امرأة لا تقهر عزيزي..(مكتملة)

الجزء السابع

لا اله إلا انت سبحانك إني كُنت من الظالمين

بداية الفصل 👇

الكل بصلي بصدمة
بس ابتسمت بانتصار وانا شايفة الر*عب في عيون مازن وعيونها!

اتكلم باباها بغضب شديد: انتي بتقولي ايه يابت انتي
انتي داخلة بيتي وبتعيبي في بنتي!

فتحت موبايلي ووريتوا صور ليها مع مازن وهو حا*ضنها وماسك ايدها ونفس الكلام مع شابين تانيين

قولتله ببرود: والله ياعمي انا عملت الي عليا استأذنكم بقي

قبل ماامشي لقيت قلم منه علي وشي
مهتمتش وعدلت طرحتي وخدت الموبايل وشنطتي ومشيت
مستنتش مازن حتي

روحت البيت وقعدت علي الكنبة وانا مبسوطة
نسيت اقولكم

صديقي القديم الهكر الي قولتلكم عليه هكّر موبايلها وخد ارقام الشباب الي ماشية معاهم وقالهم علي كل حاجة وهما ساعدوه علشان يصوروها ويكشفوها قدام ابوها

اما بالنسبة ل مازن ف انا خليته يكتب الشقة باسمي ونص املاكه وسط الحاجات الي كنت بشتريها وكأنها ورقة وسط الورق الكتير الي كله حاجات ملهاش لازمة علشان يخلص من زني

اتصلت بالمحامي علشان ارفع قضية خلـ*ع علي مازن وهو قالي علي الخطوات الي هعملها في القسـ*م
انا كدة كدة مبقتش احبه ولا بقيت محتاجاه في اي حاجة
دخلت خدت دش ونمت

تاني يوم صحيت لقيته قاعد قدامي علي الكرسي مستنيني

مازن بغضب: ايه الي انتي هببتيه دة!!
رديت عليه ببرود: اسمها صباح الخير صباح النور كدة

رد بنفاذ صبر: صباح الز*فت علي دماغك
لو مروحتيش قولتي لابوها ان الصور دي متفبركة

قعدت على السرير وسألته بهدوء: هتعمل ايه؟
بصلي لثواني: هطلقك

ضحكت جامد:طلقني
انا اصلا عايزاك تطلقني بلا نيلة مش من قلة الرجالة يعني همسك فيك

ضر*بني بالقلم جامد لدرجة ان بوقي نز*ف : ورحمة ابويا وامي لو ما عملتي الي قولتلك عليه هخلي ليلتك سودا

بعدت عنه بخوف: دة الي انت فالح فيه
كدة بقيت راجل يعني لما تستقوى عليا
دة انت معندكش دم ولا تعرف ريحته حتى

مسك الكرسي وحدفه عليا بس جريت دخلت الحمام وقفلت بالمفتاح

غسلت وشي وكنت قاعدة خايفة
فاجأة لقيت الباب خبط ف راح فتح

طلعت راسي براحة من ورا الباب علشان اشوف ايه الي بيحصل لقيت راجل بيكلموا

فاجأة ملامحه اتغيرت وكأنه هيطلع ليزر من عينه
بعد ماالراجل مشي لقيته خبط علي الباب جامد

مازن بغضب: بترفعي عليا قضية خُلع ياهويدا
رديت عليه ببرود: وهرفع قضية عدم تعرض كمان لو ممشتش دلوقتي

مسكت عصاية كانت موجودة وفتحت الباب: لو قربت مني هضربك
ولو ضربتني انت هرفع عليك قضية وهتبقي مخلوع وكمان مجرم

بصلي بتركيز قبل مايقول: انتي طالق ياهويدا
طالق بالتلاتة

ضحكت بانتصار: شاطر ياحبيبي يلا خد شنطة هدومك واطلع برا

يتبع✨🤌