إبنه الفرعون (كامله)

الفصل ١٢

#ابنة_الفرعون
#الفصل_١٢

على الجهه الاخرى قالت اسيل:"رحيم هتجيى امتى."

رحيم بقلق شديد:"انتى فين يا اسيل وبتتكلمى ازاى."

اسيل بسرعه:"أنا سرقت التليفون واحد من الحرس عشان اكلمك تعالا بسرعه يا رحيم،انا هقفل دلوقتى."

أغلقت الهاتف وقال فرعون:"اعمل اللازم يا سراج بسرعه."

"خرج سراج وعاد بعد عشر دقائق"

سراج بسرعه:"عرفت مكانهم فين يا فرعون."

"تحرك فرعون إلى هذا المكان ومعه سراج والحرس"

"على الجانب الآخر كان يجلس الجوكر وهو يشعر بسعاده شديده لانه صغيرته معه الان،سمع صوت طلقات نار فى الخارج علم أن الفرعون جاء،فجلس ببرود ودخل فرعون ووجهه غاضب ومستعد أن يقتله"

الفرعون بغضب:"اسيل فين يا جوكر،بنت الفرعون فين."

الجوكر ببرود:"بنت الفرعون،عموما مفيش حد هنا بالاسم دا ولو مش مصدق فتشنى.

تحرك نحوه وامسكه من رقبته وقال:"لاخر مره هقولك اسيل فين والا هموتك دلوقتى."

الجوكر ببرود:"مش معقول هتقتل ابن عمك اللى من دمك تؤتؤ،طب اسيل لو عرفت هتعيش معاك فكر يا فرعون."

تركه وجلب السلاح ووضعه أمام راسه وقال بغضب:"
متجبش سيره بنت الفرعون على لسانك القذر دا."

اسيل بفرحه:'رحيم."

"نظر فرعون فى الاعلى وجد اسيل تنظر له بفرحه فشعر براحه شديده بداخله لرايتها"

الجوكر بخبث:"رحيم الله دا الموضوع زى ما انا مفكر بقى.

"لم ينتبه له فرعون وكان ينظر لاسيل بابتسامه ويراقبها وهى تنزل وتتجه نحوه،انتهز الجوكر الفرصه وابتعد عن فرعون واقترب من اسيل"

الجوكر:"لا يا فرعون اسيل بتاعتى أنا."

تحولت ابتسامته لنظره مرعبه وقال:"انت بتلعب فى عداد عمرك يا جوكر."

الجوكر بابتسامه :"مش مشكله بدال عشان اسيل معنديش مشكله خالص."

كاد يقترب الفرعون ولكن تحدثت اسيل وقالت:"
لااااا استنى يا فرعون عايزه المشهد اكشن،وانت الجوكر الكلب طلع المسدس وحطه جنب دماغى وهدده بيا يلا."

نظروا لها بصدمه وقال فرعون بغضب:"اسيل."

اسيل بغضب:"عايزه المشهد اكشن يا فرعون وانت يا كلب نفذ اللى قولتلك عليه يلاااااااا."

"شهقت عندما رأت الجوكر يقع أمامها فاطلق سراج طلقه ناريه عليه فى كتفه،اقترب فرعون من اسيل وامسك يديها واتجه نحو الخارج.

الجوكر بالم وصراخ:"مش هسيبك يا فرعون وافتكر كلامى دا كويس اوى اسيل بتاعتى يا فرعون صغيرتى بتاعتى أنا."

وقفت اسيل ونظر لها فرعون برفع حاجب فقالت:"حاسب بقى كده يا كبير عشان اعلم على الكلب اللى هناك."

"تركها وهو متعجب وهى تقدمت نحو الجوكر الذى كان يبتسم لها ولكنه صرخ بالم عندما ضربته اسيل على جرحه"

اسيل بغضب وهى تضربه :"قولتلك ميت مره متقوليش صغيرتى دى تانى يا فار المجارى انت."

"ابصقت عليه وتوجههت نحو فرعون الذى كان ينظر بابتسامه فخر وبادلته الابتسامه ووضعت يديها فى يديه وأخذها وخرج من هذا المكان"

"عندما عادت اسيل إلى المنزل ركضت نحوها الداده بفرحه واحتضنتها"

الداده بقلق وهى تتفحصها:"عملك حاجه يا اسيل.

اسيل بابتسامه حنونه:"لا معملش حاجه يا داده متخفيش اوى كده أنا زي القرده قدامك اهو."

سراج بسخريه:"هو انتى حد يعرف يعملك حاجه دا انتى كنتى كلتيه."

اسيل بغيظ له:"قصدك اى يا بوز الأخص انت ها.

سراج بذهول:"أنا يتقالى بوز الأخص أنا."

اسيل:"ايوه انت يا ابو دم يلطش."

"ضحك مصطفى والداده واكتفى رحيم بابتسامه"

سراج:"شايف يا فرعون."

رحيم ببرود:"ما انت اللى ابتديت استحمل بقى."

اسيل بمرح:"يا راجل اخيرا وقفت فى صفى مره."

"هز رأسه بياس منها ثم تركهم وصعد إلى غرفته"

الداده بابتسامه:"تعالى اعملك حاجه تاكليها اكيد زمانك جعانه.

مصطفى:"طب وانا يا داده."

الداده:"تعالا انت كمان."

اسيل:"ايوه ونسيب ابو دم يلطش لوحده هنا جعان هههه."

سراج بغيظ:"بت انتى...."

اسيل بمقاطعه:"بت لما تبتك يا عم القمور."

"ضحكوا الجميع عليهم وتركوا سراج بمفرده"

سراج وهو يسير وراءهم:"طب استنو أنا كمان جعان."

اسيل وهى تدخل الغرفه:"جامدين ومفيش الا احنا جامدين جامدين حلوين ومفيش الا احنا حلوين حلو...."

"توقفت عن الغناء عندما رأت الغرفه مظلمه تماما وسمعت صوت شهقات اقتربت من الصوت وهى متعجبه"

اسيل بصدمه:"رحيم..."

..............