امرأة لا تقهر عزيزي..(مكتملة)

الجزء الخامس

وما الدُنيا إلا فناء ، وما نحنُ إلا عابرين ، وما الآخرةُ إلا بقاء فاجعلنا يا رب بجنتك مُخلدين.

بداية الفصل👇

كنت بجري زي المجنونة وطلبت عربية ووصلت المستشفى بسرعة

سألت عن اسمها والسكرتيرة ادتني رقم الاوضة

لقيت عم محمد هناك قاعد قلقان
جريت عليه : ايه ياعمو هى مالها ايه الي حصل؟؟

رد عم محمد بغُلب: مش عارف مش عارف
الدكاترة دخلوها العناية المركزة من نص ساعة تقريبا

عيطت كتير
كنت مرعو*بة ليحصلها حاجة
مليش في الدنيا غيرها
طبطب عليا عم محمد وقعدنا مستنين اي حد يجي يطمنا

في مكان تاني

رجع مازن من برا وخبط على الباب
محدش فتح ولا فيه رد
قعد ينادي لغاية مانزل للبواب

مازن بنفاذ صبر: فين هويدا يامدحت
رد عليه مدحت البواب: الست هويدا جريت علي برا عليىطول من شوية ملهمش كتار يامازن بيه

مازن: طيب يامدحت طيب

رن عليها بس كان موبايلها غير متاح
اتنهد بضيق ودخل

بعد فترة طلع دكتور من الاوضة وجريت عليه انا وعم محمد

قولتله بقلق: طمني يادكتور
هى كويسة قول علشان خاطري

عم محمد: قولنا يادكتور ريح قلبنا

الدكتور بابتسامة: متخافوش ياجماعة حالتها مستقرة دي كانت ازمة قلبية بسبب صدمة او ضغط نفسي،
هننقلها اوضة عادية دلوقتي

اطمنت شوية وابتسمت بامتنان

بعد شوية نقلوها لاوضة عادية واستأذنت الدكتور اني ادخلّها وهو وافق

كنت داخلة مبتسمة بس لقيتها ودت وشها الناحية التانية

قلبت الموضوع هزار: ايه ياست الناس كده تقلقيني عليكي؟
لحظات مرت من غير ماترد

قربت منها بخوف: فيه ايه ياماما؟

ردت عليا بوجع: انا مليش بنت من دلوقتي!
ابتسمت بعدم تصديق: يعني ايه؟
فيه ايه ياسمسم

سماح: هويدا انتي عارفة كويس
انا بنتي عمرها ماتبقى بالاخلاق دي ابدا!
انتي رخصـ*تي نفسك اوي
وخليتي راسي في الطيـ*ن انا وابوكي الي ما*ت لما تخلي واحدة تيجي تتكلم عنك كدة
انا مش هقدر اسمع كلمة ماما منك تاني ابدا!
امشي ياهويدا
امشي انا هعرف اعيش لوحدي عادي وهستودع ربنا فيكي

كانت دموعي بتنزل وانا مش فاهمة هي بتعمل معايا كدة ليه
انا عملتلها ايه
المفروض تطبطب عليا على الي شوفته
المفروض تواسيني وتقولي انا معاكي متخافيش مش الكلام دة!
انا قلبي اتكسـ*ر اوي

قومت وانا مش قادرة امشي وفتحت الباب وبصتلها بصة اخيرة وطلعت

وقف عم محمد بقلق: فيه ايه يابنتي هي كويسة؟
بتعيطي ليه

مسحت دموعي: والنبي ياعم محمد تخلي بالك منها وانا هديك كل الي انت عايزه

طلعت ٢٠٠جنية وحطتها في ايده بس قفل علي ايدي وبعدها عنه

عم محمد بابتسامة: متخافيش يابنتي روحي بيتك وانا هاخد بالي منها

انا عارفة ان عم محمد هياخد باله منها لانه كان بيعشق التراب الي بتمشي عليه وهي كالأتي

بس عمره مااعترفلها لغاية مااتجوزت ابويا وبعدت عنه ونسته علشان متكونش خا*ينة
حتي بعد ماابويا مات رفضت تتجوزه بعد مااتشجع وقالها لانها كانت عايشة علشاني بس..

خرجت من المستشفي بعد مامسحت دموعي وانا عارفة وجهتي التانية هتبقي فين!

يتبع✨🤌