كارلا:وراحت متكيالي على السين وقالتلي مع السلامة ياحبيبتي بس أنا ماسكتلهاش
إيڨا:عملتي أيه؟
كارلا:أتكيت على دماغها
هيلي:يعني أيه؟
نيكولا:داست على دماغها
حرفيًا...
وقعتها في الأرض ونزلت فوقيها ضرب ويهديكي يرضيكي ومرات عمك وماينفعش وهي على كلمة واحدة مافيش غيرها
مش هقوم غير وشعرها في أيدي بنت السلعوة دي
سامويل:أنا خايف...
كارلا:بس هي اللي تستاهل
دي ست حربؤة
هيلي:أنا كنت فاكرة إن دي حاجات لورا اللي تعملها مش كارلا...
سوزن:أنتي ماشوفتيهاش من سنتين وهي نافخة مرات خالها!!
هيلي:ضربتها هي كمان؟
سوزن:لا نفختها بجد وطيرتها زي المنطاد وحالفة ماهي منزلاها غير لما تقولها حقك عليا أنا غلطانة
چاك:ليه هي كانت عملت أيه؟
سوزن:قالت على البان كيك شوكلاته بتاع كارلا إن طعمه زي الكارتون المتغرق بالطين...
سامويل:أومال أنا لو زعلتها في يوم هتعمل فيا أيه...
نيكولا:بتقول حاجة؟
سامويل:ولا أتنفست...أنا شجرة...
"دراكو بيدخل المستشفى بيلاقيهم قاعدين زي عوايدهم حوالين لورا وكل واحد معاه تسالي"
دراكو:حاسس المستشفى بقت حديقة عامة سيكا...
هي مدام بومفري سيباكم هنا كده إزاي؟
كارلا:شفقة على حالنا وحال لوريانا
سوزن:عشان ماتصحاش تلاقي نفسها لوحدها
چاك:أنا اللي مش عارف سيباك تدخل هنا بصفتك أيه
دراكو:لما المستشفى تبقى قسم محظور هبقى أقولك
سوزن:چاك...
چاك:ده سؤال بريء
=البهايم اللي صوتهم جايب من الغرفة العامة لأوضتي يكتموا شوية
أنا لو نايمة في الشارع مش هيبقى في كل الدوشة دي بجد...
أنت تقرأ
هوجوورتس الثانوية المشتركة 2
Short Storyهذه الأحداث من وحي خيالي ولا علاقة لها بالواقع ببصلة، وأي تشابه بينها وبين الواقع مقصود 🧙♀️ بعض الأحداث والشخصيات تعود حقوق ملكيتهم للكاتبة جي كي رولينج كاتبة سلسلة روايات هاري بوتر... 1/1/2022 🧹9/8/2023
