#الجمرة_الحمراء
#البارت_الثامن_عشر
#بقلم_الكاتبة_فاطمة_ال_حميد #و_الكاتبة_شاهي_شوكت
ريمة..و بالنسبة على سالفة جوهر محلوله كبعو و اخذو البنت راضية
ام محمد..صدك
ريمة..اي
ام محمد..الله يبشرج بالخير ساعة لمباركة ان شاء الله انا احاجي كريم و ابوه و هم اردلكم خبر ليمته نجي نخطب رسمي
ريمة..ان شاء الله
ام محمد..يالله اخذو راحتكم
جوهر..هاا بيبي شنو كلتلج
ريمة..كالت احجي وي الولد و ابوه و اردلكم خبر
جوهر..شنو يعني
ريمة..المراة تريدج بس يردون يحددون يوم يجون يخطبونج بي رسمي
جوهر.. استغفر الله يعني ضروري
ريمة..اي اكيد ضروري شبيج مستعجلة هوا اول و تالي راح تزوجينه
جوهر..مو شغلة زواج بيبي انا اخاف علية كريم ارعن يدور مشاكل و جدي و عمامي و ولدهم بعد ارعن منه و اخاف يسوله مشكلة و تصير من وجهنا انا خايفة عمي و خوالي كلشي بيهم
ريمة..بهاي اي الج حك
جوهر..اهاا شوفي
ريمة..هس الله كريم الله كريم لا نسبق الاحداث ان شاء الله محلوله خلي ايمانج بالله جبير
جوهر..و النعم بالله..اروح انام لان باجر وراي دوام بيبي كعديني من وكت
ريمة..ان شاء الله
جوهر..ردت اراسل كريم بس استحيت منه ضبطة المنبه و سديت جهازي و نمت
بغداد..صباحاً.....
جوهر..كعدت على صوت المنبة يرن براسي لحظة و اجت بيبي
ريمة..بابتسامة صباح الخير
جوهر..صباح النور
ريمة..يالله بدلي و تعاي تريكي
جوهر..ان شاء الله
ريمة...
جوهر..شنو صافنه بية جنج ضايجة
ريمة..وين اروح اذا تزوجتي وي منهو اتعارك بعد
جوهر..وياي اكيد شنو ناوية تعيشين بوحدج و تخليني هههه منو يربيلي جهالي لمن اصير ام
ريمة..ههه لا يا مصلحجية
جوهر..هههههههه اتشاقة
ريمة..اليوم تعاي من وكت
جوهر..ليش
ريمة..كلشي و يصير خاف يجون الجماعة
جوهر..ما اعتقد يجون غير هما كالو ننطيكم خبر
أنت تقرأ
الجمرة الحمراء
General Fictionنسر خلك أتخوف لاتحط عالگاع ولاتعكف جنح لو شدت الريح لاگي الريح ملگه وبيك مابيك تره الشمات أرانب بالك أطيح
