امرأة لا تقهر عزيزي..(مكتملة)

الجزء الثالث

وأذكر ربك إذا نسيت

بداية الفصل👇

لقيته جايلي من بعيد باين عليه الارهاق
اه ماتلاقيه كان معاها طول الليل
ابن ال***
هديت نفسي خالص

مازن: ايه ياحبيبتي عاملة ايه
رديت عليه بكلمات مقتضبة: كويسة

حس ان في حاجه غلط: مالك بتقوليها من غير نفس كدة
ف ابتسمت بهدوء: مش مهم دلوقتي الكلام دة
المهم اني انا عايزة اجيب شوية حاجات ليا وللبيت لاني حاسة ان بشرتي مرهقة اوي والبيت محتاج يتجدد

اتصدم مازن بس مهتمتش لأنه عارف اني مبقتش اجيب الحاجات دي علشان اوفر للبيت بس ده عند طنط بقى : بس احنا في اخر الشهر وانا مش معايا فلوس للكلام دة دلوقتي

اتنهدت بصوت مسموع: براحتك يامازن براحتك

رضي طبعا لانه عارف اني لو قلبت الوش تاني هنكد عليه وهخليه يكره اليوم الي اتولد فيه
ودة الي انا بنفذه🥺

مازن بنفاذ صبر: يلا بينا طيب
ابتسمت بانتصار: استني حاسب الاول علي الحاجات الي طلبتها من الكافيه وانا قاعدة مستنياك

اتنهد بضيق وراح علشان يحاسب لقي الشيك ب ٩٠٠جنية

كنت باصة في السما علشان لو بصيت علي الرياكشن بتاعه هفطس ضحك
بس يلا في داهية هو والي جابته

دفع الشيك وركبت العربية وكان وشه احمر من الغضب بس متكلمش
يستاهل

قولتله علي المحل الي انا عايزة اروحه وكان محل كبير اوي للعفش وكدة بتاع البيوت

خليته يجبلي اوضة نوم كاملة مانا مش هقعد في اوضة دخلتها ست وانا مش موجودة😒

وطبعا مسكتش لغاية كدة انا خليته كمان يشتريلي ميكاب مركات عالمية

كنت راجعة البيت وانا مبسوطة

بصلي وهو متضايق: فلوسي كلها خلصت ياهويدا
للحظة صعب عليا بس ورحمة امه الي ماربته نص دقيقة ماهسكت برضو

سكت شوية وبعدها رديت بهدوء: معلش ياحبيبي
هو انا مستاهلش يعني؟

مازن بضحكة مغصوبة: لا ياحبيبتي تتهني بيهم
خليته يرمي عفش الاوضة القديمة ويحط العفش الجديد عقبال ماارميه هو كمان من حياتي
كنت مبسوطة اوي بالتغيير الي حصل

استووب نسيت اعرفكم
انا ومازن متجوزين عن حب من ٣سنين
كان الزوج الصالح الي عوضني عن ابويا الي مات من وانا طفلة!
امي هي الي ربتني وشالت همي واشتغلت في البيوت علشان تدخلني مدرسة كويسة ومبقاش اقل من حد ابدا
علشان كدة انا مبسبش حقي

بليل كنت قاعدة قدام التلفزيون باكل فشار وبتفرج علي فيلم ر*عب
انا بعشق الافلام الر*عب بس بطلت اتفرج عليها علشان مازن مش بيحبها

جه مازن وقعد جمبي: ماتغيريه ياحبيبتي وهاتيلنا فيلم نتفرج عليه سوا

مبصتلوش ورديت وانا لسه مركزة من الفيلم: ادخل نام يامازن
في اوضة الاطفال

رد بغضب: فيه ايه ياهويدا
من الصبح وانتي مشغلاني عندك رايح جاي رايح جاي وهاتلي يامازن ودة يامازن ولو مجبتش ابقى وحش ودلوقتي مش عجبك لما قولتلك غيري الفيلم الي انتي عارفه اصلا اني مبحبش الافلام الرعب، ولا دلوقتي بتقوليلي كمان روح نام في اوضة الاطفال هو فيه ايه بقى!

نزلت دمعة مني بس مسحتها بسرعة
لو يعرف الوجع الي فيا كان ما*ت من القهر!
قلبي كان بيتحر*ق من القهر كل مااعيد نفس المشهد الي اتكرر من ايام بس

حطيت طبق الفشار على جمب: انا الي هنام في اوضة الاطفال يامازن
قفلت التلفزيون ودخلت الاوضة وقفلت الباب
قعدت اعيط بصوت مكتوم
كنت نفسي حد يفهمني ويطبطب عليا ويواسيني!

في مكان تاني خالص في بيت متواضع كانت قاعدة ست كبيرة وهى ام هويدا وقدامها ليلى وجوزها

ابتسمت الست الكبيرة بطيبة: نورتوني والله
بس مكنتيش تعبتي نفسك يابنتي وانتي حامل كدة علشان تزوريني

ردت عليها ليلى: ولا يهمك ياخالتي انا كنت بس عايزة اقولك حاجة انا وايمن

سماح بهدوء: قولي يابنتي

اتكلمت ليلى بخبث: هويدا جاتلي امبارح وقالتلي انها عايزة تبات معايا
مفهمتش طبعا بس وافقت بعد ماشورت ايمن وخلتها تنام في اوضة الاطفال

حست سماح بقبضة في قلبها: وبعدين يابنتي ايه الي حصل

ليلى بتوتر: وبعدين ياخالتي صحيت في نص الليل لقيت ايمن وهويدا بيتكلموا في البلكونة قولت اسمعهم لقيتها بتقوله انها بتحبه وانها جاية هنا علشانه مش علشاني وهو زعقلها جامد وانا اتدخلت وطردتها
انا اسفة ياخالتي اني قولتلك حاجة زي دي بس لازم توقفيها عند حدها!

يتبع....