#الجمرة_الحمراء
#البارت_السابع_الجزء_الثاني
#بقلم_الكاتبة_فاطمة_ال_حميد
#و_الكاتبة_شاهي_شوكت
جوهر..رجلية بعد ما يعينني اوكف قوتي خانتني رباب تضرب على وجهي و انا فايته بحالة صدمة.. مشعل مات ها حجيتها و الكلمة تطلع بالكوة من حلكي
امنة..كله منج ارتاحيتي هس
جوهر..عمه ابوس ايدج كولي جذب ما مات
امنة..ممم ام البلاوي تسوي روحة مقهورة كله من وراج لفتنه المصايب يا فكر يا بنت لفكور
جوهر..صحت بصوت علية ولج عمه جاوبيني مشعل وين
ام مشعل..و هي تضرب على وجها و تملخ بوجها ولج مات ولج مات مشعل
رباب..بس اهدئي مو زين خل نشوف شنو السالفة
جوهر..لا لا تجذبون علية ظليت اصرخ بكل قوتي و ملشت شعري و اضرب على راسي طلعت حافي و اركض مثل لمسودنه برة البيت عثرت بالكاع بالتراب طلعت رباب و جمانه يركضون وراي ظليت اخذ تراب و اشمر على راسي لمن اجت مراة عمهم شمرت علية بشت بعد انا فقدت ما احس بشي
رباب........
فيصل..الوو نعم
رباب..وين انت
فيصل..بالمستشفى
رباب..عرفت بالصار
فيصل..اي
رباب..مشعل شلونه طمني
فيصل..تعبان
رباب..ضربته قوية حالته خطرة يعني فاقد
فيصل..لا صاحي بس تعبان كلش الاصابه بجتفة
رباب..انا شوية و اوصل
فيصل..وين جاية كلها زلم
رباب..اجيت وي بيت عمك و عمو راح كدامي
فيصل..شجايبج ياهو ظل يم امي
رباب..اجت
فيصل..ليش جبتوها
رباب..جوهر تخربطت علينه و لا تشيل ايد و لا تشيل رجل
فيصل..اووو
رباب..اخذها عمي كلش فاقدة كلبت عيونها و بعد ما حاست
فيصل..شبيها
رباب..ما اعرف هيج بسع بسع وكعت بيد عمتي
فيصل..بعصبية انتم منو جابلك الخبر
رباب..كريم اتصل بعمتي
فيصل..و هذا الكلب شعرفة
رباب..و الله ما ادري
فيصل..استغفر الله بس توصلون اتصلي بيه انا راح اروح اجيب دم من مصرف الدم لا تخلون بالي عليكم
أنت تقرأ
الجمرة الحمراء
General Fictionنسر خلك أتخوف لاتحط عالگاع ولاتعكف جنح لو شدت الريح لاگي الريح ملگه وبيك مابيك تره الشمات أرانب بالك أطيح
