#الجمرة_الحمراء
#البارت_الثامن
#بقلم_الكاتبة_فاطمة_ال_حميد #و_الكاتبة_شاهي_شوكت
مشعل...ياهو جابج
جوهر...اجيت ويا جمال
مشعل....
جوهر...ليش اكو شي
مشعل...
جوهر...باوعت عاقد حواجبه وصوت انفاسه عاليه بدون مانتبه خليت ايدي على رجله..مشعل
مشعل....
جوهر...خزرني.انتبهت اني مخليه ايدي على رجله وخرتها خدودي صارن طماطه من الفشله عبالك الجو حار بداخلي (شنو هل فهاوه جوهر)وكفت السيارة يم الباب واني ماصدكت وصلت على السريع نزلت فتت (دخلت)للبيت
عُلا..هلا بهل طول
جوهر...عفت عُلا تحجي وركضت للغرفه كلبي يريد يطلع من مكانه
عُلا...بيبي شبيه جوهر
ريمه... والله يمه علمي علمج طابكات عندها السوادين عطشانه على النوم
مشعل..السلا عليكم
الجميع..وعليكم السلام
مشعل...وين جمال
ام مشعل...طلع ويا جماعته معزوم
مشعل...حنان وين
عُلا...بالمطبخ..انا رايحه اشوف جوهر واجي
جوهر...نمت بفراشي اني وعبايتي احس روحي مصخنه تغطيت لحظة و نفتح عليه الباب
عُلا...جوهر
جوهر..هاا
عُلا.. شبيج خيرج مدثره
جوهر بتعب...لا ماكو شي بس تعبانه يمكن نزل ضغطي
عُلا...كومي غسلي وجهج
جوهر..بعدين بعدين
عُلا..على الاقل نزعي عبايتج بربج اكو واحد ينام بحذائه و عبايته شبيج مو على بعضج من البارحه
جوهر...ها مابيه شي
عُلا...ها خوش بدلي ونامي
جوهر...ان شاء الله
عُلا...يالله اخذي راحتج
جوهر...رحت عُلا رجعت غطيت راسي واعض بالمخده الموقف مايطلع من بالي احس لمست ايدي بعدهي على رجله
ريمه...سوادين ولج جويهران
جوهر.بنعاس...هااا
ريمه... وجع ولجج اكو واحد ينام بعبايته كعدي الاذان ياذن مو زين
جوهر...بيبي بعدين
ريمه...ياااا تسودنت اليوم اشو كومي لابالعوجيه كومي ذكري الله وذبي على روحج ماي جنج بومه مطنكره
أنت تقرأ
الجمرة الحمراء
Ficción Generalنسر خلك أتخوف لاتحط عالگاع ولاتعكف جنح لو شدت الريح لاگي الريح ملگه وبيك مابيك تره الشمات أرانب بالك أطيح
