الجمرة الحمراء

البارت12الجزء الثاني

#الجمرة_الحمراء

#البارت_الثاني_عشر_الجزء_الثاني

#بقلم_الكاتبة_فاطمة_ال_حميد

#و_الكاتبة_شاهي_شوكت

مشعل..بعصبية يالله برة

جوهر..طلعت برة و هوا سد الباب و ظل يدرم ضجت من تصرفة و طريقة كلامة لحجاية..بداخلي يعني شنو يعني طردني من الغرفة ضحكت على نفسي ما اعرف شنو الي يضحك بالموضوع بس اجتني ضحكة لا ارادية هههههه الطردة عادي اهم شي حركت گلبه و بردت گلبي بس گلبي بعده ما برد بعد لازم اضوجة

رباب..هاا اشو تضحكين بوحدج تخبلتي

جوهر..ههههههه اي

رباب..خيرج

جوهر..مدري حسبة بالي

رباب..عوفي الحسبات و نزلي تغدي و حطي الرجلج غداء وياج

جوهر..ليش و انتم

رباب..صباح الخير خية خلصنه احنا

جوهر..يعني ضروري لازم احطله وياي

رباب..اي جا شنهي تخلين الزلمة ميت من الجوع

جوهر..اي

رباب..نزلي روحي هس يجي و ما يلكي الغداء و يلعب جوله بيج

جوهر..شدعوة علية

رباب..سدي حلكج لا يسمعج

جوهر..لا تخافين ما يسمعني عفت رباب و رحت حظرت الغداء بداخلي اكيد هس يگابلني و يكعد يرزل بيه لو يبسمر هوا ما عنده شغل و عمل غير يحط راسة براسي هس من بزرك انا شبيك وياي كول هاي خطية لبنية

مشعل..جوهر

جوهر..بصوت غير مسموع ماتت جوهر

مشعل..وين الغداء

جوهر..شمسرع بدلت

مشعل..نعم

جوهر..اكول اكعد احطلك غداء..ظل يخزر بيه جنه ما صدك كلامي انطيته ظهري و غلست عليه سويت نفسي اترس ماي اجه صكعني على راسي

مشعل..مرت الثاني من اسالج شحجيتي جذب لا تجذبين علية

جوهر..اووو شبيك راسي

مشعل..اششش سدي حلكج صوتج لا تعلينه علية

جوهر..خوش صار..حظرت الغداء خليته كدامة كعد ياكل عين عليه و عين بالجهاز انوب من يباوع علية الاكل يحشر ببلعومي ما يتعده من الخوف

مشعل..خير

جوهر..خير اليصيبك

مشعل..بعصبية تباوعين بوجهي خيرج صاير شي

جوهر..لا ما صاير اخذت الصحون من كدامة و كمت اغسل هوا ظل يگلب بجهازة و يتبسم كملت غسل كام هوا غسل اديه بداخلي و اخيراً كملت تنظيف و راح انام