امرأة لا تقهر عزيزي..(مكتملة)

الجزء السادس

قالَ قَد أُوتيتَ سؤلكَ يا مُوسي و لَقد مننّا عليكَ مرةً أُخرَى
أبشروا ❤

بداية الفصل👇

خبطت علي الباب وانا قلقانة بس كان الغـ*ل والكر*ه مُتملكيني

فتحلي الباب ايمن
مانا نسيت اقولكم اني رايحة ل ليلي

بصتله بغضب: فين ليلى؟
رد عليا بابتسامة دنيئة: مش هنا ويلا اتوكلي علي الله ياست

زقيته ب غل ودخلت الشقة وبعدها دخلت اوضة الصالون لقيتها معاها ضيوف

بصتلي بصدمة واضطرت تستأذن علشان ميحصلش فضيـ*حة

ليلى بهمس: ايه الي جابك يابت انتي هنا وانت ياايمن ازاي تدخل الاشكال دي هنا

عليت صوتي قاصدة الناس الي جوا تسمعنا: الاشكال الي مش عجباكي دي انضف منك انتي وجوزك
روحتي قولتي عليا ايه لامي
ماهي الحركات القذ*رة دي تيجوا منكم عادي

ليلى ب كره: عايزة تعرفي قولنا ايه؟
قولنا انك واحدة شما*ل وحاطة راس امك في الطين
حلو كدة؟
يلا امشي من هنا فارقينا

كانت بتحاول تزقني لكني نفضت ايدها عني: مش همشي

ايمن بغضب: يلا ياست لمي الليلة خليها تعدي علي خير

عليت صوتي اكتر وانا ببعد عنهم: مش هتعدي علي خير غير لما اعرف عملتوا فيا انا كدة ليه

ليلى بنفاذ صبر: عايزة تعرفي ليه؟؟؟
كنت مستنياها تكمل..

ليلى ب جنون: علشان دايما انتي احسن مني في كل حاجة ياهويدا
امك الي انا قولتلك عليها خدا*مة وبتشتغل في البيوت المرة الي فاتت احسن من امي ميت مرة الي كانت دايما رميا*ني عندكم دايما
حتي في الدراسة
كنتي بتجيبي اعلى درجة في كل المواد وانا دايما ببقى اقل منك لدرجة ان كل المدرسين يقولوا ليلى فاشلة عكس خالص صحبتها الي دايما معاها
انا بكر*هك ياهويدا
طول عمري
انا عمري مااعتبرتك اي حاجة غير عدو*تي
وهعمل اي حاجة علشان أأذيكي
اي حاجة

مسكت بطنها جامد وهي بتتألم ف جري عليها ايمن
ايمن: امشي بقي غوري من وشنا!

مشيت وانا مش عارفة اعمل ايه
انا بقيت دايما مش عارفه اعمل حاجة
انا بقيت عاجز*ة عن التفكير حتي!
كل الناس الي كنت بعتبرهم اقرب الناس ليا طلعت وحشة!

روحت شقتي لقيت مازن قاعد مستنيني: كنتي فين ياهانم
رديت عليه بتعب: عايز ايه يامازن

وقف ومسك معصمي: لما اسألك سؤال تردي بإيجابة مش بسؤال تاني

نفضت ايده عني: امي تعبت شوية

قعد مرة تانية بهدوء: الف سلامة عليها
طب انا عايز افاتحك في موضوع

بصتله بلامبالاة: مش قادرة دلوقتي
لكنه كان مُصر: دة موضوع مهم جدا ميستناش اي حاجة

قعدت علي الكنبة وانا عارفة هو هيقول ايه: بصراحة كدة انا هتجوز

ضحكت بهدوء: اه بعدين؟
مازن بقلق: بعدين ايه
انا هتجوز

رديت عليه ببرود: اقوم ازغرط يعني ولا افرشلكم الارض ورد واجبلكم اتنين لمون؟
عايز ايه

مازن: يعني انتي موافقة؟

ابتسمت: موافقة بس؟
دة انا هاجي معاك كمان
سيبني انام بقي

دخلت نمت وتاني يوم قالي علي المعاد الي هو في نفس اليوم بصراحة مكنتش مضايقة لاني كدة كدة مظبطة اموري

دخلت انا وهو وقعدت جمبه
اتكلم بابا العروسة: دي اختك يابني؟

مازن بهدوء: مراتي ياعمي الي حكتلك عنها

حسيت نظراته اتغيرت بس مهتمتش
دخلت علينا المحروسة بكوبايات الشربات وقعدت جمب باباها وهي مكسوفة
كتها نيلة في شكلها الصفرا دي

اتكلم مازن: طبعا زي مانت عارف ياعمي انا طالب ايد بنتك

قاطعت كلامه: وانا مش هقبل ب ضرة كانت مع جوزي الخا*ين واتنين كمان من ورا ابوها وامها!

يتبع