Unicode
"တံခါးဖွင့်... ငါ့ကိုအပြင်ထွက်ခွင့်ပေး"
"ငါ့ကိုအပြင်ထွက်ခွင့်မပေးဘူးဆိုရင်တော့ ဒီထင်းပုံပေါ်မှာ သေးပေါက်ချမှာနော် "
လော့ဖေး သူ့ခါးနားမှာ လက်နှစ်ဖက်ကိုထားလိုက်ပြီး ထင်းတဲ တံခါးကို အသံမြည်အောင် အားနဲ့ကန်ချလိုက်
သည်။ (ကွန်ဖူးကားတွေထဲကလိုမျိုးလေ)
"ဒုတိယအစ်ကို အားအကုန်မခံပါနဲ့တော့"
ထင်းတဲရဲ့အပြင်ဖက်ကနေ ကူရာမဲ့တဲ့အသံတိုးတိုးလေး ထွက်လာသည်။
"အဖေက အစတည်းကပြောထားပြီးသား ဘာပဲဖြစ်ဖြစ် ဒုတိယအစ်ကိုကို မထုတ်ပေးရဘူးတဲ့.. အဲ့ထဲမှာသာနေလိုက်ပါ.. မထိန်းနိုင်တော့ရင်လဲ မြေကြီးပေါ်မှာပေါက်ချလို့ရတယ်... ဒါက အိမ်ကထင်းပုံပဲဟာ ဘာမှမဖြစ်ဘူး ဘယ်သူမှ ပြောရဲမှာမဟုတ်ပါဘူး"
" မဟုတ်ဘူးလေ အဲ့ဒါကအရေးမကြီးဘူး?!!"
လော့ဖေး ဒေါသထွက်လွန်းလို့ ရူးတော့မလိုဖြစ်နေသည်။
"အဲ့ဒါက ကျန်းရန်ဖန် ရဲ့လက်ထပ်ပွဲပဲမဟုတ်ဘူးလား... ငါ့ကိုအပြင်ထွက်ခွင့်ပေးရင် ဘာဖြစ်မှာမို့လို့လဲ.. ငါကသူ့ကိုစားပစ်မှာမှ မဟုတ်တာ"
"မနေ့တုန်းကလည်း ဒုတိယအစ်ကိုက အဲ့လိုပြောခဲ့တာပဲလေ.. ဒါပေမဲ့ ကျွန်တော်လဲထုတ်ပေးလိုက်ရော မြစ်ထဲကိုခုန်ချဖို့ကြိုးစားတော့တာပဲ"
"ခုန်ချ.. ခုန်ချတယ် ဘယ်ထဲကို"
"မြစ်ထဲကို ခုန်ချတာ"
လော့ရီ ကွေ့ဝိုက်ပြောနေတာကိုရပ်လိုက်ပြီး အမှန်ကိုပြောဖို့ကြိုးစားလိုက်သည်။
" ဒုတိယအစ်ကို ကျွန်တော်က ဆုံးမချင်တာတော့မဟုတ်ပါဘူး.. ဒါပေမဲ့လေ ကျန်းရန်ဖန် ကဘာတွေများအရမ်းကောင်းလွန်းနေလို့လဲ... သူက လက်တောင်ထပ်တော့မှာကို ခုထိသူ့အကြောင်းတွေးနေတုန်းပဲလား"
"အာ... ငါကဘာလို့သူ့အကြောင်းတွေးရမှာလဲ"
"ဒုတိယအစ်ကိုပဲ.... ဟုတ်ပါပြီ ဟုတ်ပါပြီ မငြင်းတော့ပါဘူး.. ဘာပဲဖြစ်ဖြစ်ပါ အဖေကပြောထားပြီးသား ကျန်းရန်ဖန်ရဲ့ လက်ထပ်ပွဲပြီးမှပဲ အပြင်ကိုထွက်ခွင့်ပေးမယ်တဲ့"
YOU ARE READING
စေ့စပ်ပွဲကို ဖျက်သိမ်းပေးဖို့ တောင်းဆိုပါတယ်
Historical FictionNot my own novel. Fan translation only 🔺 ခွင့်ပြုချက်မယူထားပါ 🔺 Credit for owner and English translator
