| بيت الجّد مانع✨|
الجّد مانع : خلاص الزواج مابقي عليه شيء
سلمان : ايه تمر بسرعة
الجّد مانع : الله ييسرلكم وين بتسكن؟
سلمان : مدري
الجّد مانع : ياولد الحلال كلم زوجتك واتفق معاها اقولك مابقي شيء
سلمان : ايه ان شاءالله بقولها
الجّد مانع هز راسه بقل حيله ودخل البيت وسلمان ناظر السماء وهو يتأمل ~
|بيت عـزام ✨|
عـزام : يبهه استقبل التباريك وافقت البنت
ابو عـزام : ماشاءالله تبارك الله مبروك الف الف مبروك
زوجة ابو عزام : مبروك يا عـزام الله يتمم لك عالخير يارب
ابو عزام ابتسم : الله يسعدك يارب
عـزام ابتسم : الله يبارك فيكم ويحفظكم يارب
| عند رّذاذ وغيث✨|
رجعو وغيث سوا قهوة وحطها
رّذاذ ناظرته : الحين مسوي قهوة يعني ومالي بعد
غيـث : لا لك بس اثنين يكفي
رّذاذ : ياربي منك بتصل على امي أنا
غيـث ابتسم وسكت
رّذاذ اتصلت وردوا عليها
سوسن : هلا هلاا حيّ هالوجه الحلو
رّذاذ ابتسمت : هلا فيك كيفك؟
سوسن : الحمدلله بخير انتِ كيفك وكيف غيث؟
رّذاذ : بخير شوفيه يتقهوا
غيـث ضحك واشر لها بيده
سوسن : شفيك بدون نفس
رّذاذ : مايخليني اتقهوا تخيلي
سوسن ضحكت : طيب عادي بعدين توك بالشهور الاولى يابنتي
رّذاذ ابتسمت وسكتت وهي تشوف امها تأشرلها بأنه عيب
رّذاذ : غيث عطني سماعتك
غيـث : جنبك شوفيها
رّذاذ : تمام شكرًا
وخذتها وشبكتها
سوسن : شفيك انتِ تطلعين حرتك بزوجك مو مسفرك عشان تغيرين جو
رّذاذ : ايه
سوسن : أجل لا تنكدين عليه يابنتي الله يصلحك
رّذاذ : كلمتِ بابا انتِ؟؟
سوسن ضحكت : ايه وقالي
رّذاذ ضحكت : حسيت اصلًا
سوسن : انتبهي أجل بلا هبل
رّذاذ : تمام يمه
سوسن : يلا ما اطول عليك
رّذاذ : باي احبك
سوسن : باي
وقفلت وناظرت بغيث
غيـث : الله يالدنيا الكل تحبيهم وأنا لا
رّذاذ ابتسمت : مين قال ما احبك!
غيـث : لا والله وش هالتلاعب!
رّذاذ : اسفة
غيـث : ليه؟
رّذاذ : لاني قاعدة اتعبك
غيـث : تعالي تعالي
رّذاذ ابتسمت وقامت جلست جنبه
غيـث : عشان صحتك مو عشان شيء طيب
رّذاذ : أدري
غيـث : طيب شفيك زعلانة
رّذاذ : مدري
غيـث : خلاص بنرجع طيب؟
رّذاذ : عادي
غيـث : بتصل ونرجع بكرة
رّذاذ : تمام
غيـث : انتِ اصلًا مارحتِ عند دكتور لازم تروحين أول
رّذاذ : تمام
غيث ضحك : شفيك تممتِ!
رّذاذ : مافيني شيء
غيث : اقولك شيء؟
رّذاذ : قول
غيـث ناظرها ونزل راسه : رّذاذ
رّذاذ مسكت ايده ورفعت راسه : شفيك غيث؟
غـيـث : امي
رّذاذ : شفيها؟
غـيـث : امي تعبانه بس .. سكت
رّذاذ عقدت حواجبها : شفيها طيب؟ وش بعد بس ؟
غـيـث : بس أبوي قال كذا وأحس ماني مصدق لازم الواحد يتأكد
رّذاذ : طيب وبس؟
غـيـث : ماحد يعرف وهي ما تبي أحد يعرف بس أنا أعرف
رّذاذ : وهي ما تعرف انك تعرف
غـيـث : ايه
رّذاذ ناظرته وبحنيه ضمته ، وحست بتأنيب ضمير
كيف هو يداريها وجايبها هنا وأمه تعبانة وهي تكابر
كان غيـث دافن وجهه بحضنها
رّذاذ وهي تحاول تلطف الجو : ماتبي قهوة ترا بشرب
غيـث رفع راسه وهو يضحك : يابنت الحلال اسمعي الكلام
رّذاذ ضحكت : اسمعه طيب انت قلت فنجانين
غـيـث : عبالي بتنسين
رّذاذ : ما انسى طبعًا
غـيـث : بالعافية عليك
رّذاذ : الله يعافيك
| عند طيف✨|
راحت السوق واشترت وكانوا راجعين بالطريق
محسن ابتسم : بقي شيء ولا البيت؟
طيف : لا ماقصرت البيت
محسن : الله يسلمك
طيف : الله يحفظك
محسن : آمين ويحفظك يارب
طيف ابتسمت : ترا أحيان ماتكون الابوه بأنك تكون معنا طول العمر
محسن : اكيد طبعًا
طيف : لا تشيل هم ترا تركي حبوب بس شوي مكسور من ابوي الله يرحمه ومابيعطي مجال لجروح جديدة
محسن : الله يهديه ويصلحه
طيف : آمين يارب
محسن ابتسم وكمل الخط وهي فتحت جوالها وتطقطق عليه
| اليوم الـثـاني✨|
في بيت سوسن
كـان الساعة ٩ ونص الصباح
سوسن : لبنى كلمي رّذاذ وصلو ؟
لبنى : يمه قالت وصلو خلاص
سوسن : تمام
نايف : ترا عادي جاية من سفر كالعادة
سوسن : حتى لو بنتي لازم اشتط لها
نايف : براحتك
| في المطار✨|
نزلو من الطيارة وهو ماسك يدها
رّذاذ : حبيبي ريلاكس شفيك
غيث : مافيني شيء بوصلك لاهلك وبروح بيت اهلي تمام ؟
رّذاذ : لا بجي معك
غيث : طيب نمر لاهلك نسلم عليهم ونطلع
رّذاذ : تمام مو مشكلة
غيث : يلا
وطلعو من المطار بعد ما اخذوا شنطهم وخلاصو الاجراءات ~
|بيت محسن✨|
كانت جالسة تشرب شاي ،
جات ام تركي وهي تشوفها : طيف اشبك؟
طيف : مافيني شيء
ام تركي : لا من امس احسك مو على بعضك
طيف : مدري أحس بشعور غريب
ام تركي : كيف!
طيف : يعني سبحان الله كيف محسن دخل حياتنا وصار معنا كذا ، وقاعد يسعى ويحاول يدخل فينا ويبغانا نحبه
ام تركي ابتسمت : كذا محسن
طيف : لو ما اتزوجتِ ابوي كان امكن احنا عيال محسن؟
ام تركي ضحكت : مايصلح هالكلام ياطيف
طيف ابتسمت : من جد
ام تركي : انتو عيال ابوكم وامكم وعادي لو تبين محسن يكون ابوك ماعندك مشكلة قولي له وهو يحبكم اصلًا ويبيكم له بس
طيف ابتسمت : الله يحفظه طيب مرة
ام تركي : آمين ويحفظكم يارب
طيف : تتوقعين تركي يحبه؟
ام تركي : الايام تعلمنا هل بيحبه أو لا.
طيف : يارب يحبه
ام تركي ضحكت : خلاص عاد
طيف : اعترفي تغارين؟
ام تركي : اكيد زوجي وعيالي
طيف : ياي
ام تركي : شفتي عزام انتِ؟
طيف : لا وين بشوفه ؟
ام تركي : اكيد شفتيه بلا كذب
طيف ضحكت : مرة طلعت بالغلط وشفته وشافني بس ما اعتقد يعرف اني طيف
ام تركي : ايه قولي كذا من اول
طيف : والله يمه ماتوقع يعرف اني طيف أبد
ام تركي : تمام
|بيت سوسن✨|
دخلت وعطول امها حضنتها
سوسن : يا هلا
رّذاذ : هلا فيك يمه
سوسن ابتسمت : غيث حبيبي كيفك
غيث : الحمدلله تمام
سوسن : ادخل ارتاح
غيث : شوي بنمشي
سوسن : شدعوة اقعدو ارتاحو بعدين تروحون
غيث : مو مشكلة رّذاذ ترتاح عندكم انا بروح لاهلي
سوسن : تمام يمه
رّذاذ ناظرت فيه وهو طالع فيها ورجع لف لعمه ..
سوسن : رّذاذ يمه ادخلي غرفتك ومع اخواتك
رّذاذ قامت وطلعت
نايف : شصاير يا غيث فيه شيء مضايقك؟
غيث : لا عمي بخير كل امورنا بس تعرف بطمن على امي وابوي وكذا
نايف : تمام حبيبي يلا نطلع سوا حتى جدك بنشوفه
غيث : يلا بسم الله
وقاموا بيطلعون جت سوسن
سوسن : افااا وين وين؟
نايف : رايحين سوسن عندنا شغل يلا فمان الله
سوسن : الله يصلحكم استودعتكم الله
غيث : الله يحفظك
وطلعوا راحوا لبيت الجّد مانع ..
نايف : شفيها امك غيث؟
غيث : مافيها شيء
نايف : شدعوة عبالك ماندري ماحد يدري غير ابوك وانت وجدك وانا
غيث : الله يشفيها ويرفع عنها يارب
نايف : آمين ياربّ بس خف على رّذاذ انت تعرف انها ماتحب أحد يعاملها بالقسوة ذي وهي حامل وحملها حساس شوي شوي
غيث : ابشر ابشر ياعمي
بعد مرور الوقت وصلو لبيت الجَّد مانع ..
نزلوا وسلموا عليه
الجَّـد مانع : ياهلا ومسهلا حيّ الله الشيخ غيث
غيث : هلا فيك يبه الله يحيك
الجّد مانع : كيفك؟
غيـث : الحمدلله بخير ونعمه وانت؟
الـجَّـد مانع : الله يسلمك يا ابوك دامك بخير حنا بخير ، كيف حال رّذاذ؟
غيـث : الحمدلله طيبه
نايف : يلا يبه مشينا
غيـث : ايه بالله
الـجَّـد مانع : ماشين ماشين بسم الله
| بيت سوسن✨|
كانوا جالسين رّذاذ منسدحة على سريرها واخواتها يستهبلون ويقلدون وامها قاعدة على طرف السرير
سوسن : رّذاذ ماما شفيك من يوم شفتك وانتِ مو على بعضك صاير معك شيء؟؟
رّذاذ : لا يمه -مسكت بطنها- بس بطني اليوم مرة
سوسن : الله يصلحك يابنتي قلت لكم لا تسافرون ماتسمعيني
رّذاذ : وش اسوي
سوسن : طيب ارتاحي وبشوف بكلم دكتورتك وبعدين غيث بينكم شيء؟
رّذاذ : مدري شفيه من يوم وصلنا وهو بارود
سوسن : ماشاءالله وانتي نار اكيد
رّذاذ : ماقلت شيء أنا بس لو زودها بقول مابسكت له طبعًا
سوسن : اقول تعوذي من الشيطان بس
رّذاذ : تمام
|بيت أم غيث✨|
كانت بغرفتها وشوي جاء ابو غيث
ابو غيث : بتول ترا غيث جاي ومعه ابوي ونايف
ام غيث : اكيد بيجون دامهم عارفين يا محمد
ابو غيث : تمام ارتاحي قلت اعطيك خبر
وطلع وهي رجعت جلست
بعد مرور الوقت وصلو ودخلو
ابو غيث : يا هلا حياكم الله
غيث : هلا فيك يبه كيف صحتك
ابو غيث : الحمدلله بخير اطلع امك بغرفتها
وجت سحاب : اهلًا وسهلًا نورتونا عمي وجدي
الجَّد مانع : هلا فيك يبه تعالي ارتاحي
سحاب : مرتاحة ماعليك وحضرت القهوة وحطتها وطلعت
|عند غيث✨|
دخل غرفة امه وشافها جالسة
ام غيث ابتسمت : هلا حبيبي
غيـث ابتسم وعطول حضنها وسلم على راسها : الف لا باس يالغالية طهور ان شاءالله
ام غيث : الله يسلمك يمه ويبعد عنك كل مكروه ويحفظك
غيـث : آمين يارب ويحفظك بشري كيفك الحين وش تحسن؟
ام غيث : بخير الحمدلله بس الم خفيف
غيـث : اوديك المستشفى طيب؟؟
ام غيث : رحت رحت
غيـث : الله يحفظك ويرفع عنك يارب
ام غيث ابتسمت : وين رّذاذ ؟
غيـث : تعبانة والله خليتها ترتاح عند اهلها وجيتك انا
ام غيث : زين اجل اليوم ارتاح عندنا انت بعد
غيـث : ابشري عيوني لك
وجلس يسولف معاها ~
| بيت سوسن ✨ |
نامت رّذاذ وهي حاطه يدها على بطنها شكلها كان يحزن ، شافتها امها وحزنت عليها مرة
خذت جوالها واتصلت على طيف
طيف : هلا هلا حيّ هالصوت
سوسن : قلبي الله يحيك
طيف : كيفك وكيف رّذاذ ؟
سوسن : الحمدلله بخير اقولك اسمعي لو تجي عندنا ، يومين كذا لحد ما الاوضاع تهدأ
طيف : افا ليه خالة شصاير؟
سوسن : رّذاذ وغيث مرة ومابغا رّذاذ تتعب اكثر
طيف : طيب ابشري اكلم امي واجيكم
سوسن : تمام قلبي شوفي لو سواقكم مشغول ارسلك لبنى وسواقنا
طيف : تمام عمري
وقفلت وهي تتنفس براحة وتدعي لهم
|بيت محسن✨|
ام تركي : طيب انتبهي لنفسك يابنت
طيف : تمام يمه ماعليك
ام تركي ابتسمت : الله يعينهم شكل رّذاذ حملها بيتعبها
طيف : في وش؟
ام تركي : تعصب كثير
طيف : الله يستر مايطفش منها غيث بس
ام تركي : لا مايطفش اغلب الحريم يمرون بالفترة ذي سوسن كانت تعصب على نايف وبعدين تبكي
طيف ضحكت : ياعمررري تحزن
ام تركي : لا تضحكين تراك بقي صغيرة
طيف : ضحكتني تحزن اجل تعصب وتبكي
ام تركي : ايوه تنفعل ولما تستوعب تبكي
طيف : ياعمررري تحزنن والله
ام تركي : يلا روحي انتِ وطمنيني
طيف : تمام ابشري
ام تركي : بحفظ الله
طيف : باي
وطلعت لبيت خالها نايف
| اليوم الثاني✨|
بيت سوسن وتحديدًا بغرفة رّذاذ
كانت صاحية وتعدل شعرها
طيف : بسم الله مو نايمة!!
رّذاذ : وش أنام نمت
طيف : وي بسرعة
رّذاذ : قومي صلي بس الشمس طلعت
طيف : ياويلي يالاخلاققق شفيك معصبة
رّذاذ ناظرتها : ما اتصل
طيف : أكيد تعب ونام وأنشغل مع امه شفيك
رّذاذ : حتى وهو بالمستشفى اتصل ، يوم صار عند امه وجواله معه ما يتصل!
طيف قامت من السرير : الله يهديك يا رّذاذ غيث يحبك وانتِ عارفة هالكلام خلي عنك الافكار ذي تراك حامل ونفسيتك ماش وشفتِ الدكتور قالك ارتاحي أي توتر يأثر عليك وانتِ مو ناقصة
وقامت دخلت دورة المياة ~
رّذاذ طالعت قدامها بالمرايا وتذكرت كلام الدكتور
سوسن : بشر كيفها دكتور؟
الدكتور : شكل رّذاذ ماتسمع الكلام خطر الاجهاض صار أقوى من قبل
سوسن ناظرت فيه ووجها قلب : طيب وش تبعد عنه؟؟
الدكتور : الزعل والعصبية وتهدأ
رّذاذ ناظرت فيه : هو من أول كذا ولا؟
الدكتور : لا انتِ بخير بس من البداية حملك مو ثابت اصلًا
رّذاذ قامت وطلعت طيف لحقتها وهي تمسكها .
سوسن : دكتور البنت صايرة مرة عصبية مع زوجها لو تعطيها مهدئ شيء
الدكتور : ما أقدر اعطيها شيء بيضرها خلوها وهو يتحملها وبإذن الله ماعليها خوف
سوسن : يعطيك العافية
الدكتور : انتبهو لها احتمال كبير نفسيتها تقلب لو سقطت وهي بذا الوضع
سوسن : كم احتمالية الاجهاض طيب؟
الدكتور تنهد : كبيرة جدًا لا تصرخ كثير انتبهوا لها
سوسن : نسبة كم؟
الدكتور : ٩٠٪
سوسن : يالله
الدكتور ابتسم : ماعليك الطفل بداله طفل اهم شيء صحة الام
سوسن : يعطيك العافية دكتور
الدكتور : ولو واجبي
| نـرجع لرّذاذ✨|
نزلت دموعها وهي تناظر بنفسها وفتحت الواتس على محادثة غيث وشافته متصل ..
نزلت دموعها وقفلت الجوال وطلعت
نزلت للصالة وشافت امها تحضر الفطور وابوها جالس
نايف : صباح النور والسرور يا سرور قلبي
رّذاذ : صباح الخير يبه
سوسن : صباح الخير لاجمل بنت
رّذاذ : صباح الخير يمه
نايف ابتسم : اليوم بتروحون لعمتك تجهزي
رّذاذ عقدت حواجبها : أي عمه؟
نايف : عمتك بتول امك وضحى متفقين وجدتك بعد
رّذاذ : يمه ليه ماقلتي امس؟
سوسن : كلمتني عمتك ضحى وانا في غرفتي ونمت ونسيت بعدين مو مشكلة ترا
نايف ناظرها : ماتبين تروحين؟
رّذاذ زمت شفايفها وسكتت
نايف : لو ماتبين ماتروحين -رفع صوته- رّذاذي ناظريني ماتبين؟
رّذاذ : بروح عادي
نايف : مو عادي تبين ولا ماتبين؟
سوسن : يلا الفطور جاهز تعالو ناكل وننبسط
نايف ابتسم : يلا ياحبيبة بابا تعالي ناكل
وقامو وهو ضمها له وباس راسها
ابتسمت رّذاذ بخفيف من حنية ابوها ودموعها بانت ، انتبهت لها سوسن وابتسمت بحنية
| بيت أبو غيث✨|
كانوا يفطرون
سحاب : الله غيث اشتقنا لوجودك والله
ام غيث ابتسمت : ايه والله البيت ما يسوا بدونك
سما : بقي رّذاذ بس تجي
ابو غيث : لا تجي ولا شيء هو اليوم بيرجع بيته
سحاب : صح غريبة نمت هنا امس
غيث : اشتقت لكم
سما : الله وقدرت تبعد عن رذاذ؟؟
ابو غيث : خلاص بنات افطروا
غيث سكت وفتح جواله ~
| بيت الجّد مانع✨|
الجّدة تماضر : مانع
الجّد مانع : هلا
الجّدة تماضر : رّذاذ زعلانة على غيث
الجّد مانع : افا من قاله؟
الجّدة تماضر : عرفت وبس ونفسيتها تعبانة والدكتور يقول امكن تجهض
الجّد مانع : افااا افاا بسم الله وش صابهم عيالنا
الجّدة تماضر : بنروح اليوم وبتجي مع امها وبشوف الوضع وبقولك
سلمان : صباح الخير يا شيابي
الجّد مانع : هلا يبه -ولف لتماضر- خلاص تم شوفي وعلميني الله يصلح فيما بينهم
الجّدة تماضر : آمين يارب
سلمان : شصاير
الجّدة تماضر لفت وتعلمه
سلمان : الله الله شفيها رّذاذ
الجّد مانع : الله يهديها
سلمان : آمين يارب
| العصر✨|
وبالتحديد بغرفة رّذاذ لبست فستان أسود وربطت نص شعرها واحد بربطة اللي تنلف عالشعر زي الطوق ولبست صندل واطي حطت مرطب وبلاشر ومسكرا وتعطرت
طيف ناظرتها : بتروحين كذا؟
رّذاذ : ليه رايحة زواج؟
طيف : كأنك رايحة المستشفى مو عند عمتك
رّذاذ ناظرتها وهي تمسك بطنها وتمشي للسرير عشان تجلس : مالي خلق والله وقلبي يعورني وبطني يعورني مرة
طيف عقدت حواجبها : بطنك؟
رّذاذ : ايه
طيف : لو تعبانة لا تروحين وغيث يجي لعندك
رّذاذ : لا بروح بيقول تكابر ولا مابتجي تشوف امي تعرفين حركات الرجال يبون ريحة
طيف ناظرتها وصرخت عليها : لا تكابرين !
رّذاذ غمضت عيونها بالم: طيف انكتمي مالك شغللل
طيف : براحتك انتِ المتضررة
دخلت سوسن : هاه بنات خلصتو؟؟
ولفت على رذاذ : كذا بتروحي؟
رّذاذ : ايه انا برتاح متى بنطلع؟
سوسن : ساعة كذا وماراح نطول عندهم اكيد
طيف ضحكت : نعرف جمعاتنا كلها عبارة عن ماراح نطول
سوسن ابتسمت : عادي أهل يلا طيف ساعدي رذاذ تلبس عبايتها والصندل وانا بلبس ساعة بقي عالمغرب وحنا بنطلع عبال نوصل وكذا
رّذاذ رفعت راسها : ارتاحي طيف بلبس انا
| بيت أبو غيث|
بغرفة ام غيث كانت منسدحة
ابو غيث : كيفك الحين؟؟
ام غيث : الحمدلله شفت غيث وتجددت النفسية
ابو غيث : انتِ عارفة انه نفسيتك اهم شيء صح؟
ام غيث ابتسمت : عارفة
ابو غيث مسك ايدها : انا معاك بالحلوة والمرة ولآخر العمر
ام غيث : امكن ما يكون فيه لي اخر عمر
ابو غيث ابتسم وباس ايدها : لا تقولين كذا كله بحكمة ربي الله يطول بعمرك
ام غيث : آمين ويحفظك
ابتسم ابو غيث وباس يدها : يلا انا بروح
ام غيث : وين؟؟
ابو غيث : بنزل تحت وانتِ ارتاحي
ام غيث : بروح غرفة الاستقبال
ابو غيث : طيب تعالي اساعدك
ومسك يدها وقامت وساعدها لحد ماوصلت للغرفة ، غيث كان نازل
ام غيث : وين يمه؟
غيـث : بطلع اقابل عزام
ام غيث : لا تطلع ارتاح تسلم على عمتك ضحى
غيث : بطلع برجع ان شاءالله
ام غيث : تمام استودعتك الله بس لا تطول
| بـعـد المـغرب✨|
كـانوا كلهم متجمعين عند أم غيـث وكان باين عليها التعب ، وجها تعبان وشعرها قلّ ، وعيونها الهالات كثرت
رّذاذ كانت جالسة وفاتحة رجولها مو لامتها والبنات يطقطقون عليها ضحى وطيف وهي مو حولهم
ضحى همست لطيف : شفيها ؟؟
طيف : متخاصمة مع غيـث ومطنقرة وتعبانة مرة في خطر اجهاض على ولدها
ضحى : اوهه
طيف : مرة
ضحى : طيب لازم نغير جوها لو تشوف غيث وهي بالنفسية ذي يطلقون
طيف : مارضت آخر شيء بالسيارة مسكت بطنها واقول ولد اختي شالت يدي من على بطنها ورجعت حطت يدها
ضحى : ياويليي اول مرة اشوفها كذا الله يستر
طيف : مرة الله يعين غيـث
|عند الشبـاب✨|
عـزام : الله يعين يا اخوي هذي الدنيا كذا
غيـث : يلا عاد انت تزوج نبي نفرح
عـزام : ان شاءالله بعد زواج سلمان نصير رسمي
غيـث : افا ليهه تزوج مع سلمان مرة وحدة
عـزام : ايه عمي بعد قال كذا بس اشوف طيف لو وافقت عادي مع انه زواجهم مابقي له شيء
غيـث : طب استعجل وانت تتفرج على الناس
عـزام ضحك : ان شاءالله ماعليك
غيـث : يلا مشينا؟
عـزام : ايه يلا لازم تسلم اشغلتنا
غيـث : امي تقول لازم تسلم على عمتك عاد بروح الله يعين ويساعد
عـزام : زوجتك معاهم ؟
غيـث : ماتوقع
عـزام : كلمها طيب شفيك نسيت انها حامل ؟
غيـث : يلا بس
ومشوا ورفع جواله شاف جدة ونايف متصلين
عليه رجعه بجيبه ومشى
| عنـد الحريم✨|
كانوا جالسين سوالف وضحك ، ضحى رفعت شعرها وهي مبتسمة وعمتها شافتها وابتسمت لها
ابتسمت بخجل ~
رّذاذ قامت ونزلت درج وهي ماسكة بطنها وكان كبران شوي وشكلها كتكوت بس كانت تمشي وتتألم
وصلت المطبخ وفتحت الثلاجة طلعت مسكن وخذت ثنتين وشربت بعدها مويا
الشغالة : مدام هذا مو زين لحامل
رّذاذ ناظرتها ودموعها بعينها : ماقدر يعور مرة
الشغالة مسكتها : تعالي اجلسي
وجلستها ورّذاذ كانت تنتفس بتعب وخذت شهيق وزفير لحد ماحست انها ارتاحت وقامت تمشي بالمطبخ~
في المجلس
كانوا جالسين ودخل غيث
غيـث : السلام عليكم ورحمة الله وبركاته
كلهم ردو السلام
الجّدة تماضر : حيا الله غيث تعال
غيـث ابتسم : الله يحيك يا جدة
ام تركي : يا هلا بولد اخوي وبنور عيوني ارحب مليون
غيـث ابتسم هلا فيك يا عمه كيفك
ام تركي : بخير ونعمه وانت
غيـث : الحمدلله يلا اخليكم بس حبيت اسلم عليكم
ام تركي : شدعوة اقعد مافي غريب
غيـث : لا والله بروح أرتاح
ونزل الدرج ووقف قدام المطبخ ينادي الشغالة ويطلب مويا بس ماتسمعه
دخل المطبخ فتح الثلاجة وخذا مويا وشرب وهو لاف شافها قدامها
ناظرت فيه وهي معصبة
غيـث شافها وبهدوء : كيفك؟
رّذاذ : بخير الحمدلله اتنفس باقي
غيـث ابتسم وهو عاقد حواجبه : الحمدلله الله يزيدك من فضله
رّذاذ ناظرته وعيونها امتلت دموع وبحدة : امين يارب يزيدنا كلنا
غيـث ناظرها ومسك ايدها ، رّذاذ ارتجفت ورفعت ايدها : لا تمسكني وكانت تعبانة اصلًا
غيـث : لا تضغطين على نفسك ارتاحي ليه جيتي
رّذاذ : الحين لا اضغط على نفسي وانت ماتضغط علي؟؟ توك تفتكر انك ماتبيني اضغط على نفسي
غيـث قرب لها : قلت لا تضغطين على نفسك في بطنك نونو ويحتاج اهتمام ورعاية وهدوء مو عصبية
رّذاذ دفته : لا تقرب ما أحتاج منك شيء أبعد عني
غيث بعصبية : لا تكابرين !
رّذاذ : مالك شغل اطلع برا
وغمضت عيونها بالم وكانت تحس بالدم وهو ينزل لف غيث طالع اتصل جواله ورد نايف .
غيث : هلا عمي
نايف : شفيك ماترد
غيث : معليش انشغلت امر
نرجع لرذاذ كانت تعض شفايفها ماتبي تبين ضعفها قدامه وبدأت تحس بمويا تنزل منها ~
نرجع لغيث✨🙊
نايف : اسمع يا ابوك لو بقي ماشفت رّذاذ لا تضغط عليها خذها باللين الدكتور قال نسبة كبيرة انها تجه...
وما كمل كلمته الا غيث سمع صرخة رّذاذ ، أما رّذاذ شعور صرخت ودموعها اندفعت وهي تشوف الدم ينزل منها : غغــيــث غيثثثث
سمع صرختها غيث وطاح الجوال من يده ولف راجع ، وهي مشت وهي تناظر برجولها وتبكي وتشهق : غيثثثثث دممم
غيـث بقق عيونه وشالها وهو يصرخ : رّذاذ
رّذاذ كانت تبكي وتشهق : غيـث ينزللل غيثثث
وكلهم نزلو غيث ضمها له وهو ماسكها : لا تخافين لا تخافين
وهي تبكي وتشهق سوسن نزلت تركض وغيث طلع وهو يصرخ : سلماااان ، عمييي
وطلع كانوا عمه بيدخل
نايف : رّذاذ شفيها
غيـث : السيارة السيارة
ركض سلمان وعطول طلعو ومشو
| فـي المستشفى✨|
كـان عند الباب ينتظر نايف وغيث وسوسن وسلمان
نـايـف ناظر بسوسن : شفيك؟
سوسن : ولا شيء
سلمان : نـايـف شرايك تاخذ زوجتك وترجع البيت وحنا هنا
سوسن : لا بنتي أنتظرها
نـايـف ابتسم بهدوء
شوي وطلع الدكتور
غيـث : بشر دكتور ؟
الدكتور : للأسف خسرنا الجنين
غيـث : زوجتي كيفها؟
الدكتورة : الحمدلله كويسة بس نفسيتها تعبانة شوي
غيـث تنهد : الحمدلله
ومشى نـايـف مع الدكتور يستفسر عن رّذاذ
الدكتور : لازم ترتاح نفسيتها تعبت
نـايـف : يعني ممكن تعطي ردة فعل عكسية؟
الدكتور : ايه طبعًا خصوصًا على زوجها
نـايـف : يعطيك العافية
الدكتور : الله يعافيك
غـيـث جاء بيدخل رجعته الممرضة
غيـث : ليه؟
الممرضة : نغير غرفة
غيـث : اوك
| في بيت الجّد مانع✨|
كـان جالس مع الجّدة تمّاضر
الجّد مانع : كلمك سلمان؟
الجّدة تمّاضر : ايه ويقول طلعت الحمدلله
الجّد مانع ناظر فيها : الله يعين عالجاي
الجّدة تمّاضر : وش الجاي؟
الجّد مانع : هذي البداية بس ادعي لهم الله يصلح فيما بينهم
الجّدة تمّاضر ناظرته : عادي الكل سقط ماهي أول وحدة ولا آخر وحدة ولو ماعجبها يتزوج عليها
الجّد مانع : افاا يتزوج على رّذاذ ؟
الجّدة تمّاضر ناظرته : ايه الشرع حلل أربع
الجّد مانع : يعني ينفع أتزوج عليك
الجّدة تمّاضر ابتسمت : انت تقدر ؟
الجّد مانع : أجل اللي ما ترضينه لنفسك لا ترضينه لغيرك
الجّدة تمّاضر : بس غيـث صبر ورّذاذ تكبرت
الجّد مانع : الحُب صبر يا تمّاضر وش الفايدة لا كنت أحب بس ما أصبر!
لازم نصبر على اللي نحبه ونحتوي حزنه وغضبه ، رّذاذ بنتي واحبها وغيث ولدي واحبه بعد ولا أرضى لواحد منهم الشينة
وقام وطلع للحوش وفي داخله يفكر باللي راح يصير في الايام الجاية وكل رجاءه انه رّذاذ تلين وما تسبب مشاكل أكثر ~
ويفكر بأم غيث وتماضر وهو يعرف كيف الحريم ماراح يخلونهم يتحملون مشكلتهم راح يدخلون بينهم ، راح يضيقون على رّذاذ ، ويحلون الزواج بعين غيث ..
رفع جواله واتصل على نـايـف
نايف : هلا يبه
الجّد مانع : وينه غيث؟
نـايـف : موجود
الجّد مانع : خله يرجع البيت يرتاح
نـايـف ناظر بغيث : ليه؟
الجّد مانع : أسمع مني يا ابوك أول ماتصحى رّذاذ خلها تشوفك انت الباقين كلهم خلهم يرجعون
نـايـف : زين خذ غيث
ومد الجوال لغيث
غيـث : هلا يبه مانع
الجّد مانع : الحمدلله على سلامتها
غيـث : الله يسلمك ويحفظك
الجّد مانع : أرجع البيت نام
غيـث : اشوفها وأرجع
الجّد مانع : غيث اسمع كلامي
غـيـث : زين زوجتي يبه
الجّد مانع : لا تزيد النار يا ابوك
غيـث : زين ابشر
وقفل وعطا عمه الجوال وقام يقولهم يروحون
ودخل هو عند رّذاذ وكانت نايمة ، خذا الكرسي وجلس عندها ، وهو يتأملها ويتذكر دموعها وبنفس الوقت جاء براسه كلام جده ، أكيد ما قاله إلا وهو في باله شيء ، لف بيطلع وعطول سمعها تناديه ..
لف ورجع لها وهو يمسك يدها
غيث : رّذاذي قلبي!
رّذاذ ناظرته وهي تحاول تستوعب
غيث ضغط الزر عشان تجي الممرضة
جت وشافته وهو ماسكها لف غيث : قامت
الممرضة ابتسمت : اوك تمام مافي خوف
غيـث ابتسم وهو يناظر فيها وشوي حطت يدها على بطنها وناظرت الممرضة وكأنها بدأت تصحصح ..
شوي دخل نـايـف وشاف غيث وهو واقف ، وخره ووقف جنبها وهو يمسك يدها
نـايـف : بابا رّذاذ الحمدلله عالسلامة
رّذاذ ناظرت فيه : بابا البيبي!
نـايـف : اجهضتيه
رّذاذ ناظرته ودموعها نزلت : بابا!!
نـايـف ضمها : أهم شيء انتِ بخير ياقلب بابا الطفل بداله طفل دام امه بخير وابوه بخير تقدرون تجيبون ١٠ بدل الواحد
رّذاذ بكت وهي بحضن ابوها ، دخلت الممرضة شافتها وصارت تخاصم وتحاول تخليها تنسدح ورّذاذ كانت رافضة ~
طلعت وجابت الابرة وعطتها لحد ما نامت
ورجعتها وطلعت نـايـف
غيـث : مو رحت؟
نـايـف : لا مارحت عارف انها بتنهار
غيـث : وش الحل ياعمي
نـايـف : تمسك بيدها لحد ما تتخطون الجرح هذا
غيـث : تعبت ياعمي كثير كذا
نـايـف : اللي يحب مايتعب ياغيث
غيـث : أمي ورّذاذ وانتم صعب عليّ
نـايـف : نسيت اللي عشته أنا! ترا هذا ولا شيء وبعدين الإنسان يكابد بهذي الدنيا مافي راحة لازم تقدر تتغلب على هالمشاكل
غيـث غطى وجهه بيدينه وهمس : ياربّ
نـايـف ابتسم : خلك جبل يا ولد محمد
غيـث ابتسم وقام
نـايـف : وين؟
غيـث : بشتري قهوة أجيب لك؟
نـايـف : لا تسلم
نزل للكوفي وطلب قهوته وجلس والأفكار تجي..
الـيـوم الـثـانـي✨|
بيت نـايـف طلعت رّذاذ من المستشفى وراحت لبيت أهلها وكانت بغرفتها منسدحة وتشرب حليب ، بالـنـسبة لـغـيـث طلع من المستشفى وماعد راح لها تنفيذًا لكلام جده ~
دخلت لـبنى وشافتها ماتشرب
لُبنى : خير رّذاذ اشربي يلا !
رّذاذ ابتسمت : خلاص والله تعبني مالي نفس
لُبنى : اشربي بعدين ترا بيجون اليوم البنات
رّذاذ : مين؟
لُبنى : طيف وضحى ولمياء
رّذاذ : الله يحيهم
لُبنى : تمام
وطلـعـت وقفلت الباب ، تنهدت رّذاذ وهي تناظر بيدها ورجعت حطت راسها عالسرير ~
|بـيـت أبو غيث✨|
كـان واقفين عِـنـد الباب غيث وأبوه
جت سحاب : قامت؟؟
غيـث : لا بقي
سحاب : غيـث لازم تاخذونها المستشفى وضعها مو طبيعي من أمس
غيـث ناظر في ابوه : هاه يبه؟
أبو غيـث : هي رافضة تروح المستشفى تقول أموت بين عيالي ولا أموت بالمستشفى
غـيـث : طيب أنا بدخل أكلمها
سحاب : تمام يارب تسمع منك
ودخـل وجلس جنبها وهو يشوف ملامح التعب ، كيف تملي وجه أمه ابتسم ومسك ايدها ..
غـيـث : يمه ؟
أم غيـث فتحت عيونها : عيون امك
غـيـث : بناخذك للمستشفى
أم غـيـث : لا يمه خلني عندكم أفضل لي ولكم
غـيـث : ما يصير يمه لازم دكتور يتابعك
أم غيـث كحت وهي : يمه لا الله يحفظك
وصارت تكح وراء بعض
غـيـث : يمه بسم الله وعطاها مويا ..
أم غيـث أخذت المويا وصارت تنتفس بسرعة
غـيـث : يمه مو بكيفك الحين بتصل عالإسعاف وبنروح
وطلع دخلت سجاب شافتها ومسكت أيدها ، وباستها وعيونها مليانة دموع .
أبـو غـيـث : هاه ؟
غـيـث : بكلم الاسعاف الحين لازم يتابعون حالتها من المستشفى
أبـو غيـث : تمام يلا الله يحفظها يارب
غـيـث : آمين ياربّ
وطلـع غيـث وهو يكلم ..
بيت الجـّد مَانع✨|
كـان يتقهوا ودخـل نـايـف ..
نايف : السلام عليكم
الجّد مانع : وعليكم السلام ورحمة الله وبركاته
نـايـف : صبحك الله بالخير يبه
الجّد مانع : كيف أصبحت؟؟
نـايف : الحمدلله بخير
الجّد مانع : كيف حال رّذاذ ؟
نـايـف : بخير ماعليها الحمدلله
الجّد مانع : أم غيث حالتها صعبة مدري نسوي زواج سلمان ولا لا ..
نـايـف : لذي الدرجة؟
الجّد مانع : ايه والله قلت بقول لمحسن نأجله أحتياط ماني مطمئن
نـايـف : يبه الله يهديك قول خير ترا أي شيء تقوله يصير بسم الله علينا
الجّد مانع ابتسم : طيب وش قلت أنا!
نـايـف : أحس اني ما اطمن يوم تقول شيء
سلمان دخل : صباح التكهن والسحر
نايف والجد مانع ضحكوا
نـايف : تعال والله قال اشياء فضيعة
سلمان باس راس ابوه : وش قلت يالطيب؟
نـايف : أجل زواجك
سلمان : افااا ما اتفقنا كذا يابو سلمان
مانع ابتسم وسكت ..
|فـي المستشفى✨|
كان غيث مع الدكتورة ويقوله عن حالات امه وانه المرض تمكن منها بشكل كلي وتأخرت بجيتها للمستشفى
غـيـث : طيب دكتورة كيف الوضع الحين!
الدكتورة : للاسف حنا مابيدنا الا انه نراقب الحالة
و نتابع و..
ماكملت كلامها وسمعت صوت الجرس والنداء
وطلعت عطول وغيث طلع وراها
الدكتورة : غرفة كم!
الممرضة : ٢٠١
ركضت الدكتورة وغيث ركض معاها ودخلو كانت تنتفس بقوة وهي ماهي قادرة وواضح ضعفها
باللحظة ذي دخل غيث وانصدم وهي مدت يدها ليد غيث تأشر له يجي ، وقرب لها مسك يدها
الدكتورة قاعدة تكشف وتحاول ولما شافت غيث مسك يدها سكتت
غيث : يمه
ام غيث ناظرت فيه : خواتك و.. -سكتت شوي وهي تاخذ نفس وترفع لسانها بتنطق وترجع توقف - ابوك في .. امـ امانتك
غـيـث : يمه يمه
ولف للدكتورة : دكتورة!
الدكتورة ناظرته بحزن : لقنها الشهادة
وصار يناظر فيها ويذكرها ويعيد عليها لحد ما قالتها وبعده ابتسمت وهو ابتسم معاها ودموعه نزلت وشوي صارت جسد بلا روح
جلس عالأرض وبكى وقام وباس راسها ، وخرته الدكتورة وغطت وجها
وهمست لغيث : الله يرحمها
انتشر الخبر بسرعة والكل انصدم وصارت ايام العزاء ..
وفـي آخر يوم كـانـوا في بيت الجّد مانع
الرجال تحت وبرا في الحوش والحريم داخل
كـانـت رّذاذ جالسة وحست بتعب وطلعت غرفتها
فتحت البـاب جلست عالسرير وهي تنزل طرحتها وترتب شعرها ، مسكت جوالها وفتحته
عـند الحريم لفت ام تركي تدور رّذاذ مالقتها
اتصلت على غيث وطلعت
ام تركي : هلا حبيبي
غـيـث : هلا فيك عمه
ام تركي ابتسمت بحنيه : كيفك ؟
غـيـث : الحمدلله على كل حال
ام تركي مدت ايدها لوجهه : اطلع رّذاذ بالغرفة ماحد يحتويك الا زوجتك
غـيـث ناظرها وبان التعب بعيونه ~
ام تركي : لا تناظر كذا روح يلا
دخل وطـلـع الدرج ويحس بتعب ماله بالمكابر
فـتـح الباب وشافها تناظر بجوالها تنحنح
رفـعـت راسها وشافته وناظرته بحنيه
اشرت على حبوها وتقوله تعال
قفل الباب ودخل كانت جالسة عالسرير ومادة رجولها دفن وجهه في حبها وراسه على فخوذها
شالت الشماغ والطاقية ومسحت على راسه
ماحست الا بصوته وهو يبكي ، وكأنه طفل صغير
كانت تمسح على راسه بهدوء وهي ساكتة
رفع راسه وهو يمسح دموعه ، ابتسمت بحنيه وهي تمسح وجهه بيداتها
غيث ابتسم ومسك يداتها وباسها
رّذاذ ابتسمت : كيفك؟
غـيـث ضمها وهو يشم شعرها : مشتاق وتعبان ، ولهان وحزين ، مكسور ومجبور
رّذاذ شدت عليه ؛ وش سوت فيك الدنيا يا ولد محمد!
غـيـث : كسرتني يا بنت نـايـف
رّذاذ : تعال نام وارتاح وبكرة نروح بيتنا طيب!
غـيـث : تمام
رّذاذ : اكلت؟
غـيـث سكت ولا رد
رّذاذ : اكيد لا ، فيه لك ملابس هنا بدل وانا بنزل اجيب لك اكل
وجت بتقوم بسرعة وحست بالم مسكت بطنها وقالت بصوت واطي اي..
ناظر فيها وهو يشوف وجها : رّذاذي شفيك!
رّذاذ ابتسمت : ماعليك الم خفيف يلا ارتاح
غـيـث ناظرها : تتألمين باقي؟
رّذاذ : شوي اليوم خامس يوم توي ان شاءالله كم يوم وارجع تمام
غـيث : خلاص ارتاحي
رّذاذ : اسكت
وطلعت وقفلت الباب
حضرت له أكل وطلعت معها الشغالة ولما وصلت عند الباب خذته ودخلت وشافته ماسك جواله
غـيـث : هلا
رّذاذ : عندك شغل؟
غـيـث : لا قاعد أرد على التعزيات
رّذاذ : عطني اكمل وخذ كل
غـيـث مد الجوال وجلس : وش هذا
رّذاذ : حليب شاي وساندوتش جبن
غيـث ضحك : الله طعم الطفولة
رّذاذ : كان فيه رز وكذا بس قلت ثقيل عليك
غـيـث : ايه هذا افضل
رّذاذ : بالعافية
غـيـث : الله يعافيك
رّذاذ صارت تقرأ وترد عالناس وهو ياكل وشوي يسرح ، شوي يناظر فيها ..
الإنسان ما يعرف قيمة أحبابه إلا لو ذاق الفقد ، نفس اللحظة اللي كان غيث ماله بالمكابر وضايقه فيه !
كان محتاج ومشتاق بنفس الوقت !
نفس الوقت اللي فقد امه ، صارت رّذاذ بنظره هي أمه وأول حضن توجه له لا جدته ولا ابوه ولا عمته !
توجه لحضن زوجته وحبيبته ~
رفعت شعرها : اوفف غيث كثيرر تعبت بعدين اكمل
غـيـث ابتسم : معارف ماقصروا جزاهم الله خير
رّذاذ : آمين يارب خلاص نكمل بيوم ثاني
غـيـث : نروح بيتنا؟
رّذاذ : ايه اذا خلص العزاء نروح
غـيـث : خلاص هذا آخر يوم يتعشون الحين اعتقد
رّذاذ : الله يرحمها ويغفرلها ويجعل ما اصابها كفارة لها
غـيـث : آمين يارب العالمين
رّذاذ ناظرت بالصحن : ما اشوفك اكلت ليه الدلع ذا!!
غـيـث : مالي نفس والله
رّذاذ : الله يصلحك
غـيـث : يلا انا بنزل لجدي وابوي وانتِ ارتاحي هنا
رّذاذ : تمام استودعتك الله
قام عدل شماغة ومشت بخت له عطر وطلع .
شوي ودخلت طيف
رّذاذ : هلا
طيف : رجع قيس
رّذاذ : حرام عليك
طيف : كيف حاله؟
رّذاذ : الحمدلله مكسور
طيف : وسحاب وسما ياعمري يحزنون الله يجبرهم ياربب
رّذاذ : واكيد عمي اردا الله المستعان
طيف : تصدقين يا رّذاذ مو الكل يتقبلون الموت بنفس الشكل
رّذاذ : كيف؟
طيف : يعني مثلًا يوم مات ابونا مازعلنا حتى ما افتكر اني بكيت بس اليوم حزنت يعني
رّذاذ ابتسمت بحنّية لطيف : حتى لو قلتِ هالكلام داخلك حزن أكيد ترا إننا نعيش مبسوطين مو يعني انه داخلنا تمام
طيف : عارفة بس بعد فيه فرق يوم تعيشي حياتك مثل ما أنتِ حابه بدون قيود !
رّذاذ : كل شخص يا طيف عنده عائلة عنده قيود تنتهي القيود لو تبريتي من اهلك
طيف : فيه فرق بين قيود وفق قيم ومبادئ ودين وفيه فرق بين قيود وفق تخلف ورجعيه يا رّذاذ لا تحكمين
رّذاذ: صدقيني يا طيف لو تزوجتِ وخلفتِ راح تفهمين هالشعور لأن الأمومة هي اللي تخليك تتفهمين أهلك ومهما عشتِ قساوة ببيت أهلك يوم تتزوجين تستوعبين السبب.
طيف ابتسمت: عالعموم هي الدنيا كذا يوم لنا ويوم علينا وبالنهاية كلنا ميتين ولعل ما أصابها تكفير لذنوبها
رّذاذ: يارب العالمين
طيف ناظرتها: بقي تعبانة ؟
رّذاذ: بطني مرة مو قادرة بروح المستشفى أرسلت للدكتورة وأنتظرها ترد علي
طيف: تمام ياعمري الله يعافيك
رّذاذ: وياك
طيف: أنا بنزل أساعدهم
رّذاذ: تمام
طلعت طيف ورّذاذ أخذت جوالها واتصلت على ليث.
شوي جات سوسن : رذاذ؟
رّذاذ: هلا يمه
سوسن: شفيك تبين مستشفى؟
رّذاذ: ايه كلمت ليث بروح بشوف وش فيني الألم ما وقف
سوسن: طيب وش تحسين؟
رّذاذ: بطني مرة مو طبيعي
سوسن: شوفي هو بالعادة التسقيط المه أقوى من الولادة لكن لك كم يوم تتألمين بشكل مستمر قلبي يقولي شيء
رّذاذ: وش يقولك؟
سوسن: لا ماراح أقول أخاف أعطيك أمل عالفاضي
رّذاذ: وش يمه؟
سوسن: البسي يلا بروح معاك
-🤍-
طلعو للمستشفى ودخلو للدكتورة بدأت تكشف عليها ومستغربة ..
ناظرت فيها: رّذاذ شوي بعيد أسوي لك سونار بس خليهم يسحبو منك دم
رّذاذ: غريبة ليه؟
الدكتورة: خلينا نتأكد وأبلغك
رّذاذ: تمام
-عند سوسن وليث✨-
كانوا ينتظرون برا شوي رن جوال سوسن
سوسن : هلا نايف
نايف: هلا فيك وينكم!
سوسن: ودينا رّذاذ المستشفى
نايف: بسم الله شصاير!
سوسن: مدري والله قاعدين يحللون ونشوف وش هالتعب اللي فيها
نايف: طيب غيث بيجيكم
سوسن: لا خله رّذاذ بتزعل ارتاحو حنا شوي ونجي
نايف: جايين أنا وهو يلا
قفلت وناظرت بليث بقل حيلة
ابتسم ليث ورددّ: يامعين أعنا
-🤍-
عند رّذاذ ناظرت للدكتورة وابتسمت : هاه دكتورة بشري!
الدكتورة: والله ياحبيبتي اللي ظاهر لي شيء نادر يصير مرة لكن ممكن انه أمل بالنسبة لكم!
رّذاذ ابتسمت: وشو؟
الدكتورة: بس التحاليل تصدر وبقولك طيب
رّذاذ: تطول؟
الدكتورة: لا استعجلناهم حالة طارئة
رّذاذ: زين..
-عند نايف وغيث-
غيث ناظر نايف: عمي شصاير؟
نايف : مافي شيء بس يقولون تحاليل
غيث: أجل خلنا نروح نتطمن معاهم دام بس تحاليل
نايف ابتسم : لو ارتحت مو أفضل!
غيث سكت وهو يناظر الخط شوي وتكلم : والله ياعمي أنا أحبكم واحترمكم انت وجدي وجدتي بس صدق لازم تخلونا براحتنا حنا نفهم بعض مو كل شخص يطبق نصايحكم تضبط معه كل واحد تجربته تختلف عن الثاني
نايف : وانت صادق يا ابوك
غيث: لو ما سمعت نصايحكم قبل امكن ما كان سقطت رّذاذ لكن الشكوى لله كنت خايف على أمي وما حسبت حساب المستقبل لكن من اليوم ورايح أنا وزوجتي نفهم بعض
نايف ابتسم : الله يحفظكم يا ابوك ويعوضكم خير
غيث: آميننن ياعمي
-🤍-
عند رّذاذ كانت منسدحة والدكتورة تطل بالأوراق
شوي دخل غيث
الدكتورة ناطرته : أهلًا
غيث ابتسم: معليش دكتورة بس بشوف زوجتي
الدكتورة: تفضل
رّذاذ ابتسمت وهي تشوفه بقلق..
ناظرها ومسك يدها وباسها : لا تخافين خير ان شاءالله
رّذاذ ناظرته: ليه جيت؟
غيث: كيف أخليك؟
رّذاذ: بس انت تعبان ولا نمت
غيث: ماعليه نشوف وش فيك ونرجع ننام سوا
ابتسمت رّذاذ وهي تشوف غيث بالحنية اللي عهدتها منه، شدت على ايده وهي مبتسمة..
دخلت الممرضة ومدت للدكتورة التحاليل، ناظرت الارواق، ورجعت شافت التحاليل، وابتسمت
رّذاذ وغيث يناظرونها وينتظرونها تتكلم..
الدكتورة : شوفوا هو خبر حلو وبنفس الوقت غريب شوي
رّذاذ ناظرتها: وش هو؟
غيث سكتها وهو يحط يده على فمها والدكتورة ضحكت وكملت: الخبر الحلو انه بقي عندكم بيبي وما زالت مدام رّذاذ حامل
غيث ضحك بدون ما يحس ورذاذ ابتسمت وعطول قال : الحممدلله ياربّ
الدكتورة ابتسمت وهي تكمل: الخبر الثاني مو ظاهر لي هم ثلاثة توأم ولا اثنين لأن اللي مات واحد وفي السونار ظاهر واحد.. -وكملت- واللي صار معك يا رّذاذ فيه متلازمة اسمها التوأم المتلاشي من حسن حظنا انه حصلت معك في الثلث الأول لو حصلت معك في الثلث الثاني أو الأخير من الحمل كان صعب ننقذك أو ننقذ الجنين..
غيث ابتسم: ما فهمت وضحي لي عشان تكتمل الصورة رّذاذ والبيبي بخير ولا في خطر؟
الدكتورة: حاليًا مافي خطر لكن لازم تنتبه عالمدام، اش تاكل ، اش تشرب ، مين تشوف! ، مع مين تجلس لأن زي ما أنت عارف حملها الأول بسبب السفر والاجهاد والعصبية خسرت بيبي لازم تحافظون على هذا يا استاذ غيث
غيث ابتسم: الله يبشرك بالجنة وناظر برّذاذ سمعتِ الدكتورة ؟
رّذاذ ضحكت: سمعت
غيث: أجل قولي سمعًا وطاعة
رّذاذ: الله يتمم
غيث: آمين، أنا طالع أبلغهم البسي عبايتك عبال أجي
رّذاذ قامت والدكتورة جت تساعدها
-برا✨-
غيث ابتسم وهو يناظرهم: باركو لنا
نايف: وشو!
سلمان: وش حملت بذا السرعة
سوسن ضحكت: حرام عليك اذكر الله
غيث ضحك: غبي مو حملت طلع اللي نزل واحد
سوسن: كنتتت حااسه الحمدلله
نايف: الحمدلله يارب مبروك يا ابوك
غيث : الله يبارك فيك ياعمي
سلمان: هيا اقعدو تتدلعو وتزاعلو والله اضربكم انت وهي
غيث ضحك وحضنه: ماعليك كلنا لك
سلمان: الله يحفظها يارب
غيث: آمين يارب بس ترا الدكتورة تقول لازم نكون حذرين أكثر، عاد أنا استأذنكم باخذها ونرجع بيتنا وبنقعد بالبيت لحد حملها يثبت لو حملها ثبت سلمان تتزوج ونرجع لحياتنا الطبيعية قبل لا حمل رّذاذ يثبت مافي أي اجتماعات
كلهم ماتو ضحك عليه
سوسن: طيب خل ادخل اشوفها قبل الحجر حقها
ضحك غيث : ادخلي عمه
دخلت ساعدتها وطلعت غيث مسك رّذاذ وراحو بسيارته وسلمان مشى وشال معه نايف وسوسن.
-بسيارة سلمان✨-
نايف ابتسم : الله يسعدهم ويهنيهم
نايف: عاد أحيانًا الأفضل ماحد يدخل بين الثنائيات كثرت التدخلات مو زينة تفسد العلاقة سبحان الله
سلمان: أكيد طبعًا خصوصًا رّذاذ وغيث هم حبّو بعض وفاهمين بعض لكن أنتم ماتخلونهم بحالهم أنتم من جهة أبوي وأمي من جهة أهل غيث من جهة الله يهدي الجميع
نايف: عاد غيث قرر بالخط انه ماعد بيخلي أحد يدخل فيهم وصراحة أفضل قرار أخذه وانا معه
سوسن: الله يصلح بينهم يارب ويجي ولدهم بالسلامة..
كلهم ردوا بآمين.
-🤍-
عند رّذاذ وغيث
ساعدها وركبت السيارة وطلع.
غيث: يبغا لي أجيب لك درج عشان تطلعين السيارة بطريقة سهلة
رّذاذ ضحكت : لا عاد!
غيث: أكيد أجل تتعبين ولازم ما نطلع من البيت
رّذاذ: ان شاءالله
غيث مد ايده ليدها وابتسم: رّذاذ ما تتخيلين سعادتي بالخبر اليوم، قد أيش قلبي طاير رُغم انه مكسور.
رّذاذ ابتسمت بحنية وشدت على ايده: صدقني يا حبيبي ربنا شايف وعارف والعوض الجميل هذا هو جاي بالطريق بس لازم نكون حريصين لحد ما نخلص مرحلة الخطر.
غيث: بحول الله
وكمل عينه بالخط وهو مبتسم .
ابتسامة أمل، وتفاؤل، ورضا🤍!
كيف ممكن بعد ما يفقد أغلى شخص بدنيته، يجيه هالخبر!.
هذا أكيد تسخير إلهي ربنا شايف اللي قاعدين يمرون فيه، فكان هذه بداية العوض.
تنفس وبداخله: الله يرحمك يمه ويغفرلك
ابتسمت رّذاذ كانت كأنها تقرأ غيث بدون ما يتكلم الحمد والثناء، كان بعيونه🤍.
دائمًا ننتظر أمور تحصل مثل ما نبي وما تصير، لكن بلحظة بدون ما نحس!
ربنا يعوضنا بأمور جميلة
.
بعد مرور ثلاثة شهور إلا يومين
تحديدًا في المستشفى
كانت ضحى جالسة وقدامها سلمان
ضحى ضحكت على تعابير وجهه..
سلمان رفع جواله يتصل على غيث
غيث : أهلًا يا عريس
سلمان: عريس مين يا قاتل السعادة
غيث ضحك: ياخي لك شهرين مشغلني قلت لك أصبر
سلمان: وربي أنت مو صاحي لك ثلاثة شهور ببيتكم
غيث ضحك: يلا مع السلامة رّذاذ تبغا مويا
سلمان: وربي مجنون مجنون
قفل غيث بوجهه وضحى ضحكت وهي تشوف وجهه..
-🤍-
عند رّذاذ وغيث
رّذاذ بطنها كبران شوي وكانت قاعدة عالكنب
ولابسة فستان أصفر ورافعة شعرها واحد
غيث ابتسم ومد لها المويا
رّذاذ: شكرًا
غيث: ولو يا أميرتي تامرين أمر
رّذاذ ضحكت: غيث ترا سقطت الأول وأنا لي شهر يعني يومين وبكمل الرابع وانتِ بقي حريص!
غيث ضحك: عاد أهم شيء ولدي وهم طز
رّذاذ : غيث حرام والله شوف خلينا نخليه عالشهر الجاي خلاص
غيث: طيب
رّذاذ شهقت: احلففف!
غيث : لا لا بدون شهاق وفجعات اهدي
رّذاذ: اسفة
غيث : يلا بلغي ضحى وسلمان وأنا ببلغ عزام يحدد يوم ملكة لطيف رسمي
رّذاذ: أخيرًا رضا عنا أبوناااا ما بغيناااا
غيث ضحك: بس انتبهي عاد
-بيت الجد مانع✨-
كانوا جالسين بالصالة وحاطين القهوة
الجدة تماضر، والجد مانع، وأبو غيث
أما سحاب وسما كان بغرفهم انتقلو لبيت جدهم
من بعد وفاة امهم ماقدروا يقعدون بالبيت..
سلمان : السلام عليكم
الجد مانع: هلاا وعليكم السلام
ابو غيث ضحك : هلا بخبيات الامل المتتالية
سلمان: افااا انا خيبة أمل
الجد مانع : انت قايل لنا كذا
سلمان ضحك: طيب بعطيكم خبر حلو
الجدة تماضر: عطنا من الاخبار الزينة
سلمان: الشيخ غيث أفرج عنا وقال نبدأ نجهز للزواج
الجد مانع ضحك: ولو نقولك كل شيء جاهز
ابو غيث ابتسم: وزواجكم بعد اسبوعين
سلمان بقق عيونه: يا كذابببب!
الجد مانع : يا رجال استح
سلمان : صدق ؟
ابو غيث: ايه متفقين حنا من زمان والعروسة حاجزة كل شيء حتى انت غيث جهز لك كل شيء لا تخاف
سلمان قام يصرخ وسحب جواله وشغل اغاني وصار يرقص ويستهبل نزلو البنات وشافوه وصاروا يضحكون على شكله
ابو غيث رفع جواله واتصل على نايف فديو شافه ومات ضحك
سلمان انتبه ومسك الجوال : والله يا نايف تراني بطلعها من عيون ولد رّذاذ خله يجي بس
نايف: اقول الااا رذاذ وعيالها
سلمان: وتشوف خل تولد بالسلامة واوريك فيهم
كلهم ضحكو..
-بيت نايف✨-
قفل الجوال وهو يضحك
سوسن ابتسمت: الله يا سلمان ما توقعته كذا
نايف ابتسم : الحب الحب أجل وش تقولين
سوسن ابتسمت: ياه عاد شفت غيث وش مسوي فينا
نايف: حلال اللي يسويه أجل تتعبون رّذاذ
سوسن ابتسمت: الأسبوع اللي فات ضحى قالت لازم نتجمع والجمعة ما تصلح بدون رّذاذ
نايف: مين ضحى؟
سوسن: مين يعني اختك ام تركي المهم قالت بتصل عليه أنا عمته يحترمني وما بيردني لاني ماقد طلبت منه شيء
نايف ضحك وهو حاط يده تحت دقنه ويسمع: طيب
سوسن كملت وهي مبتسمة: المهم اتصلت وقالت حبيب عمتك ماترد لي طلب وهو ابشري ياعمه من عيوني ومن ذا الكلام المهم يوم قالت نبغا ر.. ما كملت حرف الراء يا نايف تخيلل قال لا لا رّذاذ ماتطلع تبون تعالو حياكم انا اجيب لكم اللي تبون بس رّذاذ ما تتحرك
نايف ضحك وبعده تنهد : الله يالدنيا كيف الحياة جميلة لما يكون في شخص بحياتك حارس شخصي
سوسن: فعلًا الله يحفظهم لبعض ويحفظك لي
نايف ابتسم: تفتكرين يوم سقطت؟
سوسن: ايه
نايف: قلت خلاص النهاية لكن يوم تكلمت مع غيث هذاك اليوم عرفت قد ايش هو يحبها
سوسن : سبحان الله على النية رّذاذ تستاهل
نايف: أكيد تستاهل الله يحفظها ويرزقها الذرية الصالحة وتقوم بالسلامة
سوسن: يارببب يا نايف
-بيت محسن-
كانوا كلهم متجمعين يشربون شاي
ام تركي: طيف شوفي هذا مرة حلو
طيف: عادي مو مرة كيف ضحى؟
ضحى ناظرت : يعني
تركي : ياحبكم للفساتين والاختيارات خلاص لاحقين سولفوا معانا الحين
محسن ضحك : أوه الحين ينسونك انت غير مرئي
تركي ضحك وهم ناظروا فيهم ورجعو للفساتين
محسن: شفت
سراب ناظرتهم : قوموا طيب نطلع انا طفشت
محسن: ابشري بابا وين تبين قولي بس
تركي ابتسم وهو يشوف سراب تفكر
سراب: مدري نطلع مع بعض ونشوف
تركي: يلا تعالو أنا بوديكم مكان جميل
محسن : طيب يلا
وقاموا
ام تركي : انتبهوا لسراب
محسن ضحك ومشى
-🤍-
عند رّذاذ كانت قاعدة وبيدها كتاب تقرأ نزلت الكتاب وهي اشوف غيث نايم عالكنبة وهو كان يناظرها ابتسمت بحنيّة وقامت جلست جنبه
وبدأت تلعب بشعره همست بهدوء : غيثث
غيث ابتسم ولا فتح عيونه ..
رّذاذ: غيثث
غيث همس: عيونه
رّذاذ: قوم تنام فوق
غيث: والله ما فيني خليني
رّذاذ : لااا قوم ولا ترا بساعدك وبتعب
غيث : طيب طيب شوي
رّذاذ : لا الحين اصلًا أنا تعبانة
غيث قام : طيب يلا ..
وقام ومسكها وطلعو غرفتهم جلست عالسرير
وهو دخل الحمام اكرمكم الله بدل ملابسه ورجع
غيث : يالله رّذاذ كم بقي لي وتولدين!
رّذاذ ضحكت: والله مدري أنا مو زينة بالحسبة
غيث كان منسدح وهي تلعب بشعره رفع يدع وهو يفتكر: يوم كشفنا أول مرة مع التحاليل كان لك ثلاثة أسابيع الا أسبوع يعني ٢١ يوم ويوم قال الدكتور انه واحد طاح كملتِ شهرين تقريبًا تامة والحين لنا ثلاث شهور الا يومين يعني تقريبًا ٥ شهور الا يومين يا ذكية
رّذاذ ضحكت ونزلت راسها وباست راسه : يابعددد الدنيا كلهم ، ومسكت بطنها : سمعت بابا كيف ينتظرك
غيث ضحك : اكيد انتظره يعني بقي لك ٤ شهور لو بتكملي التاسع ولو ولدتِ بالثامن ٣ شهور
رّذاذ : طيب غيث نام الله يخليك بكرة عندك شغل
غيث : تدرين اني احبك
رّذاذ : وأنا أحبك وأحبك وأحبك
غيث:لقيتك من بعد كل الخساير ربحي الأعظم
رّذاذ ابتسمت وهي تكمل: عوض قلبي و بسماته زهر عمري و نواويره
غيث: صدق؟
رّذاذ : كل القصايد فيك صدق وكل المشاعر لك حقيقة!
غيث ابتسم : الإنسان لين كلمة وحدة تغير تركيبة مشاعره ونفسيته
رّذاذ ابتسمت : صدق!
غيث: ايه والله
رّذاذ : طيب غيث وش بنسميه؟
غيث ابتسم : قلت لك لو ولد عُدي أو سعد
رّذاذ: موب حلو ماعجبني
غيث : ولو بنت نبي رّذاذ
رّذاذ : أحلف
غيث ضحك : لا أمزح لو بنت نور ونسمي أختها حور واخوهم عدي
رّذاذ ضربته: نام نام بتجنني لحد بكرة
غيث : طيب تعالي أنام بحضنك
رّذاذ : نام تعال
غيث ضحك : بس لا تسوين زي أمس
رّذاذ افتكرت وضحكت وهو صار يضحك بصوت عالي أمس كان نايم على فخذها وهي قاعدة تقرأ كتاب، غفت وغيث جاء على بطنها
صحت رّذاذ وهي تشهق : غيثثث حبس ثلاث شهور بيروح عالفاضي بتقتل ولدك بنفسك
غيث فز وشافها ، وهي خاصمته ومن وقتها كل ما يفتكر يموت ضحك
غيث ناظر فيها : اسألك بالله خفتِ عالولد ولا على الوقت اللي انحبستيه عالفاضي
رّذاذ ضحكت : خفت عليك تموت بعده
غيث : سلمان بيذبحني
رّذاذ : ماراح يقصرون كلهم
غيث تنهد وقال : الله المستعان
كان صوته ضايق كانت ما تنام كل يوم تسمعه وهو يتكلم وهو نايم من يوم وفاة امه ولو فزع قام يصلي الوتر ويدعي لها وتسمع بكاءه، كان قلبها يتقطع عليه .. وكانت ما تنام توهمه انها نايمة بس بالواقع تكون قريبة منه وخايفة عليه لحد ما يصحى ..
رّذاذ تنهدت : مشتاق؟
غيث سكت شوي وردّ بهدوء وصوته مخنوق : حيلللل
رّذاذ امتلت عيونها دموع وهي تشوفه: الله يرحمها يارب ويغفرلها
غيث: آميننن
رّذاذ : وشو بعد
غيث ناظرها ودموعه بعينه : أخاف يا رّذاذ ، أخاف انها ما تكون راضية عليّ، أخاف إني أكون عصيتها، -نزلت دموعه- انكسر ظهري يا رّذاذ ماعدت أقوى!
رّذاذ ضمته شدّ عليها ودموعه نزلت وصار يبكي ويشهق كأنه طفل صغير، مسحت على راسه وهو ظل عالحالة لحد ما نام بين أحضانها..
-بيت محسن✨-
بغرفة طيف كانت قاعدة وبتموت من الحماس
ارسلت لسلمان شوي واتصل عليها
سلمان : هلا بالمجنونة
طيف: هلااا حبيبي
سلمان: اسمعي بعطيك بس والله لو أحد يعرف بجلدك
طيف: فديتتتت أحبك
سلمان: حتى أنا احبك يلا سلام
ارسلها الرقم وهي ضحكت وعطول ارسلت،
"صباح الخيرر، صاحي؟"
شوي وجاء الردّ " أهلًا مين؟"
طيف ضحكت وكتبت : أنا طيف🥲
عزام ضحك واتصل عليها : الو السلام عليكم
طيف: هلا وعليكم السلام
عزام : كيفك ؟
طيف: الحمدلله وأنت ؟
عزام ضحك: الحمدلله هاه شفيك؟
طيف ضحكت بخجل: اسفة
عزام : اسفة على وش ما سويتي شيء
طيف: صراحة من أول بكلمك بس مترددة وخايفة وكلمت خالي سلمان وخذيت رقمك
عزام ابتسم : طيب
طيف: وش طيب عزام
عزام: ماعليك الملكة الأسبوع الجاي
طيف: ايه
عزام : وبكلمك بالراحة بس الحين لا تسوين شيء غلط ممكن
طيف: تمام
عزام: يلا تصبحين على خير
طيف: وانت من اهله
قفلت وتحس قلبها يرجف أول مرة تسوي شيء وتندم ..
طلعت وراحت لضحى دقت الباب
ضحى فتحت من الطرف : نعم نعم
طيف: نعامه ترفسك افتحي
ضحى : ياخي اكلم حرام عليك
طيف : كف والله
دفتها ودخلت تربعت عالسرير
ضحى قفلت وجت : ياليل النشبة ياربي
طيف: اص انا جيت اقولك فضيحة وانتِ تقولين لي اكلم
ضحى ضحكت: وش صار يا ام الفضايح اتحفيني
طيف ضحكت : اخذت رقم عزام وكلمته
ضحى شهقت : كذابة
طيف: لا وتخيلي قالي الملكة مابقي عليها شيء لا تكلميني الحين تكفين مؤدب مرة
ضحى ماتت ضحك وطيف قامت تضربها
سراب فتحت الباب وشافت اشكالهم : اشبكم انتم فشلتونا
ضحى ضحكت : تعالي اسمعي اختك الهلقيه اش سوت
طيف صارت تقفل فمها وهي تضحك سراب ناظرتهم : الحمدلله والشكر
وطلعت وقفلت الباب..
-✨-
اليوم الثاني الصباح
في بيت نايف كانوا يفطرون ..
ليث: صباح الخير
نايف : صباح النور
سوسن : ماشاءالله وش ذا الرواق مع الصباح
ليث ابتسم : نمت بدري الحمدلله
نايف : يلا للشغل قوم قدامي
لبنى : بابا كنت بقولك بتخرج بقي لي ترم ترا
نايف : طيب بدأتِ تدريب؟
لبنى : ايه قاعدة أدرب
نايف : تمام شدي حيلك يلا يا ليث
سوسن : نايف ترا بنروح لرذاذ
نايف : تمام الله يحفظكم
طلعو نايف وليث
سوسن : لبنى صحي بنان يلا
لبنى : تمام عمري
وطلعت لبنان
-🤍-
رّذاذ : غيث انتبه لنفسك طيب
غيث : انتِ انتبهي ما يندرى اليوم عندكم جمعة
رّذاذ ضحكت : لا مو كثير بس أنا واهلي لا تخاف وامكن اخواتك يجون
غيث ابتسم : اوك
-🤍-
الساعة ٩ الصباح
كانوا كلهم متجمعين عند رّذاذ ..
ام تركي : غريبة امي ما جت!
سوسن : قالت ماراح تجي مشغولة يجهزون لملكة طيف
ام تركي : بس بتكون في بيتي
سوسن : لا حبيبتي هو ابوك يرضا
طيف ابتسمت : حبيبي جدو الله يحفظه
كلهم رددوا بآمين
رّذاذ ابتسمت : كيف حال ضحى؟
طيف: الحمدلله بخير راحت دوامها
سما ابتسمت : ان شاءالله نتخرج وننشغل زيها تبارك الرحمن دايم مشغولة
سحاب : ايه والله الفراغ متعب
رّذاذ ابتسمت تغير جوهم : اجل وش تقولون عني واخوكم حابسني هنا
كلهم ضحكوا
طيف : هانت بكرة الافراج
سوسن ابتسمت : عاد تستاهلين
رّذاذ : افا يمه
ام تركي : المهم ورونا تجهيزات الملكة بدل العناد
وقاموا كل وحدة توري الثانية فستانها ..
-✨-
بـعـد مرور الفترة، وجـاء اليوم منتظر ليلة ملكة طيف كانت تبا تنام ومو قادرة ..
ما حسـت إلا وأمها داخلة ابتسمت
ام تركي : ما نمتِ!
طيف: مو جايني نوم
ام تركي : ترا بتقومين من الصباح
طيف: بسيطة متعودين
ام تركي ابتسمت وجلست جنبها : وش شـعـورك؟
طيف : مدري خوف وتوتر
ام تركي مسكت يدها : طـول هـالوقت وأنا احميكم وأخـاف عليكم من نسمة الهواء زوجت أمـل وبقيتو أنتِ و سراب وتركي وأحس صرت أخاف عليكم أكثر -وضحكت- كل ما ينقص العدد يزيد الخوف
طيف ابتسمت: ما قصرتِ مـعانـا كنتِ الأم والأب الله يحفظك ولا يحـرمنـا منكِ أبدًا..
ام تركي : ويـحفظِـك يا رُوحي ويـسعدك
طيف : آمـيـن يارب
ام تركي : يلا أخليك نـامي
طيف ابتسمت وهي تنسدح وأمها طلعت وقفلت الباب مشت وشافت بالصالة محـسن~
أم تركي : محسن؟
مـحـسـن ابتسم : هلا
أم تركي : توقعتك نـايـم لـيه نزلت؟
مـحـسـن: تصدقيني لو قلت لك إني متوتر!
أم تركي ابتسمت وهي تجلس جنبه : ليه!
مـحـسـن: احس انهم عيـالي يا ضحى
أم تركي ناظرته بحنّيه ..
كمل مـحسن وحنّيه العالم كلها فيه : أحلامنا .. وآمالنا اللي رسمنـاهـا لما شفت عيـالك حسيتهم عيالي وحسيت انه ما راح شيء من اللي خسرته
أم تركي : مـا أدري وش الشيء اللي سويته وربي سخرك لي
مـحـسـن مسك يدها : حتى لو ما كنت معاك بالبداية أنا معاك بالنهاية
أم تركي ابتسمت وحضنته ..
-🤍-
رّذاذ كانت واقفة عند الفساتين وعيونها فيها دموع صرخت : غيث جربت كل الفساتين ولا واحد مقاسي !
غيث : طيب عادي ما نروح
رّذاذ : غيث بلا استهبال كيف ما نروح طيف وعزام ذولي
غيث : طيب عادي عندنا عذرنا
رّذاذ : ترا والله بخنقك وارتاح
غيث : كلي فداك!
رّذاذ ناظرته ونزلت دموعها
ناظرها بصدمة وهو بيضحك بس خايف يتهزأ : خلاص خلاص لا تبكين
رّذاذ ناظرته بزعل : لا تكلمني ترا زعلانة منك
غيث : طيب وش قلت أنا ماعندك لبس مانروح ليه تزعلين
رّذاذ : ياغيث حرام عليك ترا والله بزعل والزعل يأثر على ولدنا لا تخليني انفجر الحين
غيث : خلاص طيب لو اقولك انه فستانك جاهز وش تقولين؟
رّذاذ ناظرته بـعـدم تصديـق : تكذب!
غـيـث : متى غيث كذب على رّذاذ؟
رّذاذ : مدري
غـيـث : طيب افتحي الدولاب اللي فيه ثيابي
رّذاذ راحت لجهة الملابس فتحت الدولاب وناظرت فيه كرتون نادته: غيثث تعال ماقدر اشيل
جاء وشاف الكرتون : ياليل انا قلت لمريم تعلقهم
رّذاذ ضحكت : شيله يا محترم تحب تتعب زوجتك
غيث : طيب يا سيدة الشأن
رّذاذ جلست وهو طلع العلبة وفتحها وهي تناظر
غيث : شوفي هذا أسود وهذا عودي وبدولابك لونين روز بينك واخضر فاتح أختاري اللي تبين ومافي كعب أخذت لك فلات ولو تلبسين شوز أكون سعيد مكياج براحتك شعر خفيف طبعًا عشان راسك مايتعب
رّذاذ ضحكت : واكسسوارات فيه؟
غيث ابتسم : اكيد الحلق ذي عشان ماتكون ثقيلة على اذنك والباقي شوفيها في العلبة تبع الطقم
رّذاذ : ياربي غيث مافيني أجرب الحين
غيث : شوفي أنتِ حامل وتعبانة البسي الأسود أو العودي لانه الغوامق تخفي ولو انه زوجتي بكل حالاتها حلوة
رّذاذ قربت له وحاوطة ظهره بيداتها : تدري إني أحبـك؟
غـيـث قرب لها : لا ما أدري - مد يده حولها - كيف يكون الحب علميني؟
رّذاذ ابتسمت وهي مستحية : مدري صراحة نسيت
غـيـث ضحك وقرب لرقبتها وباسها
رّذاذ بدون ما تتحرك همست : غـيـثث
غـيـث: عيون غيث !
رّذاذ : لازم ننام بكرة بنقوم بدري
غـيـث: طيب خليني أخذ حب!
رّذاذ ضحكت وهي تبعد : خايفة اصارحك بالحقيقة وتضحك
غـيـث: وش؟
رّذاذ صغرت عيونها وهي تهرمش : تعبت من الوقفه
غـيـث: اوه تعالي تعالي
ومشى لحد السرير جلسها ورفع رجولها وقال : ارتاحي لا تتحركين أبد
رّذاذ ضحكت : طيب الملابس مين بيرفعها قلبت الغرفة
غـيـث : أنا برفعها
رّذاذ ابتسمت وهو راح يرفع الحوسة اللي صارت ، جوال رّذاذ رن وردت ..
رّذاذ : هلا يمه
سوسن : هاه لقيتِ فستان
رّذاذ : ما لقيت بس بعدين انقذني السوبر مان
سوسن ضحكت : غيث !
رّذاذ : وفيه غيره يمه قولي لي دعيتِ لي بوش عشان ادعي لعيالي بنفس الدعوة
سوسن : يا عمري نيتك طيبة ربي رزقك
رّذاذ : الله يرزقنا الرزق الحلال الطيب
سوسن ابتسمت : لا تصبحين على خير قلت بطمن بس
رّذاذ : يلا نتقابل بكرة
قفلت ونزلت الجوال ..
غـيـث جاء جلس عالسرير : شكلك انتِ كنتِ تدعين موب أمك
رّذاذ ضحكت : شكله
غـيـث: تخيلي صدق!
رّذاذ ابتسمت وهي تمسك يده : الصدق لو كنت أدري من البداية انه حياتي معك بتكون كذا ما كنت ترددت للحظة اني ادعي
غـيـث: أنا أحبك فوق ما تتصورين يا رّذاذ
رّذاذ : وأنا أحبك وياربّ ما أعيش يوم بالدنيا بدونك
غـيـث حط يده على فمها : لا تقولين كذا
وضمها لصدره بقوه وهمس : الله لا يذوقني دنيا بدونك يا رذاذي
-❤️-
صبـاح المـلكـة كلهم تجمعوا ببيت الجّد مـانع ..
بالتـحديـد الساعة ٩ الصباح ..
كـانـت طـيف بغرفة لحالها وعندها ضحى، حاطه ماسك وقاعدين يسون لها أظافرها ..
ضُحى : اسمعي طيف حاولي تبدي شعرك الساعة ١ كذا عشان ما يخرب ومكياجك المغرب كذا
طيف : تمام يا رُوحي
ضُحى ابتسمت : تخيلي اني ماخذة اجازة لعيونك ٢٤ ساعة متخيلة
طيف ضحكت : عقبال زواجك وتاخذين اجازة طويلة
ضُحى : عاد لا مفهوم الاجازة عندي لو مرة اسبوعين
طيف: نشوف وش بيخليك سلمان تاخذين
-🤍-
بيت رّذاذ وغيث
كانوا يفطرون ..
غـيث : الحمدلله خلصت
رّذاذ : بالعافية عليك
غـيـث: شوفيني بطلع بنروح مع عزام الحلاق وبعدين برجع نتجهز ونروح
رّذاذ : تمام بيجون العصر
غـيـث: عادي يمديك كلها مكياج وشعر اصلًا الملكة بعد العشاء بيجي الشيخ
رّذاذ ابتسمت : طيب
وقام طلع يبدل ملابسه
رن جوال رّذاذ وردت : هلا يمه
سوسن : صباح الخيرر وين الناس
رّذاذ : بالبيت
سوسن : ماراح تجين يعني ؟
رّذاذ : والله يمه ماقدر عالازعاج من بدري
سوسن : افا هذه عادتنا بكل مناسبة نتجهز ببيت جدك
رّذاذ ضحكت : غيث كسر القاعدة عاد مانقدر نقوله شيء
سوسن : اخخ يا غيث ليت كلنا كذا
رّذاذ : عاد يمه صدق حنا مرعوبين بعد اللي صار مو مشكلة نجي بوقتها وبعدين ترا ما اتحمل التعب بنجي مع المؤذون عشان نرجع بدري
سوسن : ياروحي الله يهونها وتقومين بالسلامة طيب حجزتِ ؟
رّذاذ : ايوه بيجون بس عالعصر
سوسن : تمام قلبي استودعتك الله حاولي تجين قبل العشاء عشان طيف
رّذاذ : ابشري مو عيوني
سوسن : مع السلامة
نزل غيث وهو يعدل شماغه : شفيهم
رّذاذ : يسألون
غيث : مو مشكلة
رّذاذ ابتسمت : يلا روح وتعال بسرعة
غيث : ابشري من عيوني -قرب لها وباسها- يلا مع السلامة
رّذاذ : الله يحفظك
غيث : انتبهي لنفسك ولا تقعدين طالعة نازلة
رّذاذ : تمام
بيت الجدّ مـانـع✨.
كـانـوا البنات بغرفة وكل شوي يروحون لطيف ~ والحريم بالغرفة الثانية ..
سوسن ابتسمت لما سمعت ام تركي : الله يالدنيا جاء غيث وكسر قاعدة عمر
الجدّة تماضر : عاد هذا غيث قادر عليهم
سوسن ابتسمت : الله يهون على رّذاذ حتى هي تعبانة بس يارب تتيسر
ام تركي : تعدي بحول الله كلنا خلفنا وهذا حنا بخير بس هالجيل تعبان يا معين
سوسن ضحكت : حرام عليك تحسسيني انك عجوزة
ام تركي : خلفت اربعة يارُوحي
سوسن : طيب حتى انا خلفت اربعة
ام تركي تنهدت : اهه يا سوسن الحب يصغر والهم يكبر
سوسن : قسم بالله اطقك بواحد لحد ما تصحين وش هالكلام كلنا شفنا هموم وهذا انتِ عندك حب وبقي مسويه فيها حزينة
ام تركي ضحكت : كفو طلعت سوسن اللي اعرفها
سوسن ضحكت : مستفزة
ام تركي : يلا بقوم ارتب شكلي
سوسن : وانا بجهز فستاني
-❤️-
المغرب بيـت عزام
كان جالس يعدل شماغة جت زوجة اخوها ومعاها البخور : تعال ابخرك
ابتسم عزام : الله يحفظك
ام عزام ابتسمت بحنية : عاد صدق الله ما رزقني بعيال بس اعتبرك ولدي الله يسعدك يا عزام
عزام : آمين يام عزام
ابو عزام كان واقف : ماشاءالله عزام اخذ علينا الجو
ام عزام ابتسمت : يستاهل عاد عريس
وبخرتهم وحطت لهم عود
عزام : يلا نطلع انا انتظركم بالسيارة عشان يمدي نوصل
ابو عزام : تمام يبه الحين نجي
طلع عزام وزوجة ابوه راحت تلبس عبايتها ..
-❤️-
بيت الجدّ مـانـع✨..
ريحة البيت كلـها بـخور وقهوة وعطور، والبنات وحدة نازلة وطالعة والرجال كل واحد عند زوجته مرة تعدله شيء
نزل الجد مانع على حوستهم وابتسم وهو مبسوط على هالجو ناظر بتماضر : رّذاذ ما قد جت؟
الجدة تماضر : باقي
الجد مانع ابتسم : الله المستعان
سلمان ابتسم : عادي عادي تعود
نايف نزل : على وش يتعود
سلمان ضحك : على بعد رّذاذ
نايف ابتسم وهو يرفع يداته : عاد شفت كنت تقدر علي جاء اللي ما تقدر عليه
الجد مانع : عشان رّذاذ حامل ولا اقدر له
ابو غيث : صح صح
سلمان : ايه تراه صادق
نايف : حتى انا صدقته
الجدة تماضر ضحكت : خلاص روحو للمجلس الرجال شوي ويوصلون
طلعو وهم يضحكون على ابوهم ..
نزلت سوسن وهي تبتسم : شفيك عمه
الجدة تماضر : على الشباب وابوهم
سوسن : وشبهم
الجدة تماضر : يضحكون على عمك مانع
سوسن : الله المستعان
الجدة تماضر ابتسمت : خلصتِ؟
سوسن : ايه الحمدلله خلصت
الجدة تماضر : ماشاءالله تبارك الله حصني نفسك
سوسن : ابشري ..
عند طيف بالغرفة كانت تطالع بنفسها ومتوترة : ضُحى حلو كذا؟
ضُحى: حلو والله حتى اسألي أمل مرة ناعم ومرتب
طيف : طيب البس فستاني عشان نشوف الشكل الكامل
ضُحى : ايه عادي
طيف : طيب بلبس واجي
أمل جات : اشبكم
ضحى : طيف مو عاجبها شكلها
أمل : افااا ليه
ضحى : شوفيها
أمل مشت : بنت طيف وينك
طيف صرخت : اصبري قاعدة البس
أمل : طيب اساعدك
طيف : لا تجيننن امل
أمل : طيب قاعدة انتظرك
طيف : بطلع طيب!
أمل : يلاااا
ضُحى صرخت : لحظة لحظة طيف عدي لحد ثلاثة ثم اطلعي
طيف ابتسمت : اوكاااي ، واحددد .. اثنيننن ، ثلاثثثثة .. تيرارررر
أمل ناظرتها رفعت حواجبها وعيونها امتلت دموع وصغرت شفايفها -سوت🥺- : واههه طيف مرة حلوة ماشاءالله
طيف ابتسمت : كيف؟
أمل حضنتها وعيونها مليانة دموع : يا حب عمري انتِ مبررروك الله يجعلها زواجة الدهر ويحميك
طيف: آمين ياعمري انتِ
ضُحى ابتسمت وضمتها : ياروحي ماشاءالله تبارك الله حصني نفسك يلا
-🤍-
عند رّذاذ وغيـث
غـيـث جاء طلع للغرفة خذا شوآر عالسـريع وطلع صلى المغرب ولبس ثوبه كان أسود نفس فستان رّذاذ وشماغ أبـيـض والكبك حقه فضي .. خذا الدهن تدهن وبعده رش من عطره..
رّذاذ دخلت : حبيبي خلصت ؟
غـيـث ابتسم : هلا يا هلا وش هالزين يا بنت نايف؟
رّذاذ ابتسمت : حلو؟
غـيـث: أكثر مما تتصورين تبارك الـرحـمـن
رّذاذ ابتسمت : طيب تعال اعطرك عـبـال الفحم يخلص
غـيـث ابتسم ومد لها العطر وصارت تبخ من وراء وعطرت شماغه وعطته يلبسه ، طلعت وخذت الفحم وحطت عوده .. جـات وقفت جنبه وبدأت تبخر شماغه ..
رّذاذ ابتسمت: الله يحميك
غـيـث: يلا البسي وأنا أكمل
رّذاذ : تمام
ومشت تلبس فستانها، ناظرت نفسها بالمريا توترت ونزلت طلعت كعب ولبسته ..
غـيـث ناظرها : شفتك ترا
رّذاذ ابتسمت وهي تصغر عيونها : صغير ياعمري
غـيـث: لا صغير ولا كبير البسي فلات
رّذاذ عبست : غيثث!
غـيـث قرب لها وباس بـاطن يدها : حبيبتي وعمري وقلبي وروحي أوعدك بعد الولادة وتقومين بالسلامة ما ادخل بلبسك أبد بس الفترة ذي اسمعي كلامي أنا مو مستعد أفقدك أو افقد قطعة منك لو سمحتِ لا تعاندين ولا تزعلين
رّذاذ ابتسمت بهدوء وكانت شوي وتبكي : طيب
غـيـث ابتسم وهو يرفع راسها وهو حاط يده على دقنها : عشانك
رّذاذ ابتسمت : طيب!
غـيـث طلع وهي كملت تتجهز، خلصت وتبخرت وتعطرت ونزلت أول ما نزلت سمعت زفة ملكتهم وأكثر مقطع تموت عليه..
غـيـث ابتسم : هلاا
رّذاذ ابتسمت وحضنته : عـبـالك كذا بغض النظر ؟
غـيـث: أكيد لأني أحبك
رّذاذ : طيب يلا ترا تأخرنا بيذبحوني والسبب أنت
غـيـث: تحصنتي طيب؟
رّذاذ: ايه الحمدلله
غـيـث: عندك أغراض ؟
رّذاذ : ايه خلاص طلعتها مريم السيارة
غـيـث ابتسم وهو يمسك يدها : يلا
رّذاذ ابتسمت ومشت معه..
-بيت الجدّ مـانـع-
عند الحريم وبالتحـديد بغرفة طيف
سحاب : يابعد الدنيا طيف الله يحميك طيف تبارك الرحمن
ام تركي دخلت وشافتها ابتسمت وهي تتأملها : طيف؟
طيف ابتسمت وهي تناظر بأمها : عيوني
ام تركي : وش هالجمال تبارك الرحمن ؟
طيف استحت ونزلت راسها ..
قاموا البنات يتسحبون ام تركي قربت لها ومسكت يديها : يا روح روحـي أنتِ تـبـارك الـرحـمـن لـو مو الصوت مــا عـرفتك!
طيف : يمه لا تبالغين عاد
ام تركي : الله يتمم لك ويسعدك ويعوضك
طيف : آمين ومن قال
ام تركي : خالك نايف بيجي يسلم عليك يقول
طيف : ليه
ام تركي : عادات وتقاليد
طيف : طيب يوتر
ام تركي ضحكت : اص جاء
ودخل نايف وسوسن ابتسم : تـبـارك الـرحمن يا حظ من صارت طيف حلاله
طيف ابتسمت : تسلم خالي
ابتسم نايف : الله تذكرين يوم كنتِ انتِ ورّذاذ بحضني!
طيف ضحكت وهو ابتسم وضمها : الله يسعدك ويحفظك ويرزقك حياة سعيدة ساكنة مليانة طمأنينة وعوض جميللل
طيف ناظرته وعيونها مليانة دموع : آمين ياربب
نايف ابتسم وهو يناظر بسوسن فهمت وخذت ام تركي وطلعو وخلوهم لحالهم
نايف : اجلسي يبه
جلست طيف وهو حلس جنبها مسك يدها ..
-🤍..
برا نزلوا سوسن وام تركي الا رّذاذ داخلة ..
سوسن : ياهلاا ياهلاا ما بغينااا
رّذاذ ابتسمت : ياويلي من زمان على بيت جدي اشتقت!
ام تركي ضحكت : حياتي مبروك الافراج لو انا منك اتمارض اليوم ولا ارجع
رّذاذ ضحكت : الله يستر ما امرض صدق وطلعت الكعب من شنطتها جات بتنزل امها لا تنزلين هاته
ابتسمت رّذاذ : لا يمه انا
سوسن : لا عمري هات ونزلت لبستها الكعب وشالت لفلات ورفعته
ام تركي ابتسمت : ياقلبي سوسن الله يحفظك
رّذاذ : يمه وين بابا وحشني وحشني!
ام تركي : عند بنتي
رّذاذ ابتسمت : يااه قلبي بطلع اشوفهم خذي ماما
وعطتها اغراضها وطلعت
سوسن صرخت : بنتت شوي شوي
رّذاذ : اوكااي
وطلعت تسأل وينهم ..
-بالغرفة عند طيف ونايف ..
نايف ابتسم وهو يمسك يدها : شوفي يا طيف صح انك بنت أختي لكن ربي يشهد غلاتك من غلاة رّذاذ وكلكم بناتي واحبكم كبرتوا قدام عيوني
طيف ابتسمت : الله يحفظك لنا ولا يحرمنا منك
نايف همس : وتراني ابوك أي شيء تبينه علميني ، وأي أحد يضايقك اتصال واحد وانا بوجهه
طيف : ابشر
دخلت رّذاذ وابتسمت : يه يه يه طيفي صارت عروسسس - وتلحنها بصوتها-
نايف ابتسم وهو يقلدها : يه يه يه رّذاذي طلعت من بيتها
رّذاذ ضمته : وحشتني وحشتني وحشتني
نايف ضحك وهو يضمها : وانتِ بعد ياحبي
رّذاذ : يه يه اشوفك صاير شاعري وروحك شبابيه هل هذا تأثير غيابي أم تأثرك بطيف؟
نايف ضحك : هيك وهيك
رّذاذ بققت عيونها : بابا ارجع نفس قبل شفيك
نايف ابتسم : شوفي بنتي عروس
رّذاذ ناظرتها 🥺: وه وه اختي الحلوة عروسسس
وضمتها طيف : شوي شوي تراني عروس
رّذاذ ضحكت : وااي تراني حامل
طيف ابتسمت : اسفين
نايف ابتسم : يلا حبايبي اخليكم تحصنو طيب؟
رّذاذ : بابا حصني تكفي اشتقت
نايف : ليه غيث ما حصنك؟
رّذاذ ناظرته : شوف بابا حصني وخاصمني وتكفى لا تقوله اني لابسة كعب احسه بيسألك
نايف : طيب يابنتي ياعمري خايف عليك وبعدين وش تبين فيه بس يعور رجولك وظهرك
رّذاذ : شوي وانزله يلا روح للرجال ولا تنسى لا تقوله شيء باااي احبك
وطلعته وقفلت الباب وطيف ماتت ضحك عليها..
رّذاذ لفت : طيففف شكلك يجنننن تبارك الله
وشوي دخلو البنات كلهم وصاروا يحضونها ويسلمون.. كانت لابسة فستان درجات الوردي ناااعم وشعرها مسويته فير ومكياجها ناااعم وحاطة مناكير عودي ولابسة معب شفاف .. كلهم ابتسموا على شكلها قد ما كان بسيط كان حلووو ..
بـعـد مرور الوقت نزلت طيف للغرفة عشان الشيخ وصل~ جاء تركي ابتسم : تبارك الرحمن وش هالزين؟
طيف ابتسمت : عيوني أنت
تركي : يلا وقعي
طيف ابتسمت : ووقعت
وكلهم قاموا يزغرطون
ابتسم تركي : مبروك ياحبيبة اخوك انتِ
طيف: الله يبارك بعمرك وعقبالك يارب
تركي ابتسم وخذا الدفتر وراح وهي البنات صاروا يباركون لها~
ام تركي : شوي وبيدخل عزام طيف
طيف : تمام
والبنات طلعو وجات عمة عزام
باركت لطيف وجلست شوي ودخل عزام ومعه تركي
عزام : السلام عليكم
ام تركي : هلا وعليكم السلام يمه مبروك حبيبي
عزام : الله يبارك فيك ياعمه
تركي : مبروك لكم
عزام : الله يبارك فيك يا تركي
تركي ابتسم : يلا اخليكم
وطلع ~
ام عزام : هاه عزام تبغا تطلع تلبسها عند الحريم ولا هنا
عزام ابتسم : لو عادي ودي هنا ما ودي ادخل عالحريم
ابتسمت ام تركي : اللي يريحك
وجابوا الطقم لبسها دبلتها والاسوارة وجابوا لهم عصير وطلعو ..
عزام ناظر فيها وابتسم : مبروك يا طيف
طيف همست : الله يبارك فيك يارب
عزام ناظرها وهو من منزل راسه عشان يشوف وجها : وي فين الجرأة حق أمس؟
طيف ابتسمت بخجل ورفعت راسها : مبروك عليك انا
عزام ضحك : الله يبارك فيك
طيف : اجيب لك قهوة؟
عزام : لا ياعيوني تقهويت
طيف مسكت يداتها وهي متوترة مد ايده ومسك ايدها : لا تتوتري ولا تخافي
طيف : مو خايفة
عزام ابتسم : شوفي طيف ماراح أكذب عليك أنا الحمدلله بفضل الله عز وحل إنسان سـوي ماعنـدي حركات، حتى وأنا كابتن ما كان عندي حركات وطول عمري الحمدلله ما كلمت بنات ولا جت عيني بعين أحد عشان كذا ما حبيت أكلمك قبل وتصير خيانة لزوجتي
طيف عقدت حواجبها وهي مبتسمة : بس أنا زوجتك عادي لو كلمتني ..
عزام ابتسم : قبل نص ساعة ما كنتِ كذا
طيف ضحكت : صح
عزام : وأنتِ عندك شيء تبين تقولينه؟
طيف ابتسمت : حاليًا لا ..
عزام ابتسم : زين تبين نطلع نتعشى برا؟
طيف : شوف لو الرجال وافقو مو مشكلة
ابتسم عزام : ابشري بستأذن ونبلغك
طيف ابتسمت وهو قام وطلع تنفست بهدوء وهي تشوفه ..
برا كانوا الحريم ياكلون ~
رّذاذ دخلت المطبخ وهي قدها تعبانة من الوقفة والمشي خذت مويا وكانت جالسة تشرب ..
دخل غيث وشافها ابتسم : وشـاء القدر أن يجمعنا
ابتسمت رّذاذ: غـيـث وش جابك؟
غـيـث: عمتي تبغاني
رّذاذ : ضحى؟
غـيـث : ايه
رّذاذ ابتسمت وهي تحرك الفستان يغطي رجولها ما تبغاه يلاحظ كعبها ..
غـيـث عقد حواجبه : شفيك!
رّذاذ ابتسمت: ولا شيء
غـيـث ناظرها بتساؤل : متأكدة ؟
رّذاذ: ايه
ام تركي دخلت : غيث جاء وناظرت : ايه غيث اسمع
رّذاذ أثناء كلامها كانت تحاول تنزل ورفعت الفستان عشان تقدر تنزل وعيون غـيـث عليها ناظر بعمته وهو يأشر بيده بمعنى لحظة ~
رّذاذ وقفت وهي تناظر فيه غـيـث ناظرها وبان على وجهه العصبية ..
رّذاذ تنهدت وقالت اوفف بتعب طبعًا..
غـيـث وجهه حمر وكان يعض شفايفه عشان ما ينفجر فيها ..
ام تركي : غـيـث شفيك ؟
رّذاذ ناظرته : غيث ترا ما صار شيء بس تعبت من المشي والحين بروح ابدل ولفت بتمشي تكرفست بالفستان وكانت بالطيح وسندت نفسها في الدولاب .. ام تركي مسكتها بسم الله عليك
غـيـث همس : رّذاذ كلامي ماله معنى عندك؟
رّذاذ ناظرته : غـيـث والله ما كملت ساعة لابسته بس عشان اسلم عالحريم وببدله كنت
غـيـث ناظرها وصوته ارتفع : يعني أتعب أشهر وأعطل الناس عن زواجهم عشان المدام وبالنهاية تهدمين كل اللي بنيته بلمح البصر
رّذاذ ناظرته وهي تحاول ما تنفعل مسكت يده : غـيـث عمري هدي نفسك ما صار الا خير
غـيـث سحب كتفه بقوة و رّذاذ رجعت لوراء من حركته : لا تكلميني ولا تجين معي ارجعي بيت ابوك لحد ما يرجع لك عقلك أنا تعبت منك ومن قلة مسؤوليتك
وطلع وضرب الباب رّذاذ وجها حممممر وعي تناظر بالباب .. ام تركي مسكتها تعالي يمه رّذاذ هدي اعصابك عشان اللي ببطنك
رّذاذ مسكت عمتها وطلعت معاها دخلتها غرفتها جلست على سريرها ..
ام تركي نزلت عند رجولها نزلت الكعب ورذاذ ما حركت ساكن طلعت ام تركي من الغرفة وقفلت الباب ونزلت عند طيف..
عند رّذاذ بالغرفة نزلت الفستان ومسحت المكياج وخذت شوار سريع ، طلعت ولبست بجامتها وحطت راسها ونامت .. ايه نامت .. رّذاذ عمره ماحد صرخ عليها وهاوشها اليوم لما غـيـث هاوشها نامت كانت هذه أبـرد ردت فعل تقدمها قدام غضب غـيـث..
بـالـنـسبة لـِـ غـيـث ضرب الباب وطلع للشارع شغل سيارته ومشى لبيتهم .. وصل البيت وبحزن شغل الكيبل ودخل يتمشى بالبيت .. دخل المجلس والصالة وطلع لغرفة امه انسدح بجهتها ضم مخدتها ونام وكأنه بحضنها ..
أحيـانـًا نواجه الحياة ومشاكلنا بالهدوء..
بدون أيّ ردة فعل هدوء تااام .. هذه بالضبط كانت ردة فعل غـيـث ورّذاذ .. غـيـث الكابتن العصبي اللي يلين مع رّذاذ شب.. و رّذاذ الأميرة الدّلوعة، واجهت انكسارها الأول من أميرها بالنوم..
بالمـنـاسبة المشكلة مو من فـراغ .. رّذاذ مليانة وغيث كذلك.. غـيـث من وفاة امه وهو مليااان .. وخسارة الجنين .. والآن التـهـاون والاستـخفـاف..
رّذاذ مـليـانة .. من سالفة إن أهلها مو أهلها .. و من سالفة التسقيط .. ومن سالفة الثلاثة الأشهر الماضية قعدة البيت هلكتها وقررت تتمرد..
لكن نحن مليانين بأيّ موقف؟ .. الحدث اللي باقي فينا داخلنا ما نسيناه!
بـعـد مرور يومين ، بيت الجدّ مـانـع..
كانوا جـالسين يتقهون ..
رّذاذ جات : مساء الخير
الجدّ مـانـع: حيّ هالزول تعالي يابعد الدنيا
ابتسمت رّذاذ: هلا يبه كيفك
الجدّ مـانـع: الحمدلله بخير وأنتِ
رّذاذ: بخير الحمدلله
سحاب ابتسمت : أعطيك قهوة؟
رّذاذ: لا ياعمري تسلمين
الجدة تماضر : سحاب وين ابوك
سحاب ؛ نايم يمه رجع من الشغل تعبان تغدأ ونام
سلمان دخل : مسااااء النور
ابتسموا له ..
سلمان : عطيني فنجان ياقمر
سحاب ابتسمت صبت وعطته..
سلمان : رّذاذ شفيك؟
رّذاذ: ولا شيء شفيه؟
سلمان : اسأل بس
غـيـث دخل وسلم : السلام عليكم
الجدّ مـانـع ؛ هلا هلا ارحب وعليكم السلام والرحمة
غـيـث : هلا فيك يبه
وسلم على راسه وجت عينه على رّذاذ لف وسلم على جدته وحضن سحاب : سوسو وين بابا؟
سحاب : نايم ياعمري
غـيـث: ايوه
رّذاذ لمت رجولها وهي جالسة ابتسم الجد ومد البشت اللي لابسه وحطه عليها ابتسمت رّذاذ وحاوطته ذراعه ..
غـيـث ناظرها ورجع لف لسحاب : يلا أنا رايح لو تبون شيء كلموني
وطلع ..
سلمان ناظر رّذاذ وهي شادة على يد جدها، تنهد وقام طلع..
سلمان : غيث لحظة
غـيـث ناظره : بالله روح خلي رّذاذ تعدل جلستها غلط بطنها بيعورها
ابتسم سلمان ودخل اشر لابوه
الجدة تماضر : رّذاذ يمه ما يصير كذا
رّذاذ ناظرتها : وش تبيني اقعد اترجاه !
الجدة تماضر : بس مهما صار هو زوجك
رّذاذ ناظرتها : يمه تماضر أنتِ معي ولا ضدي؟
الجدة تماضر : لا أنا معك ولا معه أعلمكم لنفسكم
الجدّ مـانـع ابتسم وهو يناظر رّذاذ: قومي قومي
رّذاذ: وين
الجدّ مـانـع: تعالي بس
قامت وهو عدل بشته وهي رفعت الوشاح اللي عليها كانت لابسة شوال أسود ماسك عليها ومطلع بطنها وجسمها طالع حلو فيه ولابسه فوق شال الشتاء .. وشعرها مسدول وحاطة مسكرا ومرطب ..
طلعو للحوش مشى معاها الجدّ مـانـع إلى مشتل الورد وابتسم : هنا الرذاذ
رّذاذ: يعني تبغاني أقعد مع الورد ..
الجدّ مـانـع: ايه اقعدي معه ..
قعدت رّذاذ عالكرسي اللي جنب مشتلها وهو كـان بالحوش من الجهة المقابلة يناظرها ..
حطت يدها على خدها وهي تتذكر أول لقاء لهم عند المشتل .. نرجع لهذاك اليوم؟..
كانت ترتب الركن كله اللي خاص بجدتها ونظفته
وبدأت تركب شتلاتها اللي جابهم لها
أبوها وهي مبسوطة فيهم وصارت تغني ~
بإنسجام فتح الباب ودخل وابتسم
وهو يدخل شنطته لف بيدخل و عقد حواجبه
وهو يشوف أحد واقف عند مشتل الورد حق جدته
ابتسم وهو يشوف شكلها ويتأملها كانت معطيته ظهرها وهي تشتغل بالوردّ وبس صوتها اللي صادر ابتسم وهو يقرب بهدوء ويسمع وش تغني
سمع المقطع : شد حيلك في جروحي
خل هذا الجرح يكبر ، طيح من هالعين أكثر
حست بأحد وراها ولفت وشهقت بفزع
وكان بيدها الورد الأصفر طاح عالأرض
وهي مبققة عيونها بصدّمة~
ابتسم غيث ونزل أخذ الشتلة من الأرض
ومسكها وحطها في السطل ..
ابتسمت بربكة : شكرًا
هز رأسه غيث وهو يغمض عيونه بامتنان
ودخل للبيت ..
غسل أيده عند الباب ودخل .
فتحت عيونها بحزن ونزلت دموعها وهي تناظر بالورد .. شافها وهي تمسح دموعها لف وطلع من البيت كله..
-❤️-
بيـت محسن وبالتـحـديـد غرفة طيف
كانت جالسة وتكلم عـزام ..
عزام : الحين بخليك تشوفين البيوت واللي يعجبك بالصور نروح نشوفه مع بعض
طيف : عـزام سوي أنت براحتك ماتفرق عندي
عـزام: زين ياقلبي خلينا نختار سوا وبعدين بكمل لحالي
طيف ابتسمت ؛ طيب متى نشوف قاعة الزواج؟
عـزام: ما أعـرف أنتِ تبين مع عمك ولا؟
طيف : ما تفرق شوف أنت وش الأفضل لك عشان ميزانيتك لا تتحمل فوق طاقتك أنا يكفيني القليل
ابتسم عـزام: طيب وتجهيز نفسك؟
طيف : يمدي ماعليك قاعدة أجهز مع ضحى
عـزام: تمام أجـل الحين بقفل بطلع عندي مشـوار
طيف : تمام ياعيني انتبه لنفسك ..
وقفـلت وقامت طلعت ..
بـالـصالة كانوا جالسين ضحى وامها وسراب~
ضُحى: وشبك؟
طيف : ولا شيء كلمت عزام
ضُحى: وش قال
ام تركي : قالها شكله عشان الزواج
طيف : ايه يقول نخليه مع ضحى وسلمان قلت عادي
ضُحى: أيوه والله وتوفير ترا أنا قلت لسلمان مانبغا شيء مبالغ فيها نبغا شيء مرتب وحتى المعازيم ماراح نعزم واجد
ام تركي : أحسن لكم أصلًا الحين بدأت تنتشر ثـقـافة الزواج العائلي
سراب ابتسمت : ياعيني يا ثقافة
ام تركي ابتسمت : اسكتي
وصاروا يسولفون عن التجهيزات
-🤍-
بـيـت الجدّ مـانـع
كانت جالسة مكانها ..
جات سحاب : بنت رّذاذ وش تسوين؟
رّذاذ: تعالي جالسة
سحاب ابتسمت : متى نروح ناخذ فساتين للزواج
رّذاذ : والله مدري بطني قده قدامي باخذ شيء يكون كلوش
سحاب : ياعمري هانت الله يخفف عنك
رّذاذ: طيب عندك حساب خلينا نختار ونفصل مو احسن
سحاب : تمام شوفي
وصارت توريها شوي رن جوال رّذاذ..
سحاب ابتسمت وهي ترفع حاجب : ردي
رّذاذ تنهدت وردت : هلا يمه
سوسن : هلا فيك وش تسوين؟
رّذاذ: قاعدة مع سحاب نختار فساتين
سوسن : ماودك تجين
رّذاذ: لا
سوسن : براحتك
رّذاذ: تبين شيء؟
سوسن : لا مع السلامة
وقفلت ..
عند سوسن نزلت الجوال وناظرت بنايف..
نايف : اشبك؟
سوسن : نفسي اعرف شفيهم
نايف: عادي خليهم يتصالحون ولا بكيفهم..
سوسن : الله المستعان..
ليث : يمه وش تبين خليهم حيلهم بينهم متزوجين ويعرفون مصلحتهم
سوسن : شايلة همها يا يمه اخاف من كثر الكبت تتعب
نايف : لا ماعليك الأمور تمام
سوسن : الحين يبغا لنا نجهز لزواج طيف وسلمان الله يعينن
نايف ابتسم : خذي البنات واختاروا والبطاقة معك
سوسن ابتسمت : المشكلة مو في البطاقة المشكلة في السوق يا كرهي للفراره
ليث: بسيطة ما عليك
سوسن قامت : أنا رايحة اشوف البنات أجل راحت وحدة بقي ثنتين خل نشوفهم
ضحكوا نايف وليث وهي طلعت
-🤍-
بيت غـيـث كان جالس واتصل عليه عـزام..
غـيـث: هلا عـزام
عـزام: وينك؟
غـيـث: بالبيت ويني يعني
عـزام: تمام افتح الباب
غـيـث : طيب
وقام فتح الباب دخل ومعه كيس وملفات
عـزام: شفيك كأنك مطلق
غـيـث ابتسم : ماني مطلق
عـزام: جيب لنا شاي ولا تكثر هرج انت ورذاذ ما اخذنا منكم الا الهم
ضحك غيث واخذ الكيس وراح المطبخ حظر لهم شاي .. وجاء..
عـزام: تعال شوف ذي آخر الملفات راجعها
غـيـث: تمام بكرة
عـزام: شفتها؟
غـيـث: للأسف
عـزام: ليه الاسف مو زوجتك وحبيبتك؟
غـيـث: يـاخي تعبت من الاهمال ! ياخي وحدة توها مسقطة وحالتها حالة وتقولها لا تلبسين كعب تعاند وتلبس
عـزام ابتسم : صدقني يا غـيـث راح تندم لو ولدت وأنت ما أنت قريب منها
غـيـث: ودي يا عـزام ودي بس بتموتني ناقص عمر والله ياخي أخاف عليها من نسمة الهواء
عـزام كان مبتسم وهو يشوف حب وخوف غيث : أنا فاهم شعورك أنت صرت كذا بعد وفاة امك الله يرحمها شوف أنا وأنت أخوان دنيا وشركاء في القدر حتى أنا من بعد وفاة الوالدة وأنا أخاف على ابوي بشكل ما تتصوره وزعلت على أمور ما تستاهل بس وقتها استوعبت انه خوفنا عليهم ماراح يحميهم الدعاء هو اللي بيحمي أحبابنا..
غـيـث: قلبي ما طاب لا طاب كلمتها
عـزام: اللي يريحك يا اخوك
-🤍-
بـعـد مرور أسبوع في بيت الجدّ وتحديدًا غرفة رّذاذ
كانت ماسكة الألوان وترسم دق الباب ودخلت طيف
طيف : رّذاذ وش تسوين
رّذاذ ابتسمت : ارسم
طيف : وحشتيني كيف حالك
رّذاذ: الحمدلله كيف تجهيزاتك أنتِ؟
طيف : الحمدلله خلصت كثير واليوم قررت أجي عندك
رّذاذ: ياحظنااا والله تعالي
طيف ابتسمت وهي تغمز لها : قلت لسحاب تكلمهم يجهزون لنا جلسة بالسطح زي زمان شرايك ؟
رّذاذ: حلو
طيف : يلا أجل بنزل المطبخ أجيب أشياء وأنتِ البسي لبس يدفيك
رّذاذ: تمام ياعمري
طلعت طيف وهي نزلت الألوان وقامت ..
طلعت للسطح وشافت الجلسة ابتسمت وجلست
طيف : واه يازين المبسم الحلو
رّذاذ ضحكت : بس
طيف ابتسمت وصبت شاي ورذاذ وجها قلب وصارت تناظر بالشاي ..
طيف : شفيك رورو
رّذاذ تكلمت بصوت واطي : كان ما يخليني أشرب شاي يقول عشان الحديد
طيف همست : يحبك
رّذاذ : اللي يحب يصبر
طيف : وبعد يتعب
رّذاذ: طيف لا تبررين
طيف : طيب عطيني فيلم اشغله ونشوفه
رّذاذ: شغلي على ذوقك
ابتسمت طيف وصارت تدور ..
وشغلت الفيلم .. رذاذ ناظرتها وهي عارفة انها قاصدة تكت وصارت تتفرج معاها ..
ابتسمت طيف وهي تتفرج وشوي جو معاهم البنات تفرجوا وخلص الفيلم وطلعو..
بعد مرور الوقت كانت طيف منسدحة وتناظر برذاذ ..
رّذاذ: طيف عندك كلام قوليه وريحيني
طيف ضحكت: ياخي رّذاذ تعرفيني ما اسكت عن الغلط وهذه المرة أنتِ غلطانة ترا
رّذاذ: قولي والله
طيف : والله وبدون حلفان حرام يعني هو توه فاقد امه وبعدين فجأة الولد والحين انتِ حرام ترا كذا كثيرررر والله مو انتِ تحبينه حسي فيه ياختي!
رّذاذ دمعت عيونها : احس والله احس بس ياطيف قهرني تخيلي فشلني بنص المطبخ وصرخ علي كأني بزر عنده
طيف : عادي زعل عصب انقهر طبيعي يا رّذاذ
رّذاذ : طيف انكسر شيء داخلي ما أحس يتصلح بالسهولة ذي
طيف : رّذاذ لو بنتكلم عن شيء انكسر داخلنا ماراح انتهي من الكلام، كلنا مكسورين وكلنا تعبنا بس يا رّذاذ بطنك كبر وحلويتي مع الحمل وبكرة تجيك الالام حرام تحرمينه من هذا كله هاللحظات تنعاش سوا
رّذاذ دمعت : لا
طيف : وش المبدأ الغبي ذا يعني لو ما كلمني ما اكلمه لو ما سأل ما اسأل
رّذاذ: طيف انتهى لا تضغطين علي ترا ما أتحمل
سكتت طيف وشوي صاروا يسولفون عن الزواج..
مـرت الأيـام والـكـل انشغل في التجهيزات ..
بين الأسـواق وشركات التنسيق، والأمور المعهودة ..
اما بالنسبة لطيف وعزام كانوا يجهزون للزواج ويأثثون لبيتهم بنفس الوقت وكل يوم يكتشفون حاجات جديدة ببعض، غـيـث ورّذاذ كل واحد يـكـابر من جهته ولا في أيّ تنازلات..
كـان يجي للجدّ يشوفها ويطلع كل أسبوع مرة، كانت تكفيه على حسب ظنه..
رّذاذ بطنها كبر وكل مالها تتعب من الحمل بس بدون ماتبين لأحد..
فـي لـيـلـة فـرح ..
ضُحى وسلمان ~ طيف وعـزام ..
الـكـل كان مستنفر خصوصًا أم تركي بتزوج ثنتين مو وحدة، في بيت محسن الساعة ٩:٣٠ الصباح ..
ام تركي صرخت : سرابببب اخلصي هاتِ الشنطة مافي وقت!
طيف نزلت : يمه شوي شوي طالعين خلاص
ضُحى كانت جالسة بالصالة وتطقطق على جوالها ناظرت فيها ام تركي : بنت ضحى وقته الحين خلصتِ اطلعي السيارة بسرعة
طيف ضحكت وعطول مشت مع ضُحى
وكلهم طلعوا ~
محسن جاء وشاف ام تركي تعلم الشغالات يشيلون الاشياء السيارة : اهدي اهدي
ابتسمت : لا تقول اهدي بنزوج ثنتين مو وحدة
محسن : بسيطة ان شاءالله اهم شيء أنتِ ريلاكس
ام تركي : ابشر عمري
محسن ابتسم وباس جبينها : الله يقويك ياحبيبتي يلا انا انتظرك بالسيارة
ام تركي : تمام
وطلع هو وهي عطتهم آخر كيس ومشت وراهم ..
-🤍-
بيت الجدّ مـانـع..
كانوا يفطرون، و رّذاذ نزلت جلست معاهم
سلمان : انورت واسفرت يا اميرة
رّذاذ ابتسمت : نورك يا عريس
الجدّ مـانـع: رّذاذ حبيبتي تعبانة؟
رّذاذ ناظرته وهي تبتسم : لا قلبي بخير أنا
الجدة تماضر : لو انك تعبانة نكلم غيث يجي يوديك المستشفى
سلمان ابتسم : مو وقتك اليوم تتعبين ترا
رّذاذ: لا والله مافيني شيء اصلًا الحين شوي وبنطلع عشان نتجهز بدري
الجدة تماضر : ايه والله ضُحى قايلة تعالو بدري لا تقلب علينا
رّذاذ ابتسمت : زين يالله انا اغراضي نزلتهم عشان ما اطلع بلبس عبايتي
الجدة تماضر قامت تلبس وتنزل اغراضها..
سلمان : يلا انا اكلمهم يشغلون السيارة وعطيني اغراضك اشيلها ..
أخذ أغراض رّذاذ وطلع .
الجدّ مـانـع جاء لم رّذاذ وبحنيه : بنتي تعبانة؟
رّذاذ ابتسمت : لا يبه والله بخير
الجدّ مـانـع: أجل لو تعبتِ كلمي امك ونرجعك زين؟
رّذاذ: ابشر من عيوني
الجدّ مـانـع: يلا اطلعي السيارة شوي وتجي امك
وطلعت سلمان ابتسم وهو يشوفها ومسكها وساعدها تطلع ..
رّذاذ: ياحظي بالخدمة ذي
سلمان : آخر يوم لك بعد ٢٤ ساعة كلي لضحى
رّذاذ: حسافه و.. -جت بتكمل جاها الم غمضت عيونها ومسكت على بطنها -
سلمان : رّذاذ عمري تبين أوديك المستشفى
رّذاذ: عادي طبيعي نغزات تجي للحامل ماعليك
سلمان : تمام
ومشى فتح جواله وارسل لغيث "ترا زوجتك تعبانة بطل مكابر واهتم فيها ".
طلعت الجدة وراحو للقاعة
بيـت غـيـث..
كان في بيت أهله جو ابوه واخواته وصاروا فيه فطروا وكان جالس يشرب قهوة تذكرها وابتسم، وشوي شاف الرسالة فتحها وتنهد كتب لسلمان "اشبها" ..
سحاب : غيث احنا ابوي بياخذنا تجي؟
غـيـث: لا وين بقي بروح اخذ شوار وبطلع عندي اجتماع اجي عالمغرب ممكن
سحاب ابتسمت : تمام حبيبي
غـيـث: الله يحفظكم
وطلعت سحاب
بيـت نايف✨..
طـلعو ، بالسيارة ..
سوسن : ياربي من رّذاذ فوق هذا كله ماترد
نـايـف : خلاص سوسن خليها براحتها
سوسن: تمام
لبنى : صدق خلوها خلاص ترا الضغط يولد الانفجار
نـايـف: صادقة يا جميلة
لبنى ابتسمت
بنان : ترا رّذاذ تطفش من الكلام الكثير انا اشوف كل ما كلمتوها كل ما عاندت خلوها
نـايـف : بعد أحسنتِ يا بطلة
سوسن ضريت نايف على يده : خلاص يا استاذ فهمنا
نـايـف: وش اسوي فخور فيهم وهم يقولون كلام لي سنة أحاول افهمك هو ولا حياة لمن تنادي
سوسن : خلاص فهمت
نـايـف : الحمدلله..
،،
وأخـيـرًا في الـفـندق كـان كبير جدًا🤍.
حجزوا جـنـاح للعرايس ، والباقين تقسموا ..
بالنسبة لـ رّذاذ كان فعلًا تعبانة وقالها سلمان انه حجز لها لحالها ..
أول ما وصلت دخلت غرفتها وحطت راسها عالسرير واتصلت على الدكتورة ..
قالت لها وضعك طبيعي بس لو حسيتِ انك مرة تعبانة تعالي ممكن نعطيك شيء يفيدك .. قـررت انها تنام لحد العصر ..
بس شوي دخلت امها .. رفعت راسها وشافتها رّذاذ ناظرت امها : الخصوصية وين؟
سوسن صرخت عليها : قسم بالله اصفقك كف لحد ما تصحين على نفسك من امس اتصل ما تردين والحين تقولين خصوصية امك انا يابنت طمنيني اتصلي قولي انا بخير أقل شيء!
رّذاذ : يمهه والله تعبااانة بموت
سوسن ناظرتها : شفتِ! وانا آخر من يعلم
رّذاذ سكتت ما ردت
سوسن : وش تحسين علميني؟
رّذاذ: هبوط
سوسن : خلاص حجيب لك حلا الحين وانتِ ارتاحي
وطلعت اتصلت على ليث ..
سوسن : الو ليث ماما وينك؟
ليث : حولك امري
سوسن : بالله مرة جيب وحدة دونات وايس وايت موكا
ليث : لمين
سوسن : اختك تعبانة وضغطها نازل شكله جيب خلنا نتصرف
ليث : تمام قلبي جايك
وقفلت ومشت لغرفتها فتحت وشافت نـايـف يعلق ثوبه وهو يغني سوسن : نـايـف ترا رّذاذ تعبانة مرة
نـايـف: وش نسوي يا سوسن
سوسن : كلم غيث قوله يحط حل للمهزله ذي ما جبت بنتي من الشارع أنا
نـايـف: ابشري ان شاءالله
سوسن جلست وشوي دق الباب قامت فتحت كان ليث : خذه لغرفة رذاذ اكلها وخلها تشرب القهوة حالية حلوة
ليث : ابشري
وطلع وقفل الباب .. دق على رّذاذ قامت فتحت الباب ودخل .
رّذاذ: هلا ليث
ليث : خذي امي تقول كلي ذي
رّذاذ: تمام
ليث : تبين اوديك المستشفى طيب؟
رّذاذ: لا ياعمري
ليث : اوك انا برا
طلع وقفل الباب .. هي قامت ابتسمت ورفعت شعرها شغلت الاغنية اللي تحبها ورتبت اغراضها على السرير ~ وخذت قهوتها وقعدت تتقهوا واكلت الدونات ابتسمت وناظرت ببطنها : يمه من حبيب ماما يبغا حلا
ورجعت تاكل وهي مروقه ومطنشه كل شيء~
بغرفة ام تركي ✨
محسن : ضُحى انا بنام وبقوم العصر
ام تركي : تمام حبيبي وانا رايحة اشوف طيف وضحى وش مسوين
محسن : تمام وشوفي تركي بعد أعتقد مافطر
ام تركي : اوك
طلعت للبنات ودخلت عليهم كانوا قاعدين يسون اظافرهم ابتسمت وهي تطالع فيهم ..
طيف انتبهت لها: يمه؟
ام تركي ابتسمت : عيوني
طيف : وشبك روحي ارتاحي
ام تركي : جيت اطمن عليكم كلمتِ عزام؟
طيف : ايوه قال ماراح يجون بدري
ام تركي : ايوه -ناظرت بضحى- ضُحى وش تسوين؟
ضُحى ابتسمت : ولا شيء تسمع بودكاست
ام تركي : ياحلو الناس العاقلة يناس
ضُحى: عمري
ام تركي : طيب اش تبون اطلب لكم قهوة شاي اكل؟
طيف : انا ابغا قهوة باردة
ام تركي : وأنتِ ضُحى ؟
ضحى : ابغا دارك روست
ام تركي : ابشروا
وطلعت كلمت المطعم وعطتهم رقم الغرفة
راحت لغرفة رّذاذ دقت الباب .. وفتحت لها
رّذاذ: عمتي هلا تعالي
ام تركي : وش تسوين؟
رّذاذ: ابد والله جالسة تعالي
ام تركي ابتسمت : لا واضح المود عال العال تبارك الرحمن
رّذاذ: الحمدلله
ام تركي : خلاص كنت بقولك ابغاك تشيكي عالعشاء عشان وقتها ما اعتقد بيمديني
رّذاذ: ابشري عيوني لك
ام تركي ابتسمت : تسلم عيونك
وطلعت وقفلت الباب دخلت رّذاذ خذت شوار عالسريع وجففت شعرها وبدأت تتجهز ~
وكـل واحد انشغل بغرفته يتجهز .. الـعـشـاء
كـانـوا تحت بالـصـالة سوسن وأم تركي يشوفون الضيافات..
سوسن : خلاص كل شيء حلو ترا روحي البسي فستانك عشان خلاص شوي والناس يبدأون يوصلون
أم تركي : تمام عمري
سوسن : أنا بشوف بناتي وأنزل معاك ..
وطـلـعـت دخلت أول عند البنات ، كانوا كلهم بغرفة وحدة لبنى وسحاب وبنان وسراب وسما
ابتسمت وهي تشوفهم : ياحلووو البنات تـبـارك الرحمن .
سـحـاب : حلاوتك عمه
بـنـان : ماما سوي لي هذا
سوسن جلست عالكرسي : هاتِ وجلست وبنان جلست عند رجولها وقعدت تقفل لها السلسال
-🤍-
عِـنـد رّذاذ خلصت وكانت تلبس الاكسسوارات سوت شعرها ويفي ومكياجها كان ناعم مرة ولبست عدسات، فستانها عودي وكعبها بيج .. تعطرت ولبست اكسسواراتها..
شوي دق الباب صرخت : دقيقة
وقامت فتحت وهي تناظر بلبسها : هـلا
ابتسم وهو يشوفها : تـبـارك الرحمن!
رّذاذ ابتسمت ورفعت راسها : بـابـا هلااا
نـايـف دخل : أكيد بابا اللي ما تسألين عنه .
رّذاذ: والله يبه كنت تعبانة
نـايـف جلس : والله يا رّذاذ أنا مرة زعلان منك ومن غيث
رّذاذ: افااا ليه
نـايـف: وش حركات المراهقة ذي انتم كبار وولدكم جاي وبقي تسون حركات أطفال
رّذاذ مدت يدها ومسكت يده : ماعليه اصبر علينا
نـايـف: هذا أنا صابر
رّذاذ ابتسمت : كيف شكلي
نـايـف: جميلة يا رّذاذ كالعادة تحصني وانتبهي لنفسك
رّذاذ عبست: الله الله يبه شفيك وين الحب والتحصين والكلام الحلو كل هذا زعل
نـايـف ابتسم بعتب وباس راسها : عندي شغل خلصي وانزلي معاهم
رّذاذ: تبشر حبيبي
وقـام وطلع وهي جلست وحست بتأنيب ضمير ..
-عند العيال✨-
كانوا مع سلمان وعزام ..
غـيـث: ياسلام يالعرسان الله يسعدكم
عـزام: وياك يارب
سلمان : شوفوا أنا من الفرحة ودي اخلي الزفة الحين
تركي : يرحم امك هدي الوضع.
سلمان ابتسم : الله يصبرنا
لـيـث كان سرحان وهو جالس سلمان ناظره : ولد اشبك؟
ناظر بغيث : ولا شيء
غـيـث: اشبك؟
ليث : ياخي غـيـث روح لرّذاذ ترا اليوم ضغطها انخفض احنا خايفين عليها
غـيـث سكت ووجهه قلب ..
ليث :ياخي تخيل ماني قادر أفرح بسلمان وعزام خايف شوي يجيني اتصال اختك طاحت حرام عليكم ياخي روح شوف زوجتك ترا والله لو صار لها شيء لا تندم
سلمان : صادق ليث يا غـيـث روح شوف زوجتك انت جربت الفقد وأعتقد ماعندك استعداد تفقدها أو تفقد ولدك
طلع غـيـث وراح لغرفة رّذاذ.. دق الباب
رّذاذ : يبه دف الباب مفتوح ماقفلت
دخل غـيـث وشافها كانت معطيه الباب ظهرها
لفت وشافته واقف، ناظرته ولفت
غـيـث: رّذاذ
رّذاذ سكتت ولا ردت
غـيـث: رّذاذ
رّذاذ: غـيـث أطلع برا
غـيـث: اسمعيني طيب
رّذاذ: بعدين مو وقته
غـيـث مسكها وضمها وهو يشم ريحة شعرها، رّذاذ كانت متصلبه ما رفعت يدها ولا بادلته الحضن ..
تـركـهـا وطلع وقفل الباب جلست وهي ترجف ..
-عـند الـعرايس✨-
طيف : ضُحى خلصتِ؟
ضُحى : طيب بس البس فستاني
طيف : اوك
وقامت وهي تصور نفسها بعد ماخلصت مكياجها وتسريحتها ..
ضُحى: طيف بطلع
طيف : تعالي
ضُحى طلعت وطيف تناظر ابتسمت وهي تشوفها
ضُحى: وشبك؟
طيف : قمررر تبارك الرحممن شكلك مرررة حلو
ضُحى: صدق؟
كانت اشكالهم مختلفة مرة ضُحى فستانها باكمام وتسريحتها نازلة لبست تاج ناااعم ومكياج ناعم بعد ، طيف فستان بدون اكمام وتسريحتها نازلة بعد بس تاجها كان اكبر ومكياجها درجات النود فستانها بدون اكمام كل وحدة كانت أجمل من ثانية .. دخلت ام تركي وابتسمت وهي تشوفهم..
ام تركي : بسم الله عليكم الله يحفظكم من العين تحصنوا
سوسن دخلت : نجي يا عرايس
ام تركي : تعالي تعالي شوفي اللي اشوفه
ابتسمت سوسن وهي تشوفهم : ماشاءالله تبارك الرحممن الله يحفظكم ويسعدكم يارب اميرررات تبارك الرحمٰن..
ام تركي ابتسمت : اكلم محسن وتركي يجون وانا بنزل للحريم
سوسن : تمام خل انزل معاك بس نمر لرذاذ
مشو ودقو عليها فتحت
سوسن : يلا ننزل
رّذاذ: طيب بس شنطتي
سوسن : مو لازم خذي الجوال بس
رّذاذ: اوك وخذت جوالها وطلعت ..
-عند الشباب -
دخل غـيـث وهم قاعدين يتصورون ..
عـزام: هالصورة بتعلقها بغرفتك
ابتسم غـيـث : ابشر
وتصوروا
سلمان : انا طالع عند الرجال
ليث : يلا حنا معاك
سلمان : عـزام اش صار عالعشاء؟
عـزام: بيوصلون عالوقت ان شاءالله -ولف لغيث- غـيـث انت ماعندك شيء بالله برسلك رقمهم ولا جو ادخل معاهم وشوف كل شيء عشان ما ياكلوني طيف وعمتي
ابتسم غـيـث: ابشر حبيبي
وطلعو كلهم لجهة الرجال كانوا نايف وابو غيث ومحسن والجد مانع قاعدين عند الباب ويستقبلون الرجال..
-🤍-
سلمت وجلست عدلت شعرها وابتسمت وهي تصب قهوة، جلست جنبها لمياء
لمياء : الواحد يسأل يتصل يقول وينك
رّذاذ ابتسمت : والله انشغلت كيف حالك؟
لمياء : بخير وانتِ؟
رّذاذ: الحمدلله، قهوة ؟
لمياء : اكيد حبي
رّذاذ: تفضلي
والبنات قـاموا يرقصون وهي قاعدة مكانها ما تحركت..
-عند العرايس-
دخل محسن ومعه تركي ..
محسن : السلام عليكم
ردو السلام وهم مبتسمين
تركي ابتسم : وش هالجمال يا الله
محسن : اذكر الله يا تركي لا تعطيهم عين
طيف ابتسمت : الله يحفظكم لنا
محسن ابتسم : كان عندي بنت صاروا بنتين -مد يداته مسك يد ضحى ويد طيف وباس يد كل وحدة فيهم :الله يسعدكم ويسخرلكم كونوا سعيدين بحياتكم واتذكروا انه عندكم اب دايم واقف وراكم . مهما صار
تركي ابتسم : واخوكم بعد موجود
وضم طيف وقال : مبروك ياقلب قلبي وروحي
طيف : الله يبارك فيك ياعمري وعقبال ما ازوجك
تركي : باقي انا مطول
طيف : لا تحاول عروستك جاهزة
تركي : نشوغ ياخطابة ومد يداته لضحى ابتسمت ومدت يدها مسك يدها وباس يداتها نفس الأميرات: انتِ أميرة من يوم عرفتك وإلى اليوم يارب حياة سعيدة مليانة طمأنينة وفرح لانك تستاهلين كل الاشياء الجميلة يا ضُحى
ضُحى ابتسمت : حبيبي تركي امين ياعمري الله يحفظك يارب وعقبال نشوفك عريس
محسن : يلا حبايبي نخليكم اصلًا شوي ويجون العرسان خذوا راحتكم
ابتسموا وطلعوا ..
تركي : وش شـعـورك ؟
محسن : طـاير من الفرحة
تركي ابتسم : تحسهم فعلًا بناتك؟
محسن مشى معه وهو مبتسم : أكيد طبعًا مو من دمي بس من روحي واحبهك كثيررر وعقبال افرح فيك يا يبه
تركي ضحك وباس راسه : الله يحفظك لنا يا يبه
محسن ضحك وضمه : حبيبي انت
ونزلوا وهم مبسوطين
-🤍-
عند رّذاذ كانت جالسة مكانها، والبنات رايحين جات
ام تركي : رّذاذ قومي بسرعة شوفي العشاء مابقي شيء
رّذاذ: الحين بدري!
ام تركي : لا بقي ساعة عالزفة حطي السخانات تحتها بس خذي عاملات يساعدونك
رّذاذ قامت : ابشري
وقـامـت وهي رايحـة لصـالة العشاء .. أخذت معاها عاملتين .. في المـقابل صالة العشاء . كان واقف مع اللي ينقلونه ..
غـيـث ابتسم : خلاص آخر شيء
العامل : بقي واحد
غـيـث: خلاص انا اجي اخذه
وطلع معاه .. فتحت رّذاذ الباب ودخلت هي والعاملات ناظرت في وحدة : جيبي لنا ولاعة عشان نشغل هذا
العاملة : اوك
وطلعـت رّذاذ حطت شعرها وراء اذانها وقامت ترتب الحلا، لفت شافته وهو داخل كان رافع اكمام ثوبه وشماغه على راسه وبيده الصحن حطه على الطاولة ورفع نظره إلا هي بوجهه ابتسم ..
رّذاذ اشرت للعاملة : يلا رتبي هنا وبعدين شغلو النار عشان ما يصير بارد
غـيـث : رذاذي
رّذاذ لفت : هلا
غـيـث ابتسم وهو ينزل اكمام ثوبه ويعدل شماغه : تعالي لا تروحي
رّذاذ ناظرته : آمر وش بغيت؟
غـيـث: الله صار اللي بينا امر؟
رّذاذ لفت للعاملات : غـيـث خلينا نرتب العشاء
لف غـيـث فتح مويا وقعد وهو يشرب وهي صـارت ترتب الأغراض بدون ما تعيره اهتمـام وهو جالس مكانه يناظرها ~
-❤️-
عند العرسان ..
راحوا كل وحدة بغرفة عشان التصوير ..
بـغـرفة ضُحى كانت واقفة وترجف من التوتر
حست بالبـاب ينفتح، بـلعت ريقها ولفت شافته وهو مبتسم .. ابتسمت بتوتر..
سلمان دخل ومسك ايدها وهو يناظر بعيونها همس : جيت بسكن قصر حبك .. واتربع عرش قلبك
ابتسمت ضُحى: كله لك
سلمان : مبروك لي أنتِ ومبروك لك أنا
ضُحى: الله يبارك فيك ياحبيبي ..
سلمان ابتسم وطالع في المصوره اللي مبتسمه وبدأت تعطيهم تعليمات ~
الجهة الـثـانـية ..
دخـل عـزام وطيف جالسة : السلام عليكم
طيف وقفت : وعليكم السلام والرحمة
ابتسم عـزام: ماشاءالله تبارك الله وش هالجمال يا طيف؟
طيف ابتسمت : الله يسلمك
عـزام قرب لها وباس جبينها ..
طيف : بتنزف معي ولا بقي على رايك؟
عـزام: لا ما ودي والله
طيف : تمام براحتك
عـزام ابتسم : يلا نتصور؟
طيف : يلا
ناظر في المصورة وهو يأشر لها .. وجات..
-🤍-
عند رّذاذ وغيث
خلصت وطلعوا العاملات لفت وهو بقي جالس
لفت بتطلع سحبها من يدها .. رّذاذ: غيث اي عورتني
غـيـث: لي ساعة اتكلم تجين ماتسمعين الكلام
رّذاذ: هذاني جيت وش تبي
غـيـث ابتسم وصـار يـقرب منها شوي شوي ومـد ايده ومسك خصلات شعرها : ابيك أنتِ زوجتي وحبيبتي وام عيالي
رّذاذ ناظرته وهي عـابسة وعيونها مدمعه تكلمت وصوتها مبحوح : غـيـث خلاص خليني بحالي أنتِ جرحتني وبقي جرحي ما برا..
غـيـث ضمها وتكلم في أذنها: أنا اللي أداوي جرحك، وأنتِ تداوين جروحي .. عمره ما كان الفراق دواء يا رّذاذ
رّذاذ وخرت عنه ونزلت دموعه: غـيـث أنا عمري ماحد صرخ عليّ ، عمري ماحد هاوشني وتكلم معي بالحدة ذي وقدام أحد بعد !
غـيـث ناظرها : وأنا عمري ما حبيت أحد وخفت عليه! عمري ما فزيت وأنا أقول اسم شخص! عمري ما خفت على شخص أكثر من نفسي يا رّذاذ!
رّذاذ ناظرته : ما نحب بالقوة يا غـيـث! نحب باللين
غـيـث: رّذاذ أنا أحبك وأخاف عليك لا تحرميني من إني أكون معك في أكثر وقت انتِ محتاجتني فيه
رّذاذ صرخت : ما ابغاك ولا انا بحاجة فيك افهم خلاص
غـيـث ناظر فيها وحط ايده على فمها : أنا اسف .. اسف عن كل كلمة وعن كل حركة .. جيتك اسف أوضح من الشمس عذري يا رّذاذ ! جيتك الم .. جيتك ندم وجروح .. جيتك وقلبي ما لقيته بصدري! تعبت يا حبيبتي صرت أصحى ما اشوفك جنبي فقدتك! -شال يده وضمها له بقوة وهو الثاني بكى- رّذاذ لو ما تبيني ماعد ابغا الحياة دامك مو فيها
رّذاذ ضمته وصارت تهديه هي وبعد ما كل واحد فيهم حافظ على هدوء الثاني رّذاذ كانت واقفه جنبه ضمت راسه وباسته ابتسم هو ومسك بطنها : ولدي كبر ولا دريت عنه
رّذاذ همست : باقي ينتظرك
غـيـث همس : الموت ما يعرف وقت يا رّذاذ عشان كذا أنا ماراح استغني عنكم بعد كذا
رّذاذ: بسم الله عليك
غـيـث ناظر برجولها وهي ابتسمت وقالت : تعبني حتى ظهري يعورني بس لبسته عشان تخاصم
غـيـث: احلفي
رّذاذ: والله
غـيـث أخذ نفس عميق : يا معين
رّذاذ ابتسمت : يلا روح وأنا بروح الحين الزفة
غـيـث: تمام
-🤍-
بدأت الزفة كانت أول طيف بحكم انها لحالها
انفتحت الأبواب ونزلت على الزفة وصلت للكوشة جلست وشوي جو امها والبنات وجدتها كلهم يسلمون عليها .. طلعت رّذاذ حضنتها وكانت دموعها بعينها قامت رّذاذ ابتسمت وراحت تكلم ام تركي شوي اختفت ام تركي وتغيرت الاغنية صارت الطقاقة تغني أهلي ياعزوتي .. ودخلو عند الباب محسن وتركي ومعهم سراب وأمل وامها وتركي كان يرقص ومتحمس لحد ما دخلو عندها وعطول ضمها لصدره باللحظة ذي طيف بكت وهو باس راسها وهمس : لعنبو من ينكد ليلتك
وصارت تغني لهم ويرقصون كلهم ورقصوها ومحسن حضنها وباس راسها وسلمى عليها خواتها
وكلهم زفوها لحد ماطلعت وهي مبسوطة وتضحك
-❤️-
جاء دور ضُحى وسلمان
طفت الأنوار واشتغلت اغنيتهم ..
ونزلوا ماسكين يدين بعض، لحد ماوصلوا وبعدها جو يسلمون عليهم امهاتهم وطلعوا البنات رقصو سلمان وهو يرقص معاهم وطاير .. لحد ماسحبوه يطلع عشان الناس يسلمون على ضحى ..
وبعدها تفرقوا على العشاء..
-❤️-
عند طيف كانت بالغرفة مع امها
ابتسمت ام تركي : امكن احيانًا ازواجنا ما يكونون على هوانا بس اهم شيء يحبونا ويحترمونا
طيف ابتسمت : دعواتك يمه
ام تركي : الله يسخرلك يارب استودعتك الله
رّذاذ جات : طيففف
طيف : عمري
رّذاذ ضمتها : لا تشيلي هم تصير الخلافات الصغيرة في الزواج وعزام رجال ياعمري بيحبك ويصونك أنا متأكدة.
ابتسمت طيف : امين ياحبي
رّذاذ همست في اذنها : ترا تصالحت معه فلا تخربي يومك انتِ بعد
طيف ضحكت : ايوه هذي الاخبار الزينة
رّذاذ: يلا استودعتك الله
وطلعت..وبعدها ضُحى طلعت..
كل وحدة راحت مع زوجها..
-🤍-
في الـفـندق طلعوا غرفتهم ضُحى وسلمان ..
نزل بشته وهي كانت منزله فستانها بالقاعة
رفعت شعرها وجلست ..
سلمان ابتسم وهو يشوفها : احلففففي انك معي
ضُحى ضحكت : معك
سلمان : الله أنا طاااايررر
ضُحى: طيب اهدأ
سلمان : تبين نطلع ولا بتنامين ؟
ضُحى: الصدق جوعانة مرة ابغا اكل
سلمان : طيب ناكل زي العرسان ولا نطلع
ضُحى ضحكت : ياخي سلمان لا تضحكني خلني استحي شوي بكيفك
سلمان : روحي البسي عبايتك ويلا نطلع
ضُحى: لا صدق مافيا حيل نتعشى هنا والصباح نطلع
سلمان : اوك ابشري ياحضرة العروس
وجلست وهو جلس عندها وهو مبتسم
-❤️-
عِـند عـزام وطيف
دخلو وكانت طيف زعلانة منه ..
ابتسم وهو يناظرها وطلع وهي نزلت فستانها ودخلت تاخذ شوآر ولبست بجامة ورفعت شعرها بعد ما جففته، وحطت مرطب وفيتامين سي وتعطرت وطلعت، عزام ما كان موجود
جلست وهي تقلب في جوالها وتنهدت بضيق : عروس وماسكة الجوال الله.
شوي وفتح الباب دخل ومعه بوكيه ورد كبيرر..
ابتسمت يوم شافته
عـزام مد لها البوكيه وجلس على ركبه عند رجولها : العروس ما تزعل في ليلتها
طيف ناظرته🥺: عـزام
عـزام ابتسم : أنا أسف لو ضايقك تصرفي لكن فعلًا ما أحب أجبر نفسي على أمور خارج طاقتي أنا عارف انه ليلتك ومابيك تزعلين بس بعد ما يعني اني بسوي كل شيء وفقًا لرغباتك -مسك يداتها - انا بحترم رغباتك واناِ تحترمين رغباتي كذا حنا الاثنين راح نكون سعيدين وراضين عن بعض
طيف : صادق سامحني
عـزام: ولو حبيبتي
طيف: جوعان؟
عـزام ابتسم : لا ما اكل بالليل بس لو تبين بطلب لك
طيف : خلاص خلينا ننام ونفطر الصباح
عـزام: تمام بس بجيب مويا واجي
طيف : تمام
وقامت دخلت الغرفة
-🤍-
رّذاذ و غـيـث..
طلعوا من الزواج مع بعض
رّذاذ: غيث ترا حجزي يخلص بكرة تبغا ندخل ننام بغرفتي؟
غـيـث: ليه تعبانة؟
رّذاذ: شوي
غـيـث: خلاص تمام
رّذاذ مسكت ايده وطلعو للغرفة ودخلو، جلست وشربت مويا بتعب ..
غـيـث كان يناظرها وهو مبتسم، ابتسمت وهي تشوفه : شفيك
غـيـث: اشتقت
رّذاذ: ببدل ملابس واجي
غـيـث: ماشاءالله وأنا ماعندي ملابس
رّذاذ ضحكت: عادي خلك على السروال والفنيله
غـيـث: اخخ من رّذاذ
رّذاذ مشت لدورة المياة وانتو بكرامة ..
غـيـث نزل ثوبه وشماغه وجلس عالسرير فتح لابتوبه وصار يدور على الايميل اللي يبغاه، طلعت وشافته .
رّذاذ: ياربي غـيـث حتى اليوم بتشتغل
غـيـث: بس باخذ رقم شخص
رّذاذ: زين
غـيـث دقق : سارة منصور الغامدي! غريبة!
رّذاذ رفعت حاجب : سارة مين؟
غـيـث: عندنا في الشركة شراكة مع شركة ثانية وارسلو رقم الموظف اللي مسؤول عندنا ويمثلهم بس طلعت بنت
رّذاذ: طيب قوم قفل اللاب وتكلمها بكرة عاد موب الآن
ابتسم : غرتي؟
رّذاذ: لا ليه أغار
غـيـث : عادي ترا اللي يغار يعترف
رّذاذ: لا تحاول
غـيـث ضحك وضمها : ياخي وش هالمكابر
رّذاذ ضحكت وهي تضمه : نتعلم منك
غـيـث: زين زين
..
مـرت الأيام سريعة والعرسان كل واحد أخذ زوجته وسـافر لمنطقة بالنسـبة لِـ ضُحى وسلمان كانوا متفاهمين بشكل رهيب وغير كذا فاهمين بعض وشخصياتهم مُتناغمة كأنه سلمان طلع الجانب الجميل من ضُحى، طيف وعزام طيف شوي شوي بدأت تأخذ الحياة بجدية كأنها بدأت تنضج مع عـزام، طيف البشوشة اللي تحب النكت والاستهبال بدأت تتغير مع عزام الواقعي والجدّي بحكم انه ما يحب الخيال كثير!
بالـنسبة للجد والجدة لا جديد روتينهم كمـا هو..
ورسميًا انتقلوا لهم أبو غيث وبناته..
نـايف وسوسن كما هم يحبون بعض ومطوقين عيالهم وحياتهم بالحب.. وام تركي ومحسن نفس الشيء .. مطوقين سراب بالحب وتركي نادر مايكون بالبيت.. أما رّذاذ وغيث كانوا في مرحلة العناد.. غـيـث صار يشتغل مع سارة و رّذاذ رافضة الشغلة وكم مرة تهزئ فيه وهو لا حيـاة لمن تنادي..
وأخــيــرًا نوقف الشريط... بعد أشهر عديدة رّذاذ خلصت الثامن ودخلت بداية التاسع..
غـيـث جالس بالصالة يشتغل دخلت وشافته عبست بوجها : ياربي غـيـث طول عمرك تشتغل خلاص نليت بطق طلعني
غـيـث ناظرها : ياعمري ياقلبي ياروحي هالفترة تعتبر نقلة للشركة وعزام توه رجع يشتغل وعشاني مدير كل شيء عليّ
رّذاذ: طيب غـيـث بقولك شيء!
غـيـث : قولي ياعمري
رّذاذ: بس لا تزعل
غـيـث: قولي
رّذاذ: لو صار لي ..
ما كملت قاطعها : حبيبتي كم مرة اقولك لا تفتحين هالمواضيع ماراح يصير لك شيء
رّذاذ: خايفة
غـيـث: اش رايك ترسمين؟ من زمان مارسمتِ وانتِ تحبين الرسم الله لو ترسمين واحطها بمكتبي ومنها سارة تشوفها واقولها زوجتي رسمتها ..
رّذاذ ضحكت وهي جالسة : غـيـث ترا ما أغار بس خايفة . وترا لو صار لي شيء وتزوجت ما اسامحك ابدًا
غـيـث ضحك وهو عارف انه ماراح يخلص منها لحد ما تنام من يوم دخلت التاسع وهذا وضعها تقهد تهدده وتقعد خايفة مسكها : يلا تعالي ننام
رّذاذ: وشغلك؟
غـيـث: خليه بعدين اهم شيء حبيبة عمري وزهرة قلبي
رّذاذ ابتسمت برضا وطلعو غرفتهم ساعدها لحد ما انسدحت وانسدح جنبها ..
رّذاذ: ماتوقعت انه الحمل تعب كذا
غـيـث ابتسم : ليه
رّذاذ: احس اني شايلة ثقل في بطني
غـيـث ابتسم : بس أنا ماتوقعت انك بتكونين حلوة أيام الحمل زود على حلاوتك
رّذاذ ضحكت : غـيـث نوم
غـيـث: طيب ببوسك بس
رّذاذ مدت خدها : هنا
غيث ضحك وباسها رّذاذ : يمه منك المؤدب اللي تسمع الكلام
غـيـث ابتسم : يارب تولدين بالسلامة وباخذك ونهرب على أقرب طيارة..
رّذاذ: بولد الحين على كذا
غـيـث: لا يرحم امك قلت ارتاحي
رّذاذ: طيب
-❤️-
بيـت عـزام
كانـت بغرفتها غيرت ملابسها ولبست قميص النوم وفتحت شعرها .. جلست عالسرير وخذت كتابها تقرأ .. دخل وابتسم عليها دخل دورات المياة لبس بجامته ورجع انسدح عندها قرب لها وباس كتفها ..
عـزام: ياحلو حبيبتي المثقفة
طيف ابتسمت : حبيبي
عـزام: كيف حال اهلك
طيف: الحمدلله بخير يسلمون عليك
عـزام: الله يسلمهم ويسلمك يارب
طيف: أسمع عـزام عمي محسن قال معزومين عندهم بكرة عالغداء
عـزام: تمام عمري
طيف ابتسمت : متحمسة لولادة رّذاذ
عـزام ابتسم : عاد تخيلي ولدهم أنا متحمس اكثر من غـيـث
طيف ضحكت : ما اتخيل تجي رذاذ صغيرة ولا غيث صغير
عـزام ابتسم وهو يتأملها : أنتِ حلوة وأنتِ سعيدة بشكل!
طيف ابتسمت بخجل : وانا سعادتي جنبك
فتح له حضنه وجلست جنبه حضنها وباس راسها وهو مبتسم..
-❤️-
بيت ضُحى وسلمان ..
نسيت أعلمكم طلعو ببيت لحالهم، دخلت البيت تمشي على أطراف أصابعها خايفة يصحى ..
وصلت الصالة وشافت شموع مشت وراها لحد ماوصلت لغرفة النوم فتحت الباب وشافت بعد فيه شموع وورد منثور لحد الحمام وانتو بكرامة فتحت الباب وشافت المويا الدافية اللي تصب في البانيو ورغوة الصابون ..
ضُحى بصرخة فرح : سلماااان
سلمان ابتسم وهو يحضنها من وراء : يا أجمل من نطق اسمي .. يا أرق من يوطى الثراء ..
ضُحى لفت له وهي تحضن ظهره : ياخي أنا وش سويت وصرت من نصيبي أنت!
سلمان ابتسم : رضا والدين ..
ضُحى: يابعدددد الدنيا أنت
ابتسم وهو يبوسها وهي مبتسمة عليه، رغم تعب الدوام الا انه سلمان قادر على انه يسحب هالتعب منها بثواني .. يداهمها بقهوة.. أو فطور .. ترجع البيت وأحلى حمام دافي ينتظرها .. وحب صافي
همست بالحمدلله وهي مبسوطة ..
نزلت أغراضها ودخلت تاخذ شوار وسلمان راح يجهز لها أكل .. الحب أحيانًا ما يكون أقوال يكون أفعال .. يكون بيت مطمئن .. سعيد .. خالي من المشاكل والهموم .
ضُحى كان العوض بالنسبة لها كبير في سلمان أغناها عن الكل، بعكس طيف اللي تحس انها ارتكبت غلط عمرها،
جاها شعور انه عـزام ابوها مو زوجها. كم مرة تقرر تفاتح أمها بالموضوع بس تفتكر انه مو كل شيء حب في الزواج..
اليوم الثـاني الصبـاح..
بيت غـيـث ورّذاذ..
غـيـث: يلا عمري أنا طالع وبعدين أجي لك ونروح موعدك
رّذاذ: تمام حبيبي
غـيـث: الحين كم صار لك!
رّذاذ: مدري قالت الدكتورة مو شرط أكمل التاسع أمكن أولد بأي وقت
غـيـث: تمام
رّذاذ: يلا روح وانتبه لنفسك
غـيـث: حاضر
وطلع وهي جلست إلا يدق جوالها ردت : ايوه هلا
طيف : رّذاذ وينك
رّذاذ: في بيتي ياحبي
طيف : طيب عادي اجيك ولا زوجك موجود
رّذاذ: لا تعالي طلع غـيـث
طيف : تمام ساعة كذا واجي
رّذاذ: تمام
قفلت وهي مستغربة
بـعـد مرور الوقت وصلت دخلت طيف
وجلست : يالله يا رّذاذ
رّذاذ: خير شفيك
طيف : مليتتت يا رّذاذ لي شهر كاتمة خلاص!
رّذاذ: اشبك قولي
طيف ناظرتها : عـزام
رّذاذ ؛ بسم الله اشبه
طيف : رّذاذ عمرك ندمتِ على قرار اتخذتيه
رّذاذ عدلت جلستها ويدها على بطنها : كثيرررر وتخبطت كثير وعانيت كثير بس الحمدلله
طيف : طيب أنا احس انه زواجي أكبر خطأ
رّذاذ: وش السبب؟
طيف : رّذاذ عكسي تمامًا! أحب الضحك هو جدي! أحب استهبل واصرخ هو عصبي ويتوتر ياربي رّذاذ احس اننا متناقضينننن بشكل
رّذاذ ابتسمت : هذا كله كلام فاضي لو كنتو متناقضين كان لاحظتِ فترة الملكة بس اقولك شيء .. أنتِ زعلانة عشانه مو نفس فترة الملكة هو طبيعي حيتغير الرجال يوم يحبك يوم ينشغل يوم يعصب يوم يتعب يوم يكون ماله خلق وهكذا
طيف : ياربي رّذاذ طيب وش الحل!
رّذاذ: الحل انك تحبين عزام التعبان وعزام الرايق وعزام المعصب وعزام الضحوك وعزام الممل
طيف ابتسمت : كيفك انتِ
رّذاذ ابتسمت بتعب : الحمدلله بدأت الالام مدري متى الطلق
طيف : ياعيوني
رّذاذ همست : طيف
طيف : قلبي
رّذاذ: خايفة أموت
طيف ضحكت : تمزحين !
رّذاذ ابتسمت بحزن : ما يضحك
طيف : ماعليه تبين نروح المستشفى
رّذاذ: لا نروح للشركة نشوف غـيـث
طيف : بلا استهبال وش عندنا عندهم
رّذاذ: بلبس واجيك
وقامت وطيف جالسة ..
طـلعو طيف ورّذاذ ومروا أخذوا قهوة..
دخلو الشركة وكان فيه موظفين متجمعين في مكان
دخلت رّذاذ مع طيف وطلعو دور المكاتب دخلو وكان بالغرفة عزام وغيث وساره..
غـيـث ناظر بصدمة : رّذاذ!
رذاذ ابتسمت : ايه
عـزام ابتسم واخذ طيف وطلعو..
ساره ابتسمت : استأذنكم
غـيـث ناظر رّذاذ يوم طلعت ساره : بنتي وش تسوين هنا!
رّذاذ: وحشتني!
غـيـث: بس يا رّذاذ المكان هنا خطر عليك
رّذاذ: خطر ليه!
غـيـث: في مشكلة في الكيبل أخاف يطق ولا شيء وأنتِ هنا يلا تعالي اطلعك
رّذاذ عقدت حواجبها : بسم الله ما بيطق الا يوم جينا!
غـيـث عقد حواجبه وجلس، افتكر يوم تقوله احس اني بموت قام : رّذاذ يلا تعالي نرجع البيت لو سمحتِ
رّذاذ: لا غـيـث بقعد هنا
غـيـث ابتسم : تمام حبيبتي
رفع جواله واتصل على المهندس .. كلمه شوي وقفل وهو متوتر .. ناظرها ويدعي داخله انه ما يصير شيء .. مدت له القهوة وهي مبتسمة ابتسم وكان باين من نظراته التوتر اخذها وشرب وهو يتأملها ..
-❤️-
بيت الجدّ مـانـع
كان جالس بمكتبه معه أبو غيث ونايف
ابو غيث: على كلام غيث انه المبنى مهدد بالانفجار بسبب الكيبل يعني لو سمح الله طق ممكن ينفجر
نـايـف: لا ياخي مستحيل المبنى معروف انفجار ماتوصل وبعدين معروف التاجر ذا دايم شغله توب الجدّ مـانـع: مافي الا انهم يخلون المبنى احتياط يعني مايعرفون وش ممكن يصير
ابو غيث : اجل برسل لغيث رسالة
نـايـف: أفضل، يلا أنا طالع
الجدّ مـانـع: وين؟
نـايـف: بروح عندي شغل وامكن اسلم على رّذاذ
الجدّ مـانـع : بحفظه سلم عليها
نـايـف طلع وفتح جواله واتصل عليها ..
نـايـف: الو
رّذاذ: هلا بابا
نـايـف: هلا فيك قلبي كيفك
رّذاذ: الحمدلله وانت؟
نـايـف : الحمدلله بمر عندك الحين
رّذاذ: لا بابا أنا مع غـيـث
نـايـف: وينكم
رّذاذ: زرته في المكتب
نـايـف: كيففف اش تسوين في المكتب بسرعة اطلعي حالًا
رّذاذ : بابا شفيك!
نـايـف: رّذاذ بسرعة انا جاي
وقفل الجوال وشغل السيارة وعطول مشى ..
-🤍-
غـيـث ناظرها: شيقول
رّذاذ: يقول اطلعو بسرعة
غـيـث: يلا قومي
رّذاذ: لا ماراح اقوم بجلس عادي
تنهد غـيـث وقام وطلع من المكتب ، سحبت قهوتها وهي تتقهوا بعناد..
نزل غـيـث لعند المسؤولين وهم واقفين مكانهم
غـيـث: هاه وش الجديد؟
المختص ناظره : أفضل حل اننا نخلي المبنى الآن لأن صراحة ماعرف امكن الآن يطق فينا و..
ما كمل كلامه الا وجرس الانذار يرن ..
غـيـث ناظره : هذا هو الله المستعان يلا شباب حاولوا تخلون المبنى تأكدوا انه الكل يطلع .. وافتكر رّذاذ وعطول طلع درج.. وصل للدور الثالث وعطول فتح باب المكتب بنفس اللحظة اللي فتح الباب سمع طققققق بصوت عالي مرة رّذاذ ناظرته وارتجفت عطول ركض وحضنها : لحظة لحظة عمري
رّذاذ: غـيـث شصار!!!
غـيـث: ما أعرف بس اللي أعرفه لازم اطلعك بسرعة
رّذاذ ناظرته بالم: بس الطلق بدأ يجيني
غـيـث: نقدر نقدر بسم الله
وقام وهو ماسكها وهي حاضنته بخوف..
تحت وصل نـايـف كان الكل برا بقي بس رّذاذ وغيث في المبنى ..
نـايـف ناظر طيف : بالله انتم وش يجيبكم هنا
طيف ناظرت عزام وهي خايفة عزام ابتسم وحاوط كتوفها : ماعليه عمي خير ان شاءالله
نـايـف مشى للمختص : وش المشكلك وش صار؟
المختص ناظره : هذا الكيبل طق ان شاءالله الأمور طيبة
نـايـف: بس الكهرباء فيه مشكلة يعني بأي وقت تطق
المختص : ايوه تطق بس مافي مولد في المبنى عشان يصير انفجار
نـايـف: الإسعاف فيه؟
المختص ؛ جاهزين
نـايـف: قولهم فيه وحدة حامل
ومشى وقف عند الباب وكان يبغا يدخل بس منعوه الأمن..
-🤍-
غـيـث ورّذاذ
وقفت بنص الدرج وجلست همست بتعب: غـيـث ماقدر بولد هنا
غـيـث ناظرها وعيونه فيها دموع : لا حبيبتي لا ساعديني وبشيلك
رّذاذ: غـيـث ماقدر خليهم يجون يولدوني هنا
غـيـث صرخ : رّذاذ ساعديني ماقدر اضحي فيك ورفعها وهي تعلقت برقبته وكانت تبكي من الألم ودموعها تنزل عليه..
باللحظة ذي طق الكيبل مرة ثانية والمرة ذي كانت أقوى لدرجة المبنى انهز طاح غـيـث ورّذاذ بحضنه صرخت رّذاذ وهو ضمها وصار يحاول ينزلون بدون ما تتعور.. مشى لحد ما وصل للدور الأرضي وعطول ركضوا الأمن أول ماشافوه فتحو له الباب وهو كان يدور بعيونه عالاسعاف .. نزل رّذاذ على الأرض
ناظر فيهم وصرخ : نادوا الاسعاف بسرعة رّذاذ تولدد
جو يركضون وهو جلس وهو يلهث، رّذاذ كانت تبكي عطول ساعدوها واخذوها .. مشت معاها طيف
عـزام ؛ أمش غـيـث
غـيـث مشى ومعاه عمه نـايـف وراحوا للمستشفى .. رّذاذ كانت تبكي وتصرخ والممرضة تهديها .. طيف مسكت يدها وشدت عليها
رّذاذ ناظرتها وكانت معرقه ودموعها تنزل : طيف
طيف ناظرتها .. وهي تاخذ نفس بتعب وتكمل : لو .. صار
طيف حطت يدها على فمها : اسكتي لا تجلبين السوء بكلامك
رّذاذ تنفست بتعب وعادت : لو صار شيء ولدي
وغمضت عيونها الممرضة ناظرت بطيف : لا تخليها تغمض كلميها
وصلو المستشفى دخلوها على طول شافوا وضعها وعطول اخذوها غرفة التوليد
غـيـث ناظر بالممرضة وهو يدور أحد يسأله وكلهم مستعجلين ودخلو الغرفة ~
-❤️-
بيت نـايـف
لبنى : يمه رّذاذ تولد
سوسن : كذابة
لبنى : والله
سوسن : مين قال؟
لبنى : طيف قالت بالقروب
سوسن : طيب يلا بسرعة قوموا قولي للسواق يشغل السيارة بلبس عبايتي واجي
-🤍-
في الـمـستشـفى ..
كان الوضع مسـتنـفر وشوي دخل دكتور ثاني يركض
وطـلـعت الممرضة تركض وأخيرًا بعد مرور الوقت طلعت الدكتورة وكانت تعبانة شافت غـيـث، وهو يناظرها نزلت الكمام : مبروك بنت زي القمر تبارك الله
غـيـث: ورّذاذ؟
الدكتورة ناظرته وكلهم ينتظرونها تتكلم قالت : رّذاذ للأسف دخلت في غيبوبة
غـيـث ناظرها بتعجب : كيف غيبوبة؟
الدكتورة : جلطة دموية انفجرت بشكل مفاجئ، أصابت الرئة
غـيـث: بس كيف كل شيء كان تمام!
الدكتورة : قضاء وقدر
جلس غـيـث وهو مصدوم..
وصلت سوسن وجو شافوا غـيـث جالس وانصدموا
سوسن : غـيـث نايف شصاير؟
نـايـف ناظرها وهي تناظره : شصار رّذاذ بخير ؟
نـايـف: دخلت غيبوبة
سوسن : كيففف!
غـيـث مشى من عندهم وطلع من المستشفى بكبره، حس بالحر جلس وهو يتنفس بهدوء
-❤️-
بيـت ضُحى
صحت متأخر وكانت تفطر ..
سلمان : صباح الخير
ضُحى: صباح النور غريبة ماداومت؟؟
سلمان : بروح المستشفى الحين رّذاذ تولد
ضُحى: لا ياشيخ
سلمان : والله
ضُحى: كيف عملية ولا طبيعي ؟
سلمان : مدري والله طيف ارسلت لي ما سألت عن التفاصيل
ضُحى: يالله طيب خلني البس واجي معاك
سلمان : تمام انتظرك
واخذ جواله واتصل على نايف: الو السلام
نايف : هلا وعليكم السلام
سلمان ضحك : كيف حالك ياجدو
نـايـف: رّذاذ دخلت غيبوبة يا سلمان
سلمان عقد حواجبه : لا ياشيخ! بسم الله كانت بخير
نـايـف: ياخي راحت هي وطيف عند غيث الشركة وكان المبنى مهدد في مشكلة بالكهرب وصار التماس وهم موجودين وأعتقد من الخوف
سلمان : كيف من الخوف تدخل غيبوبة وش قالوا الاطباء وش السبب؟
نـايـف: تجلد الدم في الرئة
سلمان : لا اله الا الله يلا انا جايك
نـايـف: تمام
وقفل قام : ضحى يلا انا في السيارة
ضُحى: جاية جاية
نزل السيارة شوي وهي نزلت، طلعت وشافته زعلان : خير عمري شصاير؟
سلمان : رّذاذ دخلت غيبوبة
ضُحى: لا ياشيخ
سلمان : والله
ضُحى: وش السبب؟
سلمان صار يحكيها السالفة
ضُحى: اهااا تصدق! قد قريت عن موضوع التجلطات بشوف الحين
سلمان ابتسم : اهم شيء انك ماخذة الموضوع ببساطة
ضُحى: ايوه أنت قلت جلطة ماقلت قلبها توقف ترا فيه فرق وبعدين الطب تطور وان شاءالله خير
سلمان : يارب
-🤍-
فـي المستشفى
طيف وعزام نزلوا الكافتيريا اشترى لها مويا وعطاها
طيف ناظرته : ياربي عـزام احس بالذنب
عـزام: ليه تحسين بالذنب ما صار الا الخير
طيف : احس لي يد بالموضوع
عـزام: هو لو كان اتصلتِ علي الله يهديك
طيف : والله رّذاذ مشتطة كانت
عـزام: ماعليك خيرة
طيف : يارب
عـزام: هي كانت تعبانة؟
طيف : عادي الم ولادة طبيعي بس كانت خايفة انها تموت وكررت كذا مرة بآخر فترة
عـزام: لا ان شاءالله بسيطة
طيف همست : يارب
عند غـيـث كان جالس ووصلو ضُحى وسلمان شافوه وجو عنده ..
سلمان : غـيـث
غـيـث: هلا
سلمان : ليه جالس هنا
غـيـث: اشم هواء
ضُحى: لا تخاف بسيطة
غـيـث ابتسم بأسى بدون ما يتكلم ..
دخلت ضُحى للمستشفى وطلعت عندهم شافتهم كانوا جالسين بيأس سلمت عليهم ..
سوسن : ضحى تقدري تشوفيها؟
ضُحى: ايوه بشوفها لا تشيلي هم بسيطة
سوسن : طيب متى تصحى تقريبًا؟
ضُحى : والله مدري بسأل الحين
سوسن : تمام
طلعت ضُحى وراحت لدكتورها
الدكتور : اهلا
ضُحى: السلام عليكم دكتور
الدكتور : وعليكم السلام والرحمة
ضُحى: معك ضُحى محسن دكتورة من المستشفى الاهلي
الدكتور : اهلًا اهلًا حياك الله تفضلي
ضُحى: في وحدة من قرايبي عندك بستفسر بخصوص حالتها
الدكتور : مين؟
ضُحى: رذاذ الام اللي كانت تولد وتعسرت
الدكتور : اهااا شوفي بتكلم معاك بجدية ما تصير كثير وآخر حالة صارت قدروا يصحونها من خلال طفلتها بس حاليًا أنا بعطيها وقت عبال تصحى لو ما صحت ممكن نستخدم الطريقة اللي قلت عليها
ضُحى: يعني انت تشوف اللي يصير طبيعي؟
الدكتور : وجدًا كمان تكلمت مع دكتورتها للفترات الصعبة اللي مرت فيها طبيعي
ضُحى: تمام يعطيك العافية
الدكتور : الله يعافيك يارب
ضُحى: استأذن انا
الدكتور ابتسم : لو حابه تدخلي تشوفيها تفضلي..
ضُحى: شكرًا الله يسعدك
وطلعت وهي مبسوطة ..
قد سمعنا بالغيبوبة طويلة المدى، وبعد سمعنا انه الإنسان خلال غيبوته يحس بكل شيء حواليه!
طيب تعالوا نروح عند رّذاذ ونخرج عن المعتاد.. من اللحظة اللي غمضت عيونها كانت تحس بتعب وصلت المستشفى دخلوها غرفة الولادة وكانوا يحاولون يصحونها ،، عطوها ابرة الطلق وكانت تتألم ..
فتحت عيوني بتعب وانا احس بألم كأنه ظهري مقسوم كنت بالمستشفى وحولي كلهم اطباء كنت اسمع كلمة ادفعي ادفعي ساعدينااا رّذاذ.. نزلت دموعي وأنا أنفذ كلام الدكتورة بحذافيره صرخت صرخة لحد ما طلعت غيّم.. باللحظة اللي طلعت نا قدرت أقاوم جاني شعور اني لازم أنام .. غمضت عيني وسمعت! سمعت الدكتورة وهي تصرخ نادوا دكتور عدنان بسرعة .. ما حسيت بغيّم ولا قدرت أكون أول من يشوفهاا.. كنت في هدوء عميقققق ما دخلته من زمان وأخيرًا قطع هدوء المكان صوت ضُحى وهي تناديني: رّذاذ..رّذاذ ، كنت ابغا أرد واسأل عن غيّم بس ما قدرت، كنت بقولها تنادي غـيـث ولا قدرت.. سمعتها وهي تعيد : رّذاذ أنا عارفة انك تسمعيني فتحي عيونك تراك بخير ما متِ والله !
رّذاذ : ابتسمت من كل قلبي بس ما كنت عارفة على ابتسامتي ظهرت على وجهي أو لا بس شكله لا لأن ضُحى شدت على يدي .. وكنت أحاول أحرك كل أعضائي ما قدرت غير بأصابعي ضغطت على يد ضُحى اللي عطول ضحكت سمعتها ؛ ما لحقت انبسط الا باغتنا صوت الممرضة : انتهى الوقت
ضحى طلعت ورذاذ مكانها ودها تقولها تخلي غـيـث يجي! ماقدرت..قررت أرتاح بما إني نايمة بدون اردتي..
-❤️-
ضُحى طلعت شافت غـيـث عند الباب ابتسمت : غـيـث لازم تدخل تراها تحس والله!
غـيـث ابتسم : صدق؟
ضُحى: أيوه ادخل خل تسمعك وتنبسط
غـيـث: طيب اكلم الدكتور؟
ضُحى: لا تعال بدخلك
غـيـث: تمام يلا ..
-🤍-
الـغرفة كانت باردة وأطرافي بردت، بس ما كنت أقدر أقولهم .. ما حسيت إن بدخوله عليّ مد ايده ومسك يدي.. أيوه هـذا غـيـث!
غـيـث همس : رّذاذي! رّذاذ عمري اصحي
رّذاذ: يـاه يا غـيـث ليت الموضوع بيدي!
غـيـث مسك يدها قرب لها وباسها وهمس : ترا ما شفت بنتنا انتظرك تقومين ونشوفها سوا ..
رّذاذ ابتسمت وهي تتذكر يوم تقوله انها قررت تسمي بنتها غيّم..
غـيـث كان فاتح اللابتوب يشتغل وهي قاعدة تاكل فواكة..
رّذاذ: غـيـث
غـيـث: هلا قلبي
رّذاذ: قررت وش بسمي بنتي
غـيـث: وشو؟
رّذاذ: أنت غيث وأنا رّذاذ صح؟
غـيـث ضحك : طيب؟
رّذاذ: بنتنا غيّم
غـيـث: ياسلام وولدنا هتان!
رّذاذ ضحكت: ايه بالضبط
غـيـث: تم اللي تقوله رّذاذ يصير
رّذاذ ابتسمت وارسلت لها بوسه..
وهو سوا انه ياخذها وهو يضحك على رّذاذ وحركاتها~
طلع غـيـث وهي ما زالت كما هي ~
نـزل للحضانة وطلب منهم يشوف بنته .
دخل وشافها وابتسم كانت صغيرة ناظر في الممرضة : أقدر اشيلها؟
الممرضة : لا
غـيـث ابتسم وهو يناظرها وعيونه دمعت يالله كيف هالكائن راح يكون ملكه وهمس : يارب امك تقوم بالسلامة..
وطلع من عندها ومشاعره اختلفت عن قبل ساعة بس .. بعد مرور ٩ أيام دخل للمستشفى وكالـعادة راح شاف غيّم أول وبعدها دخل لرذاذ ورفع جواله واتصل على ضُحى..
غـيـث: أقول ضُحى
ضُحى: هلا غـيـث
غـيـث: شفتِ التجربة اللي قلت عليها نبغا نجربها
ضُحى: طيب عادي كلم الدكتور واعملوها وين المشكلة
غـيـث: ياختي رافض!
ضُحى: ياخي خذ غيّم وخذ معاك ممرضة وسويها ماحد داري عنك
غـيـث: رايك كذا
ضُحى: انا جاية كمان
غـيـث: اوك انتظرك
ومشى راح أخذ غيّم وكان معه سوسن تعلمه ..
ابتسم وهو يشيلها : يازين بنت بابا اللي بتصحي أمها يناث
ابتسمت سوسن : يارب انها غيم
غـيـث ضحك وهو ماسك رجولها : وه يناث
ضُحى دخلت : هاه جاهزين
غـيـث: ايه يلا
ضُحى ابتسمت : يلا
ومشو معاها دخلت .. ودخل بعدها غيث ومعه غيّم
-🤍-
بالـنسبة لي أنـا كنت أنتظر هاللحظة! وأنتظر غـيـث يغامر وأخيرًا حسيت بدخلتهم سمعت صوت غيّم!
ضُحى: يلا غـيـث حطها
غـيـث: كيف كذا
وحطها على حضني قلبي فز صدقوني بنتي بحضني أخيرًا .. كانوا يناظرونها وينتظرونها تفتح مرت دقيقة وثنتين وثلاثة واربعة وأخيرًا الخامسة فتحت عيوني بخفيف شفت النور ورجعت غمضت وأعتلت صرخات غـيـث بالمكان / صحت صحت غيّم خلت أمها تقوم
وأمي طبعًا شهقت من الفرحة وقامت تبكي..
ضُحى راحت تنادي الدكتور وهي مبسوطة
رّذاذ رجعت فتحت وناظرت في بنتها وابتسمت بتعب ورجعت غمضت، غـيـث قرب لها وباس راسها وهو مبسوط..
الدكتور دخل : طيب شيلو البنوته عشان اشوفها
سوسن : تمام انا اشيلها
وشالتها والدكتور صار يكشف عليها وغيث واقف..
الدكتور ابتسم : عطوها مويا
صبت ضُحى وصارت تشربها..
غـيـث: بشر دكتور ؟
الدكتور : كويسة الحمدلله بس نسوي لها تحاليل ونطمن عليها وتقدر تطلع بكرة الصباح
غـيـث: يعطيك العافية ما قصرت
الدكتور : بس غلط حركتكم مرة ترا
غـيـث: والله لو طريقة ناجحة ١ بالمئة اطبقها عشان زوجتي
الدكتور : حتى لو !
غـيـث: طريقة رائعة ان ما نفعت ما تضر
الدكتور : طيب رجعو الطفلة الحضانة المكان مليان جراثيم
غـيـث: زين
وراح مع سوسن للحضانة دخلو غيم ورجعو لرذاذ.. بس ما دخلوهم بدأوا يسون لها تحاليل .. اتصلت سوسن عالكل وصارت تبلغهم..
عند ضُحى طلعت ومشت مع الدكتور وراحو لمكتبه ..
الدكتور : تراني قادر اسوي لكم مسائلة!
ضُحى ناظرته : يادكتور عدنان الله يصلحك ما صار شيء حتى لو عندي مريضة كان جربت الطريقة بنفسي
الدكتور : الله يهديك يا ضُحى صدقيني لو انك مكانك كان أتخذتِ قرار مختلف عالعموم نظمن عليها وتطلع بكرة
ضُحى: يعطيك العافية وحاول تكون شوي مرن
الدكتورة : ان شاءالله
وطلعت وهي تضحك دخلت عند رّذاذ وكانت لحالها
ضُحى: صح النوم ياحلوة ما بغينا!
رّذاذ ابتسمت : صح بدنك
ضُحى: وين غـيـث ؟
رّذاذ: راحو يجيبون لي ملابس وأغراضي
ضُحى: كويس الحمدلله الله يجعلها آخر الاحزان
-❤️-
بيـت عـزام وطيف
كـانت بغرفتها وتفكر بالتعب اللي يجيها، وقررت تسوي تحليل حمل في البيت ..
دخلت دورات المياه سوت وقعدت تنتظر النتيجة غمضت عيونها وهي متوترة، وكل شوي تفتح وتغطي يدها بعينها ..
فتحتها وشافت خطين نزلت دموعها وتوترت
طلعت للصالة وشافت عزام جالس ولابتوبه بحضنه ويشتغل ناظرت فيه بتوتر، بدون مايرفع نظره : شفيك تعالي
طيف : عـزام
عـزام : عيني
طيف سكتت ومدت له الجهاز
عـزام ناظر فيها مستغرب وناظر باللي في يده وهو مقطب الحاجبين دقق وشاف الخطين: احلفي
طيف : مدري لازم نروح لدكتور نتأكد بالتحاليل
عـزام: يعني ذي ممكن كذب
طيف ابتسمت وهي متوهقة : ما أدري
عـزام ضحك : يابعدددد الدنياااا مبررروك
طيف : لا تضحك أنا خايفة
عـزام: من ايش!
طيف : مدري أحس مو مستعدة أصير أم
عـزام ابتسم وحضنها وبعد عنها وهو يمسك فكها ويرفع راسها : بالعكس بتصيرين أجمل أم في الحياة صدقيني
طيف ابتسمت بهدوء وهو رفع جواله : الآن أخذ لك موعد بكرة
طيف : تمام لا تعلم أحد لحد ما نتأكد
عـزام: ابشري من عيوني
طيف قامت .. عـزام: وين اقعدي
طيف : بروح أبدل ملابسي
عـزام: طيب
-🤍--🤍-
بيت غـيـث
أخذوا أغراض رّذاذ وكلم الشغالة ترتب البيت
سوسن : لا غـيـث يجون عندي
غـيـث: والله
سوسن : ايه أفضل لحد ما تطيب رّذاذ ويرجعون بيتهم
غـيـث : صادقة تم
سوسن : يلا
غـيـث: أيوه يلا
وطلعو متوجهين للمستشفى..
في المستشفى ..
وبالتحديد غرفة رّذاذ
دخل نـايـف والجد مـانـع سلموا ..
رّذاذ ابتسمت يوم شافتهم وردت بالسلام
الجدّ مانع : يا حيّ الله أم الغيم نورت دنيتنا يوم قمتِ
رّذاذ: الله يحفظك يبه
نـايـف ابتسم وهو يناظرها : الحمدلله على السلامة ياعيون بابا
رّذاذ: الله يسلمك من كل شر -وابتسمت وهي تسأل- شفتو غيّم ؟
نـايـف: أكيدد لنا أسبوع كل يوم نزورها
رّذاذ : من تشبه؟
الجدّ مـانـع: توها توها ما بانت على من لكن ياربّ انها رّذاذ الصغيرة
رّذاذ ضحكت : افااا ما يصلح
نـايـف: ايه والله ما يصلح مافي إلا رّذاذ وحدة وهي بنت نـايـف
الجدّ مـانـع : وش نسوي نبغا بنتنا
نـايـف: خلاص أقعد مع تماضر تكفيك
الجدّ مـانـع: ايه زين
دخل غـيـث وسوسن ..
غـيـث: ماشاءالله مجتمعينن
الجدّ مـانـع: هلا هلا بأبو الغيّم
غـيـث حب راسه : هلا فيك يبه كيفك
الجدّ مـانـع: بخير الحمدلله قرت عينك
غـيـث: قرت عينك بشوفة نبيك يارب
الجدّ مـانـع : ومن قال يارب
رّذاذ ناظرت بأمها تبغا تبدل سوسن أشرت لنايف
نـايـف: يلا نطلع برا
غـيـث: ايه يلا
وطلعو وقفلو الباب
وقامت رّذاذ وهي تتألم .. وامها ساعدتها
لبست وبعدها عطتها شنطة المكياج رتبت حواجبها وحطت مرتب وساعدتها امها ومشطت شعرها سوسن ابتسمت ؛ الصدق خيرة تعبك
رّذاذ: ليه؟
سوسن : ما حسيتِ بألم الأيام الأولى
رّذاذ ضحكت : الحمدلله
سوسن : يلا تعالي
رّذاذ: تمام شوي
سوسن : لا تتعطري حطي من الكريم ذا بيدك مرطب وخلاص وبرش الغرفة أنا
رّذاذ: عادي عطيني عطري من زمان ما تعطرت
سوسن : ابشري
رّذاذ: وخليهم يجيبون لي غيّم بالله ماشفتها
سوسن : اصبري الغرفة تفضى وبعدين خير ما يصير البنت بتتعب وترا قلت لغيث لو طلعوك تجين عندنا
رّذاذ: يوه يمه ابغا بيتي
سوسن : بدون عناد بليز كم يوم وترجعي بيتك
رّذاذ: تمام ناديهم
سوسن ضحكت : اناديهم ولا أنادي غيث
رّذاذ ابتسمت : كلهم يمهه
سوسن : اوك
وطلعت قالت لهم ورجعو دخلو وصاروا يسولفون معاها وشوي جات الجدة تماضر ومعاها سلمان وجابت قهوة وحلا وجابت لرذاذ مشروب النفاس وعصيدة .
رّذاذ: ياعمري يمه ليه تعبتِ نفسك
الجدة تماضر : لازم عشان ترمين عظامك
سوسن ابتسمت وصارت تعطيهم وهم جالسين ..
-🤍-
بـعـد ما طلع الكل بقت بس رّذاذ ومعاها غـيـث ابتسم وهو يتأملها : يا جمال الكمال
رّذاذ ابتسمت : غـيـث جيب لي غيّم
غـيـث: ابشري
رّذاذ: يلا
غـيـث: تمام
وراح كلم الممرضة وشوي وجابوها
رّذاذ أول ما شافتها رفعت شفتها السفلية على اللي فوق وهي تشيلها وتغير صوتها : وهه يناثو بنوتي الحلوة
غـيـث ضحك : طيب ليه التعابير ذي كلها
رّذاذ: ياه غـيـث مرة كيوت تخيّل انه الكائن هذا مني ياربي مو مصدقه والله!
غـيـث ضحك : بمساعدتي طبعًا
رّذاذ ضحكت وضربته : بلا سماجة عاد
غـيـث ابتسم : بس حلوة
رّذاذ: أكيد بنتنا جميلة غيّم يا غيّم
غـيـث: ما فهمت وش الحكمة من تكرار الاسم!
رّذاذ: عشان تحب اسمها زي امها
غـيـث ابتسم وهو يشوفها كانت ترد عليه وهي تناظر في غيّم من يوم جابها مارفعت نظرها فيه : الله يالدنياااا جات اللي تطيح سوقنا وسوق اللي خلفونا
رّذاذ: لا ويننن
الممرضة جات تشيلها
رّذاذ: ليهه
الممرضة : خلاص حضانه تتقفل
رّذاذ: مانقدر نخليها هنا؟
الممرضة : نو سوري
رّذاذ ابتسمت وباستها وعطتها ..
غـيـث: يلا ارتاحي
رّذاذ: لا
غـيـث: ليه؟
رّذاذ: متى نطلع؟
غـيـث: الصباح وانتِ بخير
رّذاذ: تمام
-❤️-
بيت سوسن
كانت ترتب الغرفة والبنات معاها
لبنى : ماما عندي سؤال
سوسن : تفضلي
لبنى : لو جات رّذاذ غيث معاها؟
سوسن : لا بس اكيد بيزورنا عشان كذا خليها بغرفة الضيوف يصير سواءً الحريم أو غيث هي هنا وحلو دور ارضي عشان ما تتعب
بنان : ماما شوفي لقيت المفرش ذا وذا
سوسن : هاتِ الأبيض أحلى
لبنى : ايه أحلى وأنا وصيت على ورد أبيض
سوسن : حلو
لبنى : يمه طيب لو جو الحريم متى بيكون؟
سوسن : ماحد كلمني بس افكر نسوي عزينك بنفس اليوم ونرتاح
بنان : صحيح على اساس اللي تعرفوهم راح يجون بيوم واحد
لبنى ضحكت : والله ماغير تجيك وحدة من تحت الأرض
سوسن : خلاص عاد عيب كالعادة جدكم يسوي عشاء ويعزم الكل بس خلو رّذاذ ترتاح
لبنى : صح زي يوم ولادة أمل
بنان : يمه خلصنا أنا رايحة أنام
سوسن : غريبة بدري
بنان : عشان اصحى بدري ونشوف الغيم
سوسن : طيب يلا بس لا تنسين كلمي نالا تحط مريا بالثلاجة فيه كرتونين ثلجوها
بنان : اوك حبي باي
سوسن : تصبحي على خير
بنان: وانتِ من اهله
ليث دخل : وين الناااس انا لي ساعة ادوركم وانتو هنا
لبنى : ماعد بتشوفنا الا هنا ياخوك
ليث : كويس عشان غيم نكون عندها
سوسن : اقول قوم يلا الصالة حنا نعقم وانت تجي تجلس
ليث : افااا كذا يعني كل شيء صار عشان غيم
سوسن : كذا النظام عاد لحد ما تكبر
ليث : طيب اصلًا طالع انام
سوسن : ابوك وينه؟
ليث : كان تعبان طلع يرتاح
لبنى : يمه حتى انتِ روحي نامي خلاص أنا برتب الأغراض بقي شيء بسيط عشان لو جو الصباح تكونون صاحين
سوسن : تمام يمه بس انتبهي
لبنى : ابشري ماعليك
-❤️-
بيت محسن
ام تركي : ياعمررري يا رّذاذ الحمدلله انها بخير عقبال طيف يارببب
محسن : وشبها طيف؟
ام تركي : عقبال تحمل
محسن غمز لها : وانتِ؟
ام تركي : شفيني انا؟
محسن : نبغا نونو ثمرة حبناا
ام تركي : ويي بالله شوفني كبرت وبحمل!
محسن : وين الامومة مالها عمر بعدين توك صغيرة
ام تركي سكتت بسرحان
محسن : اصلًا ليه مو متوقعه لا يكون تاخذين مانع من وراي!
ام تركي : لا شدعوه مو متوقعه مدري ما فكرت
محسن ضحك : ماتدرين امكن قدك حامل الحين
ام تركي سكتت ولا علقت..
-🤍-
وأخيـرًا الصباح في المستشفى
صحت وبدلت بجامة مريحة وكانت تنتظر غـيـث
دخل وصبح عليها عالساعة ٦
غـيـث: يلا تعالي افطري جبت فطور
رّذاذ: وش جبت؟
غـيـث: ساندوتشات خفايف
رّذاذ: طيب متى الخروج؟
غـيـث: نفطر وأروح اسوي الإجراءات وعطول نطلع
رّذاذ: تمام ياروحي
غـيـث: بتروحي بيت اهلك ؟
رّذاذ ابتسمت : ايه كم يوم بس اتعلم كيف اروش غيم وانا اقوم بالسلامة
غـيـث ابتسم : يعني عندنا مغامرات جديدة بس مع غيم هالمرة
رّذاذ: ايه
غـيـث: يلا انا شبعت بروح اسوي الإجراءات
رّذاذ: تمام
وطلع وهي كملت تاكل..
-❤️-
بيت سوسن
افطروا وعطول قامت للغرفة بخرت وشغلت الفواحة، وطلعت ونايف يفطر
نـايـف: خير من أمس ماشفتك اجلسي
سوسن ابتسمت وجلست : يلا افطر وينهم ذول مايجون يفطرون
نـايـف: باقي بدري شفيك
سوسن : شوي ويجون أكيد
نـايـف: عادي عيالنا اقعدي
سوسن : طيب كل بيض ليه سويته انا
نـايـف: ما فتحتِ لي شسوي
سوسن : اخخ منك يا نايف
نـايـف ابتسم : يلا
سوسن: ابشر
لبنى نزلت : يالله صباااح خير
نـايـف: صباح النور
لبنى : اشبكم الوالدة شكلها عندها استنفار
نـايـف: مررة شوي وتطردنا
لبنى : ما هقيت تطردك
سوسن ابتسمت : شفت الغرفة يعطيك العافية ياعمري
لبنى : الله يعافيك ياعمري
سوسن : بقي كلمتِ المصورة؟
لبنى : يس حجزت على بكرة
سوسن : ايه افضل
نـايـف: باقي اشبكم رّذاذ توها تعبانة خلوها ترتاح كم يوم بعدين
سوسن : لا افضل نبغا نخلص
نـايـف: الله يهديكم
سوسن : ماعليك لا تشيل هم.
-❤️-
بيت طيف وعزام
كـانوا يفطرون والمكان هدوء
عـزام ابتسم: خلصتِ؟
طيف : الحمدلله ياقلبي
عـزام: يلا طيب قومي خلينا عبال نوصل
طيف : يوه عزام خايفة
عـزام مسك يدها وباسها : لا تخافي خير ان شاءالله
طيف : ياربب
عـزام: يلا تكفين البسي
طيف : طيب عمري البس عبايتي بس
عـزام: زين انتظرك
طيف صرخت : عـزام ارفع الفطور بالله
عـزام: تمام ياقلبي
طيف ابتسمت وهي تاخذ عبايتها وهمست : شكله ولدك بيغيرك لو ماغيرتك أنا
-❤️-
بيت ضُحى وسلمان
كانوا يفطرون هم بعد..
ضُحى: سلمان ترا بروح المستشفى وعندي مناوبه اليوم
سلمان : يا ذا المناوبة وش رايك افتح لك مستشفى
ضُحى: الله الله مستشفى مرة وحدة
سلمان : عشان تصيرين صاحبته وماعد تداومين
ضُحى: سلمان.. حبيبي .. قلبي افهم أنا أحب شغلي والله ومو قاعدة أتعب وأداوم بكل حب دايم
سلمان : أدري والله بس احس فقدتك فعليًا
ضُحى: فترة وتعدي ماعليك
سلمان : وش هذا تصبيره يعني؟
ضُحى: تقريبًا
سلمان : طيب يلا أنا طالع بروح لابوي وبعدين امكن امر على رّذاذ
ضُحى اخذت شنطتها : طلعت رّذاذ ترا
سلمان : ايه بروح بيت نـايـف
ضُحى: تمام يلا
وطلعوا مل واحد راح بسيارته..
-🤍-
عِند رّذاذ وغيث
طلعو من المستشفى وكانت شايلة غيّم بعد ما غـيـث طلع الأغراض السيارة مسك غيّم وطلعت هي وراء ناظرت وشافت الكرسي اللي حاطه، ابتسم وعطاها غيّم
رّذاذ: وه وه شوفي بابا وش جاب لنا
غـيـث طلع وهو يضحك على نبرة رّذاذ اللي صارت تتغير : يلا رّذاذ حطيها عشان ما تتعبك
رّذاذ: لا خلها بحضني
غـيـث: حاضر
ومشـى وهو مبسوط ويدندن..
وأخيـرًا وصلو بيت سوسن وكانوا باستقبالهم نـايـف شال غيّم من رّذاذ ودخلها قبلهم وغيث مسك رّذاذ وساعدها عشان تمشي ..
سوسن : يا هلااا وسهلًا بالغيم وأمهاا أعز من يجي
غـيـث: افااا ياعمه وابوهم ماله ترحيب
ضحكت سوسن : افااا بس أنت أعزهم
رّذاذ ابتسمت وهي تجلس: ماشاءالله يمه مين ضبط الركن
سوسن ابتسمت: أنا ولبنى ، يلا انسدحي وبحط جنبك غيّم
رّذاذ: لا خليها بكرسيها
سوسن : تمام
نـايـف: ليث جيب لنا قهوة
سوسن : لا أجلس أنا بجيبها وقامت
لبنى وبنان كانوا في المطبخ
سوسن : اشبكم؟
لبنى : نبغا نجي
سوسن : اصبروا شوي غـيـث يروح
بنان : يوه طيب بجي انا توي متغطية
سوسن : اقول اهجدي
بنان ضحكت وامهم خذت القهوة وطلعت
-❤️-
عند طيف وعزام
حللوا وبعد ماخلصت الدكتور: تبين نسوي سونار؟
طيف : عادي
عـزام: بس انا اللي اعرفه انه بالشهور الأخيرة السونار عشان ما يتأثر الجنين
طيف : لا عـزام بليز خل نسوي
عـزام ابتسم : طيب عشانك
الدكتور : لا تشيل هم ما تتأثر ان شاءالله
عـزام: تمام يلا بسم الله
الدكتور ابتسم : يبدو انه المدام فعلًا حامل
عـزام ابتسم وهو يشوف طيف وهي مبتسمة وعيونها دمعت .. خلصت وجلست ..
الدكتور : أنا حشوف التحاليل واجي
وطلع عـزام ابتسم وهو يشوفها وحضنها، طيف ناظرته : بموت خوف
عـزام: لا تخافين قلك لك بالعكس داخلك كائن جزء منك وبيجمل حياتنا بإذن الله
طيف : يارب
الدكتور دخل ومعاه أوراق وهو مبتسم : مبروك حامل تقريبًا صار لها ست اسابيع
عـزام: يعني شهر واسبوعين
الدكتور : بالضبط
طيف : طيب دكتور بالبداية ما حسيت بشيء طبيعي؟
الدكتور : أيوه في الفترات الأخيرة صاروا ما يحسون بالحمل إلا بالشهر الثاني والثالث سبحان الله بطبيعة الحياة
عـزام: طيب دكتور وش تحتاج هل هو ثابت ولا لا
طيف ابتسمت وهي تناظر فيه وهو يستفسر وكان ماسك يداتها ويتكلم مع الدكتور
الدكتور : لا تخاف حملها ثابت وهي بخير بس تنتبه لنفسها لا تشيل ثقيل وتتعب نفسها وراح أكتب لها فيتامينات بإذن الله
عـزام: تمام
الدكتور : تقدرون تتفضلون
عـزام وقف : تمام يعطيك العافية
ومسك طيف وطلعو
طيف ابتسمت وهي تشوفه : مادريت انك بتنبسط كذا
عـزام: كيف ما أنبسط وزوجتي وحبيبتي حامل
طيف ناظرته وهي مبققه عيونها بفرحة وحرفيًا مستغربة مسك يدها ومشو وهو ماسكها وكل شوي انتبهي ..
-🤍-
بيت سوسن
غـيـث قام : يلا أنا ماشي
نـايـف: وين تونا الدوام ٩ أرتاح
غـيـث: بطلع والله عندنا شغل كثير اليوم
رّذاذ: غيث شوف أرسلت لك رسالة شوفها قبل تجي
غـيـث: ابشري ياعمري
رّذاذ: بترجع هنا؟
غـيـث: ما أدري امكن أمر على سما وسحاب قالوا بيجونك
سوسن : عادي حبيبي جيبهم وتعالوا تغدوا عندنا حياكم الله
غـيـث: الله يرفع قدرك يا عمتي
سوسن : وياك حبيبي
رّذاذ: استودعتك الله
نـايـف: أجل خذني معاك
وقام وطلع معاه وأول ماطلعو دخلو لبنى وبنان يركضون
رّذاذ: بس شوي شوي
لبنى : اص ولا كلمة وين غيّم وينهااا
سوسن: نايمة
بنان : وبسم الله نزعج غيمتنا الحلوة
رّذاذ: لا بنات تكفووون
لبنى : والله جيتي عندنا تحملي أحلى جلسة تصوير بتصير الحين للشيخة
رّذاذ: الله يهديهم
سوسن : خذي رّذاذ اشربي هذا
رّذاذ: يمهه تكفين لا نبدأ بالمشروبات الغريبة ذي تعرفين ما أحبها
سوسن : أقول خذي وعن الهرج الزايد مرة مناعتك صفر عشان تقدرين تقومين
رّذاذ: الحمدلله بخير أقدر أقوم
سوسن : رّذاذ بليز بلا حركات أطفال
رّذاذ: طيب وخذته وشربت
سوسن : يلا بالعافية
لبنى : رورو شيلي غيّم بصورك وأنتِ شايلتها
رّذاذ: خليني أبدل ملابسنا وصورينا
لبنى : طيب يلا
رّذاذ: يمه باخذ شوار في المستشفى ماعجبني حمامهم
سوسن : طيب قومي شوفي جهزت لك كل شيء
رّذاذ : طيب ياعمري
وقامت : شرايك نروش غيّم ؟
سوسن : لاا موب الحين بكرة نظيفة اليوم
رّذاذ: اوك
وقامت وراحت
-❤️-
بيت الجدّ مـانـع
كانوا جالسين وجاء سلمان دخل وسلم : متجمعين عند النبي ان شاءالله
الجدّ مـانـع: اهلين وش جابك
سلمان : والله أبد ضُحى راحت دوامها وأنا قلت بشوفكم بعدين بروح عند رّذاذ
أبو غـيـث: رّذاذ في بيت ابوها الحين جاي نـايـف
سلمان : مو مشكلة نروح يمه معي؟
الجدة تماضر: لا بقي بدري بعدين بنروح لهم حنا
سلمان : زين
نـايـف دخل وسلم عليهم هو وغيث
الجدّ مـانـع: قرت عينك يا غيث
غـيـث: الحمدلله يارب
نـايـف: يلا قوموا نروح نشوف شغلنا
غـيـث: وين سحاب وسما
أبو غيث: فطروا وطلعو فوق
غـيـث: طيب بشوفهم أنا
وطلع لهم شافهم سحاب كانت تتابع دورة وسما قاعدة تشوف مسلسل
غـيـث: صباح الخيرر
سحاب : هلااا بأبو غيّم صباحك سعيد
غـيـث: هلا فيك حبيبتي كيف حالكم
سحاب : الحمدلله بخير رّذاذ طلعت؟
غـيـث: أيوه سما ماتسمعيني
سحاب : مركبة سماعة الأخت
غـيـث: اهاا طيب اسمعي بعدين باخذكم تشوفون غيّم وتتغدون عند عمتي عازمتكم
سحاب : فشلة الظهر
غـيـث: ايه عادي قالت يجون عندنا بعدين مو فشلة بيت عمك
سحاب : تمام ياعمري ان شاءالله نتجهز ارسل قبل توصل
غـيـث: تمام قلبي يلا مع السلامة
سحاب : الله يحفظك
غـيـث: آمين ويحفظكم
وطلع نزل الدرج ومر وهم باقي يسولفون : أنا طالع هاه سلام
سلمان : خذني معاك
وطلعو
غـيـث: وين رايح؟
سلمان: عند غيّم أكيد
غـيـث ضحك : ياخي روح أشتغل داوم
سلمان : ياخي أنا مستثمر !
غـيـث: طيب شوف لك شغلة فيها دوام بترجع تجنن
سلمان : لا ما أحب الدوام أحب الحياة الفاضية اللي لا شغل ولا مشغلة وتجيني فلوس وأنا حاط رجل على رجل
غـيـث: الله المستعان
سلمان : يلا سلام
وطلع سيارته وغيث ابتسم : بوس لي غيّم
سلمان غمز له: وامها؟
غـيـث: انقلع
سلمان : ماعليك حبوسهم الثنتين يلا سلام
غـيـث: الله يحفطك
-🤍-
عند رّذاذ خذت شوار وتدهنت بالمسك وحطت لوشنات ولبست فستان وردي كانت ماخذة طقم لها ولبنتها وحطت مرطب ورسمت حواجبها ومسكرا وبلاشر خفيف وقامت ..
لبنى : الله الله خلصتِ؟
رّذاذ: أيوه يازين النظافة
لبنى : اكيدد
رّذاذ: شوفي لبس غيّم هنا
لبنى : طيب تعالي ونخلي ماما تلبسها
رّذاذ: طيب يلا
وأخذوها ودوها لسوسن
سوسن : خيرر
رّذاذ: لبسيها
سوسن : طيب تعالي عشان تشوفين
رّذاذ: طيب يلا بس شوي شوي على بنتي
سوسن : حاضر عمتي
بنان جات : ترا عمو سلمان جاي عندك
رّذاذ: ياعمري هو اشتقت له
سوسن : كويس عشان اقعد اسوي الغداء براحتي اشغلتوني
رّذاذ: شدعوه يمه أنتِ قلتِ صور هذا حنا نستعد
لبنى : اقعدي لا تتعبين عبال تخلص
سوسن : وه وه يازين البنات
رّذاذ ناظرتها : ياحلو بنتي يناااس
رّذاذ : لحظة يمه بصورها وصورت وامها تلبسها وارسلتها لغيث
سوسن : وخلثناااا الحلوووه خذيها يا امها
رّذاذ: يلا عطيني
ووقفت ولبنى صارت تصورها
رّذاذ: لبنى خلاص مليون صوره تعبت
لبنى : طيب اقعدي وبرسلك واختاري الأحلى
رّذاذ: اوك
حطت غيّم في الكرسي حقها وصارت تختار رّذاذ: ياحلونااا انا وبنتي كلها حلوة عجزت أختار
لبنى : اص بس خل أنا أختار
رّذاذ ابتسمت وحولتها لغيث ..
غـيـث كتب لها : تراني أسوق لا ترسلين صوركم ولا برجع لكم
رّذاذ ابتسمت وقفلت الجوال : غريبة سلمان طول
بنان : جاء جاء
ونطت تفتح له
سلمان : اهلااا بالزيننن كله
بنان : هلا والله وحشتنا
سلمان : هلا فيك وين رّذاذ
بنان: داخل بغرفة الضيوف
سلمان : امك وينها
بنان : في المطبخ ماعليك
سلمان : انا جيتتتت
رّذاذ ابتسمت : اعززز من يجي والله
سلمان ابتسم وباس راسها : الحمدلله على سلامتك يالغالية
رّذاذ: الله يسلمك يابعد الدنيا
سلمان جلس : هاه بشري كيف صحتك؟
رّذاذ: الحمدلله أنا بخير كيفك أنت وكيف ضُحى ؟
سلمان : والله الحمدلله كلنا بخير
رّذاذ: الله يسعدها والله ماقصرت معي
سلمان : ولو حبيبتي عيونا لك
رّذاذ: حبيبي أنت الله يحفظكم يارب ويرزقكم الذرية الصالحة
سلمان : امينن وتقعد بالبيت
رّذاذ: افااا ليه اشبك؟
سلمان : والله مليت ياختي دايم مداومة
رّذاذ: عاد أنت خذيتها وأنت عارف بشغلها مالك حق تعترض الآن!
سلمان : صادقة بس..
لبنى : اجيب شاي ولا قهوة
سلمان : قهوة طبعًا
لبنى : ابشر
وراحت وهو كمل يسولف مع رّذاذ شوي وطيف تتصل : الو هلا
طيف : أنا جيت افتحو الباب
رّذاذ: طيب بنان فكي لطيف
وقامت تفتح لها ..
سلمان : اوه جت طيف
رّذاذ: أكيد ماتقدر
سلمان : شكلها عرفت اننا متجمعين ولا ما كان جت
رّذاذ ضحكت : ممكن
طيف دخلت : ماشاءالله شميتت ريحة خيانة
رّذاذ: هلااا نورتِ
طيف : عيب عليكم تتجمعون بدوني
سلمان : ماتجمعنا جيت أزور المدام وانتِ مافي نونو بالخط طولتِ تراك
طيف : الا فيه تونا راجعين من المستشفى
سلمان : كذابة
طيف : والله
سلمان : تبااارك الله مبروك عقبال زوجتي
طيف : يبارك في عمرك ياحبيبي
رّذاذ ابتسمت : الله يالدنيااا قبل سنتين كنا نتجمع عشان نشوف فيلم في بيت جدي والحين نتكلم عن ازواجنا وعيالنا
طيف: فعلًا سبحان الله
سلمان : كيفكم وكيف رجالكم معاكم وابتسم رّذاذ معروف غـيـث منا وفينا طيف كيف عـزام ؟
طيف : الحمدلله زين
سلمان : زين ذي وراها كلامم قولي وش يصير معك
طيف : والله الصدق بالبداية كأنه ابوي بس الايام الاخيرة الحمدلله كأنه بدأ يتغير احسه يخفي شخصيته ياخي!
سلمان : شوفي ترا عـزام حتى معانا كذا شخصيته من النوع الحذر يعني ما يفك بسرعة مع الشخص وحريص مرة في علاقاته وهالشيء ترا بسبب البيئة اللي يعيشها يعني تعرفين يتيم الأم فهذا سبب عنده الحذر من العالم الخارجي ويصير حريص دايما لحد ما يدخل فيك ومع الأيام يبدأ يتغير ترا حتى معانا فأحس طبيعي يعني
طيف : الله يصلحه يارب عاد بيصير عنده عيال لازم يعتدل
سلمان ابتسم وهو يمسك يدها : لا تخافين ياحبيبة قلبي بيتغير مع الأيام صدقيني يحبك ويغليك وبيتغير عشانك
طيف ابتسمت: آمين يا أجمل خال وأخ
رّذاذ: ماشاءالله همومكم ماتخلص تراني نفاس مابغا جو كئيب
سلمان : تخيلي ضحى تطلع حامل!
رّذاذ: ليه تعبانة؟
سلمان ؛ حتى لو تتعب بتكابر
رّذاذ: ترا ضُحى رقيقة مرة حتى لو جلست تكابر الا انها مرررة حنون وعطوفة
سلمان : صادقة والله ولف على لبنى هاه لولو ما بتعرسين
لبنى : لا ويننن أنا بدخل الأعمال مع الوالد مابي أعرس
سلمان : الله يالدنيااا
لبنى : ايه حبيبي عبالك مثلكم بقعد اتحلطم من الشيخ
سلمان : خلاص أمزح معك
وكلهم ضحكوا عليها
طيف : عطوني غيّم طيب!
رّذاذ: قومي خذيها
سلمان ابتسم وهي قامت أخذتها وصارت تلعبها ..
سوسن جات وشافتهم : ماشاءالله متجمعين
سلمان وقف : هلاا ام رّذاذ كيفك
سوسن : الحمدلله وانت كيف حالك وكيف ضُحى
سلمان : الحمدلله بخير
-سلمان من يومه صغير ما يغطي عن سوسن ولا هي تتغطى منه لانه قريب من عمر رّذاذ-
سوسن : مبررروك طيف عمري توهم قالوا البنات الله يتمم لك ويسعدك
طيف : آمين ياربب الله يسمع منك
سوسن ناظرت برذاذ: عطيتي بنتك حليب؟
رّذاذ: لا باقي
سوسن : طيب عطيها
سلمان : قام يلا أنا استاذنكم بروح الجيم
طيف : تاخذني توصلني معك البيت
سلمان : يلا
سوسن : اقعدي طيف تغدي معانا بيجون سحاب وسما وبعدين جدتك وامك
طيف : والله بروح ابدل ملابسي
رّذاذ: اطلعي غرفتي طيف تروشي وخذي راحتك
سلمان : هاه قرري
طيف : خلاص طيب روح بقعد
سلمان : يلا مع السلامة حبايبي
رّذاذ: الله يحفظك
وطلع وطيف طلعت غرفة رّذاذ
رّذاذ صارت ترضع بنتها وشوي اتصل غيث وفيس تايم ناظرت بلبنى : تعالي افتحي
لبنى: طيب غطي صدرك
رّذاذ ضحكت : طيب مغطية انا منك حتى
لبنى ضحكت : احلفي ياخراطة
رّذاذ: بسرعة
لبنى : اوك
وفتحت غـيـث ابتسم وهو يشوفهم : يا أجمل ثنتين بحياتي
رّذاذ: الله ياحظناااا
غـيـث: وش غيّم صاحية؟
رّذاذ: لا نامت
غـيـث: مسرع
رّذاذ: نونو عاد هم بذا السن ينامون كثير
غـيـث : طيب حطيه بسريرها وارجع أكلمك
رّذاذ: لا تقفل
وعطت لبنى.
غـيـث : طيب حطيه بسريرها وارجع أكلمك
رّذاذ: لا تقفل
وعطت لبنى غيّم ومسكت الجوال : هلا
غـيـث: مركبه سماعة أنتِ؟
رّذاذ: أيوه ليه؟
غـيـث ابتسم : عشان اقولك اني أحبك
رّذاذ: وأنا بعد
غـيـث: متى بترجعون البيت ترا ماش مو عاجبني وأنتِ عند أهلك
رّذاذ: غـيـث قلبي أنا قلت كم يوم خلاص بخليها ٥ أيام بس لحد ما أشوف البنوته وأرتاح شوي ترا بقي تعب الولادة
غـيـث: ياصبر قلبي
رّذاذ: عادي ترا أمي حاطه احتمال انك بتجي تنام عندنا
غـيـث ضحك : تكفينن
رّذاذ: والله
غـيـث: خير ان شاءالله
رّذاذ: أنت وش تسوي
غـيـث: أنتظر عـزام
رّذاذ: اهاا طيب يلا أطلب لك قهوة حلوة وروق وتقهوا
غـيـث: تمام ياعيوني يلا انتِ ارتاحي
رّذاذ: تمام
وقفـلت وطيف دخلت : وش تسوين
رّذاذ: أكلم البعلول
طيف : أيوه تبين تنامين
رّذاذ: لا اقعدي خل نسولف
طيف ابتسمت : بس بقرب القهوة
رّذاذ: تمام
طيف ناظرتها : وشبك تناظرين نظرات الأم
رّذاذ: لا بس كذا فرحانة فيك
طيف : ياعمري أنتِ
رّذاذ: الله يهون عليك يارب
طيف : يارب
رّذاذ: كيف البعلول
طيف : الحمدلله بخير
رّذاذ: تغير؟
طيف : اوه ١٨٠ درجة
رّذاذ : ترا أكيد سلمان صادق يعني هم الرجال لهم نظرة ببعض وطالما انه كويس وما يقصر قولي الحمدلله
طيف : ايه والله الحمدلله -وضحكت- اشبه غيث؟
رّذاذ ابتسمت : يبغانا نرجع البيت بس صعبة
طيف : عادي خليه يجي هنا
رّذاذ: لا عادي أصلًا كم يوم وأرجع بس مرة نفسي اصبغ شعري واسوي عناية
طيف : خليه لما ترجعين كذا قبل بيوم علميني وأحجز لك
رّذاذ: تمام
بـعـد مرور الوقت عالساعة ١٢..
طيف طلعت عند البنات فوق ترتاح لحد العصرية وبنان عندها ، اما لبنى مع امها..
سوسن دخلت لرذاذ : اش تسوين؟
رّذاذ: نمت والحين بطني يعورني
سوسن: اشربي من ذا وترا غـيـث واخواته جايين بقول للبنى تجيب لك مكياج ومشط رتبي نفسك
رّذاذ: وعطري بالله
سوسن : ابشري
وشوي جوها طيف وبنان
طيف : يلا بسرعة
رّذاذ: لا مابغا مكياج خفايف بس
طيف : طيب خفايف بس حطي قلوس بدل المرطب
رّذاذ ضحكت : لا خليه كذا
طيف غمزت لها : عشان لو جت بوسه عالطاير ما يبان هاه
رّذاذ ضربتها: والله انك حيوانه
طيف : افا عليك فاهمتك بفريقك انا
رّذاذ: ابغا شكلي طبيعي
طيف: يلا بس
ورتبت شكلها وتعطرت : شوفوا عطر غيّم بالشنطة ذي حطي بخة بيدك وحطي على لبسها مو وجها
طيف : اوكي
وخلصت وطلعت فوق ..
وشوي دخل نـايـف: السلام عليكم يا أهل البيت ..
وكان ماحد حوله قام دخل عند رّذاذ: بس أنتِ هنا وين امك والبنات
رّذاذ: ماما ولبنى في المطبخ وطيف وبنان فوق
نـايـف: الله طيف عندنا
رّذاذ: أيوه
نـايـف: طيب أنا بروح أبدل ملابسي قبل يوصل زوجك
رّذاذ: تمام ياعيوني
نـايـف ابتسم : جهزي غيّم لو امك ما جهزت الأكل باكلها هي
رّذاذ ضحكت : لا والله
نـايـف: حفيدتي عاد
وطلع وهي ابتسمت شوي وغيث رن عليها : احنا برا
رّذاذ: طيب عمري رن الجرس يفتحون
غـيـث: ليه لحالك
رّذاذ: ايوه
غـيـث: تمام
وقفل ودقو الجرس فتحت لهم الشغالة ودخلو
غـيـث دخل ومعاه سحاب وسما..
سلموا على رّذاذ وجلسوا
غـيـث باس راس رّذاذ وقرب وأخذ غيّم: يازين بنتي ياحلوهااا يناس غيّم بنت غـيـث سجلتها اليوم وطلعت شهادة ميلاد حلوة
رّذاذ: ياه عطوك كرت العائلة؟
غـيـث: لا هادا بكرة استلمه صح يا بابا
سحاب : ياروووحي بصوركم
غـيـث: سنابه؟
سحاب : ايه
غـيـث غطا على وجها : بدون وجها
رّذاذ ضحكت : غـيـث لا تكتم بنتي
غـيـث: ما كتمتها غطيت عيونها بس أخاف عليهم من الفتنة
سحاب : بدينا بدينا بثقالة الدم
غـيـث: لا والله انتِ الثقيلة
سما ابتسمت : وين البنات رّذاذ ؟
رّذاذ: فوق ياعمري اطلعي عندهم لو تبين طيف موجودة كمان
سما : اوه ماشاءالله أجل بطلع لهم
سحاب : اصبري نطلع سوا
سما : لا بطلع الحين
وشوي ونزل عمهم نـايـف: ياهلااا ياهلاا أنورت واسفرت بسما وسحاب
قاموا سلمو عليه نـايـف ابتسم : حياكم الله ارتاحو ارتاحو
سحاب: الله يحيك عمي
نـايـف: شفتو غيّم
سما : ايوه ماشاءالله تجنن
سحاب : ايه ياحلوهااا الله يجعلها باره بهم
كلهم امنوو..
نـايـف: وين البنات عنكم اطلعو لهم انبسطوا شفتهم طيف عندهم
سحاب : ايه بنطلع الحين بس نسلم على عمتي
نـايـف: اوه عمتك ماتشوفينها الا بعد الغداء روحي اطلعي
سحاب ابتسمت : تمام
وطلعو هي وسما وغيث كان شايل بنته ويلعبها
نـايـف: هاه كيف بنتك ؟
غـيـث: يازينها قطعة من قلبي مو بنتي
نـايـف: وباقي بتتعلق أكثر وأكثر
غـيـث: أجمل تعلق بالحياة راح يصير
سوسن جات وشافتهم : يلا غداء قوموا وخلو غيّم بحالها
غـيـث: حاضر
نـايـف: يلا بسم الله نادي بناتنا
سوسن : البنات بياكلون داخل عالطاولة وانتو هناك
نـايـف: طيب يلا ليث وينه؟
سوسن: فوق الآن راح أتصل عليه..
نـايـف: تمام
غـيـث: خذيها يا أمها
رّذاذ ابتسمت ومدت يدها غـيـث عطاها وقوب لها وشم شعرها وهمس : اشتقت لك!
رّذاذ: شدعوة غـيـث!
غـيـث: والله مرة وحشتيني فقدتك صدق
رّذاذ ابتسمت وضمته، بنفس الوقت مرت سوسن من عند الباب وابتسمت وهي تشوفهم ..
رّذاذ انتبهت لها : يلا يا ابونا روح تغدأ عشان تنام
غـيـث: وشبك
رّذاذ ابتسمت: أمي تناظر فيها
غـيـث ضحك : ماعليه
رّذاذ: يلا روح تغدأ
غـيـث: زين
وطلع وهي جلست تنوم غيّم..
مـر الوقت سريع وكل واحد راح لشغله..
العصر وبـالتحـديد الساعة ٥ بغرفة الضيوف كـانـوا متجمعين وصلت أم تـركي وسراب، والجدة تماضر والجدّ مـانـع، وطيف وأمل وسحاب وبنان ولبنى وسوسن .. كلهم كانوا حول رّذاذ سواليف وضحك وشوي يشيلون غيّم ويشوفون تشبه مين ..
سوسن : عاد بسم الله عليها طالعة قمر الظاهر على أمها
ام تركي : عاد سوسن بلا تحيز ترا غـيـث ورذاذ من عيلة وحدة فماعندنا تحيز
طيف ضحكت : كفوو يمه عطيها بس أنا ابغاك تتحيزين معانا لو سمحتِ مو مع عزام
ام تركي : احملي بالأول وبعدين نشوف نتحيز مع مين
رّذاذ ضحكت : اوه يا عمه ما دريتي قدها حامل القمر تبعك
ام تركي بققت عيونها: بالله! تمزحين
طيف ابتسمت : ايه والله رحنا اليوم وطلعت حامل
ام تركي: ياحيوااانه وأنا آخر من يعلم
طيف : عاد شسوي حبيت اقولكم وجهًا لوجه
الجدّ مـانـع: مبروك يا طيف الله يتمم لك يارب ويرزقك بالذرية الصالحة
طيف : آمين يا جدو
الجدة تماضر : علمتو أهل عزام؟
طيف: مدري أعتقد قالهم عشانه تغدأ عندهم
الجدة تماضر : الله ييسرلك يارب ويرزقكم ما تتمنون
طيف : آمين يارب اجمعين
ام تركي : أجل قولي لتركي ومحسن
طيف : ايه بعلمهم شوي
ام تركي : روحي بالمجلس هم
سوسن : ايه ليث ونايف طلعوا أعتبد
طيف : لحالهم؟
سوسن : ايوه ضحاوي قومي معاها
ام تركي: مافيني روحي لحالك
طيف : لا يمه بليز قومي
ام تركي : لا اله الا الله يلا قمت
وقاموا وراحو للمجلس كان محسن على جواله وتركي يقلب في التلفيزيون
ام تركي : السلام عليكم
ردو السلام الاثنين ..
طيف : شفيكم بسم الله
محسن : متوحشين ننتظر أحد يعبرنا
طيف ضحكت : افااا يبه وفيه أحد ما يعبر هالزيننن
ام تركي ناظرتها وهي متعجبة منها.
محسن : ياحلووو بنتي ليت الكل طيف يناس!
طيف ابتسمت وحبت راسه وسلمت على تركي : كيك حالكم
تركي : الحمدلله انتِ كيفك مع ابو الشباب
طيف : الحمدلله عندي لكم خبر
محسن : يارب خبر حلو اشتقنا للاخبار السارة!
طيف : خمنو وش هو
تركي : وشو يخصك؟ ولا يخص امي؟
طيف : نص ونص
محسن ضحك وبحماس : امك طلعت حامل
طيف فطست ضحك : قربت
محسن : انتِ حامل صحح!
طيف ضحكت : ايه صح عليكك
محسن : ياسلااااام مباااارك وقام حضنها وباس راسها وتركي نفس الشيء حضنها وباسها وبارك لها
ومـرت حـياة الكل بيـن أخبار سـارة، وحياة هـانئة
خالية من أي مشاكل من الخـارج! كانت مشاكلهم الصغيرة قادرين انهم يحلـونها في ما بينهم..
بـعـد مـرور اسبوعين ضحى اكتشفت انها حامل ونفس الشيء أم تركي طلعت حامل محسن قوم الدنيا من الفرحة كانوا الثلاثة حوامل وهو طاير بحكم انه يمون على شيء اسمه أطـفـال!
أمـا بالنـسبة لرّذاذ كانت تنتظر اليوم اللي بترجع فيه بيتها قعدت عِـنـد أهلها أسبوعين وأخيرًا قررت ترجع بعد ما صارت تقدر تروش غيّم بنفسها..
بيت طيف وعزام✨.
كانت طيف قاعدة تتفرج مسلسل وعزام دخل المطبخ يقطع لها فواكة، ابتسمت وهي تشوفه
صحيح الإنسان أحيانًا يكون صعب لكن عـزام بقد ماهو صعب كان جدًا حنون مع طيف! عشان كذا حطته محل أبوها بالبداية لكنه طلع مُختلف تمامًا
وكأنها كل فترة تكتشف أشياء جديدة في هـالعزام تخليها تحبه أكثر وأكثر.. أمـا ضُحى وسلمان، سلمان مهما كان طـيب وحنون إلا انه شخص ملول جدًا وما يحب الروتين وعلى قد ما كـان يوافق على كل شيء تقوله ضُحى صار العكس ويبغا راحتها فقط.. ضُحى صبورة جدًا بحكم انها شافت حنية محسن وعصبيته بنفس الوقت فماصارت تفرق معاها.. وتتحمله لانها تعرف خوفه عليها من قِبل والآن مع الجنين يعني اكسترا خوف!
بـالنـسبة للشيـاب كـانوا بنفس وضعهم مثل ما هم ما تغيروا .. أما سحاب وسما وابوهم هم كانوا مثل ما هم~
بيـت غـيـث ورّذاذ
كـانت جالسة بتعب بعد مانومت غيّم
غـيـث: رّذاذ وينك؟
رّذاذ ناظرتها وهي تأشر على فمها انه يسكت!
غـيـث نقص صوته: وشوو
رّذاذ بتعب تنهدت : ماصدقت وهي تنام نقص صوتك
غـيـث: ياروحي أنتِ -وباس راسها- الله يعطيكِ العافية
رّذاذ ابتسمت : الله يعافيك ياعمري أطلع وأنا شوي بجيك
غـيـث: اوك
وطلع قامت بدلت لبسها ورتبت شعرها وتعطرت ونزلت له..
غـيـث ابتسم وهو يفتح لها احضانه: شدعوة تبدلين تراك حلوة بكل حالاتك!
رّذاذ: أدري اني حلوة بس عشان ما تطلع العيوب
غـيـث ضحك: اهاا يعني تاخذين احتياطك ضد المتغيرات
رّذاذ: أكيد حبيبي
غـيـث: والله فيه حاجة وحدة أعرفها هي انه انتِ الثابتة رغم كل المتغيرات
رّذاذ: ياحظي فيك
غـيـث: وأنا ياحظي فيك وفي غيّم
رّذاذ ناظرته: ماشاءالله غيّم بكل شيء أجل بجيب هتـان عشان ياخذني منك
غـيـث ناظرها بخبث : أكيد لو فيه هتان مانقول لا
رّذاذ ضحكت بخجل : تتحمس هاه قلة آدب
غـيـث: لا استغفرالله ماقلت شيء أنتِ قلتِ تبين هـتـان!
رّذاذ: مو وقته
غـيـث: زين مو وقته مو وقته..
رّذاذ ابتسمت من كـل قلبي على غـيـث وحبه وحنان .. وغمضت وفتحت لقيـت الأيـام عدة والأشـهـر وراها .. وحـياتـنا مافي مثلها..
طيف ولدت وجابت حسان! حبيب قلوبهم هي وعزام تموت لا سمعت حرف الحـاء بس! وضُحى ضُحى وسلمان حالتهم حالة ضُحى طلعت حامل بتوأم طلع التوأم وراثة بالجينات جابت لمى ولؤي وأعـتقـد انهم طيروا عقلها وعقل سلمان معاها..
لـدرجة انه ضحى اللي عمرها ما أخـذت إجازة خذت سنة بحيث عيالها يخلصون سنة وتقدر تأمن عليهم عند ابوهم.. أمـا امهم (أم تركي) جابت بنوته سموها (نور) لأنها كانت نور لحياة محسن وكان طاير فيها وبنفس الوقت مرة صار يحب سراب ومتعلق فيها لأنها دايم تسولف معاه وتفضفض له!
نـايـف وسوسن حياتهم مليانة حُب وباقي على ما هم عليه يحبون بعض حيلللل. لبنى تخرجت وأخيرًا وصارت فعلًا تداوم بالشركة مع عمها أبو غيث بدل أبوها وماسكة الشغل من أي تو زد.. وأخـيرًا تركي قرر انه يتزوج ومثل ما شافت طيف انه سحاب هي المناسبة خطبوها! وقبل زواجهم بيوم كانوا كلهم متجمعين في بيت الجد..
طيف كانت واقفة عند الدرج تسولف على رّذاذ..
رّذاذ كانت دايخة طول اليوم وغثيانه..
طيف: وشبك اليوم ماش الوضع مش تمام!
رّذاذ: مافيني شيء بس الوضع ماش هالفترة حسيت اني حامل بس ماعلمت غـيـث
طيف : ليه كان رحتِ تكشفين
رّذاذ: ما أدري ماودي بعدين غيّم توها نونو ما كبرت
طيف: وين ما كبرت سنتين يكفي ترت
رّذاذ: بشوف الحين وحنا راجعين اخليه يجيب لي المنزلي بكشف ونشوف
سحاب : بنات وش تسون
رّذاذ: شفيك
سحاب : تعالوا بوريكم فستاني
طيف: طيب البسي وجايين
سوسن : اشبكم واقفات هنا
طيف: ندردش تعالي معنا خلاص صرنا من فريقك
سوسن ضحكت : لا ياشيخة تراك نونو بقي
طيف: لا ياشيخة أنا نونو وحسان وش
رّذاذ: عز الله خلصنا يلا تعالوا نشوف سحاب
سوسن : وش فستانها؟
رّذاذ: يس يلا
سوسن : تمام
وطـلعوا وقفو عند الباب رّذاذ دقت عليها : خلصتِ؟
سحاب : ايه تعالوا
وفتحت ودخلو
سوسن ناظرتها بحنيّة وابتسمت : ياروحي أنتِ أميرة تبارك الله الله يتمم لك ويسعدك يارب ويسخرلك تركي
سحاب : آمين يارب
رّذاذ ابتسمت : كرة حلو وكتكوت والأحلى الموديل
طيف : ايه ماشاءالله عليك والله فنانة أحسنتِ الاختيار
سحاب : تسلمون ياعمري انتو
دخلت سما وشافتها : الله الله وش هالجمال ياحلوك
سحاب : يسلمو ياحبي
رّذاذ: يلا نخليك تبدلين ونامي بدري ورانا مشغل بكرة
سحاب: تمام ياعمري
رّذاذ نزلت وارسلت لغيث : "يلا نمشي" رد عليها : "تمام انتظرك بالسيارة"..
رّذاذ: بنان
بنان : عيوني
رّذاذ: شيلي بالله أغراض غيّم للسيارة
بنان : اوك
وطلعت معاها حطت الأغراض ورّذاذ حطت غيّم في كرسيها وطلعت ..
غـيـث: غريبة بدري!
رّذاذ: بكرة بنطلع بدري
غـيـث: صحيح
رّذاذ: غـيـث
غـيـث: هلا عيوني
رّذاذ: ابغاك تمر الصيدلية
غـيـث: تمام
ولف ناظر غيّم وابتسم ومشى
بـعد مرور الوقت في بيتهم..
غـيـث: والله لو خلتينا نروح المستشفى أحسن
رّذاذ: على أساس بتطلع التحليل في ثواني
غـيـث: أكيد ياعمري أنا غيث مو أي أحد
رّذاذ: طيب بروح أحلل
غـيـث ضحك: أجي
رّذاذ: ياربي غـيـث أصبر
ودخلت الحمام وكانت متوترة مرة تحس انها مو مستعدة، بنفس الوقت كانت مخططة تجيب اثنين وراء بعض وترتاح وأخيرًا حطته وناظرت بالنتيجة وهي مغضمة عين ومفتحة عين وشافت خطين ابتسمت وهمست بالحمدلله وطلعت
غـيـث ابتسم: بشري؟
رّذاذ ابتسمت: خذ
غـيـث: أشوف
وناظر شافها : الله! بيجي هتاني
رّذاذ ضحكت: ان شاءالله
غـيـث حضنها: ياااا حبيبة القلببب يا سر كل البشارات السّعيدة!
رّذاذ: حبيبي أنت
غـيـث: الله يهون عليك يارب وتقومين بالسلامة
رّذاذ: آمين ياعمررري
-❤️-
بيت طيف وعزام
طيف: عزام شيل حسان وحطه بسريره
عزام : تمام حبيبتي
طيف ابتسمت: تخيل
عزام : وش
طيف : رّذاذ حامل بالثاني
عـزام ضحك : وحنا ماتبين الثاني
طيف ابتسمت : لا حبيبي بقي بكير كتير
عـزام: ياويلي منك
طيف : أنا ما ركبت مانع عشان أخلف بسرعة أول حسان يكبر ونهتم فيه كويس ونشوف كيف بعدين
عـزام: صح
طيف : ياعمري هو الله يحفظه لنا
عـزام ابتسم وباسها: آمين ياروحييي أنتِ
طيف ابتسمت وهي تشوفه بدون ما تتكلم
-✨-
وأخيرًا اليوم الموعود زواج تركي وسحاب
بحكم الأوضاع وتوقف الأعراس خلال السنة هذه
كان الزواج في بيت الجدّ مانع وبس الأهل..
وبعد الزواج كانوا حاجزين في الكروز~
طيف ناظرته: تركي هاه جاهز؟
تركي : ايه خلاص سحاب جهزت؟
طيف: ايوه تعال عندها عشان تتصورون وبعدين الزفة
تركي : يلا طيب ماعد فيه وقت لازم نطلع على ١١
طيف: طيب حبيبي أصبر ..
ومشت معاه ودخل لعند سحاب كان شكلها ناااعم وفستانها ميد أبيض بأكمام طويلة وشكلها مرة بسيط حلو وابتسم وهى يشوفها همس : تبارك الله
سحاب ابتسمت ورفعت نظرها له، تركي ابتسم وقرب لها وباس جبينها مبروك لنا
سحاب : الله يبارك بعمرك ياقلبي
تركي : يلا طيف
طيف : طيب يلا تصوروا عبال اجي
انزفوا والكل بارك لهم وأخيرًا طلعو عشان يلحقون عالكروز اللي حجزوهااا.. ابتسمت سحاب يوم تركي مسك يدها وكانت سعيدة بحنية هالتركي اللي كان مجرد اقتراح من طيف نرجع للبارت ١٢٣ ~
طيف : الله كريممم الله يرزقني اللي يحبني ويدلعني
سحاب : آمممين يارب كلنا
طيف : انتي اص بزوجك اخوي خلاص انا موافقة عنك
سحاب : يوهه انطمي
سماء : ايه تكفى خذيها عني ابي اصير دلوعة العيلة
سحاب صارت تقلدها بهباله
طيف : ماعليك قريبًا بس خلي ماما وحسون يستقرون ورذاذوه وغيثوه يعرسون وبعده ناخذ سحابوه .. وصار مثل بغت طيف❤️..
ابتسمت سحاب يوم حست بيدات تركي ورفعت ايدها ومسكته وابتسمت : لازم أكون ماسكتك دليل على انه السلطة معي مو معك
تركي ابتسم : كلي لك يا حبيبة القلبب!
سحاب ابتسمت وبتساؤل ناظرته: تحبني؟
تركي: شوفي البحر ! -وابتسم- أكثر منه أحبك
سحاب ابتسمت بخجل : الله لا يحرمني منك يانظر عيني
-🤍-
ابتسمت رّذاذ وهي تشوف عيالها واقفين متحمسين يسمعون قصة المشـتل! بـعـد مرور خمس سنين بالضبط.. صار عمر غيّم ٦ سنين وعمر هتان ٥ سنين .. رّذاذ: لحظة لحظة باخذكم بس بشرط!
غـيـث: وشو هو شرطك؟
رّذاذ: أنت تحكي لهم..
غـيـث: تم..
وطـلعو لمشتل الجدة تماضر وقفو يناظرون هتان وغيم في المشتل ووقفت رّذاذ وراهم، وغيث وراها حضنها من خصرها وصار يحكي عياله : في يوم من الأيـام كنت داخل وأنا راجع من رحلة وأنا داخل شفت ملاك واقف هنا وتخيلو مين هالملاك؟
صرخت غيّم: ماما طبعًا
ضحكو غـيـث ورّذاذ على تفاعل غيّم وناظروا بعيون بعض وأخذتهم الذاكرة لليوم هذاك.. نرجع للبارت٢٣~
"كانت لابسة فستان أصفر مشجر من تحت بزّهر
بدون أكمام كت ومن عند الصدر القصة دائرية
فيه فتحات من تحت لنص الساق
ورافعة شعرها الأسود الطويل لفوق واحد
ولابسة صندل بني وفيه فيونكة صفراء
شكلها كان يأخذ القلب فعليًا ~
وشكلها وهي تشتغل بالشتلات وتطلع غضبها فيهم
رتبت الركن كله اللي خاص بجدتها ونظفته
وبدأت تركب شتلاتها اللي جابهم لها
أبوها وهي مبسوطة فيهم وصارت تغني ~
بإنسجام فتح الباب ودخل وابتسم
وهو يدخل شنطته لف بيدخل و عقد حواجبه
وهو يشوف أحد واقف عند مشتل الورد حق جدته
ابتسم وهو يشوف شكلها ويتأملها كانت معطيته ظهرها وهي تشتغل بالوردّ وبس صوتها اللي صادر ابتسم وهو يقرب بهدوء ويسمع وش تغني
سمع المقطع : شد حيلك في جروحي
خل هذا الجرح يكبر ، طيح من هالعين أكثر
حست بأحد وراها ولفت وشهقت بفزع
وكان بيدها الورد الأصفر طاح عالأرض
وهي مبققة عيونها بصدّمة~
ابتسم غيث ونزل أخذ الشتلة من الأرض
ومسكها وحطها في السطل ..
ابتسمت بربكة : شكرًا"..
ابتسمت رّذاذ وهي تناظر عيونه قربت له وباسته وهمست: شكرًا..
غـيـث ابتسم وهو ثاني باسها: شكرًا لك يا أجمل زوجة بالدنيا..
رّذاذ: يلا ياحلوين نروح نشوف جده مانع عشان نرجع بيتنا
هتان: ماما أنا لو كبرت بصير كابتن زي بابا
رّذاذ: ياسلاممم وغيمتي وش تبا؟
غيّم ابتسمت وهي تفكر: اممم
رّذاذ: هاه؟
غيّم هزت راسها بقل معرفة: ما أعرف لما أكبر أفكر
رّذاذ ضحكت: وهه ياحلو اللي بتفكر
ودخلتهم عند الجدّ مـانـع حبو راسه ناظر برذاذ: رّذاذ خليهم هنا اليوم
ابتسمت وهي تفكر : مو مشكلة لو يبون
غيّم: ايه يمه بليز نبا عند يبه مانع!
رّذاذ: تم وأنت يا هتان؟
هتان: ايه انا بعد ابي عندهم
رّذاذ: تمام أجل أنا بطلع بابا ينتظرني
الجدّ مـانـع: الله يحفظك يا رّذاذ المطر
رّذاذ ابتسمت : استودعتكم الله
وطلعت شافته ينتظرها بالسيارة
-❤️-
طيف كانت جالسة وحسان بحضنها
عـزام ابتسم : وش تسون ؟
طيف: ولا شيء قاعدين نلعب أم وولدها
عـزام ابتسم وهو يجلس جنبها وهمس لها: طيب نبي أخو لحسان!
طيف ضحكت: لااا عـزام
عـزام: حسان حبيبي
حسان: هلا بابا
عـزام: روح ألعب بلاستيشن شغلته لك
حسان صرخ: قل والله!
عـزام ضحك: والله
وركض مالحقت طيف تنفي، عـزام سحبها لحضنه: لا تهربينن تعالي
طيف همست: عزام
عـزام همس لها وهو يبوسها وراء أذنها: خلاص اعتبري علومي ضاعت
طيف ضحكت بخجل وسحبته للغرفة وهو مبسوط عليها، وكانت مستمتعه بدرجة الحب اللي تحسها مع عـزام بكل لحظة يقرب لها وبكل بوسه يباغتها فيها : ايه بالضبط هذا أنا طيف اللي كنت اعتبره أبوي قدرت أتخطى خوفي من انه يكون مثله وصرت أذوبب على كلمة من عـزام! الحب حلو وخصوصًا لا كاان حلال وعزام حلالي وقلبي!
-🤍-
رّذاذ: وهـذا حنا وصلنا لآخر المشـوار كل واحد منا لقى الشخص اللي يكمله.. حتى طيف! حتى طيف..
وأنا لقـيت غـيـث كنت واعدته اليوم بالتـاسعة حبًا!
لأن اليوم يوم يوافق ١٥ ليلة اكتمال القمر.. وهو وافق كشخنا والتقينا بسطح بيتنا..
رّذاذ: هذا أنت!
غـيـث: ليه منتظره شخص ثاني!
رّذاذ ابتسمت وهي تحضنه بحنيه : لا طبعًا مين أنتظر غير غيثي!
غـيـث همس : ياحلو هالرّذاذ لقلب غـيـث
رّذاذ همست بأذنه : ياحلو هالحب لقلب رّذاذ
غـيـث ضحك : ليه قلتِ حب احنا قلنا غـيـث!
رّذاذ ابتسمت: أنت غـيـث وحب وكل حاجة حلوة!
غـيـث ابتسم وهو الثاني باسها بعمق
رّذاذ ابتسمت وهي تبعد : غـيـث شوف القمر
غـيـث: وش لي بالقمر وأنتِ عندي؟
رّذاذ : ارفع يدك واشر عليه بصور
غـيـث: طيب يلا
وسو مثل ما قالت صورت وابتسمت: الله مرة تجنن
غـيـث حضنها: أحبك يا رّذاذ!
رّذاذ: أحبك يا حبيب عمري
.
.
"أوَكلما وجّهتُ قلبي وُجهةً،
يأتي غرامك أول الوُجهاتِ"
.
.
تمت بِفضل الله 🤍.
أنت تقرأ
و ما كنتِ الا رذاذً على قلب غيــث
Romanceياقليلًا في التلاقي ، و كثيرًا في الضَّمِير أعيشُ على قيد أمل في هذه الدنيا .. لا أعلمُ متى النهاية ولكن أعلم جيدًا بأن أول ما ولدتُ على هذه الدنيا كنتُ كرذاذ المطر لأبي.. يقول أبوي دايّم : رذَت السِماء بالمطر وجات رذاذ المطر لي.. رُغم ما حدث ، وما...
