : توها بداية حملها المفروض ترتاح وما تتحرك كثير
‎سوسن : الله يحفظها يارب
‎نـايـف ابتسم : احس إني انتهت كل هموم الدنيا بالنسبة لي
‎سوسن ابتسمت : ايه والله الحمدلله الله يحفظ غيث ماقصر ريح قلوبنا
‎نـايـف : ايه والله
‎سوسن : يالله الحمدلله صدق مليون مرة
‎نـايـف : كنت دايم أخاف من فكرة انه رّذاذ تطلع مو بنتي مو شك فيك بس صار شيء مرعب
‎سوسن ابتسمت ومسكت يده : صدقني لو انت مو موجود ماقدرت اتخطى هالشيء الحمدلله على وجودك
‎نـايـف رفع ايدها وباسها : الله لا يحرمني وجودك
‎سوسن : ولا يحرمني منك
‎نـايـف : أنا بنزل عند العيال
‎سوسن : تمام
| عند رّذاذ وغيث ✨|
واخيرًا وصلو كان الوقت صباح في المنطقة
‎رّذاذ رفعت شعرها وعدلت شكلها
‎غيث : تعبانة؟
‎رّذاذ ابتسمت ووجها كان تعبان : لا ماعليك
‎غيث مسك يدها : يلا تعالي نوصل الحين المنتزة وترتاحي
‎رّذاذ : تمام
‎وطلعوا للسيارة بعد مرور الوقت وصلو .
‎رّذاذ ضحكت : الله يقطع بليس وش ذا
‎غيث ضحك : شفيك عادي كل المنتزهات كذا
‎رّذاذ : هش بسس
‎غيث : روحي بدلي عشان تنامين ابغا اكلم امي
‎رّذاذ : تمام قلبي
‎طلع غيث اتصل على رقم ابوه وكلم امه ~
‎غيث : ايه يبه
‎ابو غيث : ايه الحمدلله على سلامتكم
‎غيث : الله يسلمك طلعت؟
‎ابو غيث : ايه ايه اخبارك
‎غيث : الحمدلله كيف امي الحين ؟
‎ابو غيث : الحمدلله حاليًا وضعها كويس
‎غيث : تمام بشرني عنها واذا صار شيء قولي
‎ابو غيث : تمام ماعليك بس لا تسأل واجد ترا هي ماتبي احد يعرف وتعرف لازم اقولك
‎غيث : ماعليك يبه سرك في بير بس طمني عليكم
قفل ودخل شاف رّذاذ لابسة بجامتها وبتنام
غيث ابتسم : خلاص نوم
رّذاذ : ايه حتى انت تعال
غيث : تمام بس ببدل
رّذاذ : تمام
وفتحت جوالها وصارت تشوف الرسايل وشافت رسايل طيف ضحكت وعطول صارت تسجلها وتكلمها ~
غيث جاء : وش فيك
رّذاذ ضحكت : طيف انخطبت
غيث : ماشاءالله صدق!
رّذاذ : ايه عـزام خطبها
غيث : ماشاءالله الله يتمم لهم
رّذاذ : بقي ما وافقت
غيث : ماتحصل زيه
رّذاذ قفلت جوالها ولفت له : حبيبي انت شفيك؟
غيث : وش فيني؟
رّذاذ : مدري انا اسألك
غيث : مافيني شيء
رّذاذ : لا جد من اليوم وانت مو على بعضك اهلك فيهم شيء؟
غيث : لا ماعليك بس تعب السفر والتفكير
رّذاذ عقدت حواجبها : التفكير بأيش؟
غيث ابتسم : فيكم وفي سلامتكم
رّذاذ : ياقلبي انت !
غيث : حزنتِ؟
رّذاذ : شوي بس
غيث : ياشيخة؟
رّذاذ : أرتاح أرجوك
غيث : مرتاح دامك معي
رّذاذ : يلا نام عشان نطلع
غيث : تمام انتِ نامي
رّذاذ : لا بتصل على طيف
غيث : تمام
وقامت وهي تفتح كام وتجلس عالكنبة
غيث : يابنت الحلال تدفي اخاف تبردين
رّذاذ اشرت له بيدها تمام ورفعت جوالها
طيف : هلا هلااا
رّذاذ ابتسمت : هلااا فيكك توقعتك نايمة وربي
طيف : افا عليك اقوم لعيونك
رّذاذ : والله تونا وصلنا وشفت الرسالة واتصلت تحمستتت
طيف ضحكت : شفتِ شلون
رّذاذ : هاه وافقتِ؟
طيف : لا باقي
رّذاذ : والله غيث يقول ما تلقين زي عزام
طيف : هو رجال نعرفه كلنا
رّذاذ : ايه استخيري وتوكلي على الله
طيف ابتسمت : يوهه
رّذاذ : اشبك؟
طيف : مدري شعور غريب
رّذاذ ابتسمت وهي تتنهد : ايه هو كذا بالبداية يعني -ضحكت- يعني كذا بتصير تغيرات بس صدق شيء يبهج قلبك صدقيني خصوصًا لو كان يحبك وما يرضا لك الشينة ويخاف عليك يعني كأنه ابوك
طيف ابتسمت : يعني نجرب حنان الاب اللي فقدناه
رّذاذ : لا لا طيف ما اقصد كذا بس أقصد انه تحسينه ابوك وصديق وحبيب وزوج وكل شيء لو كان شخص واعي وفاهم
طيف : اكيد صادقة
رّذاذ ابتسمت : ايه وش اخباركم
طيف : الحمدلله بخير
رّذاذ : الله يحفظكم يارب ويديمها
طيف : آمين يارب جميعًا اسمعي اخليك نامي وارتاحي
رّذاذ : لا وين عادي ترا
طيف : لا والله نامي ان شاءالله تجين بالسلامة ولاحقين عالسوالف
رّذاذ : تمام عيوني يلا استودعتك الله
طيف : احبك باي
وقفلت وقامت شافت غيث نايم ابتسمت وهي تشوفه وانسدحت جنبه ، وماحست الا وهو يحضنها ابتسمت ومسكت ايده .
بيت نايف✨|
عند لبنى وبنان
كانوا بغرفة لبنى يلعبون ويضيعون وقت
ليث : بنات
لبنى : هلا
ليث : يلا نروح نتمشى؟
لبنى : لاا نبي ناكل
ليث : أسود مو بنات
بنان ضحكت : انقلع بس
ليث : يلا طيب قوموا
لبنى : تمام يلا
ليث : يلا انتظركم في السيارة
وطلع وهم قامو يلبسون
|بيت محسن✨|
عند ضُحى كانت واقفة بغرفتها وتسمع وتغني
ابتسمت وهي تشوف رسالة سلمان
قامت اتصلت عليه
ضُحى : الو
سلمان : يا أجمل الو
ضُحى : الله الله راضي عنا
سلمان : افا عليك دايم راضي عنك
ضُحى ابتسمت : الله يرضا عنك ويحفظك
سلمان : وش مصحيك ؟
ضُحى : حبك
سلمان : كلام كبيررر
ضُحى ضحكت : نتعلم منك
سلمان : طب متى دوامك؟
ضُحى : الصباح ان شاءالله
سلمان : اجيك أوصلك؟
ضُحى : لا مايصلح
سلمان : عادي بكلم ابوك
ضُحى : لا والله بروح أنا وبعدين خلاص الملكة مابقى عليها شيء
سلمان : صحيح
ضُحى : ايه
سلمان : ياعيني عالمرة العاقلة
ضُحى ابتسمت : اعجبك
سلمان : اكيد دايم
ضُحى : طب سلمان بقفل طيب؟
سلمان : طيب عيوني يلا نوم العافية
ضُحى : الله يعافيك ياقلبي
قفلت وطلعت تتمشى بالبيت
شافت سراب جالسة وتتفرج بالصالة
ضُحى : وش تسوين لحالك؟
سراب : ولا شيء أشوف فيلم
ضُحى : ليه مو نايمة دايم عكس الناس
سراب : أحب أكون عكس الناس
ضُحى : عطيني الشبس
سراب : خير شفيك هذا وانتِ دكتورة خليه
ضُحى : ياااي عشاني دكتورة ما أكل يعني
سراب ضحكت : ياعيني دكتورة مو صحية
ضُحى : افا عليك بس يعني صح دكاترة حنا بس مو كل شيء ممنوع
سراب : حلو اي لايكت الحين
ضُحى : لا والله توك تحبيني؟
سراب : لا والله من أول والحين أكثر
ضُحى : صدق سراب مبسوطة؟
سراب : في ايش؟
ضُحى : من ابوي محسن وبيتنا
سراب : ايه الحمدلله وبعدين ابوك طيب مرة وحبوب ما احسه شخص سيء
ضُحى : يوه سراب انتِ بقي صغيرة وبعدين مافي شخص سيء بالحياة ذي
سراب : شلون يعني؟
ضُحى : يعني الكل فيه جانب خير وجانب الشر بس ممكن الشر يطغى على الخير وكمان الخير أحيانًا يطغى على الشر وبينهم تفاوت عرفتِ؟
سراب : ايه اكيد معروف هالشيء لكن فيه ناس أشرار والسوء باين والناس ينفرون منهم
ضُحى : ماشاءالله عليك مصحصحة
سراب : ايه والدنيا تعلم يا ضحى يعني صح امي معنا بس لما تكوني بدون أب تتعلمي أشياء كثير
ضُحى: ولما تكوني بدون أم؟
سراب ابتسمت : ما أحس في فارق لو كان ابوي محسن
ضُحى ابتسمت : ياعمري يا سراب الله يسعد قلبك
سراب : آمين يارب ويسعدك أضعاف ويسخرلك وبعدين انتِ بتتزوجين سلمان وخالي حبوه طيب مرة وحنون ويحبك بعد
ضُحى : الله يحفظه يارب ويتمم لنا على خير
سراب : آمين يارب العالمين
ضُحى : يلا أنا بروح أنام تصبحين على خير
سراب : وانتِ من اهله ياحبي
مشت ضحى للغرفة وسراب رجعت تتابع الفيلم بهدوءها المعتاد
..
عند طيف✨
رفعت جوالها وكتبت لامها
( صباح الخير ماما أدري بتفتحيها الصباح المهم خلاص إن شاءالله إني موافقة تقدرون تردون عليهم )
وحطت راسها وهي تتذكر كلام رّذاذ وتبتسم
دايم شعورها غير طيف ما شافت حنية الأب
شافت القسوة والظلم ، شافت حزن أمها
وأخوانها لكن دايم كانت تشوف الناحية الايجابية وما تتأثر -ابتسمت- وهي تتذكر خالها نايف كيف كان يدلعها وياخذها مع رّذاذ عشان ماتحس بالفروقات ويناديهت بنتي الحلوة ورّذاذ تغار منها
واكثر مرقف بذاكرتها لما طاحت وركض لها يسمي عليها ويرفعها وهاوش رّذاذ عشانها دفتها ~
وغير لما جابت نسبة سيئة في المرحلة المتوسطة وهزأها لحد مابكت .
ابتسمت بهدوء وهي تفكر كيف خالها شخص حنون جدًا وعمره ما كان الخال بس ، وغير محسن اللي ربي سخره لهم الحين -همست- بالحمدلله
والسعادة تغمرها وتذكرت رّذاذ يوم تقولها بيكون أب وقعدت تربط بمواقف الابوة اللي شافتها بحياتها لحد ما نامت وهي وسط افكارها ~
عند رّذاذ وغيث✨|
وأخيرًا الصباح
رّذاذ فتحت عيونها ومسكت أيده اللي على بطنها
غيث حس فيها : صح النوم
رّذاذ ابتسمت وبنوم : صاحي؟
غيث : ايه من أول انتظرك تقومين
رّذاذ : هذا أنا قمت
غيث : يلا قومي تجهزي بنطلع
رّذاذ : تمام
غيـث : تدفي يا رّذاذ
رّذاذ : تمام حبيبي
وقامت غسلت وتوضت وصلت وقامت رفعت شعرها ولبست فستان ناعم طويل لحد آخر الساق , وخذت الوشاح اللي بتدفى فيه وبعده حطت كريم ومرطب
غيـث دخ وهو يشوفها : خلاص كذا؟
رّذاذ : ايه وش بسوي انا اصلًا جاية هنا عشان اكون بالاريحية ذي
غيـث : بس تدفي اخاف الجو يكون بارد خذي الجاكيت
رّذاذ مدت بوزها و ناظرته : غيث مافيني اشيله لو ما بلبسه خليه
غيث : ان لله من الدلع خلاص عطيني بشيله أنا أخاف تبردين
رّذاذ ابتسمت : إذا كذا اوك مع اني ماراح أبرد
غيث : بتبردين
رّذاذ : مابعد كلامك كلام يالشيخ نشوف بعدين
غيث مسك يدها : يلا تعالي
رّذاذ : خاطري في بيض كذا وفول يمييي
غيث ضحك عليها وهي توصف : ايوه؟
رّذاذ : يالله غيث المنطقة اكلها بحري تتوقع فيه فول نفسي فيه مرررة
غيث ابتسم : ان شاءالله فيه يارب
رّذاذ بحماس ابتسمت وهي تضم يداتها : يلا نشوف
ضحك غيث وحاوط كتوفها : ياحلوك
رّذاذ ابتسمت..
| بيت محسن✨ |
الصباح كـانوا متجمعين عالفطور
ضحى وطيف ومحسن وتركي وام تركي
ام تركي ابتسمت : صار عندنا عروستين مو بس وحدة
ضحى ابتسمت : وافقت!
ام تركي : ايه
ضحى قامت عطول وحضنتها : ياعمررري مبروك الله يتمم لك يارب ويسعدك
طيف : الله يبارك فيك ياقلبي آمين يارب كلنا
محسن ابتسم : عاد انا بزوجكم بس أنا ما قلت روحو كلكم مع بعض
تركي ابتسم : ماعليك انا عندك
ام تركي : من قال بزوجك حتى انت
محسن ضحك : لا عاد شفيك على عيالي انتِ بقي ماشبعت منهم
طيف : ياعمري الله يحفظك لنا يارب ولا يحرمنا هالمحبة
ابتسمت ضحى : آمين يارب الله يحفظكم كلكم ولا يحرمنا من بعض
محسن ابتسم : آمين ياربّ
ام تركي كانت تناظرهم وهي مبتسمة وعيونها مليانة دموع ناظروا فيها كلهم وابتسموا وهي عطول ماتحملت وبكت~
تركي ابتسم : شفيكك يمهه
ام تركي : مافيني شيء بس كذا خاني التعبير
محسن ابتسم : الله يحفظك لنا يارب
ام تركي : آمين
ضحى : يلا ياحلوين انا طالعة تأخرت اليوم
ام تركي : يلا قومي مرة متأخرة استودعناك الله
ضُحى : باي احبكم
محسن : كم مرة أقول من قال باي نقول فمان الله
ضحى ابتسمت وباسته : احبك باي
وطلعت وقفلت الباب ضحكوا عليها
محسن : الله المستعان
تركي : يلا حتى انا استأذنكم
محسن : انتبه لنفسك
تركي : تبشر
ام تركي : درب السلامة يمه شوي شوي
تركي : تمام
محسن : الحين بقي حنا وش تسون انتو؟
ام تركي انا عندي شغل بكمله
محسن : وانتِ طيف ؟
طيف : ماعندي شيء
محسن : نطلع؟
طيف ابتسمت : وين؟
محسن : اي مكان انا وانتِ شرايك؟
طيف : ما اقول لا
محسن : يلا اجل البسي ونطلع
طيف : اوك
|عند رّذاذ✨|
كانت تاكل وهي تتلذذ
غيـث يناظرها وهو مبتسم
رّذاذ ناظرته : شفيك انت ما تاكل ترا ما بعزم تبغا كل
غيـث ضحك : بالعافية عليك بس عاجبني شكلكر
رّذاذ : ياي شاي وحركات افطر زين بتتعب ترا
غيـث : اكلت طيب تعرفيني ما أحب اكثر فطور
رّذاذ : براحتك والله
ابتسم غيـث وهي رجعت تاكل ~
غيـث : اطلب لك زيادة؟
رّذاذ : لا خلاص الحمدلله ابي شاي
غيـث : لا مافي لك شاي
رّذاذ : لا والله خاطري فيه
غيـث : مافيه قلت اشربي عصيرك البرتقال
رّذاذ مدت بوزها وهي ساكتة
غيـث : مافيه لو تزعلين لبكرة طول فترة حملك مافي شاي ولا مشروبات غازية ولا قهوة
رّذاذ : ياربي غيث وش الحركات ذي طب ابي كاس صغير بليز
غيث ابتسم وعطاها كاسه وكان فيه شوي : اشربي ذا
رّذاذ ناظرته : ابكي صح!
غيث ضحك : شوفي يكفيك
رّذاذ لفت : عيب والله زعلت منك
غيث ناظرها وهو رافع حواجبه : خير؟
رّذاذ : زعلت والله لا تكلمني
غيث ابتسم : ماتبين تاكلين طيب؟
رّذاذ : لا شبعت
غيث : يلا طيب قومي
رّذاذ : يلا
وقامت مسك يدها وهي سحبت يدها منه
سكت ومشى أول مرة تسويها وتزعل منه كذا
| عند طيف✨|
طلعت ومحسن ينتظرها
محسن : هلا
طيف : هلا فيك
محسن : اربطي حزامك يلا
طيف ابتسمت : تمام
محسن : هاه وين نروح؟
طيف : نتقهوا أول
محسن : ايه يلا
وصل للمحل نزل طلب اثنين قهوة باردة وتأخر
طيف كانت تناظر الطريق بملل شوي شافته وهو جاي ومعه باقة ورد وقهوه
محسن : سامحيني تأخرت
طيف : لا عادي وش الحركات ذي لامي؟
محسن ابتسم وهو يربط حزامه : لا لك
طيف ابتسمت : ياعمرري وش المناسبة؟
محسن ضحك : عشان الخطوبة والكلام الرسمي الله يتمم لك يارب ويسعدك
طيف ابتسمت : الله يسعد القلب الطيب يارب ولا يحرمني محبتك
محسن : ولو غلاتك من غلاة ضحى
طيف : الله يحفظك
محسن : يلا تقهوي عبال نوصل
طيف ابتسمت بخجل وداخلها شعور مختلف .
| عند رّذاذ ✨ |
كانوا يمشون ورّذاذ تبعد عنه
غيـث سحبها : تعالي لا تبعدين عني
رّذاذ : مابغا اقرب منك
غيـث : لا والله مو على كيفك لو يجي أحد يدفك ولا مسرع بطيرين
رّذاذ : ربي الحافظ
غيـث مسك يدها وشد عليها ورفع جواله
شاف مكالمات ابتسم واتصل على ابو رّذاذ اول رد عليه
نايف : هلا هلا بعصافير الحب
غيـث : هلا فيك عمي كيفك؟
نـايـف ابتسم : الحمدلله أنا بخير كيفك انت؟
غيـث : بخير دامك بخير وين عمتي؟
نـايـف : بالشغل انا وهي بالبيت وين رذاذ؟
غيـث لف الكاميرة عليها : شوفها
نـايـف ابتسم : وه وه شفيه الوجه زعلان
رّذاذ ناظرته : مافي شيء يبه
نـايـف بتساؤل : غيث شكلك مزعل بنتي؟
غيـث : لا عمي افا عليك بس تبي شاي وانا مارضيت تعرف حامل ويسحب الحديد
نـايـف : لا أجل صادق ابتسمي اشوف
رّذاذ ناظرته : بابا!
نـايـف ضحك : ابتسمي ما اقفل قبل اشوف ابتسامتك اللي احبها
رّذاذ : ابتسمت هاه
نـايـف ضحك : يلا استودعتكم الله
غيـث : مع السلامة عمي
وقفل وهو يضحك على رّذاذ ومد يدينه وحضنها : انا مدري ليه هالزعل
رّذاذ : اسكت
غيـث : رّذاذي حبيبي خلالص
رّذاذ : لا مو خلاص
غيـث : حنا نشرب من نفس الكاسة دايم وش الجديد يعني شمعنى هالمرة حزت بالخاطر
رّذاذ مشت وهي ساكتة وهو هز راسه ومشى
. . . . . . . . . . . . . . . . . . . . . . . . . . . .
و إنّني لمّا مِلْتُ إليكَ اتّزنت
و في ميلي إليكَ حُسْنُ اعتدالي
. . . . . . . . . . . . . . . . . . . . . . . . . . . .