إبنه الفرعون (كامله)

الفصل السادس

#ابنة_الفرعون
#البارت_السادس

....:"الف مبروك يا صغيرتى."

اسيل بدهشه:"الصوت دا انا عرفاه كويس،و التفت لهذا الشخص وجدته الجوكر يبتسم لها، اهلا انت جيت."

الجوكر بابتسامه:"اومال مش لازم احضر فرح صغيرتى."

ثم تحدث بحزن:"مع ان ملحقتش اقعد معاكى لاقيتك اتجوزتى بسرعه اوى كده ومن مين."

ثم تحدث بسخريه:"من فرعون اتجوزتى من فرعون."

ثم تحدث بغضب:"لا برافو ملقيتيش غير فرعون اللى تتجوزيه،بس لعلمك مهما حصل انتى بتاعتى بتاعت الجوكر فاهمه."

"وجد مصطفى الجوكر يقف مع اسيل فسار نحو الغرعون"

مصطفى بقلق:"يا فرعون الحق الجوكر واقف مع اسيل وكمان عمال...."

الفرعون بابتسامه ثقه:"متقلقش اسيل هتعرف ترد عليه وزياده دى متخفش عليها دى تخاف منها،اتفرج اتفرج."

"نظر له مصطفى بصدمه وذهول"

اسيل ببرود:"نانانا انت بترغى كتير لى انا مش عارفه،ثم تحدثت بشر،بس اسمع بقا اياك ثم اياك تقولى صغيرتى دى تانى عشان لو بس سمعتك قولتها تانى لهخلى اكبر حته فيك ااااد كده،واه انا اتجوزت فرعون لان هو محترم،ثم تحدثت بابتسامه،محترم بس دا مز مز،وانا مش بتاعتك ولا بتاعت حد انت فاهم يا اخ كخه انت."

الجوكر باستفزاز:"يعجبنى فيكى انك شرسه ودا اللى مخلينى انجذب ليكى اكتر،بس صدقينى انتى لو سبتى فرعون وجيتى عيشتى معايا هخليكى ملكه كل اللى تطلبيه هتلاقيه قدامك ومش هتأخر عن اى حاجه تحتجيها."

اسيل:"يا بجحتك يا اخى جاى فى فرحى وعايزنى اسيب عريسى القمر دا ابو عضلات وعيون ملونه واجى معاك انت اى نعم انت قمر برضو بس لااااااا هو احلى منك بمراحل،و اتفضل بقا غورررررر من الفرح عكرت مزاجى يا اخى."

"وبعد ان انتهت من حديثها سارت من امامه ولا تعطيه فرصه لكى يرد عليها بينما كان فرعون واقف بمسافه بينهم ليست بعيده ولكن عرف ما دار بينهم من حركه شفايهم واعجب بكلام اسيل، نظر له الجوكر بغيظ وهو بادله ابتسامه ببرود"

"ثوانى وخرج الجوكر بغضب وورائه رجاله،ثم بحث بعينه عن اسيل وجدها ترقص كالعاده مع صديقتها فابتسم تلقائى عليها،ووجدها متوجهه نحوه ثم امسكت بيديه وسارت نحو ساحه الرقص،ليرقصوا على اغنيه(يا حبيبى لمحمد رمضان)،فكانت هى تمثل مع هذه الاغنيه بحركاتها المضحه"

"وبعد ذلك ظلت تغنى مع اصدقائها البنات على اغنيه(لينا رقصه لكارمن سليمان)،كان ينظر لها بابتسامه حب مما زاد من وسامته فلاحظت اسيل هذه الابتسامه فظلت تغنى مع الاغنيه وهى تنظر له كأنها تغنيها له وهو يبتسم لها"

"بعد انتهاء الزفاف ودعت اسيل اهلها بدموع بشكل مضحك فكان فرعون يحاول كبت ضحكوته على هذه المجنونه التى احتلت قلبه وعقله منذ اللقاء الاول لهما،ثم كان متجهين نحو البيت فاستغرب فرعون من حاله السكون فنظر بجانبه وجدها فى سبات نوم عميق فهذا من تعب اليوم الطويل،وعندما وصلوا الى البيت حملها برفق وصعد الى الغرفه التى خصصها لها ووضعها على الفراش بهدوء ثم نظر لها فكانت كالطفل النائم وابتسم لها بحب ثم خرج من الغرفه واتجه نحو غرفته ليرتاح قليلا هو الاخر"

"فى اليوم التالى فى الصباح استيقظ فرعون بانزعاج بسبب صوت عالى يأتى من خارج غرفته فقام وخرج لكى يعرف ما مصدر ذلك الصوت فوجده صوت اغانى وكانت تأتى من غرفه اسيل دخل الى غرفتها وجدها تقف على الفراش وتندندن مع هذه الاغانى"

اسيل:"انا لسه ثابت متهزتش من اللى خانو طلقه دى صابت اى عدو تلف كيانه صاحبه مصالح وقت الفرك لازم يبانو سلم سلاحى واى كلب هقطع لسانه،بنت الجيران شعلانى انا عينى ولا فى المكان فى خلق حواليا سيبى شبابك مفتوح ليه لى تقغليه بهواياااااا انتى قاعده معايا."

فرعون بصوت عالى:"اى دا يا اسيل."

اسيل مكمله:"عنيكى ليا ليا مرايا يا جمال مرايه العين خليكى لو هتشمى اناديكى انتى ليا انا ليكى."

فرعون بتحذير:"اسيل."

اسيل:"مع السلامه للى عايز يمشى واللى بيغور ميرجعش بدال جعدتنى معاكو مبتنفعشى فى داهيه اى حد ميقدرش،وعادى وعادى وعادى كل اللى راح عادى كل اللى جاى عادى كل اللى راح عادى،مالك بس يا فرعون يا ماما انت هتتحول ولا اى."

"فكان ينظر لها بغضب شديد ويقترب منها وهى ترجع الى الوراء"

اسيل بضحكه:"الله مالك بس يا اخ فرعون انا كنت بفررش عنى نفسى شويه الله مش عروسه وبفرح نفسى،يا جدع بدال ما تيجى وتدخل معايا فى الرقص،فعلا الزوج النكدى مش رزق."

فرعون بغضب:"بسسسسسسسسس اى راديو فتح فى وشى اى مش تتعبى من الرغى، و تعالى هنا انتى مكفكيش الرقص والاغانى بتاعت امبارح ها،وكنتى عماله ترقص زى الولاد."

اسيل بمرح:"بس اى عجبتك صح، عارفه عارفه انى رقصى حلو وكده،وانت اكيد هتيجى تقولى تعالى علمينى الرقص عشان تبقا فى مستوايااااا يا....."

فرعون:"بس بس بطلى كلام شويخ اى رغى رغى."

اسيل بذهول:"انت بتعلى صوتك عليا وبتزعقلى ، ثم اكملت بمرح مره اخرى،دى هتبقا مدبحه يا شقيق."

"كان ينظر لها بصدمه وتحسر على نفسه وعلى قراره الذى اتخذه بغبائه عندما فكر فى دخول هذه الفتاه او الكارثه فى حياته"

........