#الجمراء_الحمرة
#البارت_الثاني_عشر
#بقلم_الكاتبة_فاطمة_ال_حميد #و_الكاتبة_شاهي_شوكت
جوهر..شمرت عبايتي على الميز و بسع رحت للادارة الضيوف فتحت الباب بلعت ريكي ورجعت الوراء ماتوقعت يجي يوم واشوفه بلعت ريكي وسلمت وباوعلي ببتسامه ووكف صار كدامي معقوله كل هل فتره هستوه اذكرني وين جان بتسمت و سلمت علية هلا
جلال..هلا جيت اشوفج
جوهر..هاا
جلال..هاا شبيج
جوهر..بهمس وين عرفت مكاني
جلال..و هوا يعكد حاجبة سالت و نطوني العنون
جوهر..خير شرايد
جلال..اجيت حتى احجي وياج
جوهر..تفضل اسمعك
جلال..جدي يريدج
جوهر..روح كل الجدكم اخر همي اجي ليه و ربع عن حلال ابوي ربع ما اتنازل و بينه المحاكم
جلال..و هوا يصك سنونه صوتج لا تعلينه علية و صيري عاقلة
جوهر..كلت العندي هس ممكن تتوكل و روح كول الجدك جوهر تكول بينه المحاكم و اذا ما يكدري مثل ما هوا يكول لا يقصر يجي يكتلني و يغسل عارة مثل ما كتل امي و ابوي
جلال..كلنا نعرف خوالج الي حرضو
جوهر..خوالي احقر من جدك انتم وياهم نفس الصنف ما انزه احد بيكم و ثنينكم احملكم المسؤولية و لا عبالك خايفة منكم انتم زلم و انا مراة و شنو الي تردون تسونه سوو و لا تقصرون من رخصتك عندي دروس خلصت مدة زيارتك تكدر تتوكل..عفته و طلعت من الادارة جنت بوكتها خايفة بس مو على نفسي خايفة على بيبي و خاصة انو جلال كدر يوصلنه و بيبي اذا عرفت ما راح تسكت جنت خايفة حيل بس بنفس الوقت جنت اسوي نفسي قوية كدامه و تحديته ما خليته يحس بضعفي و يستغلوني هيج بابا علمني
جيهان..هاا جوهر
سارة..منو هذا
جوهر..هذا ابن عمي
اساور..و شعرفة انتي هنا من وين جاب عنوانج
جوهر..ما اعرف
اساور..و هس شنو
جوهر..راح
اساور..شراح تسوين
جوهر..ما اعرف
سارة..عمري دباعي الحالتج وجهج صار اصفر
اساور..احنا وياج ماكو احد يكدر يتقربلج
جيهان..ما ترحين مشي يجي السايق و يذبج على بيتكم ترحين وياي هذول عمامج كلشي بيهم انا ما امن اخليج تطلعين
سارة..اي كلام جيهان صاح
جوهر..شنو السالفة حتى بيتنه هنا
أنت تقرأ
الجمرة الحمراء
قصص عامةنسر خلك أتخوف لاتحط عالگاع ولاتعكف جنح لو شدت الريح لاگي الريح ملگه وبيك مابيك تره الشمات أرانب بالك أطيح
