إبنه الفرعون (كامله)

الفصل الاخير

#ابنه_الفرعون
#الفصل_الاخير
_________________________________________

"بعد مرور ثلاث سنوات"

دخلت ناري مكتب سراج بهجوم وهي تصرخ:"انت يا بني ادم انت ، انت ازاي تيجي عندي في الجامعه و تخوف العيال و تقولهم لو حد قرب من خطيبتي و مراتي المستقبليه هقتله ، انت مجنون ولا اي."

ضحك سراج وقال بابتسامه:"كل دا كلام ، و مالك داخله كده ليه."

جذبت خصلات شعرها بعنف قائله:"ام انت بني ادم بارد صحيح ، انت عايز تشيلني ولا اي ؟."

اقترب منها سراج قائلا ببسمه صغيره:"بعد الشر عليكي يا جميل انت ، و بعدين انا غلط في اي ، مش دي الحقيقه انك خطيبتي و مراتي المستقبليه ان شاء الله."

ناري بحده:"خطيبتك بتاع اي هو انا لسه وافقت."

سراج ببسمه ثقه:"صحيح لسه موافقتيش بس هتوافقي بمذاجك غصب عنك هتجوزك ، هتجوزك يا بت نوسه."

امسكته من ملابسه بعنف قائله بحده:"مش هوافق و اللي عندك اعمله."

سراج وهو يدعي الحزن:"هو انا وحش للدرجادي عشان ترفضيني."

ناري بسخرية:"لا تصدق اتاثرت اوي ، شوف غيرها يا سراج."

ثم تركته بعنف فامسك كفها قائلا بتوسل:"ما توافقي يا سوسو و خلينا نتجوز بقي ، دا انا غلبان و مسكين ، اعطفي عليا بقي."

ناري بتهكم:"غلبان و مسكين مره واحده ، دا انت كده بتظلم نفسك و الله ، قال غلبان و مسكين قال."

"ثم خرجت من المكتب بخطوات غاضبه و ابتسم سراج بحب عليها عازما علي ما في باله"

سراج ببسمه:"مش هسيبك يا ناري لحد غيري انتي ليا و بس."

*******************

"كان مصطفي يقف امام جامعتها بسيارته ينتظرها بفارغ الصبر، لكن سريعا ابتسم بشده عندما رائها تخرج من باب الجامعه و تقترب منه "

روجي ببسمه:"مصطفي انت واقف هنا من امتي؟."

مصطفي ببسمه صغيره وهو يفتح لها باب السياره:"لسه جاي مفيش خمس دقايق بس."

"ساعدها علي الصعود الي السياره ثم استدار و صعد الي مكانه و تحرك بالسياره"

مصطفي بابتسامه:"قولت نتغدا مع بعض انهارده ، و متقلقيش كلمت باباكي و استاذنت منه و وافق عادي."

روجي:"تمام هتوديني فين بقي ؟."

مصطفي:"كالعاده المطعم اللي بتحبيه."

"بعد قليل وصلوا الي هذا المطعم ، ثم جلسوا في مكانهم المعتاد "

مصطفي:"انا قابلتك انهارده عشان كنت عايز اتكلم معاكي في موضوع كده يخصنا."

روجي بتساؤل:"و يا ترا اي هو ؟."

مصطفي:"عايز نقدم ميعاد الفرح."