سِراجي

- حقيقة -

قراءة ممتعة ~

----------------------------

على بُعد مسافة من شقة سعد ، سلمان جالس في سيارته على جانب الطريق يعيد التفكير بالأحداث اللي حصلت قبل دقايق ..

رفع جواله واتصل على رقم ، ثواني ورد الطرف الثاني ..

"ألو؟"

سلمان: أ .. السلام جوري، ما أدري إذا تذكريني أو ...

جوري " شدعوه دكتور سلمان ! بس تفاجأت انك متصل ، عسى خير "

ابتسم سلمان بخفة: ان شاء الله ما فيه إلا كل خير ، بس بغيت أسألك عن سعد ..

لاحظتي أي شي غريب بتصرفاته خلال هذه الأيام ؟

جوري " شي غريب مثل ايش؟ "

أخذ سلمان نفس عميق، مو عارف كيف يفتح الموضوع بشكل مناسب لذا قرر ينتقل لصلب الموضوع واللي يحصل يحصل ..

سلمان: هل تشوفي إن سعد تخطى صدمته بثامر بشكل كامل؟

ظلت جوري في لحظة صمت وأول شي جا في بالها براء ..

ومن صمتها زادت شكوك سلمان في الموضوع لذا قرر يتأكد بسؤاله عن ...

سلمان: جوري؟ تعرفين براء ؟

جوري بهدوء " ايه، وأظن انه يذكر سعد بثامر "

تنهد سلمان: والأكيد انه ما قال لك إن براء مريضي صح؟

تفاجأت جوري من المعلومة الجديدة: لا ! على أساس انه مريض سعد !

دام انه مريضك أجل كيف سعد مهتم برعايته ؟!

أراح سلمان رأسه على الكرسي: ما أعرف، أنا اكتشفت كل شي قبل دقايق وبالصدفة بعد ..

بس ردة فعل سعد خوفتني عليه شوي، حسيت كأن حالته انتكست وبدأ يرجع لوضعه أول ما توفى ثامر ..

واللي يخوفني أكثر تصرفه بإخفاء حقيقة وجود براء عنده، في كل مرة يسولف عنه كان يقول "قريبي" ..

حست جوري بالضيقة وانشغل تفكيرها بسعد وحالته، أول ما عرفت بوجود براء توقعت إن سعد تخطى حادثة ثامر بشكل نهائي ورجع لسعد المنفتح واللي يصادق الناس ..

بس من عرفت بمرض براء اللي أخفاه سعد عنهم بدأت تشك بالوضع، وحاليًا مع كلام سلمان تأكدت ان سعد ما تعلق فيه إلا لأنه يشوف ثامر فيه ..

قطع حبل افكارها صوت سلمان: جوري!

ردت بهدوء "هلا "

سلمان: آسف، أكيد انشغل بالك، بس اللي لازم نفكر فيه حاليًا هو كيف نخلي سعد يفيق من اللي هو فيه ، حتى لو استلزم الأمر ان نبعد براء عنه ..

جوري بانفعال مفاجئ: لا ! انجنيت !! ما أبيه يرجع لحالة الاكتئاب اللي بالموت قدرنا نعالجه منها !