#الجمرة_الحمراء
#البارت_السادس_الجزء_الثاني
#بقلم_الكاتبة_فاطمة_ال_حميد
#و_الكاتبة_شاهي_شوكت
مشعل......
جوهر..جانت امي تميل الاخوي الزغير بالرغم من انو هي تهتم بيه بس مو مثل اخوي جنت اضوج و اغار و انقهر تجي تنام يم اخوي و تحضنه و تبوسه بس ما تسوي هيج وياي
مشعل.....
جوهر..على الرغم من انو اهلي كلشي جانو موفريلي و ما اكلك هما ما يحبوني لا يحبوني شنو الي اطلبه يجيبونه الي بس انا ما اريد اغراض ما اريد فلوس شنو فايدت هذا كله و ماكو لا حب و لا اهتمام و الي ياذيك اكثر انو انا فقدتهم قبل لا اشبع من حنانهم
مشعل...
جوهر..انت مو تكول عليه انا بارد و غامضة هذا الغموض الي بداخلي هس عرفت جنت اتمنى اعيش بعائلة مليانه حب بس صار العكس حتى اختي الي هي دمي و لحمي مو زينه وياي و ما تريدني تعرف شغلة
مشعل....
جوهر..انا شخص متلاكي اذا حبيت شخص اريد هل شخص بس الي ما احب احد يشاركني بي جنت اكل الماما هل كلام هي و بابا يضحكون علية ما ياخذون الكلام جدي هس انا صفيت محد الي بس بيبي و ليث و و املي بالله و الله ميرد عبده و صرت انت واحد من هذول الاشخاص
مشعل....
جوهر..انا احترك من وحده تمسك لو اطخك اغار ما احب احد يحجي وياك اريدك بس الي ما اريد احد يشاركني بيك و بحبك
مشعل....
جوهر..حجيت كل الي بگلبي و هوا و لا خسرله حجاية و واساني ظال بس ساكت بتعدت عن حضنه مسحت دموعي و درت وجهي احاول اسيطر على عواطفي بس دموعي يخونوني...شكراً لان ستمعتلي
مشعل....
جوهر..غطيت راسي بالبطانية و ما احس على مشعل صار بظهري حضني حيل ولزم ايدي
مشعل..تبجين يخسه الي يبجيج و انا موجود
جوهر..من كلي هيج بجيت بصوت عالي طلعت العبرة الي بداخلي الي صارلها سنين مدفونه بصدري..دارني علية و حضني حيل
مشعل..ولج تبجين و انا موجود جوهر بوية
جوهر...
مشعل..انا كلني الج انا اسوي هيج وياج مو ضايج منج لان انت تحركين بگلبي باردة وياي اريدج تعترفين بالي بداخلج
جوهر.....
مشعل..بوية شرارة گلبي حاجيني
جوهر..مشعل اموت اذا تعوفني
مشعل..هوا انا شلون اعوفج منهو الي منهو الي يتحملني منهو الي يفهمني دنيا و ما بيها انتي لا طعم و لا لون
أنت تقرأ
الجمرة الحمراء
General Fictionنسر خلك أتخوف لاتحط عالگاع ولاتعكف جنح لو شدت الريح لاگي الريح ملگه وبيك مابيك تره الشمات أرانب بالك أطيح
