سِراجي

- مهمة -

عيدكم مبارك، وكل عام وأنتم بخير ~

استمتعوا ~ ^^

----------------

بعد مرور دقائق ...

وصل براء مع السايق لمبنى سكني، عطاه السايق رقم الشقة ثم تركه على الطريق وراح عنه بسيارته..

ناظر براء في المبنى السكني لثواني بتعجب، بعدها دخله متجه مباشرةً للشقة اللي كان سعد ينتظره عندها ..

ابتسم سعد له: هلابك في بيتك ~

فتح باب الشقة وبعّد شوي تارك مساحة لبراء اللي دخل، وتدريجيًا توسعت عيونه بانبهار من المكان الواااسع ..

غرفة جلوس متوسطة الحجم، ومطبخ كبير نسبيًا، وغرفتين نوم وحدة لها حمامها الخاص والثانية الحمام بجنبها ..

التفت براء لسعد: تمزح معي صح؟

ضحك سعد: لا، ليش أمزح؟ ههههههههههه ، الصراحة هذي شقتي لكن ما صرت أجلس فيها كثير لذا طلبت تنظيفها لك..

بدأ براء يتفحص المكان بصمت بينما سعد يراقبه بابتسامة ..

لما رن الجرس ولفت انتباه براء له ..

سعد وهو يتجه للباب: غالبًا الممرض وصل..

فتح الباب وفعلًا كان واقف شاب في منتصف العشرينات، ملامحه آسيوية، يلبس نظارة طبية دائرية، والملابس الخاصة بالممرض، ومعه حقيبة سفر متوسطة الحجم ..

ناظر براء فيه للحظات ثم نطق: ما أعرف انجليزي ..

ابتسم الممرض: لا تشيل هم، أنا أتكلم عربي هههه ..

سعد بعد ما دخل الممرض وسكر الباب: يلا بعرفكم على بعض، براء المريض، وشادي الممرض اللي بيعتني فيك..

عقد براء حواجبه بانزعاج: أدري اني مريض بس اني أسمع هالكلمة منك كأنها سبة لذا لا تنطقها مرة ثانية..

سعد بتعجب: ما كنت أدري انك حساس كذا..

ناظر براء فيه لثواني ثم نطق: خلصت؟ تفضل برا ..

توسعت عيون سعد: شقتي !!

رفع براء حاجبه: مو توك سلمتها لي؟ صارت شقتي !

ابتسم سعد بثقة: للحين أنا المالك للشقة لأنها باسمي !

ظل براء يناظر بسعد بحاجبين معقودين بينما سعد يبادله نظرات الثقة..

تنهد براء وجلس على الأريكة أما شادي تحرك من مكانه بهدوء ودخل الغرفة اللي أشر له سعد بأنها بتكون غرفته..

براء: أوكيه، الحين نتكلم بجدية، ليش أنا؟

قصدي، مثل ما تعرف أنا شخص مريض، والأغلب رفض يوظفني بسبب مرضي، بس أنت ليش قررت توظفني؟

سعد: لنعتبرها " تبادل منفعة "، أنت تحتاج فلوس وأنا أحتاجك في الشغل..

أنت تساعدني وأنا أعطيك الفلوس اعتمادًا على جودة شغلك..