إبنه الفرعون (كامله)

الفصل التاسع

#ابنة_الفرعون
#البارت_التاسع

فرعون:"اسيل يلا عشان هنمشى."

اسيل باستغراب:"نمشى دلوقتى ليه."

فرعون:"المكان خلاص اخره الساعه ديه لازم نمشى دلوقتى."

اسيل:"طب انا عايزه اقعد مع بابا وماما."

فرعون:"خليها فى وقت تانى وانا هبعت مصطفى معاهم يوصلهم لحد البيت."

عز بهدوء:"لا يا بنى احنا هنروح لوحدنا."

فرعون:"معلش يا عمى عشان اكون مطمن عليكم."

عز:"ماشى يا بنى."

"امسك يد اسيل وسار بها نحو الخارج"

اسيل بابتسامه:"فرعون بجد انهارده كان يوم جميل اوى خصوصا المفاجاه."

فرعون وهو ينظر حوله:"طب اجلى الكلام دا لبعدين دلوقتى."

اسيل مكمله:"لا وكمان اللاب توب كانن مفاجتى الاكبر ولا لما عرفت انى طلعت الاوله على الجمهوريه طب براحه طيب مستعجل كده ليه."

"شهقت عندما وجدت فرعون يحملها بين ذراعيه فلفت يديها حول رقبته وابتسمت"

اسيل وهى تنظر لعينيه:"يخربيتك جمال عينيك دى حقيقيه ديه ولا لاسنز يا فرعون ها ها."

فرعون:"اسيل اسكتى دلوقتى."

اسيل:"لا بجد جميله اوى خصوصا انك اسمرانى شويه مع عيون زرقه حاجه اخر قمر يعنى."

"وصل الى السياره ووضعها وركب هو فى مكانه وادار السياره وهو يراقب الطريق،صاحت اغنيه اشغلتها اسيل وظلت تغنى معها وتنظر لفرعون"

اسيل:"خطوه خطوه يا صاحب الخطوه خطوه امشيلى او خطوه دا انت على القلب ليك خطوه نظره مبتطلبش غير نظره وانت فاهم وليك نظره شوف حالى شوف ايه اللى جرالى حبيت وبصمت بالعشره."

جلب هاتفه واتصل على سراج:"الو يا سراج دا ماشى ورانا خلى بالك."

سراج بجديه:"متقلقش واخد بالى كويس،بس اى الصوت اللى عندك دا."

فرعون وهو ينظر لاسيل التى مندمجه مع الاغنيه:"هيكون مين يعنى المصيبه اللى دخلتها حياتى."

اسيل بغضب:"انا مصيبه يا فرعون ماااشى ببكره تيجى تقول فين ايامك يا اسيل،وانت يا خاين العشره فى البعد عشره على عشره."

فرعون بخبث وهو يستعد:"اسيل اربطى الحزام كويس."

اسيل بفرحه:"هيييه فيلم اكشن بقى وكده،."

نظر لها بحده فقالت بتراجع :"خلاص هربط اهو."

"ركض فرعون بسيارته وورائه سراج من السياره التى تتبعهم وهى بالطبع سياره الجوكر،ظلت اسيل تغنى مع الاغانى وتسقف فكان مثل المشهد الاكشن والكوميدى"