=ياكارلا أقفلي الشبابيك...
ياسوزن...
ايه النور ده كله هو أنا نايمة في الشااارع أيـ...
أيه ده؟
أنا نايمة في الشارع فعلًا...
هو حصل أيه أنا أيه اللي جبني هنا...
"ببص جنبي بلاقي دراكو متكوم على نفسه ونايم"
=هو أنا...عملت أيه امبارح...
قتلتتتته قتللللتتتتهههه
"دراكو بيقوم من النوم مفزوع مش عارف هو فين ولا مين أساسًا"
دراكو:أيه في أيه؟
مين قتل مين كراب قتل جويل أخيرًا ولا أيه؟
=غرف الولاد مرعبة...
دراكو:لورا! انتي ايه اللي جابك سليذرين؟
=والله يابني احنا مش في هوجوورتس نفسها سليذرين أيه بس
دراكو:آه صح ماحنا رجعنا متأخر فقولت ننام برا احسن لنا بدل مانطرد من المدرسة بفضيحة
=وجهة نظر...
بس من ناحية الفضيحة...
فأنا متأكدة إن هافلباف مقلوب من امبارح...
دراكو:احنا محتاجين نرجع المدرسة من غير ماحد ياخد باله...
=مقشتك وورايا هندخل من برج
دراكو:برج ايه؟
=أكيد مش برج البوم يعني هندخل من برج الفلك
دراكو:أهو ده اللي كنت خاااايف مناااااااااه
عايزة تدخلينا هوجوورتس في عز النهار كده والمدرسة كلها صاحية واحنا طايرين على مقاشات ودخلين من برج الفلك
ده طرد بفضيحة بجلاجل وشخليل
=جلـ...
جبتها منين دي؟
دراكو:ايه ده...
لا مش عارف
=طب هنعمل ايه دلوقتي مافيش حل غير ده
ماهو احنا ماينفعش نيجي من ناحية الغابة المحرمة دلوقتي أصلًا لو مدرس لمحنا هيعلقنا على باب المدرسة عبرة للي رايح واللي جاي
ده غير طبعًا أبوك اللي هيجي ينفخك وينفخني ويطلعني سحرالك وبانسي اللي هتقتلني وأنا نايمة عادية جدًا و...
ليه الواحد عشان يبقى على علاقة بيك محتاج يمر بكل ده...
ويت...
في طريقة فعلًا عشان نعرف ندخل من غير ماحد يشوفنا...
دراكو:يارب ماتكون اللي في بالي
...
سيدريك:يعني اختفت يعني؟
اتبخرت؟
جاك:احنا كده لازم نبلغ بروفيسور دمبلدور
سوزن:طب ماهي ممكن تكون مع دراكو
"كلهم بيدوروا براحة لسوزن"
نيكولا:ساعات بحس إنها ملبوسة بروح شبح
"بخرجلهم من عنبر البنات وانا بلف الكوفية"
=مين ملبوس؟
كارلا:بحق لحية مااااارلين
باتريك:هو...
هو مش انتوا قولتوا انها مش...
مش فوق
سوزن:الـ...المفروض...
سيدريك:أنجري قدامي يالوريانا يابنت الكسندرا
=براحة هفهمك
سيدريك:أنجري قدااااامي أنجري
=استرها يااااااارب...
يتبع...
أنت تقرأ
هوجوورتس الثانوية المشتركة 2
Short Storyهذه الأحداث من وحي خيالي ولا علاقة لها بالواقع ببصلة، وأي تشابه بينها وبين الواقع مقصود 🧙♀️ بعض الأحداث والشخصيات تعود حقوق ملكيتهم للكاتبة جي كي رولينج كاتبة سلسلة روايات هاري بوتر... 1/1/2022 🧹9/8/2023
