إبنه الفرعون (كامله)

الفصل الخامس

#ابنة_الفرعون
#البارت_الخامس
______________________________________

اسيل بعد ان اخذت نفس عميق:"موافقه يا بابا."

عز:"المهم يكون قرارك واخداه باردتك."

ثم تحدث بحزن:"انا اسف يا بنتى كان المفروض افرضه واقول انا هحميكى،بس زى ما انت شايفه كده احنا ناس غلابه ومنقدرش نقف فى وش لوحده."

اسيل بحزن:"وانا عارفه،وانا مش زعلانه منك خالص بالعكس،حضرتك بتعمل كده عشان شايف ان دا فى مصلحتى وعشان حمايتى."

عز بهدوء:"الله يحفظك يا بنتى،بس عارفه رغم ان انا قعدت معاه شويه واول مره اشوفه بس حسيت انو هو دا اللى يناسبك وشكله محترم."

اسيل بابتسامه:"محترم بس دا قمر قمر."

عز بتساؤل:"بتقولى اى يا بنتى على صوتك."

اسيل:"بقول ربنا يخليك ليا يا بابا."

عز:"ويخليكى ليا يا بنتى."

*********************

فرعون:"ها اى قرارك يا حج."

عز:"بص يا بنى..."

.....:"استني يا والدى،سبنى الطالعه ديه بقا."

"نظر فرعون لهذا الصوت وجدها اسيل تقف وشرد بها قليلا ثم فاق من شروده وكانت ملامحه بارده،وكانت اسيل تنظر له ابتسامه بغباء."

اسيل فى سرها:"يخربيتك جمال امك يا شيخ، هو فى كده يا ناااااس،هههه صحابى هيتهبلو عليه اوى انا هتجوز القمر دا،على اساس بعنى انى مش قمر انا ملكه جمال."

عز:"فى اى يا بنتى؟."

اسيل بهدوء:"انا موافقه يا فرعون اتجوزك بس بشروط."

عز:"اسيل..."

فرعون:"استني يا عمى."

ثم نظر لاسيل ببرود:"و باترا اى شروطك؟؟."

اسيل:"احم اسم يا معلم اسمع يا سيدى احم احم احم."

عز:"ما تتكلمى يا بنتى على طول هو انتى هتغنى ولا اى."

"كان الجميع يحاول كبت ضحكاتهم بصعوبه."

اسيل:"ماشى يا والدى،بص بقا اولا كده انا عايزه فرح لا واى مش اى فرح،فرح الناس كلها تبقا معزومه فيه يفضلو يحكو عنه سنين عمرهم كله،ثانيا انا هكمل تعليمى،واه متنساش تعزم سى زفت اللى خاطفنى دا عشان يتهقر، عشان بعد كده يقول صغيرتى تانى."

فرعون ببرود:"ها خلصتى ولا لسه؟."

اسيل:"اى نعم."

فرعون بهدوء:"طب انا موافق على كله دا، بس انا كمان ليا شروطى."

اسيل بتساؤل:"واى هى بقا."

فرعون يتحدث :"اولا مش عايز دوشه وصداع فى البيت لانى بحب الهدوء جدا،ثانيا تسمعى الكلام وتنفذى كلامى من نقاش وكلام كتير."

اسيل:"لا لا انت بتحلم،لان الحاجات ديه بتجرى فى دمى،ازاى هعيش كده زى التمثال يعنى."

فرعون ببرود:"بالضبط كده والا مفيش فرح ولا تعليم."

اسيل باستسلام:"خلاص امرى لله،حاضر يا سى فرعون،بس خليك فاكر انك كده بتكبت حريتى ، ودا اكبر غلط على فكره."

فرعون لعز:"طيب كل تجهيزات الفرح هتخلص خلال يومين بالضبط،وخلال اليومين دول مش عايزاها تخرج الا لما اعرف،عشان اكون مجهز ليها حمايه."

عز:"حاضر يا بنى."

اسيل بغيظ:"شوف الراجل ولا اكنى بتكلم خالص،هوا انا قاعد يعنى ولا اى."

مصطفى بهمس لاسيل:"معلش بقا شكلك هتعانى كتير اوى مع فرعون."

اسيل بابتسامه:"مين القمر بقا."

مصطفى بضحك:"هو لو سمعك مش عارف ممكن يعمل اى."

اسيل بغرور:"هيعمل اى يعنى؟."

مصطفى:"هيعلقك على باب البيت بس."

اسيل:"طب انت اسمك اى؟."

مصطفى:"انا اسمى مصطفى صاحب فرعون وبشتغل معاه من زمان اوى."

اسيل بدهشه:"يااااه،طب والقمر التانى اللى هناك دا اسمه اى؟."

مصطفى:"دا اسمه سراج صاحبنا برضو وبيشتغل معانا من زمان برضو،بس نصيحه متجيش جنبو."

اسيل بتعجب:"ليه ماجيش جنبه هو بيعض."

مصطفى بضحك:"لا بس دمه بيلطش شويه."

سراج:"بتقول اى يا مصطفى."

اسيل باشمئزاز:"بيقول ان دمك بيلطش."

مصطفى بدهشه:"يا بنت ال..،انا غلطان انى قولتلك على حاجه."

سراج بغيظ:"
اانا دمى يلطش يا مصطفى ماااشى،بس بعد كده مش هقولك تعالى اظبطك."

اسيل بفضول:"بتظبطه يعنى اى ها ها."

مصطفى بضيق:"يا شيخ اتنيل،سيبك منه يا اسيل عشان دا قليل الادب."

اسيل بحده:"على نفسه مش عليا،يفكر بس يعمل حاجه وانا اسففه تراب الاسفلت."

مصطفى بضحك:"ايوه بقا جت اللى هتربيك يا سراج."

"كان ينظر سراج لاسيل بغيظ بينما هى كانت تنظر له بابتسامه صغراء وتطلع لسانه مثل الاطفال"

"بعد يومين بالضبط جاء موعد زفاف اسيل وفرعون،فكانت اسيل سعيده بشده كسعاده الاطفال،وبالفعل فقد عزمت كل الاشخاص اللى تعرفها والتى لا تعرفها كما دعت جميع زملائها بالمدرسه،وكانت ترقص معهم مثل الصبيه"

"وكان ينظر لها مبتسما باتساع على هذه الفتاه التى احتلت عقله وقلبه منذ لقائها الاول"

اسيل:"انت يا راجل يا بتاع الدى جى شغل نمبر وان يلا،وعندما اشتغلت الاغنيه،يلااااااااا."

"اخذت ترقص بفرحه مع البنات وعندما رائها فرعون هكذا ولاول مره من زمن بعيد ضحك بشده"

....:"الف مبروك يا صغيرتى."

............